LXXX« HYSTOIRE
La bataille que le roy Édouart d'Engleterre [eult] à Barbevaire.
En ce jour raesraes, dont dessus est dit, le roy d'Engleterre estoit en mer à toute sa navie. Et ainsy qu'il cuidoit venir et ariver en Flandres, entre l'Escluse et le Blanche- Berge, il leur vint au-devant Barbevaire, qui se disoit au roy de France, ung robeur, piratte et escumeur de raer, à tout grans gens, et gardoit le passage de par le roy de France que le roy d'Engleterre ne passast ; et coururent sus l'un à l'autre moult mervilleusement, et y eult moult de mors d'un costé et d'aultre, et enfin fut Barbevaire desconfit, et s'enfuy et grant plenté de ses gens, et y eult Barbevaire mors de ses gens bien XXV mille et plus, sans ceulx de la partye des Englecqs, et fut la nuit Saint-Jehan-Baptiste l'an mil CGC et XL.
LXXXIe HYSTOIRE.
Comment le roy de France vint devant Tournay pour conforter la ville contre les Englecqs.
Quant le roy Philippe de France sceult que le roy Édouart d'Engleterre et ses gens avoient desconfît et vaincqu Barbevaire et les siens, et qu'il estoit descendus en Flandres à tout ses gens d'armes, il en fut moult courchiés. Sy avoit volenté de venir vers Valenchiennes. Sy s'approcha de la
i82 RÉCITS.
cité de Tournay pour la cité defFendre et conforter, car on luy avoit dit que le roy d'Engleterre devoit venir assiégier Tournay assez prochainement.
Dont le roy de France s'en vint logier devant l'Escault droit à Esplechin, et là le vinrent ceulx de Tournay yeyr et visiter, et il leur dist qu'ils ne s'esmaiassent de riens et qu'ils gardassent bien leur cité. Et ceulx de Tournay respondirent qu'ils n'estoient point bien pourveus pour les estranges gens qui estoient dedens leur ville en garnison ; et le roy leur dist qu'ils fesissent au mieulx qu'ils peussent ; car, s'il pooit, on prenderoit ung respit ou trêves par quoy le siège se partiroit. Et sur ce ceulx de Tournay prinrent congiet du roy et s'en partirent à tant, et fisrent leur ville fortiffyer et apparillier et dreschier tous leurs grans et p«tis engiens.
