CXI« HYSTOIRE

Comment le roy Edouart d'Engleterre se pai'ty d'Engleterre et passa mer et vint en Normendie sur le roy de France Philippe de Valois.

Ou mois de jullet et en celle saison, environ la Saint- Jaques et Saint-Cristoffle, l'an mil IIP et XLVI que la bataille devant la cité de Liège avoit esté, ainsy comme nous avons dit, et que le duc de Normendie, fils du roy Philippe de France, estoit et tenoit siège devant la ville et le chastel de Mont-Aguillon en Gascongne assez près de la Riolle et de Bordeaux en Gascogne où le conte d'Erby et monseigneur Gaultier de Mauny et leurs gens estoient de par le roy Édouart d'Engleterre pour garder le pays et la terre de Gascongne et defFendre à leur pooir contre le dit

duc de Normendie et ses gens ^ Et avoit le dit roy

d'Engleterre avoec luy le prinche de Galles , son fils , l'évesque de Durâmes, le conte de Werwic, le conte de Monfort, monseigneur GodefFroy qui estoit encachiet de France et maints aultres chevaliers et gens d'armes, coustilliers , picquiers et archiers. Et quant ils furent tous assamblés, ils furent environ VIII mille hommes armés de harnas d'achier et XXV mille archiers, que Gallois, que aultres. Sy eult XIIIP nefs parmy celles des pourvéances et XXXV mille chevaulx, et entrèrent en mer; mais le vent les mena en la marche de Cornuaille, et se reposèrent là. Et en tandis qu'ils estoient là, passoient XVI nefs de Bayonne

' Il y a ici une lacune de quelques mots .

qui menoient V mille tonneaux de vin en Norraendie, et ils faisoient et donnoient à entendre qu'ils les menoient à l'Escluse en Flandres, et ce fut bien prouvé par les lettres qu'ils portoient et qu'on trouva sur eulx, qu'ils mentoient et qu'ils les menoient en Normendie. Sy eurent le roy d'Engleterreetsesgens tous les vins, et les départirent en l'ost, et rendirent aux mariniers leurs nefs et navires ; et lendemain eurent bon vent pour aller en Normendie.