LOIS DE LA COUR ET COMTÉ DE HAYNAUT
(Extrait) (2).
Cest li déclarations des lois en le court et contet de Haynn par le kemun consentement conseil et délibération et saine recordance des homes nobles et ministrans, a la contet de Haynn appartenans, plus desiretement escrites et des sayaus et sairems Monsigneur Bauduin Conte de Flandres et de Haynn et de ses fiaubles homes a le contet et domination de Haynn appartenans, aperpetuel et observation confremee.
(1) Lille, Danel, juin 1837, 24 p, in-8°.
(2) V. Charles du Ilainaut de l'an 1200 en langue gauloise . française et latine, publiées par N.-J.-G. Delattre. — Mons, Hoyois, 1822a;in-S0 de 154p.
Firmet est de nous a loy, que se homs tenans fief espeuse feme et de celle feme ait fille et non fil , celle fille ara le succession dou père et de le mere es fies.
Se li première feme del home muer et li homs prent aut feme et de celle ait fil, li fil ara le succession es fies de se pere, ne mie li fille de le première feme.
Et est a loy fremet que se homs tenans fief ait fiuls u filles tant seulement et li premiers fius u li première fille ait hoir de sen proppre cors et muere ichii premier fil u celle première fille devant que li pere, li hoir dicelui nara mie le succession dou tayon en fief, ains ara le succession de celi mort, en le tenant dou fief li plus proismes hoirs sourvivans, cest assavoir li fils u li fille en fief.
Se homs tenans fief muert sans avoir hoir de se proppre cors li succession dou fief venra a sen plus proisme hoir, si loist assavoir celui qui ara estet de celle sanguinitet , delequelle ichis fief pardevant estoit descendus ; celle meismes lois est de feme tenant fief se sans hoir de sen proppre cors muert.
Se homs espeuse feme et il le voelle doer de sen fief, cest par le signeur et par le tesmoingnaige des homs de celui signeur faire convent.
Se homs sans hoir de se proppre cors muert, se feme es fies de celui u es allues ki de par lome de droit heritaule seront venut nient i retenra* fors tant seulement le doaire et les meules en le terre cultive en celui an.
Est aussi a loy que se homs et feme par mariage veignent ensanle et de le partie de l'un u de tous deus fies u aluet soient venut , et muert li home u li feme sans hoir de sen proppre cors, li fies u li alluet qui de le par-
tie del home mort , u le feme morte estoient venut a leur plus prochains hoirs , tantost revenroit ensi que li homs en liretage de le feme nient i retenra, ne li feme en liretage de sen maris, fors le doaire, sauf necquedans de lun et de laut les meules en le terre cultive de cest an.
Se homs muert anchois que se feme, li hoirs de celui, se il a aige, ara le succession de sen père tantost ens es fies ensi que li feme de chou nient i retenra , fors le doaire a li donnet et les meubles de celui an en le terre cultive, ki est dit en vulgat wanable [gagnable). Ensement se feme muert devant que ses maris , li hoir deceli, se il a sen aige, ara le succession tantost de le mere ens es fies , ensi que li maris en ichiaus nient i retenra , fors les meules sur les terres cultible, c'est assavoir >vaingnauble seront en celui an. A loy âge del home est de XV ans , mais de le feme de XII
(Suivent dix autres articles ; cette loi se termine ainsi : )
Et me sires li Cuens Bauduins de Flandres et de Haynn et si foyable home , cest assavoir Phelippes Marcis de Namur frères germains audit Conte. Henri, aussi de celui Conte frères germains. Watiers de Avesnes. Alars deChismay. Rasses de Gauvre. Gerars de Jauche. Nicolas de Barbençon. Wistasses dou Rues. Wuillaumes oncles doudit Monss le Conte. Wuillaumes de Rievy. Reniers de Trit. Nicolas de Rumigny. Watiers de Kievraing. Gilles de Trasign. Englebert d'Enghien. Hefiris oncle audit Monss le Conte. Gerars de St-Obiert. Willes le Haussi. Adans de Walincourt. Gilles de Bierlaimont. Ernouls Daudenarde. Wats de Sotenghien. Ostes de
Waudripont. Watiers de Villes. Nicolas de Condet. Gilles de Brayne. Henri castelains de Binch. Gerars prevos de Douay. "Wattier castellains de Douay. Pieres de Douay. Gerars senescaus de Bouchaing. Estievenes de Denaing. Ernouls de Kievraing. Hues de S. - Obiert. Willes de Gomignies. Ghillains castellains de Biaumont. Henris castellains de Mons. Ostes d'Arbres. Hues de Gaige. Renaus destrepi. Hacars de Verli. Hues de Crois et pluseur aut. Toutes ces coses touchies les saints jurèrent a warder, adjoustant sous leur sairemens que se aucuns des homes ces lois escriptes en aucune partie emfraindre presumoit tout li autre contre celui seront a plainne observation de toutes les coses dessus dittes. Ce fut fait en l'an del incarnation Nre Sign mil deus cens. A Mons ens ou castiel le quinte calende daoust le venredi deuant le fieste St-Pierre aoust entrant.
Bf° 6. — 1202 (mois de mai ).
