Acte de vente par Mahieu Li Fieves et Sara sa femme

AU PROFIT DE L'HOPITAL SaINT-JuLIEN DE CAMBRAI, DE NEUF MENCAUDÉES TENUES EN FIEF DU SIRE d'EsTOUR- MEL, AVEC RENONCIATION DE LA FEMME A TOUS DROITS SUR CET IMMEUBLE.

Jou Mahius Cretons chevaliers sires dEstourneles fac a savoir a tous ceus ki ore sunt et ki avenir simt ki ces lettres verront que Mahius li fieves mes homs et Sarre se feme ont vendu bien et loiaument de leur propre volente sans constraignance entriaus densamble al hospital de saint Julien de Cambray, IX mencaudees de tiere kil tenoient de moi en fief,sen sieut les VU mencaudees IJ mesures mains, delà le rue de Nuevile dales Raisconliu a le voie saint Ligier tenant , et IJ meneaudes et IJ mesures ki tienent al pre monsegneur Symon de Wely chevalier, delà le mulin a vent ; et ceste tiere vendirent Mahius li fieves et Sarre se feme entriaus deus ensamble bien et loialment de leur propre volente ; et la dite Sarre le feme Mahiu le fieve devant dit si renunca bien et loiaument de se propre volente devant mi et devant mes homes, pers (de) Mahiu le fieve sen baron, ke se ele ne assenement ne convenance nule eust ne avoir deust sour ces IX menchaudees de tiere devant dites ke ele estoit doee,toutentirement sescuite bien et loialment sans nient retenir et si dist ke bien sen tenoit a loise et a paie; et buen concange et buen restore avoit de sen doaire et

bien estoit se volentes del vendange ke ele et Mahius li fieves sen barons avoient fait entriaus IJ ensanle et ce fiancée le a tenir bien et loialment en le main loficial ; et li maistres de par lospital sainct Julien de Cambrai entra en celi terre devant dite et si en rechut le werp en tel manière et par tes conditions kil en pueent faire lor volente de aparmain et a tosjors, et tenir doivent cele tiere de quel segneur ke il voiront ; et ke jou Mahius Créions chevaliers devant nomes ne mes oirs ne arme de par mi, ne poons ne nedevons en nule manière nient dire sor ceste tiere, A cest werp a cest vendage a ceste covevence et a ceste devise fui jou corne sire et fais fu ci vendages et ces markies par men gre et par me volentc et la furent mi home et per Mahiu le fieve de cest fief ki cest iretage a vendu, ki dirent et temoignierent ke li hospitaus de saint Julien de Cambrai estoit en ces IX mencaudees de tiere devant dites bien et loialment et kil a tant sen rentoient. Et ces markies fu fais devant lius del capitle nostre dame ; et por chou ke ces vendages et ces markies et ces covenences soient fermes et estaules ai jou ces lettres pendans seelees de men seel, en force et en tiesmoignage des choses et des convenences dessus dites. Ce fu fait en lan del incarnation nostre segneur M CC et XLVIII cl mois de feverier.

Celle pièce est extraite d'un livre manuscrit contenant les copies des chartes , privilèges , chyrographes et litres de propriétés de F hôpital St- Julien, depuis l'an 1122 jusqu'en 1299.

N° 109. -- 1249 (février).

Tele est la droiture ke li maisons de Hees (4) A, ET Simon Kaukesel et ses hoirs au molin de Hees.

Sacent tout cil ki cest escrit verront et orront que teus est li droiture ke li maisons de Hees a au molin de Hees et tele est li droiture ke Simons Kaukesel i a qui peneres en est, et si oir après lui. Li maisons de Hees doit au meulin de Hees livrer mairien , et li peneur le doivent carpenter a leur coust. Et li vies mairiens con ne puet mettre en oeuvre cest les peneurs, et li eschais daval le meulin est le peneurs, et li peneur prendent avant une anguille de buironnage et après li maisons de Hees a les IJ pars et li peneur le tierce. Et si prent on lerbe as bestes el deux viviers deseure et li peneur livrent van et boistel,et le sieu [suif) et le martel prent on de commun* Li maisons de Hees a aie meuture les IJ pars et il ont le tierce, et si ont de Iuns i mendekin pour louverture et I del afaitement et li peneur doivent livrer bestes quartereces ; li maisons de Hees livre le mairien au buiron et il le font faire a leur coust. Et des mueles li maisons de Hees met les IJ pars et li peneur le tierce et si le metent sus a leur coust. Et par cou ont il les vies mueles con en oste et les vies fers con ne peut mètre en oeuvre.

(4) Ce fief, ccnnu sous le nom de pouvoir des Hees, était situé près de l'ancienne porte de la Vigne dans le lieu qu'occupe actuellement en partie la citadelle d'Arras.

Et si li mueîins a mestier de couvrir, li maisons de Hees doit livrer couverture et amener seur le liu,et li peneur le metent sus a leur coust ; et se li muelin est huiseus (oisif) par de faute de seigneur, li maisons de Hees paie le conroides ouvriers; et ces droitures qui devant sont nommées furent seues et enquisespar les serjans de le rivière Monseigneur Sainct Vaast et par le commandement et par l'assentement du provost de Monseigneur Sainct Vaast et de Simon Kauvesel devant nomme et rendues par jugement des serjans devant dis. Lan del incarnation nostre seigneur M et CG et XLIX el mois de fevriel.