CIX^ HYSTOIRE

Comment l'évesque du Liège guerria à ceiilx du Liège qui estoient

ses gens.

Après ces choses dessus dittes, environ le jour Saint- Jaques et Saint-Cristoffle l'an dessus dit, avint que l'évesque du Liège eult guerre encontre aucunes de ses villes et mesmement encontre la cité du Liège. Et Huy et Dingnant et Bouvines et pluseurs aultres villes furent toutes encontre l'évesque de Liège leur seigneur pour aulcunes choses que l'évesque leur demandoit oultre mesure.

Se fist l'évesque grande assamblée de ses amis et d'aultres gens d'armes ; et y fut le conte de la Marche frère dudit évesque de Liège, Charles de Behengne le nouvel empereur, le conte de Namur, le conte des Mons, le conte de Los, le sire de Faucquemont, monseigneur Jehan de Haynault et pluseurs aultres grans seigneurs. Et se logèrent tous en villettes et fortes places d'entour Liège.

RÉCITS. âll

' Et quant ceulx de Liège le sceurent, ils yssirent tous hors de Liège et se logèrent es prés dehors la cité de Liège et firent grans fossés entour eulx, et n'y avoit que une entrée pour venir et pour parler à eulx. Et avoec ceulx de la cité de Liège estoient logiés ceulx des aultres villes voisines dessus nommées.

Dont il advint que le merquedy entour pryme après le Saint-Christoffle le sire de Faucqueraont et grant plenté de chevaUers et de gens d'armes et pluseurs banières alèrent celle journée chevauchant entour l'ost des Liégois pour veoir s'ils les porroient desclore ; mais ce ne leur valu riens. Et tous les aultres gens d'armes estoient apparilliés pour bataillier et tous rengiés les lanches et glaves es poings pour eulx secourre s'ils les pooient desclore.

Et quant le sire de Faucqueraont vid qu'il ne les porroit avoir pour lanchier, ne pour traire, il s'en ala en l'ost par devers la ville où on vendoit les vitailles et les menues denrées, où il y avoit grant plenté de menu peuple gaignant. Sy se féry le sire de Faucqueraont entre eulx, et les coramencha à tuer et à décopper. Et qui peut fuyr, il s'enfuy et eschappa, mais touttesfois ils en tuèrent bien environ IIP, et tout pour attraire les Liégois hors de leur fortresse, mais onques ne s'en murent, et sy avoit si grant noise et sy grant crierye que c'estoit moult très-grant pité à oyr \

* Cette mêlée confuse et sanglante est connue dans l'histoire de Liège sous le nom de bataille de Vottem.