LXXIX« HYSTOIRE

Comment Philippe de Valois roy de France vint mettre le siège devant le ehastel de Thun-l'Evesque.

Et tantost après que monseigneur Gérard de Trazegnies chastelain d'Escaudoevre fut mis à mort pour la trayson et vendition qu'il avoit faite, le i^Dy de France se party d'Aras

et "vint mettre et tenir son siège devant Tun-l'Évesque, que monseigneur Richart de Lymosin gardoit pour monseigneur de Mausny, car bien sçavoit le roy de France pour quele chose on parlementoit et à quoy le conte de Haynault tendoit.

Sy fist le roy dreschier ses engiens devant celuy chastel et y fist jetter moult souvent. Et fut le chastel moult deffroissiés, et souffry moult monseigneur Richart de meschief, mais il estoit bon chevalier et hardy. Et affoiblioient ses gens de navrer et de l'assemence ; et moult estoit le chastel despiéchiës en pluseurs lieux. Et sy avoit monseigneur Richart mandé au conte de Haynault par pluseurs fois secours, et encore l'attendoit-il.

Le conte de Haynault et pluseurs seigneurs et aultres barons, et ossy Jaques d'Artevelle capitaine des Flamens, assamblèrent grant plenté de gens bien armés, et estoient bien LX mille à pied sans ceulx à cheval. Et ossy le duc de Brabant à tout bien IIII" mille, que à pied, que à cheval. Et alèrent vers le dit chastel de Thun pour secourir le dit monseigneur Richart et pour combatre les Franchois ; mais ils ne peurent pour les rivières qui estoient entre deux. Et sy mandèrent ceulx de Valenchiennes quy y vinrent moult en haste en ung jour, et arivèrent ainsy que à basses vespres ; mais tout ossy tost qu'ils furent venus et qu'ils eurent but une fois sans eulx reposer, on fist aller les archiers et arbalestriers et ceulx de pied traire et paleter aux Franchois pour eulx ensonnyer tant que monseigneur Richart et ses compaignons furent hors du chastel par une fausse posterne, et puis se retraysrent, car il anuyty. Et lendemain au matin on renvoia ceulx de Valenchiennes. Et ossy tous les princes et aultres se retraysrent à Valenchiennes la nuit Saint- Jehan-Baptiste, -