CV« HYSTOIRE

Comment l'empereys Marguerite, femme de Lo3^s de Bavière roy d'Allemagne et empereur de Rome, vint en Haynault pour relever sa terre et en prendre possession.

Quant l'empereys Margueritte sceult et eult oyes les nouvelles que madame Jehenne de Valois sa mère et monseigneur Jehan de Haynault son oncle luy mandoient qu'elle venist en Haynault pour relever sa terre, et que le conte Guillaume son frère estoit mort en Frise, elle fut moult courchye de ce que les Frisons le avoient ainsy ochis, et ossy fut l'empereur Loys son mary et tous ses enfFans. Et nonpourquant, en brief tamps après, Loys fist apparillier l'empereys, sa femme, et Aubert ung sien josne fils, et avoec euls deux contes d'Allemaigne et des clercs du conseil de l'empereur, pour conseiliier l'empereys, et des chevaliers et escuicrs et aultres grant compagnie ; puis monta et esploita tant, luy et ses gens, qu'ils vinrent en Loraine, où ils trouvèrent le duc et la ducesse sa cousine, et furent moult bien rechups et à grant faste, et leur fiston très -grant honneur. Et quant l'empereys eult une espasse séjourné et reposé, luy et ses gens, ils prinrent congiet et se misrent à voye vers Haynault, et le convolèrent le duc et la ducesse sa femme jusques à Valenchiennes. Et quant l'empereys approcha Valenchiennes, le provost et les eschevins et les bourgois de la ville vindrent à rencontre de luy, et luy tisrent homage et le rechurent à dame. Et fist la dame homage à sire Alart du Gardin, adont provost de Valenchiennes, pour toute la ville : sy l'amenèrent

en Valenchiennes à Saint-Jehan faire serment à la ville, à l'usage des devanchiers contes et contesses de Haynault, et puis alla-elle à la Salle ; et fut en l'an de grâce mil CGC et XLV. Et le dimence devant le repus-dimence se party l'empereys et contesse Margueritte de Haynault , pour aller en Holande.