CXII« HYSTOIRE

Comment le roy ÉJouart d'Engleterre et son fils le prince de Galles et leurs ffens arivérent en Normendie.

Le XIP jour de jullet, l'an mil IIP et XLVI, arriva le roy d'Engleterre en l'ille de Constentin, au port qu'on dist de le Hoghe, près de Harfleur, en Normendie. Et y avoit en celuy Hoghe grant plenté de gens d'armes à cheval et à pied. Sy les conduisoit le mareschal Bertrand qui gardoit ce pas et ce rivage de par le roy Philippe de France pour defFendre le pays contre les Englecqs. Et quant le conte de Werwich vid che, lequel estoit mareschal de l'ost du roy d'Engleterre, il monta sur ung povre et meschant cheval, car il y avoit encore trop peu de chevaulx mis hors des nefs, et au pryme descendoient et en yssoient-ils. Et print ung escut et une lanche, et férit le cheval des espérons, et le siévirent pluseurs gentilshommes et grant plenté d'archiers, et se férit en la plus grande presse des gens du mareschal Bertrand, en cryant : « Saint Jorge au bon roy w d'Engleterre ! » Et là y eult grande bataille et grande

ochision d'espées, de lauches et de cousteaux et de flesches, et dura moult longuement celuy estour. Et là fist le roy d'Engleterre le prince de Galles chevalier, qui estoit son fils, et le seigneur de Montagut et grant foison d'aultres qui tous furent en celle bataille. Et en la fin le mareschal Bertrant et son fils y furent desconfis, et tous leurs gens, plus de mille, et le remanant s'enfuy. Et le mareschal Bertrant s'en ala droit au roy de France conter comment le roy d'Engleterre estoit descendus en Normendie, et comment les Englecqs le avoient desconfit, et ses gens tués, prins et navrés, dont le roy de France fut moult courchiés, et sur ce il s'avisa et pourveit et assambla grans gens.