LXXVII« HYSTOIRE

Comment le duc de Normendie s'en vint de rechief en Haynault et se loga eus es prés de Main.

Après que Gérard de Werchin eult fait celle escarmuche en l'ost des Franchois par contrevenge comme dessus nous avons dit et que ce vint au matin, le duc de Normandie commanda qu'on se deslogast et que l'ost s'en alast tout ardant et gastant le pays logier es près de Main dalez Fontenelle et près de Valenchiennes. Et en venant ardirent Curgies, Presel, Sautain, Ausnois, Famars et Beauvoir, et vinrent les coureurs jusques à Valenchiennes, et eussent bruUës et pilliës les fourbourcs s'on ne fust aie au devant.

Et estoit adont en Valenchiennes de par le roy d'Engleterre le conte de Wervic et le conte de Norenton qui séjournèrent à Valenchiennes et qui moult volentiers fussent yssus hors pour jouster aux Franchois s'on leur laissast faire saillye ; mais monseigneur Henry d'Antoing gardoit celle journée les bailles de la porte Cambrisienne au lez devers les François. Sy ne laissoit nuUuy hors. Et le séneschal de Haynault gardoit les bailles de la porte Cardon, dont aucuns de la ville se tenoient mal payet. Et la matinée on sonna le bancque-clocque de la ville ; et adont comraencha la ville à yssir hors. Et quant les Franchois oyrent la clocque bondir et hault sonner, qui bien sçavoient que c'estoit pour l'yssue de la ville, ils se doubtèrent et eurent conseil qu'ils se deslogeroient. Et se deslogèrent moult en haste et tourssèrent et en alèrent le chemin vers Cambray. Sy laissèrent assez de leur harnas de haste qu'ils

avoient ; car la ville de Valenchiennes yssi hors vistement à cens et à milliers et à banières desployes, qui les cuidoient encore trouver. Et non pour quant y fut tués messire Jehan Quiérais sur le pont à Maing, et puis retournèrent ceulx de Valenchiennes.

LXXVIIIe HYSTOIRE.

Comment le duc de Normendie eult le chastel d'Escaudoevre dalez Carabray par trayson.

Quant le duc de Normendie et son ost furent deslogiés des près de Maing sy comme vous avez oy, luy et ses gens chevauchèrent et tirèrent tout le chemin de Cambray et trouvèrent en leur voye ung bon chastel et fort et bien séant qui estoit au conte Guillame de Haynault, et l'appel loiton le chastel d'Escaudoevre. Sy le gardoit et en estoit chastelain monseigneur Gérard de Trazegnies \ et avoit avoec luy XXIIII compaignons, et estoient bien garnis.

Le duc de Normendie qui estoit fils au roy Philippe de France, assiéga le dit chastel et l'assally par plusqurs fois à peu de conquest, car le chastel estoit fort, et ceulx de dedens se defFendoient bien. Le duc y fist dreschier des engiens et jetter pluseurs pierres qui peu y grevoient. Et quant le duc y eult une espasse tenu siège, il manda au chastelain qu'il voloit à luy parlementer. Sy y ala le chastelain, et parlementèrent ensamble par pluseurs fois, et tant fist le duc au chastelain qu'il lui vendit le chastel,

* Les autres chroniqueurs contemporains disent : Gérard de Sassegnies.

RÉCITS. i79

et luy fut livres hors mis les pourvéancés et les meubles du ehastel, lesqueles pourvëances et meubles furent menés à Cambray en garde pour le conte de Haynault qui n'estoit mye à ce jour en Haynault.

Et fut cette vendition et détration faite la nuit de Pentecouste l'an de grâce rail IIP et XL. Et adont vindrent ceulx de Cambray qui l'abatirent et ardirent, et emmenèrent les pierres et les gros mairiens dedens Cambray.

Et quant monseigneur Gérard de Trazegnies eult rechupt l'or et l'argent dudit ehastel du duc de Normendie et que ledit Gérard se fut party du ehastel et tourna son chemin par devers Cambray, ses compaigiions mesmes le prinrent par force luy et ses II escuiers Colart de Noefville et Jehan de Carniers, et sy les loyèrent bien de cordes et les emmenèrent au ehastel à Mons en Haynault où monseigneur Jehan de Haynault estoit. Et pour ce que le conte Guillarae de Haynault n'estoit pas au pays, sy en fît monseigneur Jehan de Haynault la justice au lieu du conte. Sy eult monseigneur Gérard la teste coppée, et rais sur une roe et esroés corame traytre ; et ses II escuiers devant nommés eurent les testes coppées à Mons pour ce qu'ils avoient esté compUces en la trayson.