PRÈS D'ARRAS

A tous chiaus ki ces lettres verront Hues Dancoing,

sires Despignoy , et Simon de Villers , baillius dArras , chevalier , salut : Sacent ke corne Bauduins , sires de Cuinchy, chevaliers, demandast tous les maretz de Noiele et li abbes et li couvens del mont St. Eloy et li communies des gens disoit kil i avoient lor usage, en le fin les parties sen mirent en nous, et ottroierent et creanterent ke chou ke nous doi en ordonnerions ou par pais ou par droit, ke ils en tenroient ; et nous par le conseil des boines gens, avons de celle chose ordonne en telle manière : me sires Bauduins de Quinchy ara por tous ces maretz unze muids et ciunq mencaldees de cel marais ; et doibt commencher a sen meulin, et va a le bousne, entre le communite et le domaine monseigneur Bauduin et diluée (de là) a une bousne qui va a la ligne vers Aynin, et tout chou ki est dedens ces bousnes, pardeviers le molin monsegneur Bauduin et pardeviers le motte Leconte, demeure a monsegneur Bauduin pour les unze muids et ciuncq mencaldees devant dittes en telle manière, que de sen meulin duskes au fosse Jean et tout oultre a ligne duskes au chemin ki muet de le fontaine sainct Piat , et dautre part duskes au fil courant de sen meulin, puet me sires Bauduins enclore a se volente, et faire sen manoir et tenir a demaine en tous tans, et le remanant des unze muids et ciuncq mencaldees devant dit peut cils Bauduins deffendre ades le mi mars duskes a le feste sainct Pierre entrant aoust, et de le sainct Fierre entrant aoust duskes en mi mars doibt être en communite et se me sires Bauduins y mettoit ses bestes aucois le feste St-Pierre entrant aoust puiskil aroit ses près fauches , li communites y porroit mettre les sienes , et peut me sires Bau-

duins faire entour les unze muids et ciuncq mencaldees devant dittes un fosse de vint pieds de lez , et dessus le ereste de cel fosse faire plantin en dedens le maret , por warder le plantin, un autre fosse de vingt pieds de lez, et tous li poissons sera monsegneur Bauduin dedens les onze muids et cinq mencaldees devent dittes ; et se me sires Bauduin voloit dedens les bousnes ki devant sont dittes, faire tremois, faire le polroit trois ans et sis ans suivans; après doit remanoir en autel (point) comme il est devant dit. Gil del mont saint Eloy doivent avoir de cel maret devant dits trente mencaldees, cest asscavoir entre le bousne deviers le molin monsegneur Bauduin et leurs terres sept mencaudees et demie, et li remanant siet entre le maison Gillon de Tangre et leurs terres ; celés trente mencaldees pevent ils deffendre ades le mi mars duskes a le feste sainct Pierre entrant aoust, et de le feste sainct Pierre duskes au mi mars doivent demeurer en commun, et se il i mettoient leurs bestes devant feste sainct Pierre , par ci que leur près fussent fauchies , le communites i porroit mettre les sienes bestes et i puent faire fosse de vingt pieds de lez, et (faire) plantin sur le creste del fosse qui leur i ert, et li poissons i ert (y sera) ua commun et sil y voeulent faire tremois, aussi li puent faire si corne il est deviset de monsegneur Bauduin, et si tiennent ces trente mencaldees de monsegneur Bauduin par dix sols de rente par an sans entrée et sans issue et sans relief a payer a Noiele le jour de le sainct Remy, et sil deffalloient de payement , il li devroient douze deniers pour chacun jour quil demouroient a payer apries le terme. Et en cel maret de Noiele a messire Bauduin de

Noiele un rnuid que il tient en fief de monsegneur Bauduin de Quinchy, dont les sept mehealdces siéent devant le porte et sont demairte monseigneur Bauduin, et les ciuncq mencaldees siéent derrière le maison Gillon de Tangre* et ces ciunCqmencaudees>doibt il tenir autel usage comme Cil del morit sain et Eloy tiennent les lori, et Gérard de Henih en i a sept mencaldees ke il tient en fief de monsegneur Bauduin de Quinchy , et doivent estre a tel usage comme Cil del mont sainct Eloy tiennent les lor ; et li remanânt au commun de cascune ville voisine qui a communite f doibt a monseigneur Bauduin deus deniers de rente par an a paier a le sainct Remy. En témoignage de ceste chose nous avons seelle ces lettres de nos seaux. Ce fut fait en lan del incarnation de nostre se gneur mil deus cens quarante sis el mois de septembre.

Nos autem ea qu& in supra seriptis litteris continentur, volumus, laudamus et etiam approbamus. In cujus rei testimonium présentes litteras sigilli nostri munimine fecimus roborari. Datum Attrebati anno domini millesimo ducentesimo quadragesimo octavo, mense maio.

Afchfàes du Pas-de-Calais J à Arras,

N0 98. — 1248 (juin).

DÉLIBÉRATION DES ÉCHEVINS DE DOUAI, QUI DÉCLARENT COMMUNES A LA VILLE DEUX RUELLES HABITÉES.

Sacent tout kc li ruelle ki est entre le maison Marien do

SaintAmant et de Morant le vinier,ki se fille a, et li ruele ki est entre le maison segneur Bernart Pilate et le maison ki fu Jakemon Musekin sunt comunes a le vile. Et tenure ne closins ke on i face ni puet nient valoir ke il ne soit a le vile. Ce fu atire en le haie en lan XLVIIIime, en juing.

Archives de Douai , cartuiaire QQ , f° XL

N° 99. — 1248 (juin).

Aelis De la Chaussée confirme une rente laissée a l'église de Los par sa mère Mahaut de Houdain.

Jou Aelis de le Kauchie, fai savoir a tous ceaus ki ces lettres verront, ke je pour le remède de marme, créante et otrie boinement , et confirme comme drois hoirs une aumosne ke me mere Medame Mehaus De Housdaing donna en se plaine vie a le église de Los pour le remède de sarme et de ses anchisseurs , et de ses hoirs : cest ciunc sols de rente , que li église devant dite li devoit par an del prêt des wiaus , ki siet a le Bevriere , et dun peu de tiere ki tient a ces meisme prêt ; et pour cho ke soit ferme chose et estaule , jay ces laitres données a le église devant dite saiel ees de mon saiel , et del saiel Monseigneur Robiert avoueet dArras , et seigneur de Biethune. Ce fu fait lan del incarnation M et CC et quarante wit , el mois de juin.

Archives de l'abbaye de Loos, près de Lille. — Duchesne, hist. de la maison de Béthune, preuves, p. M*

N° 100. — 1248 (juillet).

Donation par Robert de Wargni a l'hôpital Saintéisabelle du quesnoy d*un muid de ble.

A tous chiaus qui ces présentes letres veront et oront je me sires Robiers de Waregni le petit, salut en Dieu. Sachent tout chil ki ces letres veront et oront ke jou et Aignies me feme, avons donne et otriie en aumosne a tous jours chascun an al hospital sainte Ysabiel dou Kaisnoit , un mui de blet boin et loial a le mesure de Valenchienes, au Noël chascun an a paiier et a prendre en me grange a Waregni. Aie reconnissanche de ceste aumoine êt as letres doner furent me sires Pieres dou Kaisnoit capelains dou kastiel et pourveeres del hospital devant dit , et me sires Jehans prestres de Waregni le petit. Si i furent comme chevalier me sires Gerars de Honnechies , me sires Gilles de Vendegies , me sires Estivenes dArtre. Et pour chou ke ce soit ferme cose et estauule , je me sires Robiers devant dis et me sires Watiers mes fieus corne hoirs,avons ces présentes letres confrumees par lappendance de nos saiiaus. Ches lettres furent données lan del incarnation notre Signeur mil deux cens et quarante et wit le devenres après les octaves saint Piere et saint Pol à Waregni.

Archives du Quesnoi.

W 101. ™ 1248 (juillet).

Acte d'assenement ou d'assignat préfix accordé pour douaire sur deux maisons , par gui de romeli , au

PROFIT d'AlEXANDRINE , SA FEMME , DANS LE CAS DE MORT SANS ENFANTS.

Ce sacent tout cil ki ore sunt et ki a venir sunt ki ccst escrit veront ke Wios de Romelli ki valles fu lofisial devant co kil cust espousee Alexandre se feme, kil asena celi Alexandre sor IJ osteus kil a werpit qui sien estoient kil a done a rente por IIÏJ lib de Cambrai lan, et tout frans sans taille paier,ki siéent el forborc dentrepons; sor ces IJ osteus devant dis asena Wios Alexandre se feme de XX lib. dArtesiens se de lui défaut sans oir, et ces XX lib. doit ele prendre sor les IJ osteus des contanment. A cest asenement a ceste covenence et ceste devise fu Grigores Caziers et Pieres li Escueliers corn eskievin del marcie de Cambrai ; et ceste covenence et cest asenement ensi corne devant est dit recorda Gregores Caziers corn eskievins del marcie de Cambrai por lui et por sen per Pieron Lescuelier ki départis estoit de siècle, a Jehan Ricoart a Jehan Wastelet a Nicolon Lerous a Watier Bieket a Alart des Bazoces et a Gillon de Nueville a eskievins del Marcie ; et ces recors f u rendus en le cambre de le maison de le pais. Apres co avent (advint) que tele fu le volentes de Wis kil volt et otria ke après sen decies et que li dame devant dite eust receus ses XX lib. dartisiens devant dis des contament sor liretage,kil donoitceli

rente as Carteriers de Cambrai et as frères a pitance ; si renderoient les XL sol de Cambrai de rente par an li porveeur des Carteriers a pitance as frères menors et li autre XL s. sont les Carteriers. La fu Jelians Wasteles, Nicoles li Rois, Jehans Ricoars et ErnousTabarie corne eskievin; et ce fu fait et le cambre de le maison de le paix en lan del incarnation Jhu Crist M. CC et XLVI1J el mois de jugnet.

Archives des hospices de Cambrai , fonds des Charlriers , n° 262.

K° 102. — 1248 (août).

Testament de Baudoin de Hezeques.

Jou BauduiLS Hezeke , cevaliers et sires de Hescke , fait a savoir a tous caus qui sont et a venir sont que jou ai donne pour Diu et en aumosne et pour le sauvete de marne , à Notre Dame de Tierouane XI. s. de parisis ; a Saint Martin de Heseke une mesure de tiere a prendre en le tiere Robiert Boteriel ; a Nottre Dame au Bos XI s. de parisis , a Notre Dame de Hesding J marc de parisis ; as frères des Cordieles XXX s. de parisis ; as begines de Hesding deleMason le Comte XXX s. de parisis ; à Nottre Dame a Boulongne XX s. de parisis ; à XX malades mesiaus, plus prochains de Heseke XX de parisis ; et a XX povres femmes de Heseke, XX paires de cauciers, Et si met X lib. de parisis en le main labe dAuchi pour

rendre a caus ki poront monstrer pardevant celui abe ke jou aie eu del leur part tort et sans [rason. Et toutes ces coses devant dites wel jou ki soient prises a tous mes biens et a tous mes iretages , en quelconques liu ki peuusent estre trouve après chou ke de mi sera defailli. Et si faic a savoir a tous ke jou doi a Jehan Hannekin bourgeois de Saint Orner, XXVIJ s. de parisis et a Gilcbiert de le fontaine de Heclingehem , IJ muis davaine dont jou wel kil soient paiie de toutes mes coses iretables ne autres, si avant ke li dete devant dite monte, après chou ke de mi sera défailli. Et si prie Diu et requier a labe dAuchi, ki a cel jour iert abe quil port ces lettres en court et le fâche savoir as pers et a mes amis et a toute bonne gent par quoi gres soit fais des coses devant dites en tel manière com jou lai ordene ; et si wel quon me rende ces lettres toutes les fois ke jou les waurai avoir , et a nul autre tant com jou veverai ; et après men deches jou wel et prie pour Diu quon fâche en tel manière com jou ai devant dit. Che fu fait en lan nottre singneur M GG XLVIII, ou mois daoust.

N° 103.— 1248 (août).

Etat desjdettes de Bauduin de Hezeques.

Jou Bauduins de Heseke , cevaliers et sire de Hesekc?

fais a savoir a tous chaus ki sont et ki a venir sont ke jou doi de bonne dete et loial, et dont jou wel kil soient paiie del mien propre sil est a savoir, a Bauduin Rousiel, de Matringehem IliJ lib. de par.; a Pieron le prouvost de Matringehem C s. de par. ; a Maihiu Randoul XV s. de par.; à Robiert le mannier de Heseke, Xï s, de par., a Maihiu Fieret XXXV s. de par.; a Maihiu Moriel XX s. de par.; a Adan Faimiei V s. de par.; a Jehan de Fruses , le tavernier X. s. de par. ; a loir Henri Coteriel, de Saint Omer, IIIJ lib. de par.; a mon singneur Andriu de Fies, X lib. de par.; a Willame Balet IX lib. et VJ den. de pâr.; a Baudt de le tour dÀras, pour toutes coses XXXJ s. de par.; a Grart de Bietune, bourgeois dAras , C s. dont il a les cartes monsingneur Bauduin dAnving et le singneur de Hiernicourt; a Jehan de Wavrans C s. et IIJ settiers de ble ; a le feme Adon dAras et a ses enfans XLVÏI lib. de par. et X s. dont il ont les chartes le singneur de Hiernicourt et le singneur dAnving et le singneur de Souastre et le singneur de Balluel ; a Pieron Cochant, de Heuchin LXXJ s. de par.; a Aliaum de Grepi IX s. de par.; a nostre dame de Tierouane XI s. de par.; a Wauthier Ribart C s. de par.; a Maihiu de Hahiermes C s. de par.; a mon singneur Marcon XI lib. de par.; a Mikiel de Heseke XX s. de par., a Jufroi le Bosquellon X lib. de par. dont il a me charte ; et C. s. pour le moustier de Heseke. Et toutes che detes devant dites doit jou bien et loiaument et les promhcc a rendre as deteeurs devant dis, et wel et otroi ke on les prende sour toutes mes coses iretaules ne autres , en quclconkes liu ke on les

peuust trouver , duskes adont ke gres fust fais as doteurs devant dis envers qui jou sui tenus des devantdites detes. Et pour chou que soit ferme cose et estable jou ai cest présent escrit seelc de men seel en lan nostre singneur MGC XLVIII ou mois daoust.

Pï° 104. — 1248 (novembre).

Donation d'une rente annuelle par Robert , seigneur

DE BÉTHUNE ET DE TeNREMONDE , AUX CHANOINES DE BÉTHUNE , A LA CHARGE D'UNE MESSE ANNIVERSAIRE CHAQUE ANNÉE.

Sachent tout cil ki sunt, que jou Robers avoues dAras, sires de Bethune et de Tenremonde, ay donne al commun les canonnes de Bethune del église Saint Bertemi , vingt livres de parisis cascun an , a prendre au tonlieu et as rentes de le halle de Bethune , pour Diu , et en aumosne , et pour lame de mi et mes ancisseurs , et a prendre cascun an après mon deces. Et pour chou est tenue leglise devant dicte a faire cascun an men anniversaire. Chou fu fait el royaume de Sardagne al castel de Chales , et pour chou ke chou soit ferme chose et estaule, jou Robers devant dis ay ces lettres confermees de men seel. Chou fa fait en lan del incarnation nostre seignenr Jesu Christ mil deux cens et quarante huit ans, le jour des ames.

Duchesne, hist. de la maison de Bethune , preuves, p. 137.

N° 105. — 1248 (décembre).

DÉCISION CONFÉRANT LE TITRE DE BOURGEOIS A PlERRE Orighe» QUI, A CE TITRE, A DONNÉ A LA VILLE

de Douai un marc d'argent.

Pieres Orighe devient borgois de Dowai sauve le droitoure et le franchise de se cartre ke il a de le vile. En lan del incarnation notre segneur mil CC et XLVIIJ , le samedi devant le saint Clément. Et il est asavoir que Pieres deuant nomeis a doneit iretaulement a le vile i marc diretage par an.

Archives de Douai , carlulaire QQ, f°. 29, v°.

jfo 106.— 1248 (février).

Décision portant que Régnier Delcastel n'a rien désormais a réclamer de la ville de douai pour avoir été arrêté a saint-quentin.

Il est atireit en le haie et dit par les eschevins ke Reiniers del Castelne doit nient avoir aie vile très or en avant por larastement de que il fu arresteis a saint Quentin. Ce fu fait en lan XLVIIJme. en feverier.

Archives de Douai , carlulaire QQ., f°. 28.

N°107. — 1248 (février).

Jean de Flomermont reconnaît qu'il est homme lige de l'abraye d'Auchy-les-Moines, pour douze journaux de terre au village de flers.

Je Jehans , chevaliers et sires de Flomermont fais savoir a tous chiaus ki chest escrit verront et oront que je sui hom liges labbe dAuchi et leglise, et doit estre tout dis mes hoirs après mi par le tenanche de XIJ journeus de terre ke je tïeng frankement deus par dismes paiant aussi frankement comme il le soloient tenir, gisans en IIJ pieches,che fait a savoir VU jorneus, peu plus peu mains, entre Selleri et Sonberch , IIJ jorneus peu mains entre Conchi et Fiers et II jorneus entre le Val le Roy et Fiers , aveukes les hostes de den cote latre de Fiers , ke je tieng ensement frankement deus ; et ches tenanches me doivent il warandir envers tous chiaus ki a loy et a droit en vauront venir, en autel manière comme sires doit warandir le fief sen lige home. Et por ke cheste chose soit ferme et estaule, je lai recontei devant les hommes ; et si ja pendu men seel. Che fu fait en lan del incarnation nostre seigneur mil IJ G et XLVIIJ , el mois de février.

Ancien carlulaire d'Auchy , p. 151 el 267.

N° 108. — 1248 (février).