CIII« HYSTOIRE
La bataille du conte Guillame de Haynault et de Holande contre les
Frisons.
Quant ce vint le lundy au matin et que le conte de Haynault eult oy messe, il fist bouter sa nef au plus près de terre qu'il peult, et fist apparillier ses bateaux pour entrer ens et pour venir à terre, et puis demanda sa banière ; et
monseigneur Gérard de Flouriville respondy ; « Sire, le « vechy. » Adont prya monseigneur Gérard d'Antoing au conte de Haynault qu'il volsist attendre son oncle, qui estoit là assés près. A ce mot, le conte sally au batel après sa banière en disant : « Tant m'ayme, sy me sieve en « l'oneur de Dieu et de monseigneur saint Gorge ! », et ses gens le siévirent. Et ceulx de Holande et de Zélande le siévoient sy tangrement qu'ils salloient des bateaux en l'eaue et siévoient monseigneur. Et quant les Frisons virent qu'il y en eult assés d'issus et qu'ils furent oultre les dicques et qu'ils venoient sy hastivement à grans flottes et sans aroy, ne nul conroy, les Frisons yssirent hors de Stavres et de l'abaye de Flouricamp et partout de leurs embucquemens, et coururent sus au conte et à ses gens de toutes pars à tout grandes et grosses picques et longs glaves et haches etmachues,àgrans fors haucquetonsvestus, fort rudes gens et malostrus, et ung haulx sorlers escapés cauchiés. Sy férirent en nos gens sy esbalufFréement et malostruement et sans avis qu'ils les abatoient et tuoient sans pité, ue nulle raerchy, et nos gens se defFendoient bien et vigoreusement, et moult fut grande la bataille et fort murdrière, et mortele ochision de l'une part et d'aultre ; et moult y eurent nos gens fort à souffrir et bien se deiFendoient, mais peu leur valu, car il y avoit trop de Frisons, et sy s'estoient les Haynuiers trop oultrageusement embatus à peu de gens : dont ce fut folye. Et bien s'y vendirent les gens du conte, mais ils furent si fort enclos, que ceulx qui yssoient des nefs, n'y pooient avenir. Et quant ils veoient le meschief et qu'ils cuidoient retourner, les mariniers ne les voloient laissier rentrer es nefs, ains les avoient retraites pour le doubte des Frisons, qui se noioient en la mer. Et en la fin le conte de Haynault et ses
204 BÉCITS.
gens furent tous desconfîs et tous mors, et avoec le conte il fut mort monseigneur de Walecourt, monseigneur de Lingne, Gaultier, son frère, monseigneur Rasse de Montigiiy , monseigneur Jehan de Lussereulles, monseigneur Ferry de Hordaing, monseigneur Jehan de Buyllemont, monseigneur Henry de BrifFeul, monseigneur Daniel de le Marvôde, Iny XIIP de sa maisnie', et pluseurs aultres que je ne sçay nommer , dont ce fut pité et domage que le conte de Haynault ne crut conseil ; car les ungs dient qu'il fut laissiet au champ comme mort, et les aultres dient qu'il fut mis en ung batel moult navrés et tout désarmés luy IIP ; sy ne sceult-on quil devint. Et ensy gaignièrent les Frisons le champ par mal advisement, et sy estoient sur le leur. Encore ne savoit riens monseigneur Jehan de Beaumont, son oncle, de ceste desconfiture, jusques sur le vespre ; ains descendoit à terre, et avoit-on tendu ses tentes et pavillons à l'aultre lés de l'abaye, et cuidoit là séjourner la vesprée. Mais les Frisons qui avoient desconfit le conte, luy coururent sus, et luy et ses gens se defFendirent moult bien, qui peu leur valu. Et y furent tués monseigneur Gille Grenart, monseigneur Thiér}^ de Mauny et Jehan, son frère, monseigneur d'Adenehove et pluseurs aultres chevaliers et escuiers grant plenté qui y furent noyés et tués. Et y fut monseigneur Jehan de Haynault parmy ses armures moult fort navrés ; et quant il perchut que le conte, son nepveu, estoit desconfis et mors, adont s'abandonna-il ,oultrageusement et dit qu'il ne voloit plus vivre. Et toutesfois monseigneur Jehan Chastelet et monseigneur Thiéry , son frère , monseigneur Robert de Glumes et Quemuqwin d'Ostrique et pluseurs aultres portèrent et misrent à sauveté monseigneur Jehan en sa nef malgré luy et malgré les Frisons. Et adont
repaira monseigneur Jehan et ce qu'il avoit de remauant de gens, en Holande et puis en Haynault, où il fist grant doel et grant pleurs pour le conte Guillame et pour ses gens, dont Dieu ait les âmes.
