CX« HYSTOIRE

Comment le sire de Faucquemont fut ochis devant la cité de Liège luy et ses gens.

Quant le sire de Faucquemont eult tués ces vivendiers et marchans entre ceulx de la cité de Liège et ceulx qui estoient au fort, sy comme devant est dit, pour les esmouvoir et faire sallir hors, ce qu'ils ne fisrent, il eult conseil de ses compaignons qu'ils courroient sur les Liégois.

Adont se férirent à l'entrée que les Liégois avoient laissiet, et se férirent entre eulx tous à une fois, et commenchèrent à cryer : « Faucquemont ! » et abatirent des Liégois grant plenté en leur venue, et commenchèrent à tuer, verser, navrer et décopper. Et les Liégois se commenchèrent à ouvrir et à eulx faire place, et puis les rencloyrent. Et commenchèrent les Liégois à eulx hardiement férir et à marteler sur ces chevaliers et sur ces harnas, et à ces chevaulx effondrer, tuer, navrer, et décopper ces banières et cryer : « Saint-Lambert ! » Et là y eult grande bataille périlleuse, crueuse et moult félonneuse ; car les chevaliers estoient hardis et armés de bonnes armures de fer et d'achier. Sy se combatirent bien et asprement. Et Liégois se deffendoient de haches et de marteaux de fer, de plonc, de laiton et d'achier, et en tuoieut et assommoient ces chevaulx et ces chevalliers sans nulle pité et sans point de renchon.

Et en la fin de ceste bataille le sire de Faucquemont y fut tués, luy et son cheval et tous ses gens qu'il n'en eschappa onques pied, luy X* de banières et pluseurs

aultres pignons et guidons. Et y eult bien mors le nombre de XVP bachines des gens du seigneur de Faucquemont, sans les Liëgois.

Et quant l'évesque du Liège et les aultres barons virent celle desconfiture, adont n'y eult sy hardy qu'il ne tournast en fuitte sans attendre l'un l'autre, et se ne les cachoit, ne siévoit nulluy. Et monseigneur Charles de Behengne le nouvel empereur s'en fuy, et toutes ses nouvelles banières d'Allemaigne, dont ce fut grant honte pour luy et moult grant déshonneur à la première fois.

Et les Liégois demourèrent en la fortresse et larges et parfons trenchis, tous quois sans en sallir, ne widier hors. Et fut l'honneur et le gaing pour eulx et à leur droit. Et quant ils virent et sceurent que les ennemis s'estoient deslogiés et tous enfuis, ils alèrent abatre toutes les fortes maisons des chevaliers contraires à eulx, qui estoient en tour eulx. Et sy abatirent et mynèrent le chastel de Clermontpar force, qui estoit bon et fort, et pluseurs aultres qui estoient à l'ëvesque de Liège, qu'ils mynèrent par terre, et les fisrent tomber \

Or revenons à parler du roy Édouart d'Engleterre et de ce que luy et ses gens firent.

• On cite aussi parmi les donjons que les Liégeois renversèrent, le château de Hareial.