CI» HYSTOIRE

Comment Gérard Denis maistre des telliers de Gand et le commun tuèrent Jaques d'Artevelle et touttc sa maisnie en son ostel.

Quant Jaques d'Artevelle eult assez consulté, parlementé et dit au lonc sa volenté au roy d'Engleterre, il print congiet pour s'en râler à Gand, et le roy luy dist que, s'il le créoit, qu'il demourroit, ou il luy bailleroit et chargeroit des gens pour luy conduire. Et Jaques repondy qu'il n'en avoit que faire et qu'il ne se doubtoit de nulluy, et se party

à tant du roy, et chevaucha tant qu'il entra en la ville de Gand. Sy regarda et avisa que ceulx qui le soloient saluer et ester leur chapperons et chappeaux devant luy, baissoient les testes. Et adont se commencha Jaques à esbahir et fort doubter, et chevaucha tant luy XIP de sa maisnie qu'il vint à son ostel et entra ens. Et quant Gérard Denis le sceult, lequel estoit maistre des telliers et avoit fait grande assemblée du commun tout armé, les banières ens es mains, ainsy qu'ils avoient leur fait deviset et pourparlet, ledit Gérard et sesgens vinrent à la porte de la maison dudit Jaques ; et une partye et la plus grande cantité du commun qui y estoit, furent ' et avironnèrent le tour et l'entrepresure de la maison qui avoit deus yssues. Et commencha Gérard Denis à huequier Jaques d'Artevelle et luy dist : « Yssiés hors ; sy nous dites des nouvelles du roy d'Engle- « terre. « Et Jaques luy respondy que sy feroit-il volentiers demain au matin pour tout le pays, à l'onneur du seigneur, « mais il est meshuy trop tart. » Dont s'escria Gérard Denis : « A la mort ! Seigneurs, i)risiés tout. » Adont rompirent et brisèrent la porte, et le maison devant et derrière, et huis et fenestres, et entrèrent en la maison par force. Adont se deffendy Jaquet; et sa maisnie ce qu'ils peurent, bien et hardiement ; mais la force n'estoit mye leurs. En la fin. Jaques s'enfuy en une estable où il y avoit une yssue, Sy en cuidoit yssir pour aler aux Frères- Mineurs, mais il fut siévy de sy près qu'il fut là abatus et tout décoppés et tués, et toute sa maisnie ossy. Dont ce fut doinage de Jaques, car il ne l'avoit point déservi, ains avoit ceulx de Flandres maintenus et gouvernés contre toutes personnes, bien et paisiblement et 8ageracnt, par

' Quelques mots paraissent manquer ici.

KÉCITS. 201

l'espasse de IX ans, comme bon gardyen, ou lieu du conte de Flandres qui onques ne fîst bien au pays.

Geste maie emprinse et domageuse fourfaiture fut faite l'an de grâce rail IIP et XLV, le dimence devant le jour de la Magdalaine.

Or retournons au siège devant Utret que le conte Guillame de Haynault et de Holaude y tenoit avoec ceulx quy estoient ses allyés, sy comme vous avez devant oy.