CVIII« HYSTOIRE

Comment monseigneur Jehan de Haynault, seigneur de Beaumont, s'allya au roi Philippe de France.

En ce tempore que ces choses, dont nous avons dessus parlé, se faisoieut, et mesmes en celuy mois, à la requeste du roy de France, monseigneur Oudart de Hem, monseigneur Godemart dou Fayt, le seigneur d'Esne et madame de Brabantmesmes, dame à monseigneur Jehan, et aultres, fisrent tant que monseigneur Jehan de Haynault s'allya audit roy de France, en tele manière que tout premier il debvoit joyr de III mille livres de pencions de terre, sa vie durant, dont le roy le debvoit assiner audit royaulme en lieu sauf. Item, eult ledit monseigneur Jehan du roy de France XX mille florins d'or à l'escut, et parmy tant ledit monseigneur Jehan en fist homage audit roy de France. Et sy en debvoit servir le roy à cent hommes d'armes ; et devoit avoir, tous les jours qu'il seroit semons pour guerre, XL flourins d'or à l'escut pour son corps, et XX livres pour ung chevalier banneret, et X livres pour ung baceler, et V sous pour un escuier. Et avoec tout ce luy donnoit le roy pour les jours qu'il seroit en guerre pour les affaires du royaulme, XVI livres de tel monnoye que dit est. Et ainsy le debvoit monseigneur Jehan servir en toutes ses guerres avoec son propre

corps, hors mis Bretaingne et Gascoiigne, et pooit bien aidier le roy d'Engleterre, mais que ce ne fust encontre le royalme de France. Et ne debvoit estre contre la ducesse de Brabant, ne contre la contesse de Haynault, ne contre les Flamens, en cas que l'un des deus rois en seroit prince. Et ceste alliance flst monseigneur Jehan de Haynault au roy Philippe de France pour ce que le roy d'Engleterre ne luy tenoit point les convenances qu'ils avoient fait ensamble du tamps passé ; et fut ceste alliance faite ou mois de jullet environ la Magdalaine,rande grâce mil CCCetXLVI.