CII« HYSTOIRE

Comment ceulx de la cité d'Utret se rendirent au conte Guillarae de Haynault et de Holande.

Maintenant revenray à ma matière devant Utret oîi monseigneur Jehan de Haynault et pluseurs aultres parlementèrent au conte de Haynault pour ceulx d'Utret mettre à paix.

En ce parlement apporta-on unes lettres faisant mention que le roy d'Engleterre estoit à l'Escluse, et qu'il avoit mande Jaques d'ArtevelIe pour parler à luy, et au retourner que ledit Jaques fist à Gand, ils l'alèrent tantost tuer en sa maison. Dont le roy d'Engleterre fut sy courchiés qu'il s'en ralla sans prendre congiet et sans parler à ceulx de Flandres. Et quant le conte de Haynault oyt dire que Jaques d'ArtevelIe estoit ainsy ochis, il en fut moult courchiés, car il avoit perdut ung bon amy, mais petit en monstra de samblant pour ceste fois. S'y s'en teult à tant. Et tondis parlementoit-on. Et tant parla-on d'une part et d'aultre que paix se fist entre le conte de Haynault et la cité d'Utret par ainsy qu'on abateroit des murs de la ville

aux II maistresses portes ce qu'il en plairoit au conte, et point refaire forsqu'àsa volentë,etque autelles pourvéances et ossy souffisantes que le conte de Haynault avoit quant il assiéga Utret, ceulx de la ville luy dévoient livrer et remettre en saisine à l'autre saison pour faire sa volenté ; et avoec ce que, se le conte avoit besoing de IIIP healmes, la ville luy debvoit livrer aux cousts et aux fraits de la ville, et puis de là en avant, se le conte de Haynault a besoing, la ville d'Utret luy doit livrer II" healmes à leur cousts et à leurs fraits.

Et en cellle journée, jour de la Magdalaine, que la paix fut confermée l'an de grâce mil IIP et XLV, vinrent de la ville d'Utret en nom d'amende, en la tente du conte de Haynau V° bourgois en pur les corps et nuds chiefs, deux et deux, les clefs de la ville [en leurs mains], au son d'un glave, et s'agenoullèrent devant le dit conte et tout son conseil, en pryant raerchy. Puis les fist-on lever, et s'en râlèrent en la ville.

Et ainsy fut la paix faite, et se partit-on du siège, et s'en râla chasun en son lieu, et séjourna le dit conte de Haynault une espasse de tamps au pays de Holande,