LXXXIII» HYSTOIRE

Gomment le conte Guillame de Haynault ardit Orchyes et tout le pays de Mélentois jusques à Seclin,

Après ces lettres envoyés dont nous venons de faire mention, avint que ung parlement se iSst comment ung respit peust estre fais et acordês entre les II rois. Et de ce s'avisa le roy de Behengne, le conte de Savoye et madame Jehenne de Valois, mère au conte de Haynault, et aultres pluseurs, et longuement dura ce parlement, car il y avoit au parlement des chevaliers d'Engleterre. Sy ne se pooient accorder.

Et ainsy qu'on parlementoit, le conte de Haynau se party de l'ost à tout grant plenté de Holandois, de Haynuyers et d'aultres gens d'armes, et chevaucha vers Orchyes, et y boutèrent le feu, et en après on touttes les villes du Mélentois, ung bon pays en le chastelerye de Lille, et jusques à Seclin bien IIII" villes à clocquiers.

Et puis s'en retournèrent vers Saint-Amant-en-Pulle qui avoit rebellet contre le dit conte et ses gens, et ne voloient les moismes de Saint-Amant de riens obéyr à luy, ains avoient fait leur ville fermer contre luy et mis saudoyers ens. Lequel conte assally l'abbaye et la ville le joeudy après le Saint-Pierre aoust entrant, et le print par force. Et y eult grant gaing, et boutèrent le feu en la ville et en l'abbaye qui fut toutte arsse, et le plonc de la couverture ostés. Et lendemain ceulx de Valenchiennes ardirent tout et brisèrent et robèrent XVII clocques qui pendoient au clocquier, qui moult estoient bonnes et belles ; et tout par l'orgoeul des moisnes.

Et le samedy après ensievant s'en râla le conte Guillame de Hayuault à l'abaye de Marchiennes où il avoit grant garnison de par le roy de France, et le print par force. Sy fut toutte arsse, pillée et desrobée, et la ville ossy. Et y fut prins monseigneur Ames de Warnais qui la yille gardoit.

LXXXIIII« HYSTOIRE.

Comment le respit fut donnés du roy Édouart d'Engleterre entre le roy Philippe de France et leurs gens devant Tournay.

Quant le conte Guillame de Haynault eult fait son emprise et qu'il fut retournés en l'ost et siège du roy d'Engleterre devant Tournay où on parlementoit encore pour avoir ung respit, et tant y parlementa-on et sy longuement que ung respit fut pris et donné entre les II rois du samedy après le Saint-Michiel jusques au jour Saint-Jehan-Décolace après ensievant l'an de grâce mil IIP et XLI : dont ceulx de Tournay furent moult liés.

Sy se deslogèrent les osts de devant la cité, ouquel respit ou trêves on debvoit laissier gens souffisans des II partyes pour parlementer et pour faire raison à chascun.

Adont se party le roy de France et s'en râla vers Paris, luy et ses gens. Et le roy d'Engleterre d'aultre part print congiet à ses aljyés et à la royne sa femme. Et peu après le roy et la royne prinrent congiet au pays de Flandres et à Jacques d'Artevelle. Dont se partirent de Gand et montèrent en mer, eulx et touttes leurs gens, et singlèrent tant qu'ils vindrent à Londres,

d86 RÉCITS.

Sy lairay cy à parler de eulx jusques à une aultre fois, et parlerons des parlemens qui coraraenchèrent mal adrechiés.