C« HYSTOIRE

Comment le roy Edouart d'Engleterre aviva et descendit au por de l'Escluse pour venir parler auxFlamens.

Entandis qu'on tenoit siège devant Utret, sy comme nous venons de faire mention, et que monseigneur. Jehan de Haynault sire de Beaumont commenchoit à parlementer et traittier de la paix pour ceulx de la cité d'Utret, le roy d'Engleterre arriva au port de l'Escluse en Flandres, la nuitSaint-Martin-le-Boullant, l'an de grâce mil IIP et XLV à tout gens d'armes et archiers, pour parler à Jaques d'Artevelle et aux gens du pays de Flandres, pour aucunes choses qu'on luy avoit eult en convent, lesqueles on luy devoit conformer, et noniméeraent ceulx de Gand qui n'estoient mye encore du tout allyés audit roy d'Engleterre, ainsi que ceulx de Bruges, ne ceulx d'Yppre estoient. Et manda le roy d'Engleterre à Jaques d'Artevelle à Gand, qu'il venist parler à luy. Et quant Jaques sceult que le roy d'Engleterre le mandoit, il y ala à tout sa maisnie et avec luy environ eulx cent tous armés. Et quant Jaques vint devant le roy, il se mist à genous et le salua, et le roy le releva et lui fist grant feste, et fut bien rechus ; et luy conseilla le roy qu'il renvoiast ses gens, fors que sa privée maisnie, car il avoit à parler à luy de pluseurs choses et grans besongnes. Adont renvoia Jaques ses cent hommes qu'il avoit amenés, et demoura avoec le roy une espasse. Et quant ceulx de Gand virent les gens Jaques d'Artevelle sans luy, et qu'ils sceurent que Jaques estoit demeurés avoec le roy,ilssetindrent à mal payés, et ala-on à sa mai-

sou. Se n'y trouva-on ne femme, ne enffans, et trouva-on qu'il avoit tout widiet son or et son argent et tous ses joyaulx. Adont envoia la ville de Gand par devers Jaques deus eschevins luy dire que par amour il volsist tantost revenir et qu'on avoit besoing de son conseil. Et quant Jaques les eult bienvegniés et qu'il eult oye leur parolle et ce qu'on luy mandoit, il respondy aux deus eschevins qu'ils desissent à messeigneurs de la ville qu'il ne leur anoyast raye ; car il seroit dedens Gand dedens Vjours, car il avoit à besongnier au roy d'Engleterre pour le bien et l'onneur de Flandres, et qu'il seroit à Gand le dimence devant la Magdalaine. Dont prinrent congiet les eschevins et se râlèrent à Gand, et contèrent à messeigneurs de la ville la réponse que ledit Jaques leur avoit faite. Et adont s'avisèrent ceulx de Gand et disrent que ce n'estoit mye pour bien qu'il estoit là demourés avoec le roy et qu'il avoit fait widier sa femme et ses enfans et tout le sien, et que, s'il revenoit, qu'ils le meteroient à mort, car trop avoit rengné.