DEUXIEME PARTIE

PJÈCES EN PROSE.

Extrait du Trésor tte i«t Cité fies J9n»ne»j par Christine de Pisan.

(laoo)

Cy deuise comment femmes d' estai doibuent estre ordonnées en leur habit; et comment elles se garderont de ceux qui taschent à les decepuoir.

Le tiers point que voulons notifier à entre vous femmes d' estât de bonnes villes, et aux bourgoyses, lequel touche voz vestures et habillementz, est qu'en iceulx ne vueillez point estre oultrageuses , tant es coustementz comme es façons. Et y a cinq especialles raisons , qui vous doibuent mouuoir à vous en garder. L'une, que c'est péché et chose qui deplaist à Dieu d' estre tar.t curieux ou curieuse de son corps. La deuxiesme, que de faire oultragc on n'en est ia plus prise, mais moiiis, ainsi que ailleurs est ia dit. La troisiesme, que c'est gastement d'argent, appaourissement et vnidange de bource. La quatriesme, qu'on donne mauuais exemple à autruy : c'est assauoir cause d'ainsi faire ou plus : car il semblera à une dame qui verra à une damoyselle prendre si grand estât, ou à une bourgoyse, que de tant qu'elle est plus grande elle deburapluscroistre son estât, et c'est ce qui faict tous les iours multiplier et crois-

iâ4 RECUEIL CURIEUX,

tre les estatz et les bombans, parce que chascun tend tousioursà surmonter l'autre. Dont maintes gens sont greuez en France et autre part. La cinquiesme, qu'on donne, par desordonné et oultrageux habit, occasion à autruy de pécher , ou en murmuration, ou en conuoitise desordonnée, qui est chose qui trop deplaist à Dieu. Et pour ce, dames, veu que ce vous peult riens valloir , et beaucoup nuire , ne vous vueillez en telles faulcetez trop délecter. Non pourtant c'est bien droict que chascune porte tel habit et estât qui appartient à son mary et à elle : mais, s' elle est bourgoyse , qu'elle se porte telle comme une damoyselle, et la damoyselle comme une dame, et ainsi de degré en degré en montant, sans faille, c'est chose hors ordre de bonne pollice , en laquelle, se elle est bien ordonnée en quelque pays que ce soit , toutes choses doibuent estre limitées. Or, vient à parler du quatriesme point , qui est comment vous garderez de blasrae , et de cheoir en diffame. Auquel point se peult encores toucher le faict de voz habillementz, tant en l'outraige de trop grand coust, comme en la manière des façons. En ceste manière, est assauoir que posé que une femme soit de très bonne volunté, et sans mauuais faict ne pensée de son corps , si ne le croyra pas le monde, puisque desordonnée en habitz on la verra, et seront faitz sur elle mains mauuais iugemens, quelque bonne qu'elle soit. Si appartient doncques à toute femme qui veult garder sa bonne renommée, qu'elle soit honnesteet sans desguisures, en son habit et habillement non trop estrainte, ne trop grandz colletz , ne autres façons mal honnestes, ne grand' trouueresse de choses nouuelles , par especial non honnestes. Et auec cela, manière et contenance y faict moult. Car, ainsi que ia est touché cy douant , il n'est riens plus desseant à femme que layde manière et mal rassise : aussi, ne chose plus plaisante que belle contenance , et coy maintien. Et quoy qu'elle soit ieune, si doibt-elle estre en ses ieux et ris attrempée et sans

desordonnance, et les sçauoir prendre à point, si qu'ilz soient bien seans , et le parler sans mignotise , mais soit propre et doulx, ordonné et attrait, en regard simple tardif et non vague , et ioyeuse par appoint. Mais, ensuiuant la matière que dessus nous auons dit, il est assauoir que, auecq le mauuais langaige , et blasme qui peult sourdre à femme par habit desordonné et par manière mal honneste, va ung autre plus périlleux inconuenient , c'est l'amusement des folz hommes, qui peuent penser qu'elle le face pour estre conuoitée et désirée par folle amour. Et, elle, par aduenture, ny pensera, ains le fera seullement pour la plaisance de soy mesmes, et par sa propre condition qui luy enclinera. Si sont des hommes de maints estatz, qui tascheront par grand diligence à les attraire en les poursuyuant par diuers semblantz;, et moult s'en peneront. Mais que doibt faire la saige et ieune femme, qui cheoir ne veult en blasme, et qui bien est aduisée que de tel amour ne peult venir que tout mal , preiudice et deshonneur , parquoy nulle volunté n'a d'entendre à telzmusartz? Elle ne veult mye faire comme aucunes musai'des, à qui trop bien plaist que on les poursuyue par grandz semblantz, et leur semble belle chose de dire. « Je suis moult aymée de plusieurs, c'est signe que ie suis belle, et qu'il y a en moy assez de bien. Je n'aymeray nul pourtant, mais à tous feray bonne chère, et autant y aura l'ung que l'autre , et tous les tiendray en paroles. » Geste voye n'est mye de garder l'honneur, ains est impossible que longuement soit maintenue par femme, qui c^u'elle soit, que n'en chée en blasme, et pour ce, la saige dame, si tost qu'elle appercoit par aucun signe ou semblance, que quelque homme a deuers elle pensé, elle luy doibt donner toutes occasions de s'en retraire, en paroles, et semblantz , et tant faire qu'il appercoiue qu'elle n'y a couraigc, ne n'y veult auoir. Et s'il adaient qu'il luy dye, elle luy doibt respondre, et dire sur ceste forme et manière: « Sire, si vous auez en moy pensée, vueillez vous en

retraire, car ie vous prometz et uire ma foy, que en telle amour n'ay mon intention, ne n'auray iour de ma vie : de ce puis-ie bien iurer, car de ce suis-ie bien afTermée en telle volunté, qu'il n'est homme, ne chose nulle, qui ester m'en peust, et toute ma vie demoureray en ce point, de ce soyez vous certain. Si perdreriez vostre peine tant plus vous y museriez. Et vous prie, tant comme ie puis, que ne me faciez plus telz semblans, ne disiez ces paroUes, car, en bonne foy, ie y prendroie grand desplaisir, etmegarderoye, àmonpouoir, d'aller où vous seriez. Si vous le dictz une fois pour toutes, et croyez fermement que iamais en autre propos ne me trouuerez, et à Dieu vous dy. » Ainsi, en brief, et sans longuement escouter, doibt respondre la bonne et saige ieune femme qui ayme son honneur, à tout homme qui la prie. Et auec aussi soient les semblans pareilz aux paroUes, c'est assauoir que, de regard, ne de maintien, ne face aucun semblant, parquoy il puisse nullement penser que iamais y puisse aduenir. Et s'il y enuoye dons quelz qu'ilz soient, que elle garde bien que nulz n'en prenne, car qui don prend se vend. Et s'il adulent que aucune personne luy en face quelque messaige, que elle dye expressément, etàrechigniévisaige, que iamais plus ne luy en parle. Et sa chambrière, ou varlet qu'elle a, se hardisse à luy dire qu'elle ne le tienne point en son hostel, car telle maisgnée n'est passeure, et si Lreuuevoye, par bonne manière, de le mettre hors pour quelque autre achoison, sans noyse, et sans tançon. Mais garde bien (comment qu'il soit) que à son mary ne le dye, car, quelque bonne volunté qu'elle ait, elle le pouroit mettre en telle frenaysie, qu'elle ne l'en osteroit pas, quant elle vouldroit, et est trop grand péril, et aussi n'en est nul besoing, s'en garde saigement, et s'en taise, car ne sera ia homme si grand, que s' elle veult au long aller par tenir saiges manières, qu'il ne s'en retraye. Ne aussi dire ne le doibt à voysin, ne à voysine, ne à autres, car paroUes sont reportées, parquoy il adulent aucunes foys que hommes con-

PIÈGES EN PIIOSE. 137

trouuent mauuaistiez sur les femmes, par despit de ce qu'ilz sont refusez , et que ilz sçauent que elles en parlent ou ont parlé. Si ne griefue riens taire la chose de quoy on ne peult de riens mieulx valoir la dire, et n'est point belle vantence à femme. Auec ce, femmes quise veullent garder de blasme se doibuent garder d'aller en compagnie qui ne soitloyalle, bonne, et honneste, ne en assemblées faictes en iardins, ou en autres lieux, parprelatz, ou par seigiieurs, ou autres faictes soubz quelque umbre ou couuerture de festoyer gens, et que ce soit pour autre machination de quelque brouillerie, ou pour elles, ou pour autres. Et posons qu'une femme sache bien que pour elle ne soit faicte telle assemblée, si se doibt-elle bien garder qu'elle ne face umbre à autre, car cause seroit du mal et du péché : si n'y doibt aller se elle le sçet, ou aucune souspecony a, et ains qu'elle voyse nulle part, si elle est saige, bien doibt aduiser comment, et où elle va. Ne detrouuer ses pellerinaiges hors la ville à faire, pour aller quelque part iouer, ou mener la galle en quelque compaignieioyeuse, ce n'est fors péché et mal (àquilefaict), car c'est faire de Dieu umbre et chappe à pluye, et ne sont point bons tours, ne aussi tant aller trotant par villeàieunes femmes au lundy à saincte Auoye, au jeudy ie ne sçay où, au vendredy à saincte Catherine, et ainsi es autres iours. Si aucunes le font n'en est ia grand besoing, non pas que nous vueillons empescher le bien à faire, mais, sans faille, veu le péril de ieunesse, la legiereté, et la grand conuoy lise que les hommes ont communément à attraire femmes, et les parolles qui tost en sont louées, et à peu d'achoison est le plus seur, mesmes pour le prouflit des dames et l'honneur du corps, et ne fault estre coustumieres de tant troter ca et la, car Dieu est partout qui cxaulce les oraisons des deuots depriantz, quelz qu'ilz soient, et quiveult que toutes choses soient faictes par discrétion, et non mie du tout à volunté. Aussi, de baigneries, d'estuues, et de commérages trop hanter à fommes, et telles compaignics, sans nécessité ou

138 RECUEIL CUrjEUX.

bonne cause, ne sont que despens superlluz, sans quelque bien qui en puisse venir. Et, pour ce, de toutes telles choses et d'autres semblables, femme, si elle est saige qui ayme honneur, et escheuer veult blasme, se doibt garder.

Cy deuise des femmes des marcliantz.

Désormais or viendrons-nous à parler desmarchantz, c'est assauoir des femmes aux hommes qui se meslent de marchandises, dont à Paris et ailleurs sont de moult riches, et desquelz les femmes portent grand estât, et plus hault en aucunes contrées et villes que à Paris, si comme à Venise, à Gennes, à Florence, à Luques, à Auignon, et autre part. Maisiceulx lieux, que nonobstant que nulle part ne soit sans oultraige, mieulx sont à excuser, qu'en ces parties de France ne seroit, pource qu'il n'y a pas tant différences des haulx estatz comme à Paris, et ceste part, assauoir Roynes, et duchesses , contesses , et autres dames , et damoyselles, parquoy les estatz sont plus differendz. Et, pource, en France qui est le plus le noble royaulme du monde, et où toutes choses doibuent estre les plus ordonnées (selon qu'il est contenu des anciennes usages de France ) n'appartient point, quoy qu'elles facent ailleurs, si comme est plusieurs foys touché, que la femme d'ung laboureur de plat pais porte tel estât que la femme d'ung homme d'honneste mestier de Paris ne de celle d'un homme commun de mestier, comme une bourgeoise, ne une bourgeoise comme damoyselle, ne la damoyselle comme la dame, ne la dame comme une contesse, ou duchesse, ne la contesse connue la Royne : ains chascune se doibt tenir en son propre estât, et ainsi qu'il y a différence et manière de viurc des gens, doibt auoir es estatz, mais ces reigles ne sont mie gardées auiourd'huy, ne maintes autres bonnes qui y souloientestre, et, pource, y pertàl'effectquisensuyt, car, sans

PIÈCES liN PUOSE. 139

faille, oiicqiies les orgueilz, ne lesestatz n'y furent, en toutes manières de gens, depuis les grandziusqucsaux mendres, si oultraigeux que ores sont, et ce peult-on veoir par les cronicques et anciennes hystoires, et pource que nous auons dict qu'en Ytalie encores les femmes portent plus grand estât (quoyque il soit vray) si ne sont-ilz point de si grand frais que cy endroit à tout regarder, veu les compaignies et bombans en maintes manières et choses qu'elles font, esquelles, aussi bien que es robes, chascune s'efforce de surmonter l'une l'autre. Car, puisque nous sommes à parler des marchandes, ne fut-ce pas voirement grand oultraige à celle femme de marchant de viure (voire comme marchant) : ce n'est mie comme ceulx de Venise, ou de Gennes , qui vont oultre mer , et par tout pays ont leurs facteurs , achaptent en gros, et font grandz frais, et puis semblablement enuoyent leurs marchandises en toutes terres à grandz fardeaulx, et ainsi gaignent grandz richesses, et telz sont appeliez nobles marchantz. Mais celle dont nous disons, achapte en gros et vend à détail pour quatre soubz de denrées (se besoingest)ou pour plus, ou pour moins (quoy qu'elle soit riche), et pourtant, trop grand estât elle fist, à une gesine d'ung enfant qu'elle eut, n'a pas longtemps, car, ains qu'on entrast en sa chambre, on passoit par deux autres chambres moult belles , oii il y auoit en chascune ung grand lict bien et richement encourtiné. Et en la deuxiesme, ung grand dressoir couuert, comme ung autel, tout chargé de vaisselle d'argent. Et puis, de celle la, on entroit en la chambre de la gisante, laquelle estoit grande et belle, toute encourtinée de tappisscrie, faicte à la deuise d'elle , ouurée tresrichement de fin or de Ghippre, le lict grand et bel, encourtiné d'un moult beau parement, et les tappis d'entour le lict mis par terre, sur quoy on marchoit, tous pareilz à or, et estoient ouurez , les grandz draps de parement, qui passoient plus d'ung espan par soubz la couuerture, de ^^i fino toillc de Reims, qu'ilz estoient prisez

à trois cens frans , et tout pardessus ledict couuvertouer à or tissu, estoit ung autre grand drap de lin, aussi délié que soye, tout d'une pièce et sans cousture, qui est une chose nouuellement trouuée à faire, et de moult grand coust , qu'on prisoit deux cens frans et plus , qui estoit si grand et si large qu'il couuroit de tous lez le grand lict de parement, et passoit le bort du dict couuertouer, qui traisnoitdetouslescostez. Et, en celle chambre, estoit ung grand dressoir tout paré , couuert de vaisselle dorée. Et en ce lict, estoit la gisante, vestue de drap de soye tainct en cramoisy, appuyée de grandz oreillez de pareille soye à gros boutons de perles , atournée comme une damoyselle. Et Dieu sçet les autres superflux despens de festes, baigneries, de diuerses assemblées , selon les usaiges de Paris à acouchées, les unes plus que les autres, qui la furent faictes en celle gesine, et pource que c'estoultraige passant, les autres (quoy qu'on en face plusieurs grandz) , il est digne d'estre mis en liure : si fust ceste chose rapportée en la chambre de la Royne, dont aucuns dirent, que les gens de Paris auoient trop de sang, dont l'abondance aucunes foys engendroit plusieurs maladies, c' estoit à dire que la grand habondance de richesses les pourroit bien faire desuoyer. Et, pour ce, seroit leur mieulx que le Roy les chargeast de aucun ayde, emprunt, ou taillée : parquoy leurs femmes ne se allassent pas comparer à la Royne de France, qui gueres plus n'en feroit. Si sont telles choses desordonnées et viennent de presumption , et non de sens , car ceulx et celles qui les font, en acquierant, non mye pris, mais despris. Car, quoy qu'ilz prennent les estatz des haultes dames , ou des princesses , si ne le sont-elles pas , ne on ne les y appelle pas , ains ne perdent point le nom de marchandes, ou fenmies demarchantz, voire telz qu'on les appel leroit en Lombardie : non mye marchantz , mais reuendeurs, puis qu'ilz vendent à détail. Si est trop grand foUie de se reuestir d'autruy habit, quant chascun sçet bien à qui

il est , c'est à entendre de prendre estât qui appartient à autre, non mye à soy. Mais se ceulx et celles qui telz oultraiges font , soit en habitz ou estât laissoient leur marchandise , et prensissent du tout les grandz cheuaulx et les estatz des princes et seigneurs, leur estre s'ensuyuroit, mais c'est trop sotte chose de n'auoir par honte de vendre'ses denrées et faire sa marchandise , et auoir honte de porter l'habit, voire qui est moult bel, grand et honneste , qui à droict si maintient , et est Testât de marchant bel et honnorable en France , et en tout pays. Si se peuent telz gens appeller^ens desgiiisez, et ce ne disons mie pour les amenuyser d'honneur, car, ainsi que dit est, estât de marchant est bel et bon (qui à droict le maintient) , ains le disons en bonne entente, affin de donner conseil et aduisaux femmes à qui nous parlons, d'elles garder de telles superfluitez, qui bonnes ne sont à corps, ne à âme, et peuent estre cause que leurs maris soient chargez d'aucun nouuel subside. Si est leur meilleur et leur plus grand sens, que leurs habitz propres, chascune selon soy, qui sont beaulx , riches et honnestes portent, sans prendre autres ( posons que riches soient). Ha Dieu ! que peuent telz gens faire de biens ? Certes, s'ilz thesaurisoient au ciel, selon l'admonnestement de l'euangile, ils seroient bien conseillez, car ceste vie est très briefue, et celle laestàtousiours, si comme iaest dit deuant, ce seroit pour eulx bonne espargne pour le temps aduenir , et de leurs grandz richesses départissent aux paoures par vraye charité, et si font les plusieurs, ce n'est pas doubte, il est bien besoing, car, par celle bonne et noble vertu de charité que Dieu à tant aggreable , elles peuent achapter le champ, dont l'euangille parle en la parabole, où est le grand trésor musse, c'est la ioyede Paradis. Etung noble motd'icelle saincte vertu, dit Léon Pape, au sermon de l'Apparition, où il dit : « Tant grande est la vertu de charitable miséricorde, que, sans elle, les autres vertus ne peuent prouffiter, car combien que aucune créa-

142 RECUKIt CURIEUX.

ture soit abstinente, se garde de péché, soit deuole, et ait toutes autres vertus, sans icelle qui faict les autres valoir, tout est néant, car, au dernier iour du Jugement, elle sera portant la bannière deuant toutes vertus pour ceulx qui en ce monde l'auront exercée et aymée , qui les conduira en Paradis, et confondera ceulx Nostre Seigneur, en qui elle n'aura esté trouuée, donnant sa diffinitiue sentence, ce nous tesmoigne le texte de l'euangille. »

Extrait de VMnstrucHon sfonv tes JeMues ftntnes^ par llarSc de fiiosnieu.

M. Je vous dis que la richesse de l'habillement consiste grandement à rechercher aucc diligence que le drap de soye , toile ou autres estolîes , soient bien fines , et des meleures qui se puissent trouuer. Car s'abiller de gros drap, comme vous eh cognoissez quelques unes, ne peut auoir que mauuaise grâce. D'auantage, l'habillement doitestre ample et plantureux , mais non tant que cela puisse apporter empeschement. Et n'importe pas peu d'auoir l'accoustrement ainsi ample, car il n'y a rien de si mauuaise grâce, que de veoir aller une dame auec un accoustrement affamé. Comme i'entends vous dire cy après, en vous discourant, les particularitez , ie veux encores que les accoustremens ainsi amples soient enrichis de bandes, descoupures, esgratigneures, broderies et autres semblables enrichissements: et quelques fois, qu'ils soient tout simples. Car ceste variété d' accoustremens à grande parade sent ie ne sçay quoy de gentil.

F. — Mais i'aurois plustost pour que cela en marquast quelque bigarreté de cerueau, accompagné de peu de constance, qui n'est pas petite tâche.

PIÈCES EN PROSE. l/lS

M, — Cela serait bien vray, si une ieune dame faisoit paroistre ceste légèreté en ses autres actions : mais, se faisant cogoistre pour sage etaccorte en toutes les autres affaires, ceste variété en accoustremens ne luy sçauroit tourner, sinon à grandeur et ornement. Surtout l'on remarque la richesse de s'habiller, à auoir souuent robbes neufues et ne porter iamais mesme accoustrement, ie ne veux pas dire beaucoup de sepmaines, mais au moins beaucoup de mois.

F. — Vrayement, ce que vous dictes seroit, à mon aduis, suffisant pour ruyner une telle dame que ie suis, mais une grande princesse î Regardez donc : si ceste despence me fait peur, que deuroient dire beaucoup d'autres qui n'ont pas tant de moyens que moy?

M. — Les princesses s'accoustrent de drap d'or fin , et font border leurs robbes de perles, diamans , rubiz , et autres semblables richesses. Aussi, leur ay-ie laissé cela à part et ne vous ay parlé que de ce qui vous appartient.

F. — Il est vray, mais encores, en ces brodures et decoupeures que vous m'auez dites, il s'y en va bien de l'argent.

M. — Pour le faire court, i'entends que chacun en use selon sa puissance , et qui ne peut tout faire , qu'elle en face le plus qu'elle pourra, voire iusqu'à s'efforcer un peu.

F, — Continuez donc vostre discours.

M. — Pour reuenir à mon propos , ie vous dy que c'est une chose bien laide de porter long temps une mesme robbe : Mais c'est encore bien pis, quant on s'apperçoit que d'une robbe l'on en faict une autre, la retournant, la faisant retaindre, ou autrement, comme a fait une damoiselle, que vous cognoissez bien , qui ne s'estime pas de petite qualité, et, à la vérité, elle tient quelque lieu : laquelle, ayant fait faire à ses nopces une robbe de damas blanc , et, pour l'auoir portée plusieurs années , l'ayant desia, bien salie, la fist retourner et mettre le dedans dehors, et ainsi la porta

ilill RECUEILS CURIEUX.

très bien , vingt bonnes années après, de dimenche en dimenche. Mais, estant desia bien descliirée, la fist retaindre en iaune, tantpour faire sembler qu'elle changeoit de robbe, qu'aussi pour ce qu'en ceste coulleur là les déchirures paroissoient moins que sur le blanc; etmesmes, d'autant que desia en son aage le blanc n'est pas bien séant, enuiron un an après, commençant ce damas à s'user à bon escient, nostre damoiselle se résolut de despecer sa robbe, et du plus usé en fist une frange autour d'un manteau violet, et du demeurant en fit des manchettes, lesquelles en peu de iours estans deuuenues en filet, en feit un dessus de toille de lin decouppé : voila Testât auiourd'huy auquel est le pauure damas. Nous verrons ce qu'il en deuiendra cy après : ie m'attends bien que douant qu'il meure, il aura encore bien des affaires.

F. — Je cognois bien ceste bonne mesnagere là.

M. — Il suffit. Or, outre ce que ie vous ay dit de la richesse, l'accoustrement doit estre accompagné d'une certaine grâce garnie de iugement, car autrement tout n'en vaudroit rien.

F. — En quoy gist ceste grâce ?

M, — Elle consiste principalement en deux choses : l'une a bien assortir l'accoustrement, et à la grâce de le porter.

F. — Nous ne sommes pas, à ceste heure, sur la grâce, qui despend de la contention et actions? Il nous faut açheuer ce qui touche les habits.

M. — Aussi, ie n'entends parler, sinon de la bonne grâce de porter un habillement, sans laquelle il n'y a façon qui ne se trouve bion laide. Et, sur ce subiect, ie vousdiray, qu'une ieunc dame doit prendre garde de ne s'habiller pas tout à la fois de plusieurs couleurs, et surtout de celles qui ne s'accordent point ensemble, comme le vert et iaune doré, le rouge et le iaune paille, et semblables meslanges qui sont bien lavds et tiennent du basteleur.

PlÈCliS EJN PKOSiî. 145

F. — Mais qui voudroit contenter ses opinions à porter quelques couleurs ou liurées?

M. — Quant à celles, on peut en auoir deux , voire iusqu'à trois, mais c'est au plus; et de l'une des couleurs, i'entends comme nostre voisine, à qui i'ay veu souuent quatre couleurs au corps de sa robbe et manches, sans les chausses et pantoufles , qui estoient encore de deux autres , qui est chose de bien mauuaise grâce : surquoy, ic concluds que, le corps de la robbe étant tout bigearré, diriez qu'elle prend plaisir qu'on voye sa robbe du bout de larue. Mais ie n'ay que faire de vous parler de ce dernier article , car vous n'auez partie sur vous, qui ne soit parfaitement belle.

F. — Vous en sçauez bien une autre , qui a prins vne façon de porter manches si estroites, et iustes au bras, que l'on luy veoid toute la façon du bras, qui est si menu que c'est pitié de la veoir, et si elle l'auoit de bonne grosseur , ceste façon de manches estroittes ne seroit pas de mauuaise grâce.

M. — Vous dites vray. J'en voy qui ont les espaules grosses et larges et comme un porte fais, et de l'autre costé emplissent leur bust de coton, qu'il semble qu'elles ayent un corcelet, tant cela est contrefait. L'autre, qui a le pied aussi large qu'un vigneron, decouppe encore ses escarpins de telle sorte , que le pied en paroist deux fois plus large : et, de ce subiet, ie vous pourois donner infinies exemples, mais ie croy qu'en sçauez assez, et le pouuez considérer vous mesmes. 11 faut donc résoudre qu'il est besoin remédier aux defaux et imperfections de nature le plus que l'on peut, tantost auec du coton pour rembourer ce qui est trop plat ou pour faire un endroit aussi gros que l'autre, tantost s'aidera d'autre chose par des decouppeures: à l'une, pentoufle plus haute ; d'un corps, pour une autre : et plusieurs autres secours, selon le besoin. Mais vous qui estes toute belle , prenez tousiours les façons qui feront paroistre vos perfections , comme vostre belle taille, A. 19

î/l.6 RECUEIL CURIEUX.

la bonne proportion de vos bras , la maiesté de vos espaules, la disposition de vos hanches , vostre petit pied, et ceste belle greue !

F. — Quel besoin est-il se soucier des iambes , puisque ce n'est pas chose qu'il faille monstrer?

M. — Si fait dea , on les peut bien monstrer, mais Timportance est d'aduiser comment et de quelle dextérité, comme le vous diray tantost, quand nous parlerons de la grâce.

F. — Hé ! n'est-il pas temps d'en parler, puisque nous auons vuydé le point. Gomment il faut assortir l'accous- Iremcnt ?

M. — Je veux premièrement despeeher, en deux mots, l'ornement de la teste et du corps ; car i'entens accorder cela auec Tordre d3 s'habiller , encore qu'il semble qu'il y ait quelque differance. '

F. — Bien donc, dites.

M. — Vous deuez donc sçauoir , qu'il n'y a femme , ny fille, quelque belle qu'elle soit, que, si elle ne s'aide, elle ne paroisse aucunesfois moins belle. Et ne me semble bonne l'oppinion de ceux qui disent qu'une femme quia naturellement la charnure belle, n'a que faire se nettoyer et lauer. Mais ie suis d'aduis que les belles dames se licencient quclquesfois de s'accommoder de quelques eaux pour se nettoyer le visage, mais sans fard, et en ay bien quelques receptes excellentes.

F. — Vous ne trouuez donc pas bon d'user de sublimé, de rouge et blanc d'Espagne et de toutes ces sortes de fards, donti'ay quelque fois ouy parler?

M. — Je vous prie, ma fille, gardez-vous-en comme de la peste, car si vous y accoustumez une fois, vous serez toute csbahye que vous vous trouuerez vieille et toute ridée à trente ans : et des moindres commoditez que vous en rcceurez, sera que vous aurez incontinent l'haleine continuellement puante; et les dents (qui sont des principaux ornemens

piÈCBs EN rnosK. 147

de la beauté) vous dcuicudront bientost noires, corrompues et si gastées, qu'ayant souucnt mal, vous serez contraincte de les faire arracher l'une après l'autre, et, perdant celles des costez, vos joues deuiendront toutes plates, et la perte de celles de douant vous fera contrefaire la petite bouche, et la tenir close de mauuaise grâce, sans oser rire, sinon mettant la main au-deuant ; et s'il adulent souuent que de telles drogues on perd la veiïe, ou elle s'affoiblit beaucoup, et la santé de tout le corps en est pire.

F. — De ma part, ie n'ay iamais eu enuie d'essayer de telles besongnes, et me contente d'une eau que i'ay ouy dire estre fort bonne. Au moins, celle qui m'en ayde, quand l'en ay affaire, en faict bien grand cas : et ne m'en a iamais voulu donner la recepte, quelque prière queieluy en aye sceu faire.

M. — N'est-ce pas ma cousine?

K — Ouy.

M. — Yrayement, la recepte est assez bonne. Je scay, il y a longtemps, ce c{ui y entre : mais quant vous voudrez, ie vous en feray de bien meilleure.

F, — Puisque vous sçauez comment est faite celle dont ie me suis bien trouuée, ie vous prie, ma mère, me le vouloir maintenant apprendre, attendant que vous me ferez ce bien, à nostre première veûe, m'en communiquer de plus excellente.

M. — Que vousseruira-il que ie la vous apprenne? Aussi bien, ne la sçauriez vous faire. Il vaut mieux que ie vous en tienne de preste, toutes les fois qu'en aurez affaire, ou bien de quelque autre meilleure.

F. — Non, ie vous prie, apprencz-la-moy?

M. — Escriuez-la donc : Je prends premièrement des pigeons h qui j'oste les pieds et les aysles; puis, de la terbentine de Venise, fleurs de lis, œufs fraiz, miel, une sorte de coquilles de mer, appelées porcef laines, perles broyées et canfre. Je pille et incorpore toutes ces drogues ensemble.

et les mets ainsi dans les corps des pigeons , lesquels ie mets distiller en allembic de verre par bain-marie : ie mets au dedans du bec dudit allembic un petit noûet de linge, où il y a un peu de musc et ambre gris, et attache le recipiant auec du lut au col de la chappe auquel distille l'eau: laquelle après ie mets au serain, et dénient fort bonne.

F. — Ma mère, ie vous remercie bien fort de vostre recepte qui me semble n'estre que bien bonne, mais i'ay grand peur ne la pouuoir pas bien faire.

M. — Je vous en croy, mais ne vous en mettez point en peine, car ie vous en feray toutes les fois que vous en voudrez.

F, — Je vous en prie. Etleshuilles vous semblent-elles bonnes pour le visaige?

M. — N'usez iamais d'huille, si vous me voulez croire. Il est vray que quelque fois, estant aux champs, ayant vsé l'eau que ie viens de dire, afin qu'après vous ne vous hasliez du grand air, ou au soleil, il n'y aura pas grand danger prendre de l'huille d'amandes douces, tirées sans feu, et un bien peu de canfre, et en faire une pommade auec tant soit peu de cire blanche. Il faut aussi qu'ayez soing de vos dents, car c'est une partie qui pare le plus la beauté des dames. Prenez donc bien garde de les vous frotter une foislasepmaine, doucement, d'une poudre qui est composée de coral rouge, sang de dragon, tartre de vin blanc, mastic, os de seiches, noyaux de pesches et canelle : cela les vous tiendra tousiours blanches, et gardera de s'y accueillir ceste lye qui s'attache au bout des gensiues, laquelle, outre ce qu'elle est laide à voira quiconque soit (et d'autant plus à une belle dame) apporte encore très grande nuisance, car, en peu de temps, cela deschausse la gensiue, et consequemment donne place aux catharres qui incontinent corrompent les dens. Et puis, la langue qui est une des principales choses dont une belle damoiselle se doit donner de garde (et qui la rend autant aymable) et vos mains, ma

fille, quel soin en avez-vous? Je vous aduise que la belle main est de grande importance à une ieune dame.

F. — Je m'aide d'un limon et en tire le iust que ie mets un peu sur le feu, y ayant mis dedans du sucre candy, et me laue de cela.

M. — 11 y en a tout plain qui font ainsi, et ne seroit pas mauuais, sinon qu'à la longue cela fait venir des rydesaux mains. Mais ie vous veux enseigner une bien meilleure recepte pour cela et bien aisée : Prenez de lamoustarde, detrempée trois fois en vin aigre, etsechée; puis, subtilement passée; du miel et des amandes ameres; meslez tout ensemble en forme d'ellectuaire, et en mettez sur vos mains, le soir, vous allant coucher, et prenez des gands de cheurotin bien iustes, et le matin lauez vos mains d'eau de pluye, auec un peu d'huylle de benioin, et vous verrez chose qui vous contentera.

F. — Je vous asseure que ie l'essairay, douant qu'il soit huict iours.

M. — Encores, ne faut-il pas faire comme quelques unes que iecognois, qui n'ont soin de ce tenir propre, sinon ce qui parroist à decouuert, se tenant ordes et sales, au demeurant, de ce qui est dessous le linge. Mais ie veux qu'une belle damoiselle se laue toute bien souuent d'eau où on auroit bouilly de bonnes senteurs, car il n'y a rien si certain que ce qui fait plus fleurir la beauté d'une ieune dame, est la propreté de se tenir nettement.

F. — Mais qu'importe-il de se soucier tant de ce que l'on ne veut pas que l'on voye ?

M. — De le monstrer ou non, i'en discoureray tantost, quand nous serons sur ce propos: mais, pour ceste heure, ie vous diray que, posé le cas que ce que couure l'habillement n'ait point à estre veu, si est-ce que l'on doit tousiours prendre garde à se tenir bien nettement, quand ce ne seroit que pour la satisfaction de soy-mesme ou d'un mary : outre que, à faute de se soing, il s'en trouue quelques unes

qui viennent à sentir mauuais : qui est chose bien laide et à reprendre à une belle dame, car elle doit tousiours auoir bien grand soin de sa personne, encore qu'elle ne soit asseurée de ne sortir de sa chambre. Mais laissons ce propos, pour parler de l'accoustrement de la teste.

F. — Il y a bien du subiect a mon aduis qui en voudroit discourir bien au long.

M. — Si ne vous en diray-ie qu'un mot, c'est que chacun doit auoir grand iugement à s'accoustrer bien à propos en cest endroit, d'autant que c'est ce que l'on veoit le plustost, et où se descouure incontinent l'imperfection. le ne voudrois principalement que en esté une belle et ieune damoiselle portast un chaperon de velours, comme mieux séant à une vieille, mais l'escofion luy sera mieux à propos, regardant de le tenir grand ou petit, selon la proportion de son visage et de sa teste, qui aura assez de cheueux et non trop laids. Je ne luy conseille de se seruir de perruque empruntée et estrangere. L'hiuer, si la ieune dame se trouue en pays trop froid, et que la crainte des caterres ne luy permette se contenter couurir sa teste de coiffes doubles, ou en mettre par dessous, qui soient picquées : portera, durant le froid, son chapperon de velours, mais si bien fait, selon la proportion de sa teste et de sa taille, que la queue ne soit trop longue ny trop courte ; que le tour de la teste, le touret, les aureilles, et l'assiette et crespe, et aussi les bordures, quant elle en portera, luy donnent si bonne grâce au visage, qu'il n'y ait rien à reprendre. Je veux, après cela, que la ieune damoiselle face despence en linge, comme collets, et doubleures de collets, manchettes, mouchoirs ouurez , et qu'elle ait soin d'en recouurer des plus belles façons et des plus beaux ouurages, et en changer tous les iours de blancs : et mcsmes doit auoir de beau linge en chemises, tant celles qui luy seruent le iour comme pour la nuict.

F, — Il me semble que vous n'auez rien oublié de ce qui

appartient à raccouslrement : mais parlons maintenant comme nous nous deuons parer de bagues et pierreries?

M. — Je loue la modestie en cest endroit, et, pour vous en particulariser quelque chose, ie trouuerois bien séant à une ieune dame de porter communément une cottoire de belles grosses perles bien rondes et blanches, un collier qui ne soit guère chargé d'or, mais de belle façon, et bien esmaillé de belles couleurs, et un diamant de soixante ou quatre vingts escus,'bien mis en œuvre, qu'elle portera au doigt prochain du plus petit en la main gauche : ie ne luy en conseille pas dauantage, si elle ne veut encore auoir des bracelets, de quelque bel ouurage, enformedemanicles: mais encore m'est-il aduis qu'il n'en est pas grand besoin. Aux iours qu'il se faudra parer dauantage, sur la coiffe ou au touret et oreillettes du chaperon, elle portera des bordeures de pierreries, mises en œuvre bien à propos, et des plus belles et nouuelles façons. Il faut tousiours auoir une bonne paire de gans parfumez, et des plus riches, sans porter sur soy autre santeur, pour ne ressembler celles que ie cognois, que l'on suiuroitbien àlatrace, quant elles vont par les rues : desquelles on dit communément : «t Geste là qui sent tousiours si fort, si elle auoit une fois laissé son parfum, il y auroit danger qu'on ne la trouuast bien puante. »

F. — Il me semble que tant de parfum fait mal à la teste?

M. — Vous auez raison, et mesmes ceux qui sont trop forts donnent ordinairement aux femmes le mal de la mer. Mais un gand bien purgé et bien laué, et après accoustré d'un tiers de musc et deux tiers d'ambre gris, a la senteur si douce, qu'elle ne fait iamais mal, et si contante grandement ceux qui le portent, et ceux qui en approchent.

F. —Or, puisque des deux parties sur lesquelles auez fondé l'accoustrement, l'une est deschiffrcc, qui est le bien

et à propos assortir, il reste maintenant à parler de la grâce de le bien porter.

M. — Vous auez bonne mémoire. Il faut que vous pensiez, ma fille , que quand une ieune dame auroit un habillement le mieux fait du monde, et de couleurs bien à propos, et riche, et ne le sçait bien porter, i'aymeroys autant qu'elle n'en eust point.

F, — Hé ! qui est celle qui ne portera bien une robbe, si elle est bien faicte?

M. — Dites-vous? Je voy bien que vous n'y auez gueres prins garde. 11 y en a infinies, qui, ou par mauuaise accoustumance, ou par faute d'y aduiser, ont si mauuaise grâce à se maintenir en leurs accoustremens, auec si fâcheuses contenances, qu'elles font peines à ceux qui les rey ardent.

F. — Donnez-moy quelque exemple pour voir?

M. — Je n'iray pas loin. Cognoissez-vous point une de vos parentes, qui fait assez la belle, mais elle a appris une façon de la bouche, en cheminant, qu'elle la contrefaict de sorte, sans y penser, qu'il semble qu'elle face la moue, ou qu'elle se moque de ceux qu'elle rencontre, et auec cela porte tousiours sa robbe de si mauuaise sorte, que, quelque riche ou bien faicte qu'elle soit , si diriez-vous qu'elle pleure sur son corps ? Mais cuidez-vous que ceste là soit seule ? Regardez aux meilleures villes, et mesmes dans Paris : de cent, vous n'en verriez pas une douzaine, sur qui vous n'en voyez quelque mauuaise contenance à reprendre. L'une va auec sa robe qui luy couure lout le col : l'autre l'a trop aualée sur les espaules, comme si elle la laissait aller ainsi, sans y penser : ceste-cy a la bouche si serrée, qu'il semble que les mouches y entrent : une autre va rouant la teste en auant, comme un laquais : l'autre marche si bellement , que vous la prendriez pour un euesque qui suit la procession : vous en voyez qui remuent tousiours la teste comme les fols, et d'autres qui marchent toutes d'une

pièce comme une image : d'autres portent leurs chausses rompues au talon : quelques-unes vont faisant la roue tout ainsi qu'un paon : autres vont tournant la teste deçà delà, pour conuier de les saluer : autres, se trouuans aux nopces ou à quelques dances, tousiours en ballant ou regardant dancer, tiennent la cadance et la mesure des violions auec le bransle de leurs testes.

jF. — Quand à ce que vous auez dict de porter les chausses rompues au talon, n'est pas tant de faute de bonne grâce ou de la contenance, comme il despend de mecaniqueté.

M. — Et bien, si est-ce que vous ne sçauriez dire que cela ne soit bien de mauuaise grâce. Il y en a encores d'autres qui ont la bouche ouuerte , de sorte que vous les prendriez pour mourir de soif, ou de trop grande chaleur : les autres qui haussent le nez si haut, qu'il semble qu'elles veulent veoir si les estoiles paroissent au ciel : l'une se mord les leures : l'autre tire à toute heure un pan de langue. Geste-cy a une autre sotte contenance, et sa compagne l'aura encore pire, comme vous pouuez bien vous en resouuenir, maintenant que ie vous en ay aduisée.

F. — Je le vous confesse, ma mère, mais dictes-moy» îe vous prie , d'où vient cela qu'elles sont si sottes de ne s'auiser poinct que cela leur sied mal ?

M. — Je vous en pourrois rendre beaucoup de bonnes raisons, mais l'une des principales est que ceste race de femmes, dont ie vous viens de parler, oyant louer et faire grand cas de quelques dames excellentes, se proposent que, si elles leurs peuuent ressembler ou les imiter, elles acquerront pareille réputation que celles-là : et, comme personnes de peu de iugement, se mettent à imiter quelque particularité qu'elles auront remarquée aux autres, qui par fortune en celles-là se trouve seulement à blasmer, ou pour le moins estre moins louable, comme il est malaisé de trouuer personne où il n'y ayt quelque peu à redire. Et ces panures sottes se font accroire que c'est ccste imper fec-' A, 20

tion (laquelle elle ont entreprins d'imiter) qui fait que Ton faict cas des autres. Et, surccsteoppinion; elles s'estudient tant qu'elles peuuent de les bien ressembler de ce costélà, espérant d'autant plus approcher de leurs louanges.

F, — Je ne vous entends pas bien. Je vous prie, dictesle-moy clairement?

M. — Je ne m'interpreteray donc qu'auecqun exemple. La ieune vefue que vous congnoissez, oyant estimer vostre belle sœur pour une femme fort excellente et des plus rares que Toncognoisse, se mit en l'oppinion que ce qui estoit cause de tant de réputation, deuoit estre qu'elle cheminoit ordinairement bien posément. Si bien que là dessus elle s'alla mettre à accoustumer un si fascheux petit pas, quand elle marchoit, que vous voyez qu'elle en faict rire tout le monde. Je sçay infinies de telles histoires de femmes, qui, par faute de bon iugement, se sont plutost attachées à contrefaire ce qui se trouue de moins louable en celles de qui on fait cas, qu'à imiter ce qu'elles n'ont sçeu appercevoir, qui estoit le plus recommandable, et cela leur adulent par faute de ceraelle, et pour estre mal instruites.

F. — Comment donc se doit gouuerner une damoiselle pour auoir bonne grâce à se bien habiller et proprement, et aussi auoir la contenance agréable dont vous parlez?

M. — Pour le faire court, je concluray premièrement quant à l'accoustrement, que, quoy que i'en ay dict cy deuant, si n'y a-t-il ordre quelconque d'y pouuoir donner reigles certaines. En premier lieu, pour estre nostre France si subjete à changemens, et mesmes aux façons de s'habiller, comme chacun sçait, que si nos grands mères pouuoient ressusciter, elles penseroient estre en quelque pays estrange, tant peu elles recongnoistroient nos habillemens trop eslongnez des façons qu'elles usoient en leurs temps, et que moy-mesmcsay veu changer cinq ou six fois, depuis que ic me congnois. D'aduantage, chacune doibt auoir son iugement particulier sur la forme de s'habiller et cognoistre,

ce qui liiy sied bien ou mal. A La brune sera bien séant ce qui seroit à reprendre sur la blanche. La grande doibt faire dilïerance de ce qui seroit à propos pour la petite. Et semblablement, celle qui est en bon poinct, d'auecq la maigre. De sorte qu'il faut reseruer tout cela au bon iugement de chacune: duquel aussi elle se seruira, pour veoir ce qui sied bien à celles desquelles elle veoit faire plus de cas auec raison, et non-seulement pour auoir des habillements bien faicts à propos, mais encore pour auoir bonne grâce en leurs actions, soit en parler, cheminer, dancer, rire, boire et manger, et generallement toute autre convenance, en la moindre desquelles la belle damoiselle doit auoir seing d'auoir bonne grâce, mais auec telle naïfueté, que chacun cuide que cela luy soit don né de nature, et non acquis par art, et moins par affection. Encores ne veux-ie oublier, aucasqueleiugement (que Dieu ne donne pas àtoutes)viendroitàdeffaillirpour sçauoir iuger de soymesme ce qui est bien ou mal agréable en autruy, à fin de suyurele mieux : en ce cas, faut auoir le iugement de celles qu'on tient les plus aduisées, afin de se reigler, en cest endroit, par leur oppinion, et, selon cela, se façonner ; mais, sur tout, tenir un moyen , sans trop tirer d' un costé ou de l'autre ; car, comme i'aydict, l'affectation estàreprendre : aussi, est bien de faire paroistre trop de nonchalance en sa façon de faire, et faut, quand on est chez soy, donner ordre de si bien s'accoustrer et de n'y oublier rien, que, quand on sortira dehors, il n'y faille plus toucher ny s'accoustrer deuant le monde, mais, au contraire, faire lors paroistre qu'on n'a pas grand seing de se parer.

F. — A ce que ie voy, ma mère, il est donc malaisé de donner reigles particulières là dessus?

M. — 11 est impossible; mais, gardant le moyen, comme i'aydict, on ne sçauroit faillir. Etd'auantage, il faut bien prendre garde aux façons d'accoustremens , et les porter de sorte, qu'ils descourent de bonne grâce ce qu'on a le

15G RECUEIL CURIKUX.

plus beau sursoy, et, au contraire, ayent à cacher ce qui est laid ou difforme. Ce qui doit estre obserué au marcher et en toute autre contenance : en quoy faut mettre peine de celer les imperfections de nature , et faire paroistre les beautez le plus qu'on pourra, sans toutefois se destourner de l'honnesteté et modestie et de trop s'eslongner de l'usance du pays.

Extrait du livre intitulé : Deux dinlog;«ECs cin langage françois ilaliauizé, par Robert Estienne.

Cei. Vous m'estonnez merueilleusement, de me dire qu'un si vilain langage soit ordinaire aux gentilshommes courtisans. Phil. Si ne vous di-ie qui ne soit vray. Et si il y a bien davantage, car plusieurs qui parlent ainsi, ne sont pas simplement gentilshommes courtisans, mais bien qualifiez. Cel. Comment entendez-vous ces mots : bien qualifiez? Phil. J'enten gentilshommes bien godronnez, bien frisez, bien fraisez, bien passefillonnez. Cel. Vous me mettez bien chez Guillot le Songeur, touchant ces quatre qualitez. Car, quand ie parti de France, on ne parloit aucunement de qualifier ainsi les gentilshommes : et ne sçay que veulent dire ces quatre epithètes : sinon que, quant au dernier, ie me doute qu'il leur ait esté donné, pour auoir emprunté des dames quelque façon de se parer. Car i'ay bien souuenance de ce mot passe fil Ions, qui estoit propre à elles. Tellement que ie me doute que tous ces quatre epithètes appartiennent à une mcsme chose, et qu'ils contiennent la description des gentilshommes qui sont bien damorets ou damoiseaux. Pjitl. Vous n'auez pas mal deuiné. Cel. Puisqu'ainsi est, ils ne se soucient guère de ce que dit Ouide :

Sinl procul Ji nol)is inuenes ut fœmina compli.

Mais les dames et les damoisellcs, qaoy ? Car, puisque les gentilshommes leur ont pris leurs passefillons, il leur a bien falu se récompenser sur quelque autre inuention. Phil. Ne vous en donnez point de peine : elles ont bien sceu pouruoir à leurs affaires et bien tost. Car, en quittant aux gentils-hommes leurs passefillons, elles se sont saisies incontinent de raquettes. Cel. Comment? portent-elles quelque chose pendue à leur teste, qui soit semblable aux raquettes des ieux de paume? Phil. C'a bien esté à l'imitation de ces raquettes-là, qu'on a usé de ce mot. Toutes-fois, ce n'est pas quelque chouse qui soit pendue àleurtcste, mais leurs cheueux, estans tirez d'une certaine façon, et mis en parade à l'endret de leurs tempes, sont appelez de ce nom. Toutefois, quelques docteurs modernes veulent gager tous leurs Bartoles et tous leurs Panormes, qu'il faut dire, non pas raœpenades, mais raœpelades : pource qu'elles sont en façon d'aisles de chauuesouris, et qu'en quelque pays de satin, on appelle raœpelade ce que nous appelons chauuesouris. Cel. La pluralité des voix est-elle pour eux? Phil. Au contraire, ils mettent leurs Bartoles et leurs Panormes en grand danger, car, en ce pays de satin, lequel ils entendent, ceux qui parlent bien, disent ratepenade pour une chauuesouris : comme voulans signifier une rate ou souris empennée, ce qu'on diret en latin mus pcnnatus. Cel. Mais, d'autre part, il faut regarder comment ceci se rapportera à ce que les autres disent : une souris chauve. Toutes fois, à eux la dispute. Je vous confesse cependant que ie ne puis bonnement comprendre comment sont faites ces raquettes ou ratepenades. Phil. De vray, c'est vn mystère qui est un peu haut, et ne peut pas estre compris du premier coup. Cel. Voila que c'est : encore, faut-il que ie sois moqué, comme si cela estoit de nostre marché. Phil. Pour parler à bon escient, ie serès bien empesché à les vous descrire si bien que vous puissiez imaginer comment elles sont faittes. Carie ne vous pourrès dire autre chouse,

sinon que ce sont des cheueux (qui, le plus souuent, sont empruntez) tirez sur un fer en demi cercle de chacun costé : lequel fer est esleué haut sur leurs tempes et front : au milieu duquel il vient un peu en abbaissant. Mais, au lieu d'user de longue description, i'ay espérance de vous en faire voir auiourd'huy chez M. Philalethe : pareillement, quelque gentil-hommebien godronné, bien fraisé, bien frisé, ou frisoté, bien crespillonné , bien passefiUonné. Cel. Cela méritera bien un grand remerciment, car vous m'aurez fait entendre beaucoup de nouueauxmots tout en un coup. Et (pour vous dire la vérité), de ces deux-ci cjodronné Qi fraisé, l'un me fait souuenir de ce que les menuisiers souloyent dire : un chaslit godronné : quant à l'autre, il me remet en mémoire les fraise de veau. Piiil. Vous n'estes pas si loing de l'intelligence des mots dont i'ai usé, que vous pensez. Car les colets de chemises sont godronnez et fraisez à l'imitation des deux chouses dont vous venez de parler. Cel. Voilabien d'autres nouuelles ! Comment donc ? A-t-il falu que les fraises de veau ayent appris aux gentilshommes à accoustrer mignonnement les colets de leurs chemises; et que les chauuesouris ayent appris aux dames quelque nouueau entortillement de leurs cheueux? Piiil. Quanta un tel entortillement de cheueux, ie vous confesse qu'il y a de la nouueauté, et principalement à ceux qui ont esté depuis quelque temps absens de la France : mais quant aux fraises des colets de chemises, encore qu'on en ait pris l'exemple sur les fraises de veau, si n'est-ce pas chouse nouuelle. Bien est-il vray que ce n'estet quasi rien des fraises qu'on soulet faire autresfois, au pris de celles qu'ont inuenté les lingerespour contenter ces messieurs. Surquoy ie vous veux aduertir d'une chouse, quant à cequeie vousaydictqueievousferai voir chez monsieur Philalethe : c'est que, quand vous viendrez à la cour, il se pourra faire que vous trouuerez les godronnemens, fraisemens, passefillonnemens, un peu d'autre façon : pareillement, les raquettes un peu différentes de celles que

VOUS verrez ailleurs. Je sçay aussi que plusieurs dames de la cour en sont iadesgoustces, pour estre chousctrop commune : et disent qu'il les faut laisser aux damoiselles de village. Et quant à ces desgoustées, elles ont trouué vne autre inuention de tresser leurs cheueux par toulTeaux ou, pour le moins, touffillons : en les esleuant aussi haut que les raquettes estoyent esleuées. Or, quand ie vous di leurs cheueux, i' entend les cheueux qu'elles ont, soit de nature, soit par achet : ce qui est le plus ordinaire. Car ce qu'on a bien payé, on le peut dire estre sien : tcsmoin Martial,

Nam quod emas, possis dicere iuie luum.

Et, au vers précèdent, il auet dict,

Carmina Paulus émit, récitât sua carmina Paulus.

Ilyaunautreepigrammeaussi, où,seiouantde lamesme sorte, et touchant une mesme chouse, il dit,

Fama refert nostros, te FiJeiUine, libellos Non aliter populo quàm recitare tuos.

Si mea uis dici, gratis libi carmina mittara; Si dici tua uis, hiBC eme, ne mea sint.

Lesquels epigrammes nous font entendre cestuy-ci, oii il parle des cheueux qu'une dame iuret estre siens, pource qu'cjlle les auet achetez,

Jurât capillos esse quos émit suos Fabulla : numquidPaule peierat?

Car il veut dire, qu'elbne doit pas estre tenue pour periure, suiuant la règle su'-" dicte : Nam quod emas, possis di-

cere inre tùum. Et on cognoist, par quelques autres lieux de ses épigrammes, que c'estet une chouse commune, d'user de cbeueux achetez. Mesmement, en un passage, il se moque d'une qui uset non seulement de cheueux achetez, mais aussi de dents achetées ; luy demandant comment elle pourra faire quant à l'œil : d'autant qu'on n'entrouue point à vendre :

Dentibus atque comis (ncc te pudet) uteris emplis : Quid faciès oculo, Lœlia? non emitur.

Ouide aussi parle de cest achet de cheueux :

Fœmina procœdit densissima crinibus emplis, Proque suis alios efficit œre suos.

Et puis, il adiouste qu'on n'a point de honte de les acheter deuant chacun : et qu'on les vend en un lieu public. Voici ses mots :

Nec pudor est émisse palàm quod ferre uidemus Herculis anle oculos, uirgineumque chorum.

Gel. Je ne uerray iamais ceste nouuelle façon de raquettes, qu'il ne me souuienne de ces vers, par vous alléguez; et, par conséquent, queie pense en moymesme, quelle pitié c'est de voir que nos dames suiuent en ceci l'exemple des payennes. Phil. Elles le suiuent bien en chouses qui méritent encore une plus grande reprehension. Gel. Tant pis. Mais, dite-moy, ne portent-elles pas aussi tost des cheueux d'une personne morte, que d'une autre? Phil. Et quoy donc? Gel. Je m'esbahi comment cela ne leur fait horreur quand elles y pensent. Phil. Je croy que ce n'est pas souuent ; et si cela aduient, elles sont aguerries contre une telle horreur. G kl. il me tarde desia que ie ne voy de ces belles raquettes : et suis ioyeux que pour moins i'en ay une idée en mon entendement, par la description que vous

PIÈCIÎS EN PROSE. 1G1

m'en aiiez faitte. Phil. Vous leur faittes beaucoup d'honneur, quar.d vous en parlez ainsi. Cel. Le haut mystère des raquettes (comme vous l'appeliez naguère) ne vous semble-t-il pas mériter ce mot platonique? Phil. Vous sçaucz bien que i'enay ainsi parlé en me riant : mais, pour parler à bon escient tant des godronnemens et de leurs dépendances, que des raquettes, ces chouses meriteroyent plustost une censure platonique, prise de quelque endret de sa politie ou de ses loix. Or, en disant ceci, ie me suis adiiisé d'une autre chouse, qui sera aussi nouuelleque les raquettes (mais plus aisée à entendre) et laquelle meriteret bien encore dauantage d'eslre censurée par quelque Platon. Cel. Vous voulez parler des dames? Phil. Je veux parler d'une subtile et accorte inuention des dames, de laquelle on ne parlct point, auant que vous partissiez de France : encore qu'on lui ait accommodé un mot qui estet des lors en usage et auet esté de tout temps. Cel. Je vous prie de ne me faire pas un si long préambule, mais me dire incontinent que c'est. Phil. Je parle de l'inuention des masques. Cel. Comment? Voulez-vous dire que les masques soyent une inuention nouuellc? Phil. Ouy. Mais ayez un peu de patience, et me respondez. De vostre temps, Ics dames et damoiselles ne se monstroyent-elles point sans masques? Cel. 11 me semble (sous correction) que vous dites une chose où il y a répugnance : car le masque n'est pas pour se monstrer, ains pour se cacher. Phil. Vous prenez garde de trop près à mes paroles. Quand ie parle de se monstrer, i'enten sortir hors le logis. Cel. Vous demandez donc si de mon temps elles ne sortoyent point de leurs logis sans auoir un masque? Etie vousrespon qu'elles sortoient tousjours sans masque, sinon quand elles vouloyent aller iouer une farce, ou porter un momon : ce qu'elles ne faisoyent pas souuent, et encore moins l'autre. Phil. Sçachez donc que maintenant elles font bien autrement, et qu'elles ne sortent point sans estre masquées. Cel. Portent- A. 21

elles des mesmes masques, dont on souloit user en farces et en momons? Phil. Non pas de mesme matière, mais de mesme façon : car de tout le visage on ne leur voidque les yeux. Aucunes, après les auoir doublez de quelque toile neufue, ou de quelque peau fort déliée, la garnissent de certaines compositions, propres pour leur tenir le teint frais : aucunes aussi y mettent chouses propres pour corriger la trop grande rougeur ou palleur du visage : après avoir faict un peu de consultation avec ceux qui ont escrit de medicamine faciei. Cel. Ces masques ont-ils pris la place des tourets de nez, qu'on appeloit autrement cackenez? Phil. Yous y estes. Mais quelques gentilshommes, se mocpans de cette inuention, et voulans aussi faire despit aux dames, appellent ces masques co//m5 à roupies. Cel. Mais telle incommodité est recompensée de plusieurs commoditez. Car, outre celle que vous venez de dire, ie ne doute pas que madame ou mademoiselle, estant ainsi masquée, ne puisse passer tout auprès de son mari, et se présenter douant ses yeux, sans pouuoir estre par luy recogneue. Et à ce que ie voy, il y a bien gare le heurt, pour les maris : et principalement, pour ceux qui ont des femmes lesquelles desia d'ailleurs leur donnent mal de teste. Phil. J'enten bien quel mal de teste vous voulez dire. C'est cette micraine qui est engendrée par la ialousie, pour parler en bon francès. Si faut-il que lespoures maris en passent par là : car ils sçauent bien que les masques de leurs femmes sont un videre et non videri : come on appelet autrefois des cages d'osier, qu'on mettet au douant des fenestres. Cel. Ceste comparaison ne conuient pas mal : et qu'ainsi soit, ces cages estoyent aussi nommées des ialousies, si vous y pensez bien, et croy que c'estoit pource que les maris ialoux s'en seruoyent contre leurs femmes : mais il semble qu'om auroit raison de dire qu'au contraire les femmes se peuuent seruir de ces masques contre leurs maris qui sont ialoux. Phil. Il n'y a rien plus certain qu'elles s'en serueut. Et

considérez la pitié, que, de la mesme chouse qui leur enf^endre de la ialousie, les femmes scseruent comme de remède contre icelle. Gel. Parlez un peu plus clairement. PniL. C'est qu'aucuns maris deuiennent ialoux, preuoyans les mauuais tours que leurs femmes leur peuuent iouer ayans la commodité de ces masques que vous auez appelé des videre et non videri : et toutefois un des principaux remèdes d'icelle, contre toute la preuoyance de leurs maris, ce sont ces masques. Et, pour le vous fairecourt, vousnedeuez pas douter que cesmasques n'ayentfaict que maint ialoux, qui n'estet seulement que ialoux, ait eu depuis occasion de chanter la chanson : « Je ne suis pas ialoux sans cause, mais ie suis cocu du tout ! » Gel. Ces masques donques sont une pernicieuse inuention, voire tresque-pernicieuse : s'il m'est licite d'emprunter cette élégance dauphinoise. Phil. Je vous confesse qu'elle est dangereuse pour les maris qui ont des femmes dangereuses. Mais pensez-vous que ceste inuention n'ait point passé les limites de la cour ? Elles vont toutes masquées par toute la France. Gel. Tant pis. Or ça, les vertugales, ou vertugades, qui auoyent la vogue de mon temps, sont-elle desmeurées? Phil. Ouy ; mais elles ont depuis commancé à porter aussi une façon de haut de chausses, qu'on appelle des cafçons : et comme elles portent des hauts de chausses, aussi portent-elles des pourpoints, tellement que vous en verriez beaucoup en chausses et en pourpoint, aussi bien que les hommes. Gel. De mon temps, cela eust esté trouvé fort estrange. Phil. Elles ont toutesfois quelque excuse honneste, quant à cette sorte d'habillement. Je ne di pas simplement : excuse honneste , comme on parle ordinairement, mais regardant à l'honnesteté qu'elles allèguent. Gel. Gomment? Phil. Qu'elles usent de ces calçons, pource qu'elles ont l'honnesteté en grande recommandation. Car, outre ce que ces calçons les tiennent plus nettes, les gardans de la poudre (comme aussi ils les gardent du froid) ils empeschent qu'en tom-

bant de cheual, elles ne monstrent hacryptein ommat arsenœn clireœn : pour user des mots d'Euripide, où il parle de l'honnesteté de Polyxene, alors mesme qu'elle allet tumber du coup de la mort. Cel. J'enten bien ces mots d'Euripide, Dieu merci. Phil. Ces calçons les asseurent aussi contre quelques ieunes gens dissolus, car, venans mettre la main soubs la cotte, ils ne peuuent toucher aucunement la chair. Mais comme l'abus vient en toute chouse, encore que l'inuention ne soit pas abusiue, quelques unes de celles qui, au lieu de faire les dits calçons de toile simple, les font de quelque estoffe bien riche, pourroyent sembler ne regarder pas auxchousesque nous auons dictes; mais, en se mettant en chausses et en pourpoint, vouloir pluslost attirer les dissolus, que se défendre contre leur impudence. Gel. Je vous sçay bon gré de ce que vous dites bien du bien et mal du mal. Phil. 11 me souuient encore d'une chouse que ie vous veux demander : asçauoir si elles portoyent des miroirs pendus à leurs ceintures ? Gel. 11 n'en estoit point de nouuelles ou bien peu, combien que laroine Eleonor en portoit un, ainsi que i'ay ouy dire. Et maintenant quoy? sont-ils fort communs? Phil. Si communs, qu'on ne voit autre chouse : voire aucunes en portent deux. Mais voici de quoy vous serez bien plus esbahi : c'est que quelques gentilshommes commencent à suiure l'exemple des dames quant à ceci. Gel. En ont-ils besoin? Phil. Bien grand. Gel A quoy faire? Phil. A voir si leurs cheueux, es endrets qu'ils les portent grands, sont bien aiancez et frisottez. Gel. Ges gentilshommes, dont vous parlez, sont de fort bon accord auec les dames. Phil. U n'y a pas seulement de l'accord, mais aussi de la sympathie. Gel. Cela est aisé à croire. Or, ne faut-il pas que i'oublie de vous demander si les dames, outre cela, portent aussi ce qu'on appeloit des contenances, Phil. Encore que ces miroirs leur puissent seruir aussi de contenances, si est-ce qu'elles ne sont pas hors d'usage, mais ce nom de contenances

commance à se perdre en La cour, voire est perdu : et ne se retrouve qu'es villes. Cel. Quel mot donc a pris sa place en la cour? Piiil. Manchons. Et quelques fois elles les mettent en leurs bras, au lieu de les porter pendus deuant elles. Desquels manchons, aussi, il y a des gentils-hommes qui ne veulent pas quitter leur part, quant à les porter ainsi en leurs bras : et c'est à qui les pourra faire mieux enrichir, eux ou les dames. Cel. lime semble que ce qu'on appeloit des contenances, ie l'ay ouy appeler aussi des bonnes grâces. Phil. Je n'oy ni l'un ni l'autre en la cour. Mais, s'il faut choisir, ie trouve que le mot de contenances est encore plusreceuable, pource que, à faute d'autre contenance, on manioit cela. Et vous confesseray que ce nom semble auoir esté aussi bien imposé que celuy de caquetoires , à Paris, aux sièges, sur lesquels estans assises les dames (et principalement si c'estet alentour d'une gisante) , chacune vouletmonstrer n'auoir point le bec gelé. Cel. On appeloit aussi contenance une chose ronde faicte d'osier, qu'on tenoit en la main au deuant du feu, comme pourseruir d'escrans, Phil. Ceci estet ainsi appelé, pour la mesme raison. Et, pour dire la vérité, toutes chouses qui leur seruent à tenir contenance, pourroyent estre appelées ainsi : comme aussi i'ay tantost dict des miroirs. Tellement qu'on en poiirret dire autant des gans, quant à la façon de faire qu'ont plusieurs. Toutesfois, ie croybien qu'il n'y auet que ces deux chouses, dont vous auez parlé, qui fussent appelées contenances. Cel. Mais les contenances d'esté (car il vous plaira me permettre de retenir ce nom), quelles sont-elles? Phil. Alors, les esnantails leur font compagnie, qui ne les laissent point auoir faute de bonne contenance, en quelque lieu qu'elles aillent. Et plusieurs les aiment bien tant, de la façon qu'elles les font faire maintenant, que l'yuer venu elles ne les peuuent abandonner : mais, s'en estant seruies l'esté pour se faire vent, et contre la chaleur du soleil, les font seruir l'hyuer contre la chaleur du feu ; estans, ces

deux chaleurs dommageables au beau teint. Cee. Nos dames françoises doiuent aux dames italiennes ceste inuention d'esuantail : les Italiennes la doiuent aux anciennes Rommaines : ces dames de Rommela deuoyent aux dames de Grèce. Phil. Ace que ievoy, ceste inuention auet couru par beaucoup de pays, et estet bien lasse, auant qu'elle vinst à nos franceses. Cel. Je croy qu'elles lui ont sceu tant plus de gré, et kiy ont faict tant plus grande caresse. PuiL. Et encore luy font grande pour le iourd'huy. Mais apprenez-moy les noms qu'ont donnez à ceste chouse tous les pays par lesquels ceste inuention est passée? Gel. Térence, Ouide et Martial appellent flabellum ce que nous disons un esuantaU ; les Italiens le nomment ventolo ou suentolo, et aucuns d'entr'eux, d'un mot plus approchant du nostre, ventacjlio ou siœntaglio. Et encore, semble que quelques-uns prononcent l'e^^aio ou suentolo bien ou mal, ie m'en rapporte à eux. Les Grecs l'ont appelén/^/s, comme le pense. Piiil. Vous n'auez point parlé des dames hespagnoles, ni du nom hespagnol? Gel. .Je ne doute point que les dames hespagnolesn'ayentpris ceste inuention des Italiennes, aussi bien que nous : encore que c'ait esté longtemps deuant nous. Toutcsfois, quant au nom, il est cer • tain que moscadero reuient plustost au latin miiscarium, et à l'italien paramosclie : qui vaut autant que si on disoiten ïvo^nçois un cliassemoiisclie : auxquels deux respond le grec myosoun. Or, ne faut-il point douter que telle chose tout d'un train ne serue d'esuentail. Au reste, quant à ce mot latin muscariiim, ie ne sça^ pas si on le trouueroit en quelcun des principaux auteurs. Pnii. Pour le moins, il est en Martial, au quatorzième liure. Gel. La description y est bien, comme il estoit faict de plumes prises de la queue d'un pan : mais, quant au titre »??wc«na pauonina, on ne sçaitpas s'il est de Martial ; comme aussi on doute de quelques autres, si luy mesme les a escrits comme nous les auons, Phil. S'il vous souuient des vers, remettez-les moy

en mémoire , pour la pareille. Gel. A cela ne tiendra que vous ne me cleuiez une pareille : »

Lambere qu;r turpes prohibet tua prandia muscas , Alitis eximiœ caiula superba fuit.

Or, notez que les esuantoirs dont il parle, esuentails ou esuentaux (soit qu'on les appelast mifscflna, soit qu'on leur donnast un autre nom ) seruoyent à chasser les mousches de dessus la viande, pendant qu'on prenoit son repas : selon la description qu'il en fait. Gomme nous voyons qu'en plusieurs lieux, d' Alemagne mesmement (combien que ce soit un pays où les gens ne sont pas si délicats et pontieux qu'en France, et en Italie, et oh l'on n'a pas mal au cueur de beaucoup de choses dont auroyent mal ceux de ces deux pays) on use de ces instruments pour chasser les mousches, non seulement es maisons des riches, mais aussi des autres. Et, de ces riches, aucuns en ont de tels que descrit Martial ; les autres en ont qui sontfaicts de bois. Piiil. Gomment? Gel. De pelures de bois ( car ie ne puis autrement exprimer la chose ) fort tenues, et toutes regredillonnées. Et faut noter que ces instruments seruent tellement à chasser les mousches, que par mesme moyen ils donnent le plaisir que doiineroit un esuentail : et principalement ceux qui sont faicts de plumes de pan, ronds et larges comme un plat. Phil. Je ne compren pas du tout comment sont faicts ces chassemouches. Mais tant y a que l'inuention en est profitable. Or, vous feray-ie une autre question : asçauoir si le conopeum dont parle Horace, quand il dit,

Interqne signa turpc inilitaria Sol aspicit conopeum,

( reprenant la vie trop efféminée que menet Marc Antoine, alors mesmement qu'il estetau camp, auec sa Gleopatre) si, di-ie, ce conopeum estet pas aussi un chassemousches.

lf^8 RECUEIL CURIEUX,

Gel. G'estoit une chose faicte aussi pour chasser les rnousches : mais qui estoit bien d'autre sorte, et pour chasser aussi une autre sorte de mousches, plus mauuaises encore que les comnaunes. Phil. Comment ont appelé les Latins ceste autre sorte de mousches? Gel. Culices, et les Grecs conôpes, dont vient ce mot conopeiim. Phil. Ne sont-ce pas celles que nous appelons des cousins ? Gel. On l'estime ainsi. Mais ce conopeum estoit grand, et faict en forme de pauillon. Aucuns disent que c' estoit comme une courtine autour d'un lict. Et, à propos de pauillon, auezvous iamais veu ce que portent ou font porter par les champs quelques seigneurs, en Hespagne et en Italie, pour se défendre non pas tant des mousches, que du soleil ? Gela est soustenud'un baston, et tellement faict, qu'estant ployé et tenant bien peu de place, quand ce vient qu'on en a besoin , on l'a incontinent ouuert et estendu en rond , iiisque à pouuoir couurir trois ou quatre personnes. Phil. Je n'en ay iamais veu ; mais i'en ay bien ouy parler. Et si nos dames les leur voyoyent porter, peut cstre qu'elles les voudroyent taxer de trop grande délicatesse. Gel. Ouy bien, si elles ne consideroyent que l'ardeur du soleil est bien plus grande en leurs pays, qu'au nostre. Phil. Les dames ne sont pas volontiers si consideratiues. Gel. Les Latins n'ont point de mot pour signifier cela, comme ie pense : et ne croy pas aussi que telle chose leur fust en usage ( et ne sçay pas quel nom lui pourroit estre donné, en un besoin, sinon qu'on usast du mot gênerai iimbrandum, en adioustant quelques mots) mais ell' estoit en usage entre les Grecs, qui, peut-estre, auoyent pris l'inuention des Perses : veu ce qu'on lit de Xerxes. Tant y a que le nom grec estoit sxiadion, qui correspond au latin iimbraculum, ou umbella, comme vous sçavez. Et que la façon de ce petit pauillon , ou ciel , (comme on dict un ciel de lict) appelé sxiadion , fust telle que de ceux dont use l'Hespagne , il appert par ces mots d'Aristophane : Exepetan-

nyto fiosper sxiadion, œai palln xynugeto. Or, ce mesme mot sxiadion signifioit bien aussi ce dont les femmes greques se couuroyent à rencontre du soleil (de quoy seruoit aux hommes ce qu'on appeloit petasiis, qui estoit une sorte de grand chapeau ) et quant à ceste signification de sxiadion, le mot latin umbella correspond totalement. Phil. Je suis ioyeux que l'occasion de ce discours se soit présentée par le moyen de ce mot contenance. Cel. Auant que nous lui donnions congé (car nous l'aurons iantost assez examiné) , il faut que ie vous demande si tenir un petit chien, ce n'est pas aux dames une de leurs manières de tenir contenance. Phil. Ceste contenance ( puisque vous l'appelez ainsi) est tousiours en usage : non pas tant, toutesfois, qu'elle a esté. Vous desplaist-elle? Gel, Je serois trop maugracieux , si ie ne voulois point permettre à nos dames une telle récréation. Phil. Vous le seriez vrayement : veu mesmes qu'elle a esté permise de tout temps aux autres dames : i' entend , aux dames des autres pays. Car vous sçauez que la race de tels chiens qui sont les petis mignards des dames., est venue de Grèce : asçauoir de l'isle qui s' appeloit Melite : dont nous auons faict premièrement Melte, par syncope ; et puis, par erreur, Malte. Et qu'ainsi soit, vous voyez qu'ils sont appelez melitœi canes, ou plustost catuli : comme en grec melitœa xijnidia. Gel. Auant que je m'en allasse de France, Lyon einportoit le pris quant à ces petis chiens. Mais qu'auez vous à rire? PniL. De ce que nous auez dict que Lyon emportet le pris. Gar quelcun pourret equiuoquer la dessus , et dire que les marchands de Lyon emportent le pris de leurs marchandises, quand il les vendent à bel argent comtant. Gel. Je vous guetteray une autre fois au passage, comme vous m'auez guetté ceste-ci. Mais, dite-moy, les Lyonnois ont-ils tousiours cest honneur de pouuoir fournir la France de ceste belle engeance? Phil. Il est bien meslicr qu'ils ayent l'honneur de la fournir de quelqu'autre meilleure engeance, A, 22

Et quant à celle dont vous parlez, les Lyonnés en ont tousiours laissé la charge aux Lyonneses, et leurs laissent encore pour le iour d'huy. Or, cognoy-ie bien que vous pensez desià à autre chouse. Cel. Jen'ay pas laissé d'ouir ce que vous auez dict : et cependant i'ay pensé à une chose que racomte Plutarque de Jule César, qui est à propos de ces petis chiens. Pmil. N'auray-iepas ce crédit de sçauoir que c'est? Cel. Ouy. C'est qu'il racomte, au commencement de la vie de Periclès, que César, voyant à Rome quelques estrangers qui portoyent ordinairement en leur sein des petis chiens et des petites guenons, il leur demanda si en leur pays les femmes faisoyent point d'enfans. Et Plutarque, en ce propos, recognoit une granité digne d'un tel prince (car il dit liugemonicus spliodra noutbetusas) voulant admonester ceux qui employent enuers les bestes l'inclination naturelle à charité, au lieu qu'elle doit estre employée enuers les hommes. Puïl. Ceci me semble auoir esté dict de bonne grâce par César, et puis auoir esté bien entendu par Plutarque. Cel. Mais ie m'esbahi d'une chose : comment Plutarque a pu ignorer que le roy Massinissa auoit faict auparauant ceste question à ceux qui alloyent acheter des singes en son pays de Numidie. Phil. Ou il ne l'auet pas Icu , ou il ne s'en souuenet pas , autrement il n'eust failli d'en faire mention. Mais ie vous fay une question touchant ceste question, asçauoir si César faiset ceste demande, à, l'exemple de Massinissa , ou bien si la mesme chouse iuy vint à la pensée, sans sçauoir qu'elle auet esté dicte par Massinissa. Cel. Plutarque eust esté aussi empesché que moy à vous respondre : et croy qu'il ne vous eust dict autre chose , sinon qu'encore qu'il pust sembler plus vraysemblable que César auroit voulu se seruir de ce qui auoit esté dict par Massinissa, toutesfois on trouuoitdes exemples de deux personnes se rencontrans en une mesme pensée et un mcsinc propos. Au reste, encore que Gcsar, ainsi que racornie Plutarque, parlast des estrangers quant à auoir

ordinairement des petis cliiens et des petis singes en leur sein , si est-ce que nous sçauons qu'à Rome aussi les petis chiens estoyent tenus au sein et portez entre les bras, principalement toutesfois par les dames. Et quand vous aurez enuie de rire , à proj>os de petit chien , ou petite chienne , lisez, en Lucian , au traité intitulé Péri tœn cplmislkœ sijnontœn, le comte d'une dame rommaine, qui bailla sa petite chienne à un philosophe pour en auoir soin par le chemin en un certain voyage. Piiil. A ce que ie voy, nos dames, en beaucoup de gentillesses, suiuent l'exemple de quelques autres pays. Cel. Et principalement l'exemple des dames du pays dont vous auez emprunté ce mot gcntilesse. Car, autrement, gentilezza est bien loing de la signification du mot gentilesse : quand on dit , en parlant comme l'ancien françois : extraict de gentilesse, au lieu de dire noblesse : ainsi qu'on appelle gentilhomme celuy qui est de noble race. Phil. Vous estes trop rigoreux. Eussiezvous mieux aimé que i'eusse dict beaucoup de galanteries, que beaucoup de gentilesses ? Cel. Vous sçauez bien que tous ces deux mots sont italianisez , extraicts de cjentUezzc et galanterie : toutesfois, afin que vous ne m'accusiez de rigueur, ie vous permets l'usage d'iceux : et principalement, quand vous les voudrez appliquer à telles choses, qui ont leur origine du mesme pays dont eux ont esté pris. Mais quant à ceste gentilesse ou galanterie, dont les dames italiennes usent fort, de mettre à leur visage del rosso et del bianco, la voulez-vous mestre au comte des gentilesses de nos dames françoises? Phil. Il le faut bien : et principalement sur le comte des gentilesses des dames de la cour (peu s'en est falu que ie n'aye dit, de nos courtisanes), car sinon toutes, au moins la plus grand'part s'accommodent aussi volontiers et aussi bien del rosso et del bianco, qu'aucunes Italiennes. Et desia tantost ie vous ay touché un mot de ceci, quand ie vous parles des masques. Cel. Douant que ie partisse de France, on faisoit de grandes

il'2 BECUEH. CURIEUX.

admirations et exclamations, quand on oyoit parler des femmes ainsi fardées : et ie ne sçay si on eust trouué assez de rhétorique en tout Demosthene ettoutCiceron, pour persuader qu'une Françoise, aimant à se farder, aimast aussi son honneur, et l'eust en recommandation. Piiil. Maintenant, il faut faire autre iugement, car il n'y auret ordre de tenir suspectes toutes celles qui se fardent : veu que plusieurs ne le font que pour s'accommoder aux autres. Gel. Et ne se pourroycnt-elles passer de ceste accommodation? Piiil. Vous estes fascheux. Jusques à ce que vous soyez retourné à la cour, vous ne rapprendrez point à parler reuerement des dames ! Gel. Je n'ay pas oublié qu'il faut touiours garder l'honneur des dames : mais cela s'entend qu'elles premièrement s'efforcent de le se garder. Puil. Les ieunes gentils-hommes , estans encore sans barbe , les ont comme contraintes de venir au fard. Gel. Comment? Phil. Pour ce qu'ils estoyent aussi mignons et poupins en leur endret, qu'elles estoyent mignonnes et poupines , et monstroyent un visage aussi délicat, aussi frais , aussi vermeil : et ( ce qu'il faut noter ) portoyent les cheueux longs. Et puis, quelques fois les habillemens aussi s'accordoyent fort. Gel. Toutes ces choses ensemble eussent esté pour faire abuser le prestrc. Phil. Quel prestre? Gel. Geluy qui, ayant à faire un mariage, ne sçauoit discerner l'espoux de l'espouse : tesmoin ceste epigramme ,

Cincinnalulus ille, cui undulati Fropexique humeros grauant capilli , Qui tersa cute, bla^sulaque voce, Qui pœtis oculis, graduque molli, Et pictis simulât iabris puellam :

Heri, Posthume, nupLias parabat, Quum nequissimus omnium sacerdos, Urbanus lamen et facetus (Ilerclej , Utra sponsus erat, rogare cœpit.

Piiil. Ge prestre auet enuie de rire : mais, maintenant,

riÈCES EN PROSE. 173

ie ne doute pas qu'il ne pust auenir à quelque pourc prestre de s'abuser en ceci , et principalement quand il n'auret pas bien mis ses lunettes. Gel. Vous n'acheuez pas le propos que vous auiez commancé touchant ces ieunes gentilshommes qui ont contraint les dames de se farder? Phil. J'enten qu'ils les ont incitées à ce faire : pource que, eux estans tels que i'ay dict, les dames ont veu qu'elles ne pouuoyent auoir aucun auantage pardessus eux, quant au visage naturel, et pour tant ont eu recours à la peinture. Gel. De vray, un visage fardé peut bien estre appelé un visage peint : comme aussi il a esté dict faciès picta, par les Latins, appelans pareillement pigmenta les diuerses sortes de fard. Or, ne sçay-ie pas si les dames ont eu ce motif que vous dites, quant à se farder : mais ie ne m'esbahi pas trop si elles, italianizans en leur langage, à l'exemple des hommes, ont voulu aussi italianizer en autres choses. Et, à propos d'italianizer, n'a-t-il point encore pris enuie à quelque dame de la cour de monter sur des eschasses, à la façon des dames d'Italie, et principalement des Veniciennes? Phil. Que voulez-vous dire? Gel. Ne vous souuient-il plus de ces pantoufles appelées soavli , hautes d'un pied, voire dauantage , que portent les dames de ce pays-là ? Principalement, toutes fois, celles qui sont de petite stature. Car ceci est pour remédier à un tel mal, pour parler selon qu'elles l'entendent. Phil. Vous auez esté à Venise longtemps depuis moy : vous pouuez mieux vous en souuenir. Quant aux dames de nostre cour, ie pense que peu usent de patins ou mules, dételle hauteur : et n'est pas une chose, que se puisse cognoistre, sans prendre garde de bien près à leur allure. Gel. Geste inuention n'est pas venue des Italiennes , mais estoit desia en la Grèce ancienne : comme on voit par un comique qui estoit de la nation. Or, ie croy qu'il n'y a femmes en toute l'Italie, qui s'aident plus de ceste inuention que les Vénitiennes, Phil. Elles seules deuroyent payer à l'inuenteur, i'enten à ses héritiers, voire.

aux héritiers des héritiers de l'héritier du premier héritier. Ckl. Quand vous aurez bon loisir, vous les irez cercher. Mais, à propos des dames vénitiennes (notez que ie vous parle des gentil-donnes principalement, non pas des courtisanes), auez-vous point mémoire d'une chose, en laquelle on peut dire qu'elles ont une opinion du tout contraire aux dames françoises? Phil. Vous auezesté à Venise longtemps depuis moy (comme ie vous ay desia dict) , et pourtant vous pouuez auoir meilleure mémoire de ce qui s'y fait, que moy. Pour auoir plustost faict, ie vous respondray comme l'autre: «Dite-moy que c'est, etpuisielesçauray. » Gel. J'en suis content. C'est que ces dames cerchent une chose que les nostres fuyent tant qu'elles peuuent. Phil. Vous n'aurez pas un grand-merci de moy, non pas la moitié d'un, si vous demeurez là. Car que m'aurez vous appris, si vous n'adioustez quelle est ceste chouse? Gel. Vous ne me donnez pas courage, quand vous ne me parlez que d'un grand merci. Phil. Vous en aurez demie-douzaine. Gel. G'est qu'elles cerchent, par tous moyens, àestre non seulement en bon point, mais grasses ( et on me disoit que, pour cest effect, elles usoyent fort, entr' autres viandes, de noix d'Inde ) ; or, vous sçauez que les nostres hayent et fuyent cela. Phil. G'est bien (comme vous dites) tout au contraire des nostres : desquelles on pourret dire ( au moins, quant à plusieurs ) qu'elles font tout ce qu'elles peuuent ut reddant se cuvatura iiuiceas , pour parler terentianement. Mais leurs messieurs sont cause de cela, qui aiment la bonne robbe, c'est à dire pùiguiarij sunt : comme ce mauvais garçon a dict : Carnarius sum, pin- (juiarius non sum. Gel. Gomment? ce mot de robhe est-il aussi dicton ceste signification, enitalianizant? Phil. Ouy. Gel. Vrayemcnt, ceci meritoit bien d'cstrc mis entre les mots italianisez, oii vous parliez de ceux qu'on contraint de signifier autre chose qu'ils ne signifient selon leur naturel. Phil. 11 y eusl esté mis, s'il m'en fust souuenu. Gel,

PIÈCFS EN PROSE. 175

Vous oubliez la demie douzaine de grand-mercis. Phil. J'y pensés : mais, au lieu de ces six, vous n'en aurez qu'un qui sera à la reytre. Prenez vn Gott danck euc/i, que ie vous donne. Gel. D'un mauuais payeur, il faut prendre ce qu'on peut auoir. Mais nous auons assez examiné les dames, pour un coup : il les faut laisser un peu reprendre alêne et se rafraischir. Autrement, on dira que nous ne srauons pas comment il faut manier les personnes si délicates. Phil. J'en suis d'auis. Gel. Mais c'est à la charge que nous retournions aux gentils-hommes , pour acheucr de leur tenir les assises. Phil. Siquelcun d'auenturenous oyet, qui leur allast redire cela, nous serions bien accoustrez. Gel. Je croy qu'ils ne feroyent que s'en rire. Pour le moins, vous sçauezbien que vous ne dites que la vérité, aussi bien touchant les gentils-hommes que touchant les dames. Phil. Ouy, et puis il leur faudret considérer queie ne parle de tous ni de toutes. Gel. Or-ça, quant à l'invention de porter des miroirs pendus à la ceinture , si on ne peut dire que ceste inuention soit de nostre creu quant aux dames, pour le moins le pourra-on dire quant aux gentils- hommes. Phil. De cela ie ne vous diray rien : mais bien vous asseureray-ie de rechef qu'aucuns portent des miroirs ; aucuns, des petis ciseaux ; aucuns, aussi de ces manchons. Mais quant aux miroirs, ceux qui n'en portent point (si, neantmoins, ils sont du nombre de ceux qui font profession de s'accousircr proprement , sadement , gentiment , galantement , ioliment, mistement, cointement, migardement, poupinement, bragardinement, leggiadrement) , pour le moins se gardent bien de sortir de la case, qu'ils n*ayent faict consultation auec deux ou trois miroirs, pour voir s'il ne leur manque rien, qu'ils nesoyent bien attilez. Gel. Quen'auezvous dict plustost attifez? Phil. 11 conuient plustost aux dames. Gel. Yousestesbienconscientieux: n'auez-vouspas confessé qu'il y auoit entr'eux et les dames de la sympathie quant à ce faict? Je sçay qu'autre chose ne vous a faict

176 REGLEIL CURIEUX.

dire ce moiatùtez, sinon qu'il vous a semblé plus beau que le nostre attifez. Phil. Je voy bien que c'est : pour auoir paix auec vous, il faut que ie vous confesse qu'il me faschet de parler si longtemps, sansitalianizer. Gel. Vous auiez italianizé un peu auparauant, quant vous auiez usé de vostre leggiadrement. Phil. Il ne m'en souuenet plus. Mais escoûtez, monsieur Celtophile, ce qu'a dict l'auteur des Distiques moraux : est-il pas vray , que Ttirpe est doctori, quiim cul pu redarguit ipsmn? Gel. Ouy. Phil. Vous estes condamné par ceste confession. Gel. Gomment? Phil. Pource que vous auez italianizé vous mesme n aguere, quand vous auez usé de ce mot gentil-donnes. Gel, Je n'ay rien faicten ceci, sans estre autorizé. Gari'ai dict qu'il estoit permis d'italianizer en quelque mot, quand on parloit de quelque Italien. Or, ie croy que vous entendez bien que la mesme permission doit estre donnée , quand on parle de quelque Italienne. Phil. Suiuant ceci, vous seriez autorizé par vous mesmes. Gel. Ouy, si ainsi estoit que moi seul trouuasse ceste permission bonne : mais ie sçay bien qu'elle vous semble encore plus raisonnable qu'à moy. Or, pour retourner à vos gens, dite-moy, s'il vous plaist, comment ils se sont addonnez à ceste imitation des dames? Gar ie m'asseure que les poètes françois ne leur ont pas donné à entendre que l'Achilles, l'Aiax, le Hector d'Homère en fissent ainsi. Piul. Je sçay bien que ces gentilshommes courtisans n'estiment pas qu'en ce faisant ils suiuent l'exemple de ces preux que vous avez nommez, ni aussi d'aucun des nostres : ni mesme des gentilshommes leurs ayeuls. Et, pour vous dire la vérité, ie croy qu'eux mesmes en ont honte quclquesfois, quand ils y pensent bien. Tellement que tout ce que l'en puis dire, c'est que ie crains qu'ils soyent charmez par quelcune des dames, à l'imitation desquelles ils s'addonnent. Gel. En ceci il y auroit bien de la pitié : et telle qu'il y auoit, quand Hercules, se laissant du tout gouucrner par la roine Omphalc, en la fin,

prit une quenouille et se mit à filer. Piiil. JNe vous en tourmentez pas d'auantage : mais escoutez ce que ie veux vous dire. Sçachez que parmi tout ce que ie vous ay dict, ils ne sont iamais sans canons en leurs chausses. Cef,. C'est bien autre chose ceci, qu'ils ne sont iamais sans canons en leurs chausses. Voici à la vérité qui peut aucunement excuser ce qu'il y a de mal en cestc autre façon efteminée. Phil. Mais notez que ce sont canons de soye? Cel. Qu'est-ce à dire canons de soye? Phil. Canons de velours, satin, taffetas. Cel, Jamais fondeur de cloches ne fut plus estonné que m'estonnent vos canons de velours, de satin, de taffetas. Mais parlez vous à bon escient? Phil. Ouy, ie le vous di sans burler. Pardonnez moy ce mot de ourler, qui est aussi italianizé : il est sorti de ma bouche, maugré moy. Cel. le vous en ay bien pardonné d'autres, ie vous puis bien pardonner encore cesluy-ci. Mais ce sera toutesfois à la charge que vous ne me teniez plus suspens touchant ces canons. Vous entendez (peut-estre) qu'ils portent, dedans leurs chausses, des petites pistoles couuertesde velours, ou autre sorte de drap de soye? Phil. Rien moins. Cel. Je vous prie donc m' ester hors de peine, car ie ne puis aucunement imaginer quelle sorte de canons vous voulez dire. Phil. Ce sont des canons que font les tailleurs. Cel. Quels tailleurs? car vous sçauez qu'il y a plusieurs sortes de tailleurs, comme plusieurs matières lesquelles on taille. Phil. Comment? ne sçauez-vous pas que ceux qu'on appelet autresfois cousturiers, depuis quelques ans ont esté appelez tailleurs, voire sans queue? Cel. On n'en usoit pas ainsi, quand ie parti de France : ou bienie l'ay oublié. Mais, quoy qu'il en soit, il me semble qu'on fait tort à tant d'autres sortes de tailleurs, de ce qu'on appelle le seul cousturier tailleur, sans adiouster aucune queue. Phil. Vous estes trop scrupuleux, car il vous faut estre résolu que pour parler bon langage courtisan , vostre première maxime doit estre de ne cercher ni ryme ni raison en iceluy. Cel. A. 23