LXXXII* HYSTOIRE

Le siège du roy Edouart d'Engleterre et de ses aidans devant la cité de Tournay contre le roy Philippe de France et tous ses allyés.

Quant le roy Édouart d'Engleterre eult rué jus et desconfit Barbevaire et ses gens, et qu'il fut descendus en Flandres, il s'en vint droit à Gand, là oîi la royne sa femme et son fils estoient, laquele royne estoit relevée d'un beau fils qui fut appelles Jehan, dont il fist moult grant feste, et fut le roy bien festoyés des bourgeois de la ville, et bien s'en looit la royne au roy, dont le roy les merchia moult. Et quant le roy se fut ung petit reposés, il commencha à parlementer aux Flamens et à Jacques d'Arte-

velle, et manda de ses amis et de ses allyés, c'est-assavoir le conte Guillaume de Haynault, monseigneur Jehan son oncle, le duc de Brabant, le duc de Guéries, le marquis de Jullers, le seigneur de Faucquemont et aultres. Et quant tous furent venus et qu'ils eulreut une espasse parlementé, ils eurent conseil que le samedi après le jour de Saint- Jaques et Saint-Cristofle, ils seroient tous à celuy jour devant la ville de Tournay, et se partirent à tant, et s'appresta et apparilla chascun endroit lui. Et peu après que le jour devoit estre, le roy d'Engleterre et ses gens et monseigneur Jehan de Haynault et monseigneur Henry de Flandres se logèrent à l'abaye au Sauchoit dalez Tournay. Et Jaques d'Artevelle et les Flaraens y viiirent ossy et se logèrent, et puis le conte de Haynault et monseigneur Jehan son oncle, et puis le duc de Guéries, le duc de Brabant, le marquis de Jullers et tous les aultres ainsy. Et y tindrent siège l'espasse de noef sepmaines, sans riens fourfaire à la ville de Tournay des engiens qu'ils jettoient l'un contre l'autre, ceuls de dehors et ceuls de dedens, et [ot] aucuns paletis ; et nonpourquant le roy d'Engleterre mandoit souvent au roy de France que bataille fust corps à corps, ou gens à gens, ou pooir contre pooir. Mais le roy, ne son conseil n'y voloit entendre ; ainchois avoit-il volenté d'avoir ung respit ou trêves, par quoy ceulx de' Tournay fussent dessiégiés, car moult avoient de disettes. Et de rechief le roy d'Engleterre envoia lettres au roy de France, affin qu'il se déportast du royalme de France, à quoy le roy de France lui envoia response et lettres au contraire.