Si ce n'est premièrement quant à l'orf eurerie

22 IIECUEIL CURIEUX.

en boutons ou fers, seulement sur les decoupeures des manches des robbes, et sur les sayes au-deuant du corps, et des fentes, et pareillement aux manches desdits sayes qui seront découpez et non ailleurs. Et quant ausdites broderies, passemens et emboutissemens, ils se pourront porter de soye, et non d'autre estoffe et matière, aux bords et bordures des accoustremens, seulement de la largeur de quatre doigts : sans ce qu'on en puisse mettre sur les plis, n'aux corps d'iceux accoustremens , soyent robbes ou sayes.

3. — Et, à fin qu'il demeure aux princes et princesses (comme il est très raisonnable) quelque différence en leurs accoustremens, Nous voulons et leurs permettons porter en robbes tous draps de soye rouge cramoisy, sans que nuls autres hommes et femmes soyent si osez ne hardis d'en porter, sinon les gentilshommes, en pourpoint et en haut de chausses, et les dames et damoiselles en cottes et en manches. Et aussi, à fin que les filles estans nourries es maisons de nostre treschere et tresamée compagne la Royne et de nos trescheres et tresamées fille et sœur Marguerite de France, ayent accoustremens différons des autres. Nous voulons qu'elles puissent porter, en robbes, veloux de couleur autre que rouge cramoisy. En défendant à celles qui sont au service des princesses ou dames, de ne porter en robbe autre veloux que noir ou tanné, leur laissant neantmoins en autres draps de soye les couleurs non défendues.

h. — Et quant aux femmes des gens de nostre iustice et autres demeurans es villes de nostre royaume, Nous leur auons à tous expressément défendu et défendons de porter aucunes robbes de velours ny d'autres draps, de soye de couleur, leur pertnettant seulement (comme dit est) les porter en cottes et manchons. Et ne porteront les gens d'église robbe de veloux, s'ils ne sont princes.

5. — En défendant aussi à tous qui ne sont gentilshommes , ou qui ne sont gens de guerre en nostre soulde ,

LOIS SOMPTUAIllES. 23

ne porter soye sur soye : c'est à sçauoir, s'ils ont un saye de veloux ou d'autre drap de soye, ils ne pourront auoir la robbe de soye, et ainsi consequemment de leurs autres habillemens : aussi, ne porteront bonnets ne souliers de veloux , ne fourreaux de mesmes à leurs espées : exceptant et reseruant quant à ce tous ceux qui sont ordinaires auprès de nostre personne et de nostre Conseil priué, qui iront accoustrez et habillez selon et ainsi qu'ils ont accoustumé.

6. — Et pour ce que, par nos dites premières défenses, estoit reserué de porter sur harnois toutes sortes d'accoustremenscy dessus prohibez et défendus, Nous, en modifiant cette licence, déclarons par ces dites présentes, que, sur les dits harnois de gens de guerre et caparassons de chenaux, ne se portera drap ne toille d'or et d'argent traict ne tissu, si n' estoit pour une fois en acte notable, comme à une bataille et iournée assignée. Mais bien se portera broderie ou tailleure d'or ou d'argent ou soye, en bord de quatre doigts et enrichissement de croix.

7. — Et doresnauant ne seront les pages, soit de princes, seigneurs, gentilshommes ou autres, habillez que de drap seulement auec vn iect , ou bande de broderie de soye ou veloux , si bon semble à leur maistre.

8. — Et, outre, défendons pareillement à tous artisans mechaniques, paisans, gens de labeur et valets, s'ils ne sont aux princes, de ne porter pourpoints de soye, ne chausses bandées ne bouffées de soye. Et, pour ce qu'une partie de la superfluité de l'usage de soye est prouenuë du grand nombre des bourgeoises qui se sont faites damoiselles de iour à autre, Nous auons fait et faisons défenses, comme dessus, ausdites bourgeoises, que, doresnauant pour l'aduenir elles n'ayent à changer estât, si leurs maris ne sont gentilshommes. -.^ Si donnons en mandement, par ces présentes , à noz amez et féaux les gens de noz cours de Parlement , et à tous noz baillifs , seneschaux , preuosts et

autres noz justiciers et officiers qu'il appartiendra , que nosdites ordonnances , prohibitions et défenses , ils facent publier et signifier par tous les lieux et endroits de leurs ressors , destroits et iurisdictions que besoin sera , et icelles de poinct en poinct entretenir, garder et obseruer inuiolablement, sous peine, à ceux qui dedans huict iours après la publication de ces dites présentes seront trouuez transgesseurs et violateurs , de confiscation des habits et accoustremens qu'on trouuera sur eux contre nosdites ordonnances et défenses, de mille escus d'or soleil d'amende, à Nous à appliquer, et à tenir prison iusques à payement. Lesquelles peines nous voulons estres exécutées et obseruéessur iesditstransgresseurs, reaumentet défait, nonobstant oppositions ou appellations quelconques, et sans preiudices d'icelles , pour lesquelles ne voulons estre différé. En enioignant très expressément à noz aduocats et procureurs généraux en nos dits Parlemens , et à leurs substituts esdits bailliages, seneschaucées et iurisdictions, sur ce tenir la main et faire les poursuites et instances, en tel cas requises, pour le deu de leurs estats et offices et serment qu'ils ont à Nous , en certifiant par eux de six mois en six mois les gens de nostre Conseil priué des diligences et deuoir qui se feront à l'obseruation et entretenement de nos dites ordonnances, prohibitions et défenses, à fin que selon cela il y soit pourueu ainsi qu'il appartiendra : car tel est nostre plaisir. Donné à Paris, le douziesme leur de juillet, l'an de grâce mil cinq cens quarante neuf : et de nostre règne le troisiesme.

Ainsi signé, sur le repli, par le Roy,

Du Thier,

Lecta , publicata et registrata , audito et requirente Procuralore generali régis. Actum Parisiis in Parlamcnto, decimaquarla die Augusti, anno Domini millesiino quingentesimo quadragesimo nono. Sic signatum,

Du TiLLET.

LOIS SOMPTL AIRES. 25