LXXXXII« HYSTOIRE

Comment les II cardinaulx alèrent parler au roy d'Engleterre pour avoir ung respit et abstinence de guerre.

Tantost après ce mandement que cy-dessus nous avons dit, alèrent les II cardinaulx parler au roy d'Engleterre de par nostre Saint-Père le pappe et de par le roy de France, et commenchèrent à parler au roy d'Engleterre et à son conseil en eulx humiliant et disant que le pappe luy commandoit et prioit qu'il se volsist délayer et retarder de celle guerre et qu'il se volsist partir du siège ; et le pappe feroit tant que le discord des II rois et de touttes partyes

seroit en point eten bon terme raisonnable, et ils le feroient ossy avoir en convent au roy Philippe de France et au duc de Norraendie, son fils, car c'estoit le commandement du pappe.

LXXXXIII» HYSTOIRE.

La response que fist le roy Édouart d'Engleterre aux II cardinaulx qui luy requerroient de lever son siège de devant la cité de Vane.

Quant le roy d'Engleterre eult bien oyt et entendu les paroUes et les raisons des II cardinaulx, il manda son conseil, et quant il fut bien conseilliés, il respondy aux cardinaulx, oyans tous, qu'il ne voloit mye désobéyr au pappe, ne aller contre raison, ne contre Sainte-Église, ainchois se tenoit comme bon et vray fils de Sainte-Église pour obéyr en toutes manières à son commandement, sauf son royalme, et que ce n'estoit mye, se Dieu plaisoit, l'entente de nostre Saint-Père que le roy de France ' laissast deshériter, ne tollir le sien par mauvaise cause et frauduleusement, de ce que sien estoit et debvoit estre son propre héritaige sans fourfaiture, et de rechief hoir du royaulme de France. Adont s'en partirent les cardinaulx et s'en revindrent par devers le roy de France ^.

' Il faut lire évidemment : le roy d'Engleterre.

* Il s'agit ici des négociations qui précédèrent la trêve conclue à Malestroit le 19 janvier 1343.

On a conservé une lettre d'Edouard III écrite an siège de Vannes le 5 décembre 1342.

LXXXXIV* HYSTOIRE.

Comment au pourcas des II cardinaulx ung respit de III ans VII mois ou environ fut donnet des II rois de France et d'Engleterre.

Ces II cardinaulx dont dessus est dit, fisrent tant, pour abrégior , qu'il y eult ung respit ou trêves depuis le XIX® jour de jenvier mille IIP et XLIII jusques au jour Saint-Michiel après ensiêvant , et d'yceliiy jour Saint- MichielenlII ansensiévant, quiseramilllPet XLVI, parray tant que le roy de France devoit mettre tantost hors de prison ledit conte de Monfurt, dont il ne fist riens ; mais ledit conte brisa prison et s'en ala en la conté de Monfort, où assez tost après une grande maladie le print, dont il raorut.

LXXXXV"^ HYSTOIRE.

Comment le conte Guillame de Haynault s'en ala en Jhérusalem en pèlerinage au Saint-Sépulcre et comment il revint par Prusse.

Il advint quant ce respit ou trêves fut prins des II rois et de leurs gens, sycomme dessus en est fait mention, que le conte Guillame de Haynault et de Holande s'en ala en pèlerinage au Saint-Sépulcre, l'an de grâce mil IIP et XLIII, et emmena avoec luy monseigneur d'Augimont et monseigneur Jaques du Sart, et sy fut avoec luy monseigneur Guillame de Sorre que le conte fist chevalier au Saint- Sépulcre, et, au revenir, ils s'en retournèrent et prinrent leur chemin par la terre de Prusse.

LXXXXVI« HYSTOIRE.

La venue de Charles de Blois en Bretaingne comme seigneur et droit héritier du pays.

Après ce que le conte de Montfort fut trespassé et allé de vie à mort, sy comme vous avez oy cy-dessus, tantost après Charles de Blois vint en Bretaingne prendre possession de la terre de par sa femme, et s'en ahérita et posa comme sire du pays. Et convint la dame de Monfort, suer du conte de Flandres, partir, entre son fils et sa fille, du pays de Bretaingne, et s'en alla demourer en Engleterre où elle fut bien venue et honnourablement rechue du roy et de la royne.

LXXXXVII^ HYSTOIRE.

Une bataille faite en Gascongne des Englecqs contre les François.

Il avint une grant espasse de tamps après ces choses dessus dittes, environ le Saint-Jehan-Baptiste, l'an mil III" et XLIIII, que le roy Édowart d'Engleterre envoia en Gascongne où le duch de Normandie guerrioit et avoit gaigniet villes et chasteaulx, et y envoia le conte d'Erby, le conte de Pennebourc et monseigneur Gaultier de Mausny et pluseurs aultres, lesquels prinrent et gaignèrent le chastel de Bergerac et bien XL que yilles que forteresses, et s'approchèrent des François telement qu'ils les desconfirent ; et y

fut prins le conte de Lille, le conte de Valentinois, le visconte de Murendon, le visconte de Monder, le visconte de Villemur , le visconte de Bouquentin , monseigneur Charles de Poitiers, monseigneur Rogier, frère au conte de Cominges, et pluseursaultres contes et viscontes, et chevaliers bien IIP. Et les aultres furent mors et noyés en une rivière qu'on nomme Viane ', et fut ceste bataille l'an mil IIP et XLIIII \

Et lendemain de la journée alèrent assallir la ville de la Riolle, laquelle, après pluseurs assaulx, se rendy, sauf corps et biens ; mais le chastel de le Riolle ne se volut point rendre et se tint l'espasse de IX sepmaines depuis la prinse de la ville ; mais, en la fin, ils se rendirent à la volenté des Englecqs, quant ils virent qu'ils n'auroient nuls secours et que le chastel estoit miné par dessoubs. Et y avoit dedens ung chevalier qui ensaigna à monseigneur Gaultier de Mausny la plache où son père avoit esté enfouy, et fist ledit monseigneur de Mausny defFouir le corps, et print les os et les fist mettre en ung coflTre bien fermé, et les apporta à Valenchiennes , et les fist ensépulturer à Saint-Franchois dalés sa femme, et sy y gist son père, et y fist de nouvel faire le service, et offrit le cheval couvert et l'escu et healme '.

* J'ai donné dans mon édition de Froissait des notes assez étendues sur les lieux où le comte de Derby défit les Français.

* Le combat d'Auberoche fut livré au mois d'octobre 1345.

' Il est intéressant de comparer ce passage avec ce que Froissart rapporte {t. IV, pp. 292-298) avec quelques détails de plus.

LXXXXVIII" HYSTOIRE.

Comment le duc de Normendie, fils de Philippe de Valois roy de France, assiéga le chasteau del'Aigillon.

Tantost après ce que le chastel de la RioUe se fut rendut au conte d'Erby, le duc de Normendie assiéga le chastel et fortresse de l'Aigillon de toutes pars à tout bien X mil hommes armés et XX mil à pied; et y eult pluseurs assauls et gens navrés et tués d'une partie et d'aultre, et y prinrent les Franchois monseigneur Robert de Noefville.

LXXXXIX* HYSTOIRE.

Comment le conte Guillame de Haynault et de Holande assambla grant plenté de gens pour aller sur les Frisons, et comment il alla mettre siège premièrement devant Utret.

Après ces choses ain.sy avenues que nous vous avons dessus dites, et ossy après ce que le conte Guillaume de Haynault fut revenus du voyage du Saint-Sépulcre et qu'il se fut ung petit reposés, il luy print volenté de faire une chevauchée sur les Frisons et de pourcachier aucuns drois qu'il y debvoit avoir d'anchiserie, et bien leur avoit mandé du tamps passé, dont les Frisons estoient tousjours sur leur garde, car ils sçavoient le conte josne et volentier : sy l'en doubtèrent plus.

Sy manda et assambla le conte de Haynau grant gens et

nomméement raonseigpeur Jehan de Haynault son oncle et tous les chevaliers de Haynault et de Holande et pluseurs chevaliers d'Allemaigne et grans seigneurs, et premier le duc de Guéries, le conte de Namur, le conte de Saumes, le conte d'Espennehera et pluseurs aultres à XXXV bannières et bien X mil hommes d'armes et II mil haubergons, tous aux gaiges et à la délivrance du conte de Haynault.

Et combien que l'emprise du conte de Haynault fust faite pour aler en Frise, sy les mena-il tous devant Utret, une grande cité et forte, pour ce qu'elle estoit consort a,u^ Frisons et contraire au pays de Holande en pluseufà manières, et pour ce l'assiéga le conte Guillaume XV jours devant le Saint-Jehan-Baptiste, l'an de grâce mil III" et XLV, et y tint siège l'espasse de VI sepmaines, et y fist de moult grant dommages entour la cité et au pays d'environ, et pluseurs grans assaulx y eult et pluseurs hommes tués et navrés d'une part et d'aultre, et tollirent ceulx de l'ost l'eawe de mer et navie que riens n'y pooit venir, et drescha en devant la cité pluseurs engiens qui jettoient dedens la ville, et ceulx de la ville pareillement rejettoient à eulx. Et tant y sist-on que la ville eult disette de pluseurs choses, car le plus des gens vivoient de le mer et de ce qui en venoit. Adont commencha la ville à envoyer par devers monseigneur Jehan de Haynault qu'il leur volsist estre bon moyen envers le conte de Haynau son nepveu, par quoy ils peussent venir à paix et accord pour bien amender à la volonté du conte et de son conseil, et monseigneur Jehan respondit aux messages qu'il s'en pèneroit et traveilleroit volentiers ; et entandis le roy d'Engleterre arriva à l'Escluse pour parler à Jaques d'Artevelle et au conseil de Flandres,