CVI« HYSTOIRE
Comment et pour quele cause par le fait du pappe Jehau et du pappe Clément et de Philippe de Valois roy de France on escommenia Loys de Bavière, roy d'AUemaigne et empereur des Romains.
Entandis que Margueritte contesse de Haynault, de Holande et de Zélande et empereys d'Allemaingne, venoit des parties romaines parmy la duché de Loraine jusques à Valenchiennes parmy les bonnes villes, escommenioit-on par sentense jettant, du fait du pappe Jehan et du pappe Clément et de Philippe roy de France, Loys de Bavière pour ]a cause de ce que Loys de Bavière, quant il fut roy d'Allemaingne et qu'il eult espousée Margueritte fille du bon conte Guillame de Haynault, il fist tant par luy et par ses amis qu'il s'en ala à Rome le Grant à tout gens d'armes pour estre empereur, et y mena sa femme avoecques luy, qui estoit fort enchainte, et passèrent parmy Lombardie à tout grant quantité de gens d'armes, et tant fist qu'il fut à Rome et qu'il fut couronnés, ainsy qu'il appertenoit, de la couronne de fin or, et tant y fut l'empereur que l'empereys sa femme s'y ajut d'un beau fils qui eult nom Loys, et puis fut roy de Czarcoe, sy comme vous avez oy. Et après fist
fut 'l'empereur pappe en la dite cité de Rome, puis retourna en Allemaigne. Et peu après morut pappe Jehan qui estoit dechà les mons ; et adont fist le roy Philippe le Bel de France pappe Bénédic, lequel pappe, par l'acord du roy de France, fist escoramenyerle pappe que l'empereur avoit fait delà les mons. Et dès dont fut Loys de Bavière commenchiés à excommenier. Et de nouvel, puis la mort du pappe Bénédic, le pappe Clément que le roy Philippe avoit fait, a jette sentence, par le consentement du dit roy, sur ledit Loys de Bavière, et le condempna le jour du blanc joeudy absolu l'an de grâce mil IIP et XLVI, et en ala l'escom^ meniement par toute France. Et ce fut la raison et cause pour quoy on le dénonchoit et excoramenioit ainsy.
CVIP HYSTOIRE.
Comment Philippe de Valois roj de France, par le conseil du pappe Clément, firent et constituèrent Charles roy de Behengne empereur de Rome.
L'an de grâce mil IIP et XLVI, environ le jour de la Magdalaine, il advint que pappe Clément et le roy de France et aultres avoec eulx firent et constituèrent empereur des Romains et d'AUemaingne Charles de Behengne, fils au bon roy de Behengne qui fut.
Etencore estoit l'autre empereur en vie Loys de Bavière, sans ce que Charles de Behengne n'estoit encore roy d'Al-
* Il faut lire : Et après nst l'empereur pappe. Ceci se rapporte à Pierre de Corbiéres, élu pape sous le nom de Nicolas V par l'influence de Louis de Bavière.
lemaigne, ne confermés par les électeurs d'Allemaigne. Et lequel Charles encharga tantost les armes d'Allemaingne l'aigle à II testes comme empereur, lesquelles armes il emploia moult mal au premier commenchement, ainsy comme vous porez oyr cy-après.
