partie les hostes ne les gens de lautre oquisonner a tort

ne mener ne faire mener hors loi ne hors raison. Et pour

cou ke ce soit ferme cose et estaule, nous Jehans, caste-

lains de Lille devant dis, avons a ces lettres pendu no

saiel. Ce fu fait lan del incarnation nostre seigneur mil

CC sessante et wit, el mois daoust.

Bibliothèque communale de Lille, cartulaire de V église Saint-Pierre, pièce 105.

N° 196. — 1268 (août).

Lettres de dame de Belle Forière contenant vente au profit de Guillaume Porcelet.

Jou Boussarde dame de Biele Foriere, jadis fille mon segneur Boussart de Bourgele chevalier ki fu, fac savoir a tous cels ki ces lettres verront et oront ke je ai vendut et werpit bien et loialment a Willaume Porcelet borgois de Douay seze livres et demie de rente de le mounoie de Flandres a hiretage pau plus pau mains seans en le couture a Douai et alleurs devens le vile et le pooir de Douai. Cest a savoir eu rentes de deniers, de capons, dauwes, de bleit, davaine, de crowees, de un four, de heudes, dentrees, dissues, de relies, et le justice avoec ke je avoie el lius devant dis. Et tous les deniers de cest vendage je les ai eus et reccus en bonne mounoie loial et bien contée et bien men tieng a paiet. Et sil avenoit

cose kc Willaumes Porceles devant nomeis u si hoir ne tenoient et emportaient en bonne pais et enquiteit a tous jours toute le rente et le justice devant dite, et il en a voient paine coust u damage par mi u par mes hoirs u par ame de le miue partie, je li renderoie et seroie tenue de rendre au devant dit Willaume Porcelet u a ses hoirs se de lui estoit défaillit, ciunc cens livres de paresis dedens les quarante jours ke li devant dis Willaumes u ses hoirs se de lui estoit défaillit, men semonroit u feroit semonre et li jours de le semonse est sour le dit de sen hoir se delui estoit défaillit. Et se je ne paoie les ciunc cens livres devant dites au termine ensi com ci devant est deviseit, je renderoie avoec les ciunc cens livres tous les cous, tous les despens et tous les damages ke cils Willaumes u ses hoirs se delui estoit défaillit, i aueroit u feroit en quelecunque manière ke ce fust por le defaute de men paiement dusques au dit de celui Willaume u de sen hoir se delui estoit. défaillit, sans autre provance avoec le dete devant dite. Et avoec tout chou il poroit douner del mien au segneur de le terre u a baillius u a quele justice quil vauroit, por cascun cent livres de paresis ki defauroient a paier de le dete devant dite dusques a vint livres de parisis lesquels vint livres je li renderoie avoec toutes les covenences devant dites. Et por toutes ces covenences tenir bien et loialment ensi com ci devant est deviseit, jai obligiet et oblige mi et mes hoirs et met en droit, en loi et en abandon mi et tout le mien u ke je laie et auerai envers tous segneurs , envers baillius et envers toutes justices ke il le puissent prendre et faire prendre et arrester partout u ke jou et mes hoirs larons

u auerons a oes celui Willaume Porcelet u as aoes ses hoirs se de lui estoit défaillit. Eq toutes ces coses je renoncie et ai renonciet a toute exception, a toutes bares, a toute boisdie, a tous respis, a toutes gracies, a toutes induigenses, a tous privilèges ke croisiet ont u poront avoir et a tous autres privilèges , a toute aiue [aide, recours) de loi crestiene de sainte église et de loi mundaine, et a toutes les coses ki aidier et valoir me poroient et mes hoirs ausi encontre ces covenences, et ki au devant dit Willaume Porcelei et a ses hoirs poroient grever et nuire. Toutes ces covenences ensi com eles sunt ci devant devisees ai jou en covent et promis bien et loialment a tenir et a emplir. Et por chou ke ce soit ferme cose et estaule et bien tenue, Jou Boussarde dame de Biele Foriere, jadis fille mon segnenr Boussart de Bourghele chevalier ki fu, ai ces présentes lettres seelees de men seel. Ce fu fait en lan del incarnation nostre segneur mil deus cens et soissante wit el mois daoust.

Archives des hospices de Douai, inventaire de M. Brassarl, n° 892, p. 216.

N° 197.— 1268 (août).

Acte passé devant échevins a Douai pour la vente d'une rente par dame de Belleforière au profit de Guillaume Porcelet.

Sacent tout cil ki sont et ki avenir sont ke me dame

Boussarde de Biele Foriere ki fu fille mon segneur Boussart de Bourgele a vendut et werpit a Willaume Pourcelet , XVJ lb. et demie de rente de le mounoie de Flandre a hiretage pau plus pau mains, ki siet en le couture et ailleurs devens le pooir de Douay si com en deniers , en capons , en auwes , en blet , en avaine , en crouees , en heudes , en maissons , en entrées , en issues, en relief, et le justice et tout liretage aussi ke elle avoit devens le pooir de Douay tout ensi com li rente et li hiretages siet ; et ensi la me dame Boussarde devant dite en covent a aquiter au devant dit Willaume duskes au dit des eskivins ; et si a en covent me dame Boussarde ke se cieus Willaume Pourceles u ses hoirs u cieus u ciei ki celui hiretage tenroient apries lui ne tenoient et emportoient en boine pais et en quiter a tous jours, îe rente et liretage devant noumet tout ensi com chi devant est deviset , ke elle renderoit et seroit tenue de rendre elle et li siens a celui Willaume u a sen hoir u a celui u a ceus ki le rente et liretage devant dit tenroient duskes a VG lb. de parisis ; et tout chou a me dame Boussarde en covent a li et au sien, et ke Willaumes devant noumes u ses hoirs se delui estoit de fallit u cieus u cil ki li rente et liretage devant dit tenroient le puissent prendre vendre et despendre coume le leur; et quankes il leur cousteroit duskes a leur dis. A ceste covenenche et a cest verp furent coum eskievins Jehans de Franche et Watiers Pilate. Che fu fait en lan del incarnation notre Signeur mile CC et LXVIIJ el mois daoust.

Archives des hospices de Douai , inventaire de M. Brassart 3 n° 891 , p. 273.

N° 198. — 1268 (décembre).

La comtesse Marguerite institue à Douai des apaiseurs ou pacificateurs.

Nous Marghorite contesse de Flandres et de Hainau faisons a savoir a tous ke nous pour bien pour pais et pour le proufit de nostre vile de Doai avons otryet a nos chiers eschevins de Doai ke il puissent prendre et eslire dedens les trois jours ke il seront fait eschevin , siet preudoumes loiaus bourgois de Doai teus quils verront et creront ke boen soient, pour faire les pais des weres morteus (guerres mortelles) des haynes et de toutes les autres discordes ki sunt avenues u avenront a Doai u ailleurs entre nos bourgois u fius de nos bourgois de Doai; et cil preudoume quant il seront esliut etprist pour estre paiseur teil comme il sambleront a nos eschevins devant dis souffîsant et proufitable en cel offisse , il doivent en le présence de nos eschevins devant dis faire sairement a nostre bailliu de Douai , u a celui ki dessous lui sera serementeis a Doai, ke il feront leur offisse de le paiserie bien et loiaument a leur pooirs, et nos baillius u cel ki desous lui sera ensi ke ci devant est dit, i doit estre et recevoir les seremens a le requeste de nos eschevins ; et se il en est requis des eschevins et se il ni veut estre, pour ce ne volons mie ke nostre eschevin devant dit ne les facent et en prengent les sairemens.Etne poeent ni ne doivent cil preudoume ki esliut u pris sunt u seront pour les pais faire ensi que ci devant est dit, estre ensemble

en cel offisse plus prochain de lignage ne daffiniteit ke nostre eschevin de Doai poient estre en leur eschevinage ne plus longhement demorer en cel offisse que li eschevin ki pris et eslius les aront, demoerront en leur eschevinage et sil avenoit ke daucun cas, preudoumes ki pris et esliut seroit pour les pais faire ensi com ci devant est dit, defausist dedens le termine ke on deveroit eschevins et paiseurs refaire , nostre eschevin devant dit porroient en son liu mettre un autre preudoume souffisant bourgois de Doai, se il veoient ke mestiers en fust ; et sest a savoir que quankes cil preudoume paiseur u li plus deaus feront et ordeneront dendroit les pais et les concordes devant dites, nous volons et commandons quil soit tenu bien et fermement a tout jours , et le ferons tenir et warder corne dame de la terre. En tesmoignage et enseurtei de lequel chose nous avons fait mestre notre scel a ces présentes letres ki furent dounees en lan del incarnation nostre Seigneur Jesus-Christ mil deus censsoissante et wit, le lundi après le jour Nicholai.

Archives de Douai, cartulaire T, f° X VI.

Lettres de la comtesse Marguerite qui approuvent la vente d'une rente par dame b<>lssarde de 13ellef0r1ère.

Nous Margerite contesse de Fiante et de Hanau

faisons savoir a tous ke nous tel vendage ke me dame Boissarde dame de Biele Foriere ki fille fu monseigneur Boissart de Borghele chevalier a fait a Williaume Pourcelet nostre bourgois de Douay de seze livres et demie de rente a hiretage de le monoie de Flandres pau plus pau mains, seans el pooir de nostre vile de Douay, en rentes de deniers, de capons, dauwes, de bleit, davaine, de coroees, de un four, de heudes, dentrees, dissues, de relies et de le justice, ke me dame Boissarde devant dite avoit en nostre ville devant dite, avons graeit et otriet ; et se che estoit de fief, fust tout u en partie , nous le metons heurs de fief et quitons de tous services de fief, et volons et otroions ke ce soit tout del eskievinage et del jugement de nos eschievins de Douay perpetuelement. Et si avons mis et metons Baudon dEstrees nostre borgois de Douay en nostre liu por ces vendages et pour ces coses faire bien et loialment et tenrons a ferme cose et a estaule quankes li devant dis Baudes en a fait et fera de cesti cose tout ensi ke ci devant est deviseit. Et pour cou ke ce soit ferme cose et estaule, nous avons fait mètre nostre saiel a ces présentes letres ki furent données en lan del incarnation nostre seigneur mil deus cens sissantc et wit.

Archives des hospices de Douait inventaire de M. Brassart, n" 893, p. 275.

N° 200. — 1269 (juin).

Marguerite , comtesse de Flandres et de Hainaut , et son fils Gui, vendent un moulin et ses dépendances AUX ÉCHEVINS ET A LA COMMUNE DE DAM.

Nous Marghriete contesse de Flandres et de Haynaut, et nous Guis ses fius, cuens de Flandres et marchis de Namur, faisons savoir a tous, ke pour le proufit de nous et de nos hoirs et pour le proufit de nostre vile du Dam, nous avons fayt vendage et conventes a nos bons amiis, les eschevins et le communite du Dam, qui tel sont : Nous avons ottroye et otroyons a nos eschevins et le communite devant dite nostre molin du Dam perpetuelement ; cest assavoir : le siège et le treffons et le suerfait et les appertinanches du molin et le rente de onze maisons, qui gisent devant le molin, dont on nous doit par an six livres et dix soûls de la monnoye de Flandres, et dix sous de rente dautre part. Et si leur avons ottrye,et ottrions le yeauwe [eau) et le terre, qui sont entre le viez Dam et lescluse de nostre molin devant dit, si avant que li terre et nostre yeauwe vont par devers le vile du Dam et entre les II dics, qui sont dune part et et dautre, et ce qui la dedans est ; en tel manière que li devant dit eschevins et communs doivent faire entrée sur leur coust, de le rue des bouchers dusques a le rue de lespee, et par tout dedens le poire [polder) , si com mestiers sera , si com puist schevaucher et schariier parmy les rues sur le poire, sauf le cours del yeauwe dou

moulin , ensi con puist sur cel poire soufïiciaument masonner. Et de tous les proufis du molin et des partenanches devant dites, est assavoir six livres et demie et dix soûls de rente , et des proufis aussi , qui de celle novelle terre ischeront, quelque il soient et en quel manière que ce soit , li devant dit eschevins et communs doivent avoir lune moytie et nous et nostre hoir, singneur de Flandres, doivent avoir lautre moitié, sans riens mettre, sauve nostre justice, qui demuere tout a nous et a nos hoirs devant dis en celle novelle terre et en II dics, si avant que nous lavons ailleurs en le vile du Dan, et saus (sauf) ce que li devandis eschevins et communs doivent le molin refaire et tenir perpetuement a luer coust. Mais du coust des molniers et des chevaus qui apporteront le bleyt et reporteront le farine et de chandaeilles et doint et de seus (suif), nouz et nostre hoir devant dit doivent payer lune moytie et li eschevins et commune devant dits lautre moytie. Et si doivent avoir cil du Dam leyeauwe,qui vient de Bruges vers Reynghersvlietea. ces molin devant dit et a ces noveauz molin, se il les faisoient, sauf ce que il en doivent laisier avoir a ceaulz de Bruges , souffisamment parmi censaigne qui sera mise au vies Dam. Et si cil du Dam faisoient novel molin ou noveulx molins dedans leschevinage du Dam ou dedans le pourpris devant dit, nous et nostre hoir devant nommes devons avoir le moitié de tous les proufis, sans rien mettre, et cil du Dam lautre moitié en le manière et en le condicion, que est dit du viez molin. Et tout cil, qui mainent et manront dedans leschevinage de le vile du Dam, doivent venir par ban moure as molins devant dis,

sauf ce que li molin les puisent délivrer, et cil qui par ban mouront, doivent estre quitede le molture pour siix deniers du hoet.

Et si est assavoir, que pour ce que li poire devant dis et tout ce que gist, ynsi comme il sestent en loing entre le vies Dam et lescluse de nostre molin du Dam devant dit, et si comme il sestend en leit {large) entre les II dics et le rue des bouchers et le rue de lespeye sont de nostre franche héritage et de nostre pure seigneurie, nous lavons aiont et aurons a leschevinage du Dam en teil manière et en tel franchise, que nous volons et ottrions, ordinons et establissons, que tout cil, qui seront mananz couchant et levant en celle terre novelle et el pourpris devant dit, nus de eaus nés de leur maisnies ne puissent y estre mené en ostages, fors que en leschevinage du Dam, et de toutes autres condicions doivent il estre, et volons quil soient a nules autres franchises et coustumes , comme cil de le vile du Dam.

Et si est assei que toutes les choses devant dites nous avons faites et convenancies pour nostre proufit et pour le proufit de nos hoirs parmi les condicions devant dites et parmi XII lib. de la monnoye de Flandres, que li devant diz eschevins et communs en ont fait délivrer a nostre commandement, dont nous tenons bien a paye en boine monnaye et boin contée. Et est asei, que se aucuns mesist débat en le yauwe, qui va de Bruges a Reighersvliete qui droit i demandast, nous en devons connoitre du droit et atemprer le débat ensi quil nous samblera que bien est , dedans les trois ans après ce quil auroit commence a faire le convenance devant dite. Et se dedans

tes Itî Ans rien estoit mens debas ; il en doivent démouler a toujours en luer tenure paisieulement. En en tesmoingnage et en suerte de toutes ces convenences devant dites ; nous avons donne ces présentes lettres as eschevins et a le communite du Dam devant nommes , sealees de nos seyaulx , qui furent données en lan de lincarnation nostre Seigneur Jesus-Ghrist mil GC et LXVII le dimanche après la nativité de saint Jehan Êaptiste.

Warnkœnig, hisL politiq. et juridiq. de la Flandre, (en allemand) L II, 2e partie , preuves p. 16.

ine m-,

N° 201. 1269 (mai).

La comtesse Marguerite et son fils Le comte Gui oo

TROYENT AUX ÉCHEVINS ET A LA COMMUNE DE DAM L'USAGE DE L'EAU DU VIVIER DE MALE.

Je Margherite contesSe de Flandres et de Haynaut, et je Guys ses fius , cuens de Flandres et marchis de Namur , faisons savoir a tous, que nous pour la grant nécessite et la grande deffaulte que nous veimes et seumCs, que nostre bon amis , li eschevins et li communs de nostre ville du Dam avoient de douce eauwe , et pour lamendement perpetueilde cele ville, nous avons donne et ottroye as eschevins et a le communite devant dis , le usage del yauwe de nostre vivier de Maie , en le

manière que cy -après est devisee. Est assavoir que il

poenl le yau'we de celui vivier faire venir , par conduis desoubz le terre, au Dam paisiulemenz et sans débat, perpetuelment tout ainsi comme il leur semble mieux au pourfuit et a laise de le ville du Dam pour douce eauwe a avoir, et cel vivier il pourront faire fouir et esbraier et nettier , tout a leur volonté , sauf ce quil ne destourbent a ceulx de nostre ville de Maie lor usage quil y ont. Et avons encore donne et ottroie a nos eschevins et ou commun du Dam devant dis une voie france et paisible de Y verges de le [large) très celui vivier dusques au lieu ou li pars de Maie sestent vers la ville du Dam, pour le conservation et le rapareillement des devant dis conduis ; et cele voie li devant dis eschevins et commis doivent faire et retenir [entretenir] a leur coust perpetuelment, tele que on y puist charier par este et par yver, et doit estre commune a tous ceulx qui passer y vaulront. Et si retenons en notre garde et en nostre protection, les conduits devant dis , et le voie très le vivier devant dit jusques a la ville du Dam. Et volons encore et ottroions, que nostre eschevins et li communs devant dis, aient perpetuelment ung siège pour asseoir ung instrument que ont appelle communément crâne, pour louvrage des vins estrainges et daultres choses qui arrivent a notre port du Dam. Et en tesmoingnage et en confermance de ce que deseure est dit et devise, nous avons fait mettre nos seaulx a ces présentes lettres, qui furent donnes en lan del incarnation nostre Seigneur Jesus-Christ mil deus cens soixante noef el mois de may.

Warnkœnig , histoire politiq. etjuridiq. de la Flandre, [en allemand) t. Il, 2< partie, preuves page 20.

W 202. — 1269 (février).

Charte de Marguerite , comtesse de Flandre , en faveur de l'abbaye de sln.

Nous Margherite, contesse de Flandres et de Haynau, faisons savoir a tous, ke nous, pour Dieu et en ausmone, pour les ames de nous et de nos ancisseurs et de nos successeurs, avons otriie et donne piecea et otrions encor et donnons al abbesse et au couvent de labbeie del ordenc S. Victor ki siet en la parroche de Syn dales Douay, ke elles aient perpetu élément et paisiulement un fosset dentre sis pies et siet de leit (de six à sept pieds de large), et de cent destres de lonc,parquoi eles aient esseau [issue) del eauwe ki keurt parleur maison et par leur pourpris, et courra li eauwe parmi le mares et le pasture de Syn. Et est a savoir ke cil fosses dou leit et de la longhece devant dite muet dun fosset de cele meesme abeye, ke on appelé le fosset de le nokiere et sestent juskes au poncel de pierre par lequel les bestes communes vont en le pasture, u il a cent destres petit plus u petit mains de lonc. En tesmoing et en confirmance de lequel chose , nous avons donne al abbesse et du couvent devant dites ces présentes lettres saielees de notre saiel , ki furent données lan del incarnation M CG LX nuef, ou mois de février.

Archives du déparlement du Nord à Lille, premier carlulaire de Flandre, pièce 79.

N° 203. — 1270 (avril).

ERNOUS, COMTE DE GUINES , ASSURE A L ÉGLISE DE ClàIR- MARAIS UNE RENTE DE 40 SOLS, QUE SON AÏEULE AVAIT DONNÉE A CETTE ÉGLISE.

Jou Ernous cuens de Ghisnes , fais a savoir a tous

chous ki ches présentes lettres verront ou oiront, ke

les quarante sous de parisis ke medame Béatrice me taye

donna pour Diu en aumosne a leglise de Clermaresch

pour vin et oistes (hosties) a chanter messe , jou les as-

seure a prendre chascun an a la Pentechoste. Et par cesf

assenement me ont il clamet quite de tous les arriraghes,

et si doi estre a tousjours es bienfait et es prières de

leglise. Et pour chou que che soit ferme chose et estable,

jou ai ches présentes letres seelees de mon seel. Chou fu

fait en lan de lincarnation nostre Signeur Jesu Christ

mil deus chens et setante el mois davril.

Duchesne , hist. de la maison de Gand el de Guines , preuves p. 291.

Orligations CONTRACTÉES PAR PLUSIEURS EOURGEOIS , DE RENDRE DES SOMMES QUI LEUR SONT CONFIÉES ET QUI APPARTIENNENT A DES MINEURS.

° Jehans Castelains , Hanos Painsmouilies et Haim-

nieries li bruns ont en convens et cascuns daus por le tout, a rendre a le volente et a le semonce des eschevins XIII XX lb. VII (267 liv.) de parisis quil ont en warde pour le fille Jakemon Cauete ki fu quil eut de le file Jakemon le brun le père ; et ces XIII XX lb. et VII lb., ont en convent Jehans Castelains , Hanos Painsmoullies et Haimmeris li bruns devant dis a aus et au leur, en tele manière que li eschevin u li coumans des eschevins les puissent prendre et faire prendre a aus et au leur , et a cascuns daus pour le tout, partout u kil laient, et vendre et despendre coume le leur dusques as XIII XX lb. et VII lb. devant dites a oes le fille Jakemon Cauwete devant dite. Ce fut fait lan MM CG et LXX le devenre premerain de février.

Willaumes Maies a en convent a lui et au sien a rendre a le semonse des eskevins XL lb. de parisis quil a en warde pour les enfans Martin Tubet. Ce fu fait lan M CC et LXX el mi février et adont prist il les deniers as massars [aux receveurs de la ville).

Jehans Pikete a en convent a rendre a le semonse des eschievins IIIIXX XVI lb. (96 liv.) XIII sols parisis kil a por ses enfans kil eut de Borgain se feme , ki fu Gillete Liegart, ke Willaume de Goy qui fu , leur dona en se devise [testament)) et a en convent ke il o verra [usera) de ces deniers dusques audit des eschievins et en fera ensi ke il est contenut en le devise celui Willaume ; et de chou furent respondaat por Jehan Pikete sans eschevinage Baudes dEstrees et Gerars del Marchiet en lan LXXJ le devenres devant Noël.

Archives de Douai, çarlulaire QQ , f° XXXII, v9.

I*° 20o. — 1270 (environ).

Ban conxerna.nt les barbiers.

[1] On fait le banie quil ne soit aucuns si hardis barbyers ou barbieresse quelconques qui puis ceste beure en avant ou pooir (dans le pouvoir) et eschevinagc de ceste vile, reche ne sainne [rase ou saigne) mesel ou meselle de ceste ville ne dailleurs,se ce nest une certaine personne a ce commise par especial qui ne tiegne mie le mesiier de barbierece et qui communément le face a autrui, sour le forfait de X 1b. et estre banis de le ville.

[2] Et que aucuns des devant dis barbiers ou barbieresse ne soient si hardis qui voist ne criuoice [criaille) cliquetant aval le ville disans de maison en maison « voles vous rere (raser) » sour le fourfait de XL s.

[3] Et que nus des dis barbieurs ou barbieresse ne reche en dimenche se ce nest nouvel prestre ou nouvelle couronne (tonsure) ou enfant nouvel net, ou se ce nest personne que par nécessite le conviengne faire sour le fourfait devant dit.

[4] Et que nus barbyers ne sentremette de singnie (saignée) sour le fourfait de XL s.

[5] Et si fait on le banie quil ne soit aucuns si hardis barbyers ne barbieresse qui jece ou fasse jetter en liauwe ou en le rivière de ceste ville les sans (sang) des sainesquil aront faites mais les portent ou facent porter as camps avecques les chaviaulz (poils) des rasures qui faites aront este, plus loins de le ville que boinement

poira estre fait, les enfeuchent (enfouissent) ou fâchent enfouir sour le fourfait de X lb. et estre banis de le ville.

Archives de Douai, cartulaire 00, fc X VIII.

N° 206. — 1271 (mai).

Lettres de Marguerite, comtesse de Flandres, concernant LES EAUX DE LA DEULE, LES TRAVAUX A FAIRE ET LES DROITS A PERCEVOIR SUR CETTE RIVIÈRE.

Nous Marguerite, contesse de Flandre et de Haynaut faisons a savoir a tous ke nous et nostre chiers fuis Guis, cuens de Flandre et marchis de Namur, avons dounei a nos boens amis les eschevins et la communitei de nostre vile de Lille letres scelees de nos saieaus en ceste fourme * Nous Margherite, contesse de Flandres et de Haynaut, et nous Guis, ses fius, cuens de Flandre et marchis de Namur, a tous ceaus ki sunt et ki a venir sunt salu en nostre segneur. Sachent tous ke nostre vile de Lille par nos assens (consentement) et no cornant et par lassensdes marcheans et pour le comun proufît (profit) dou pays fisent deus rabas (retenues) en leauwe ki va de Lille a Quesnoit ke on apele Deule,dont il dévoient reprendre les cous ke cil rabat avoeit coustci, as avoirs [sur les marchandises) et as naviage ki par le chemin de cel eauwe passeroient. Et si fisent faire ausi par no cornant et lassent des marcheans et pour le comun proufît dou

pays, le porte de Kesnoit desous ki est en le Deule,donl il dévoient ausi reprendre les cous ke cele porte avoit coustei de faire, as avoirs et as naviages ki par cel chemin de leauwe passeroient ; et cou ke li denier de ces frais devant dis cousteroient deraprunter , reprendre (à sa chargé) le devoit li vile de Lille ausi avoec le dete devant dite. Et se aucune chose i fust aparans de decheoir, refaire le devoit li vile de Lille et reprendre ausi le cousl avoec le dete devant dite ; et pour ces frais reprendre nous assesimes seur les avoirs ki par le chemin de cele eauwe passeroient, assise si haute [impôt si élevejque M marcheant en eschivoient nostre chemin par eauwe en cel lin et avoec tout chou cele assise et cele prise ne pooit mie ataindre le coust de le dete dou frais devant dit et sans le détenir (atténuer), ains croiscoit et montoit chascun jour le dete.

Quant li consaus (conseils) de le vile de Lille virent et seurent ceste chose il en parlèrent a nous et lenousmoustrerent; etnous offrirent pour bien et pourlecomun proulit de tous le pays et de toutes gens trespassans par no chemin de cele eauwe* ke il pairoient tous ces cous dont li summe estoit entour mil liv.de parisis et retenroient le porte desous et les rabas devant dis a tous jours, par si (de manière) keil eussent a tous jours, pour ceste chose faire si ke devant est dit, assise sour les avoirs et sour les naviages ki passeroient par le chemin de cele eauwe; teil ke la u on prendoit en ces deus îius adonc XÎI deniers del mui de bleit , ke il ne prengnent ne puissent prendre ke trois deniers et ensi de tous autres avoirs e* de tous naviages a cele raison si quil estoit assis a prendre.

Quant nous oimes cou nous presimes de no gens et fesimes parler as markans et as navieurs [navigateurs, bateliers) pasant etrepaisantparno kemin de cele euwe [eau), se cestoit leur greis [gré) et leurassens et proufis a eus et au cornu n dou pays, liquel disent par foi et par sairement ke se le vile de Lille voloit ceste chose faire, ke cestoit proufis au comun dou pays et a toutes gens ki avoir mèneraient u feroient mener par cel euwe ; et quil bien si assentoient.

Et nous , quant nous eûmes oy leur consel et leur assens,veumes bien et seumes ke cestoit li grans proufis de tout le coumun dou pays el de toutes gens ki avoir meneroient u feroient mener par cele euwe. Et ke se cele porte et li rabat devant dit ni estoient et ne fussent retenues ke li kemins de leuwe seroit perdus, si ke avoir ne neis [ni bateaux) ni porroit passer ; nous pour bien et pour le comun proufit de tout le pays, de tous marchans et de toutes gens ki par le kemin de cele euwe passeroient u passer vorroient, volons et otrions que des ore en avant a tous jours mais, le vile de Lille retiengne et reface le porte du Kesnoit desous et les rabas devant dis a sen coust et paie le dete devant dite ausi. Et volons et ottrions pour cou ke le vile de Lille paie ceste dete et les frais devant dis et ke ele a tous jours mais ert [sera] tenue de retenir et de refaire le porte de Quesnoit desous et les rabas et kele a cou sest obligie par devant nous, ke le vile de Lille prendie et ait a tous jours mais sour tous les avoirs et sour tous les naviages ki par no kemin de cele euwe passeront u passer vorront, dou mui de bleit dont on prendoit XII deniers en ces deus lius, trois deniers.

Et a cele raison , de tous autres avoirs et de tous naviages volons et comandons ke on autrement ne le prendie ke si après est devisei et en un liu : Cest a savoir dou mui de bleit trois deniers, dou mui de ferine quatre deniers et maaille, dou mui de pois trois deniers, dou mui de fèves et de veces trois deniers et maille, dou mui davaine et dorge trois mailles, dou mui de brais denier et maille, dou tounel (tonneau) de vin quatre deniers et maille, de le keuwe (cuve) deus deniers et maille , dou tounel de cendre trois deniers, dou tounel rinois (vin du Rhin) noef deniers, dou tounel de miel sis deniers, de le keuwe trois deniers, de tous pissons, de sel, de mairien (bois de tonnellerie), de tuile, de cauch (chaux), de gries, de blanke piere, de waude (gaude), de plomb, de estain, de fruit, du marc et de tous ces avoirs deus deniers et maille ; de tous marbres , de toutes mueles de waisde (pastel), de tous avoirs de pois, fors de cire et de poivre dou marc trois maailles ; li navee et li pontence (chargé) de savelon (sable) chascune une maille ; de fain, de tous forages et glui (de foin, fourrages et paille de seigle), de toutes fuilles et de toutes chars dou marc trois deniers ; de le poise de cire trois deniers, de le kerke de noivre sis deniers ; de le kerke dalun trois deniers ; del escrign (armoire) uue maille ; dune kieute {matelas) une maille ; de le tacre de cuirs trois maailles ; dou sac de laine trois deniers ; dou toursel de draps a keval trois mailles, de grans tourseaus sis deniers ; de tous avoirs ki ci nest nomeis dou marc deus deniers et maille.

Et est a savoir ke le vile de Lille pour Deu (Dieu) et es aumosne a no requeste a otrye ke nostre abie de Mar-

kete, nos hospitaus de Lille, nostre abie de Flines et li abie de Los ne paient nient de cose kil mainent u facent mener par cel kemin del euwe en ces lius pour leur propre despense.

Et pour cou ke toutes ces coses si ke devant sunt dites soient bien et fermement tenues de nous et de nos successeurs , avons nous ces présentes letres donees a le vile de Lille selees de nos saieaus. Ce fu fait lan del incarnation nostre segneur M CG sissante et noef al mois de avril.

Et nous Marghriete contesse deseure nommée pour ce que nous volons ke li cuitances devant dites pour Deu et en aumosne a nostre requeste si comme devant est dit, soient bien et fermement tenues a tous jours nous les loons et gréons et concernons et les feront tenir perpetuement. En tesmoignage et en seurete de laquel chose nous en avons dounei ces présentes letres a nostre abeye de Los seelees de nostre seel. Ce fut dounei en lan del incarnation nostre segneur Jhu Crist mil deus cens soissante et onze au mois de mai.

Archives du département du Nord à Lille.

-ssMJh«=— —

S* 207. ~ 1271 (août).

Investissement mutuel de deux époux.

Sacent tout cil ki sunt et ki avenir sunt que Gerars dou Markief a ravestic Jehannain Lansticre se feme de

quanques il a et de quanques il aura a hoir et sans hoir parmi le loy de le vile, sauves les convenences ki furent faites a leur mariage entre als par les amis de lune partie et de lautre. Et cele Jehane a ausi raviestit Gérard devant noumet sen baron tout en autele manière parmi le loy de le vile. A cest ravestissement furent corne eschevin Baudes dEstrees et Jehans Piekette. Ce fu fait en lan del incarnation M CC et LXXI le demerques après le jour saint Jehan decollatie.

Archives de Douai , cartulaire QQ , f° XXXll.

N° 208, — 1271 ( janvier).

Traité entre le châtelain et la ville de Lille pour l'établissement d'un canal depuis la Bassée jusqu'à Lille.

Jou Jehans castelains de Lille chevaliers et nous Ii eskevin li wit hommes li jure et toute li communites de le ville de Lille faisons a savoir a tous chiaus qui ces lettres verront et oront que telle est li convenence entre nous Jehan castelain de Lille dune part, eskevins wit hommes jure et li communite de le vile de Lille dautre part. Que jou Jehans castelains devant dis doi faire faire un fosse {un canal) movant (se dirigeant) de le Bassee qui vienne tresci a Haubourdin a men frait et a men coust tel que li fosse doit avoir quarante pies de deuwe-

(d'une douve) a autre et quatre pies deuwe (d'eau) aiî mains en este au plus sec tans, et sis pies de voie a lun les (à un côté) u a lautre pour traire les nés (bateaux). Et si doi faire aussi un fosse tout en autel point et de largeece et de parfondeece et autel voie que devant est dit mouvant de Haubourdin qui viegne tresci au liu la u on doit faire porte [écluse) desous tresci en le Deule derrière le Folie. Et tout ce fosse movant de le Bassee et venant tresci en le Deule si [ainsi) que dist est, dois jou Jehans castelains devans dis faire faire et faire fuir (fouir, creuser) et faire voie de sis pies a lun les u a lautre et terre livrer a men fraist et a men cous arres (hormis) de le tiere dou ries qui est a le vile, cele tierre ne doi jou mie acater mais le fosse tout ainsi que deseure est dit doi jou faire. Et si dois le rivière devant dite frankir (affranchir) de winage de tous paiages et de toutes autres prises [perceptions) a tous jours et de cou frankir dois jou donner as eskevins et au consel de le vile de Lille lettres medame le contesse et les moies (miennes) lettres et lettres de tous segneurs qui droit y demandent. Et si dois faire pais (assurer) a tous ceus qui moulins ont moulans de cele rivière si avant que li rivière portera que on nen demandera nient (rien) a le ville de Lille et si dois oster mes moulins de Habourdin tout nés (tout net). Et si doit faire un fosse tel qui puist porter navie dou Ploich movant (se dirigeant du bois du Ploui) que viegne tresci en cele rivière. Et est a savoir que jou dois tout avant (tout d'abord) faire faire le fosse bien et souffisamment si que dit est a men frait et a men coust de le Bassee tresci a Habourdin ancois (avant) que li vile me

paie nul denier. Et pour toutes ces coses faire bien et souffisamment si que deseure {dessiis) est devise nous li eskevin li wit home li jure et toute li comraunites de le vile de Lille devons donner au castelain dit quinze cens livres de le monoie de Flandre par si (afin) quil face les coses si que devant sunt dites. Et pour cou (ce) que toutes ces coses soient fermes et bien tenues et de lune partie et lautre avons nous ces présentes lettres saelees de nos seaus. Ce fut fait lan del incarnation notre seigneur mil CC et sissante et onse le dioels devant le jous Tous Saints.

Archives comm. de Lille, registre aux titres coté DE F, f° 3.

N° 209. — 1271 (novembre).

décision des échevins relative au legs fait par dame Marie De Cantin d'un marc de rente foncière.

Li escbevin ont dit dun meisme acort por le mius kil sevent parmi le moustrance et les resnes {l'exposé et les raisons) ke li abbesse de Sin dune part et Watiers de Goy dautre part ont mostret li uns envers lautre dendroit I marc de hiretage ke dame Maroie de Cantin dona en se devise apries sen decies a une des filles Watier devant dit en rendation , ke il ne sevent al eure dore ki milleur droit ait en le possession de rechevoir celi mare de hiretage ke li abbesse de Syn et si ont dit encore ke se ciely Watiers avoit fille ki fust en rendation dore en avant

et il i seust sen droit bien les démange sil i quide {pense) avoir droit. Lan LXXIi9me le devenres devant le saint Martin en juier.

Archives de la ville de Douai , cartulaire QQ, f° 38, »°.

K° 210. — 1272 (juin).

Transaction entre le comte de Guines et l'abbaye de St-Bertin sur plusieurs points de contestation.

Nous Ernous cuens de Ghisnes, faisons scavoir a tous ciaus ki ces présentes lettres verront et orront , ke com contens ait este entre nous dune part , et les hommes religieus Jehan parle soufrance Diu,abbe de leglise saint Bertin, et son couvent dautre part, sour ce ke il disoient ke Ii hoste de le dite église ki sont demourant a Escales et demourront dorénavant et leur maisnies, pueent et doivent aler a marchies vendre et acater, leurs laines taindre, leur dras tistre [tisser) et fouler en nos villes et ailleurs en quels lius ke il leur plaisent et nous disiemes dautre part ke li devant dit hoste et leur maisnies ces choses devant dites ne pooient ne dévoient faire fors en nos villes et en no contez , a le parfin par le conseil de nos hommes especiaument, et de ciaus ki sont de no conseil , est tele pais et tele concordance faite sour celuy content entre nous et labe et le couvent devant dis , ke li devant dit hoste de leglise saint Bertin ki sont demourant et demourront dorénavant a Escales, et leur mais-

nies puent et porront et (lèveront a tousjours mais aler a marchies vendre ] acater , taindre leurs laines , tistre leur dras et fouler , et faire leur marchandises en quel* quonque lius ke il vaurront bien , et en pais sans contredit de mi et de mes oirs. Et se li hoste devant dit, u leur maisnies en aucun tans passe ayent este tenu a ce ke nous disiesme ou par coustume ou en autre manière, nous leur quitons et clamons quite boinement pour nous et pour nos oirs dorénavant , et prometons en bonne foy ke en contre cestre ordenance et ceste quitance ne ven^ rons par nous ne par aucun, et que nous les tenrons fermes et estaules , et a ce obligons especiaument nous et nos oir. Et pour ce soit ferme et estaule , nous avons donne ces présentes seelees de nostre seel. Ce fut fait en lan del incarnation nostre Seigneur mil deus cens sis^ santé et douze et mois de jungne.

Duchesne, hist. de la maison de Gand et de Guines, preuves j p. 292,

Bi° 211. — 1272 (juillet).

ÉRNOUL, COMTE DE GuîNES, ET BAUDUÎNj SON FILS, CHATE- LAIN DE BOURBOURG, RECONNAISSENT QUE LES HABITANTS DU PAYS DE BREDENARDE DOIVENT ETRE RÉGIS PAR LA LOt DE BâILLEUL EN FLANDRE.

Jou Ernouls cuens de Ghisnes , et jou Bauduin chevaliers* castelains de Brolboc, fiex et hoirs plus apparis-

sant le conte Ernoul devant dit, faisons assavoir a tous eeulx qui ces présentes lettres verront et orront , que nous conissons et congnoistre devons , et voirs est que chil de Bredenarde doivent avoir et tenir et warder de droit et de anchien establissement, et par droite longue tenanche, eschevinage, et le loy plainement et entièrement de Bailloel en Flandres, qui en flameng est dicte meinschewic. Et cognissons et voirs est, que on ne puet ne doit homme ne femme manant sor erne dedans Bredenarde traictier ne mener autrement que par le loy devant nommée, ne pander ne deswagier, ne prendre ne arrester, se ce nest par la devant dite loy, par eschevins, et par le conte meismes, ou par le Baillieu jure devant eus, etc. Fait et donne en lan de grâce M GC LXXII el mois de juillet, la veille de la Magdeleine.

Duchesne, hist. de la maison de G and el de Guines, preuves, p. 299.

N° 212. — 1273 (jaimer).

Lettres du châtelain de Lille concernant le canal de Lille a La Bassée.

El nom le Peire et le Fil et le Saint Esperit, jou Jehans castelains de Lille fâche a savoir a tous ke comme me chiere dame Marguerite contesse de Flandre et de Haynau et mes chiers sire, ses fius Guis cuens de Flandre et marchis de Namur sair [sur) ce kil ont entendu ke ce est

h coumuns proufis de le vile et de le castelerie de Lille il se sont assenti a ce ke un fosseis soit fais ki portie navie (bateaux) de le Bassee juskes a Lille et par leur otroi et parmi {moyennant) damage rendant a ceaus par cui torres (tort) il est fais, je le fach faire et le doi faire en tel manière ke cil del abie {abbaye) de Los ne perdent lancyen cours de leauwe [eau) ki sol oit aler (ordinairement coulait) parmi lors abie, si kil naient defaute deauwe a lor dortoir et a lor autres lius et kil ne perdent lor molins (moulins) de labié et de Kesnoit et quil nen soient destourbie (empêchés) ke lor molin naient eauwe souffisamment par deseure et saut par desous pour morre (moudre) aaisiement ou tans (au temps) quil ont acoustumei a morre, cest a savoir des le S. Remi juskes a mi

avril et quil ne perdent le peskerie de lor eauwes ,

Et je doi faire faire le fossei en teil manière ke au deseure del eauwe dou fossei par delà les pons de Habourdin je ferai un molin et de leis (près de) cel molin un ventele. Et toute li eauwe ki descenderunt dou molin revenra au cours ancyen del eauwe et descendera par les pons de Habourdin et venra al abie avoec (avec) le cours del eauwe ki vient par devers "Waverin si ke et (de manière que) li cours de leauwe de le rivière ki venra par le fossei de le navie (où passeront les bateaux) et li cours del eauwe ki venra dautre part par devers Waverin dront andoi (tous deux) al abie par leur molûis et par leur autres lius ensi comme ele a fait ancyenement. Et se mes molins devant dis ne moloit et il avoit peudeauwe al abie je otroi quil puissent lever le ventele de men molin par quoi eauwe leur viegne souffisamment» Et si ai en con-

Vent ke je ferai une portes au pont de Habourdin par tlesous men molin ki detenront leauwe par deseure. Et cesportes on overa (ouvrira) deus jours enle semainesans plus cest a savoir le deluns (lundi) et le devenres (vendredi) par quoi les neis (bateaux) puissent passer et aleir de le Bassee a Lille et de Lille a le Bassee. Et li abes et li couvens devant dit se sont assenti a ce ke li eauwe dou fossei de le naive quant ele descendera des portes de Habourdin viegne parmi leur basses eauwes ki vienent au pont as Ribaus juskes au cor de leur gaukerie et puis tout le fossei ki est entre leur bos et le voie dou mares juskes contre le preit des fraisnes. Et je doi eslaisier (laisser couler) cel fossei de le voie dou mares et puis avant je le doi faire aler par les preis des fraines juskes a le voie ki va de Basinghehem a Kesnoit. Et par desous Kesnoit li fossei descendera es eauwes del abie et ira jusques au filot de Canteleu,

Et me chiere dame li comtesse et mes chiers sire ses Bus li cuens devant nommei ont cuite (affranchi) toute le peskerie dou pont de Habourdin juskes au filot de Canteleu par tout le fossei de le navie a oes labei et le convent de Los devant dit. Et je lor cuite quanke je i puis jamais demander par mi et par mes hoirs, après mi castelains de Lille ; et si recounois ke je dois paier le valeur des preis et des iretages autres ke les leur par u li fossei va,par le prisie de ceaus ki prisier les doivent entre le pont et le filot devant dit.

Et si pri me très chiere dame Margherite, contesse de Flandre et de Hayuau et mon très chier segneur son fil Guion , conte de Flandre et marchis de Namur quil

( Mï )

facent faire un ban seur une somme de deniers , seur ceaus et celés ki en alant et venant par le navie feront damage u tort u anui al abei et au couvent de Los devant dis u a leur choses dedens le navie et dehors entre le pont de Habourdin et le filot de Canteleu ; et ce fourfait face li baillius de Lille jugier et paier et délivrer lune moitié a me très chiere dame Margherite contesse de Flandre et de Haynaut et a mon très chier segneur Guion, son fils, cuens de Flandre et marchis de Namuyr, et a lor hoirs segneurs de Flandre , et lautre moitié al abei et au couvent de Los devant dis, sauf mes drois ke je doi avoir es fourfais de le castelerie.

Et si ont otrye (accordé) me chiere dame H contesse et mes chiers sire ses fius li cuens devant nommei, ke li abes et li couvens devant dit aient entrée et issue ou fossei de je navie quel part quil voiront pour aler et pour venir, mener et ramener en lor neis u es autrui ce quil voiront de Lille a le Bassee et de le Bassee a Lille frankement sans paier travers nevicnage ne autre exaction et de tant ke a mi afiert (appartient) lor ai je tout en autel manière ottrye ausi.

Et li abes et li couvens de Los devant dit doivent faire faire le pont as Kibaus et retenir a leur coust teil ke les neis de navie puissent passer par desous et cil pons est al abei et li couvent de Los devant dis. Et il ont fait faire un pont la u li fosseis trescolpe (traverse) lescluse ki va dou molin de Kesnoit a Basinghehem lequel il doivent retenir a leur coust et doit estre leur. Et doit estre cil pons teus (tels) ke on i puist aler a piet et a cheval sans plus.

Et si ont me dame li contesse et me sire 11 cuens devant nomei otrye ke de quele euwe ke li fosseis de le navie soit purfais,ke li abes et li couvens de Los devant dit i comendent sil lor samble ke a amender i ait,parquoi il aient sauves toutes les choses ki deseure sont nommées. Et sil avenoit quil defalist ke li fosseis ne porlast navie, me dame li contesse et me sire li cuens ses fius devant dit, ont otrye et jou ausi al abai et au couvent de Los quil aient toute lor iretage et quil puissent les deus pons deftaire sil voelent as queus il sunt tenu dou faire et dou retenir.

Et a toutes ces choses tenir bien et loiaument a tous jours parmenablement (a perpétuité) oblige jou mi et mes hoirs après mi castelains de Lille et pri me très chiere dame Marguerite contesse de Flandre et de Haynaut et mon très chier seigneur son fils Guion conte de Flandres et marchis de Namuyr et tous les hoirs contes de Flandre quil constraignent mi et mes hoirs devant dis a tenir fermement et entirement toutes ces choses devant dites et lor pri quil en doinzent {donnent) lor letre scelees de lor saieaus al abei et au couvent de Los devant nomeis. Ces présentes letres scelees de men seel. Ce fu fait et dounei en lan del incarnation nostre segneur Jhesu CristM CC sissante et trese, el moi janvier.

Registre aux litres de l'ancienne abbaye de Loos, archives du département du Nord à Lille,

Guillaume de Locres et Robert de Gommecourt recon-^

NAISSENT DEVOIR A ROBERT CrESPIN D'ARRAS TROIS CENT TRENTE LIV. DE PARISIS.

Sachent eschevin ki sont , et ki a venir sont , ke Willaumes de Locres chevaliers , sires de Herbusterne , et Robers de Goumecourt chevaliers , ont connut kil doivent sour eus , et sour tout le leur , u kil lait , et chacun pour le tout, a Robert Crespin dArras fil Ermenfroi Crespin , seze vins livres , et dis livres de parisis , kil leur presta , et crei , et délivra de sen propre catel, a paier a lui etc. Che fu fait lan del incarnation M CC et LXXIV el mois de feverier.

Archives communales d'Arras.

N° 214. — 1275 (mai).

Marguerite , comtesse de Flandres et de Hainaut, et Guy, son fils, déclarent que les habitants de Slepeldamme participent a tous les privilèges de commerce de la ville d'Ardenbourg.

Nous Marguerite contesse de Flandres et de Hayneau, et Guis ses fils, cuens de Flandres et marchis de Namur faisons savoir a tous que nous volons et otroions , ke ci\

de Slepedamme et ki mainent et manront en après entre Ardenburgh et Slepeldamme , ki sont adosjtei a le banliewe de Ardenburgh , soient dendroit le tonlieu a le meiseme franchise , ki cil sunt ki anchiennement ont estei de le ville dArdenburgh ; encore otroions nous a ceaus de Ardenburgh , ke se aucune terre voisine ou îoingtaine, ki ne soit de roalrae de France u dEngleterre leur toit de leur u fait desraison de lor avoir , il le deveront monstreir au signeur de Flandres, quiconques ce soit ; et se cil qui aront fait le tolte et le déraison ne rendent les dommages a le requeste de sengneur de Flandres, cil ki aront eut le dommage porront arrester et clameir sour ceaus des terroirs dont on lor ara fait domage dusque a dont ke tout lor dommage leur seront restorei souffisament. Et en ce faisant , cil de Ardenburg et de Slepeldamme et li autre, ki sont dele banlicwe de Ardenburgh ne meffont rien envers les segneur de Flandres.

En tesmoignage et en seurtei de ces choses nous avons fait ces présentes lettres saileir de nos seils qui furent fait et donnes lan del incarnation notre Seigneur Jésus Christ , mil CG sissante quinze el mois de mai.

Cartulaire de Flandre, aux archives du département dit Nord à Lille,

N° 215. — 1277 (juin).

Sentence de l'archevêque de Reims , qui met fin a des troubles excités a cambrai par des bourgeois contre le chapitre- de la cathédrale.

« L'épisec-pat d'Eugucnand de Créinai fut signalé par une de ces

séditions populaires dont les annales de Cambrai n'offrent que trop d'exemples. En 1277 , le clergé se vil tout à coup, sans qu'on en sache bien le motif, en bulte aux outrages des bourgeois à la tête desquels figuroient le bailli du Cambrésis , le prévôt de la ville et deux proches parents de l'évêque.Le trésorier du Chapitre fut même enlevé, maltraité et conduit prisonnier dans un château appartenant à la famille des Créqui. Le chapitre se vit donc obligé de quitter une ville où il n'éloit plus en sûreté et se relira à Valenciennes, non sans avoir excommunié les Cambrésiens et jçtlé l'interdit sur leur ville » (i).

Sur ces entrefaites, l'archevêque de Rheirns, qui faisoit la visite de sa province métropolitaine, arriva à Valenciennes , où les chanoines exilés le conjurèrent de mettre fin à un tel état de choses. La sentence portée par l'archevêque nous a paru as>sez curieuse pour être insérée ici. Elle montre jusqu'à quel point s'étendait l'autorité des pr imais de la Gaule- Belgique, et combien la commune, institution piecha dam'pnée et distraite, était odieuse au clergé.

El non del Pere et del Fil et del Saint Esprit , amen. Nous Pieres par le grasce de Diu archeveskes de Rains faisons savoir a tous ke com li capiteles de le église de Cambray cessât et fust issus de le cite de Cambray pour plusieurs injures faites al capitele et a le église en le personne dou trésorier de Cambray et da liâmes des mainies daucuns canoines de Cambray et en autres manières, par mon signeur Phelippon de Creki chevalier, Jehan fil le signeur de Creki son neveu , par monsigneur Phelippon de Creki chevalier , adont bailliu de Cambray, par Arnoul dit Coispiel provost et par les sicrjans de Cambray et par leur compaignons et leur

(1) Voir recherches sur l'église mélropolilaine de Cambrai, par M. Le Glay, page 205.

aideurs (fauteurs) et aussi par le cite u aucuns de le cite de Cambray , si com li capiteles disoit ; nous ki adont visitions nostre archeveskie vers Valenciennes u li capitele devant dis manoit et maint , descendimes alliu et a la requeste de nous et dautre boine gent, mist li capiteles (le chapitre s'en rapporta) pour chou ke grief cose (sujet) estoit de traiter, a tout quatre del capitele si loist a savoir larchediakene de Valenchienne larchediake de Brouxelle , le doyen et le chanteur de Cambray en sen liu soufïissamment pour traiter a nous de pais des debas devant dis. Et les autres parties sen misent en nous de haut et de bas et nous fisent bien seurs de tenir no dit u nostre ordenanche de toutes les choses devant dites. Et en le fin apries moult de traitiers nous nos accordâmes et acordons as quatre devant dis et il a nous en ciertaine forme qui est tele.

[1] Et pour les injures ki ont este faites al capitele de Cambray en le personne del trésorier et en autres coses, est il ensi ordone com il est contenu chi apries et sont plus agrevees les paines pour se personne ki prise fu et pour chou il saule principaument ke besoigne de le pais tiegne a trois choses cest a savoir : (1°) ke les privilèges et les franchises de le église soient sauves ; (2°) ke li capiteles puist seurement revenir et demourer en le cite; et (3°) ke les injures soient amendées.

[2] Est ensi ordone tant com as deus premiers cest des privilèges des franchises et de le seurte, ke kiconkes dore en avant en le cite de Cambray kemune u kemun ki piecha est dampnes et distraite quel nom ke en li puist mètre, en quelconkes manières raparillera esmou-

vera u criera, outre les autres paines kï sont es privilèges et esmunimens de le église, li evekes le punira si cruellement ke se paine fera peurs et exemples a tous autres ; et aussi punira il tous chiaus kiconkes méfieront al capitele en leur persone, en leurs biens, en leur maisnies et chiaus ki sont de leur juridition cruellement selont chou kil li sanlera ke boin soit . Et li meffais laportera.

[3] Et quant li eskievin seront fait et eleu tel com il doivent y estre ils feront leur sairemens leus com il doivent et gouvreneront le cite si com il doivent, et toutes les fies con remuera eskievins il renouveleront leur sairemens.

[4] Apries, quant li capiteles revenra a le cite li vies eskievins et li nouviel venront encontre le capitele juske al arbre al autel et la juront li vies eskievin ke les injures ki ont este faites a le église en le personne dou trésorier et de leur maisnizs et en autres manières ne furent faites ne par leur seut {ni a leur sçu) ne par leur mandement ne par leur procurement ne ne les eurent fermes ne estables , ne ne leur plaisirent ne ni misent conseil aiwe ne faveur.

[5] Et li nouviel eskievin u aucun diaus a chou esleus pour lui et pour ses compaignons et pour tout le cite de Cambray et en leur non, le église et leur persone, leurs biens, leur choses et leur maisnies et chiaus de leur juridicion feront seurs bien et loiaument en tel manière ke il prometeront et jurront ke il les maintenront warderont et deffenderont en boine foi a leur pooir. Apries, il diront ke se il ont riens fait ke il ne doivent encontre les pri-

vileges et les droitures de le église. Il le rapielent aptement.

[6] Apries, li evekes en sen non et en non de ses successeurs reconnistera u par lui u par autrui al capitele de Cambray et as canoines leur juridition et leur justice en leur maisnies et chiaus de leur juridition selon leurs privilèges et leur munimens tele com il le doivent avoir. Et ces choses seront criées aptement si ke tout le sacent.

[7] Des amendes est en si ordene , ke avant ;ke li capiteles rentre en le cite de Cambray on banira vint des bourgois des Cambray des plus soupeceneus des injures ki se sont faites a le église, ne ne les pora on rapieler devant un an ; et li autre ki apries chou seront trouve coupaule, seront droitement puni selonc le coupe.

[8] Apries : de le première prise des maisnies ki fu faite en le cite par Ernoul Coispiel prouvost et par les serjans sera fais de par le eveske retaulissement1 ou liu ou li prise fu faite saus tous drois ; et quant tels restaulissemens sera fais on fera seur par lettres dune part et dautre ke par tele prise et chou ki fait en fu ne par tel restaulissement nule riens naccroisse ne ne décroisse a le une partie ne a lautre, ne nen soit fais nus prejudisses en nule manière tant com a possession u a propriété es cas passes ou a venir ains soient li prise et li retaulissement tenus pour nul. Et soit tout ensi com sil neuissent onkes este fait et dore en avant tout estaint.

[9] Apries : pour li seconde prise des maisnies des canoines et sour le prise le trésorier il est ensi ordene ke me sires Jakemes de Sains chevalier adont (alors) baillius de Cambray ki par violence et par injure les prit pour les

injures kil a faites a le église et al capitele par ces prises et principaument par le injure de le prise le trésorier sera banis en apiert et sollempneument a tousjours sans rapiel de le cite et des banliuvcs de Cambray.

[10] Apries : malsrewars Jakemes Dachin et tout li autre serjant jure ki a ces prises furent, desquels on pora faire foi sauffisanment al archeveske de Rains et as quatre personnes nommées esliutes de par le capitele pour traitier de pais aweuc larcheveske devant dit, seront bani a tousjours en apiert et sollempneument de le cite et des banliuwes. Et Gerars de Heilli et li autrement jure desquels on pora faire foi al archeveske et as les persones devant dites si com dist est duske a le volonté de capitele.

[11] Apries : messires Bauduins sires de Creki chevaliers ki ne fu mie a ces prises, mais il tint le trésorier pris en ses maisons, Jehans ses fius, mesire Phelippe ses frères chevaliers et Henris Declere escuiers et Blans Vilains ki a ces prises furent, enterront en le prison de capitele et i seront a le volente de capitele, et quant il isteront de le prison il venront en capitele et là jurront en apiert sollempneument ke ces prises et ces tenues en prison il ne fisenl mie en dépit de le église u de capitele de Cambray ne de leur drois u de leur franchises et ke dore en avant il ne feront nule riens par iaus [eux) u par autrui a ensiant a leur prejudisce u en leur grevance.

[12] Apries : li sire de Creki, Jehans ses fiels, me sires Philippes de Creki ses frères et Henris de Clerc et Blans Vilains en jour de diemenche ou de fieste feront une procession en le église de Cambray humlement, quant H processions ira, en cauces et en coles sans coroie, et rs-

connisterpnt aptement le cause pour quoi il vont ensi a pourcession ; et apries chou, par mesires Phelippes et Jehans de Creki et Henris de Clerc et Blans Vilains devant dit en jours de diemanches u de fiest, seront ausi faites processions et en ainsi fait habit , et reconnisteront les causes pour quoi si com dit est , en le église de Rains , apries en celés dAmiens de Tierewane dArras et de Tournay.

[1 3] Et sest ordene ke pour cessement ki ait este ne pour issue ke li capiteles ait faite de Cambray lune partie a lautre, cest a savoir li capitele a leveske ne li eveske al capitele ne puissent riens demander. Ains aient ensanle boine pais tant com as coses devant dites, parfaisant chou ki est contenu en cest escrit.

[1 4] Et sest a savoir ke li archeveske et li quatre devant dit ont retenut et retiennent pooir de déclarer sil avoit aucune chose obscure es choses devant dites.

[1 5] Et pour chou nous Pieres archeveskes de

Rains devant dit, dou consentement de quatre devant nommes par conseil de boine gent pour bien de pais, disons, ordonons et prononchons le pais en le manière et en le fourme devant escrite, auquel prononcement li eveske de Cambray devant dit quant en lui est, li capiteles de Cambray aussi devant nous présent saccorderent et acordent expressément ; et en tiesmoignage de toutes ces coses devant dites pour chou keles soient fermes et estaules, nous avons pendu nostre sayel a ces présentes lettres aveuch les sayaus des quatre devant nommes. Et nous Jehans li franke a Valenchiennes, Ulbaus de Sars en Brouxiele.... archidiakene, Pieres de Sainteron doyen

tèt Jeharts dis de Bruieres cantres de Cambray en le église nostre dames, ki en toutes ces coses nous sommes accordes et accordons aveuch no révèrent pere Pieron par le grasse de Diu archeveske de Rains deseure dit, en tiesmoignage et en mémoire de elles choses avons mis nos sayaus a ces présentes lettres aveuc no pere révèrent larcheveske devant dit.... Ce fu fait a Valenchienne en plain capitele le mardy après les octaves de le Trinité lan de lincarnation nostre signeur mil deux cens siettante et siet.

Archives de l'église métropolitaine de Cambrai.

IV0 216. — 1278 (décembre).

Marguerite , comtesse de Flandre , cède a son fils % Gui de Dampierre , le gouvernement du comté de Flandre. Philippe-le-Hardi, roi de France, approuve cette cession.

Philippus, Dei gratia, Francorum rex, notum facimus universis tam prœsentibus quam futuris, quod nos dilectse consanguines et fidelis nostrae Margaretae, Flandrias et Haynoniœ comitissa3j vidimus in haec verba :

A son très chier et très haut seigneur Philippe, par la grâce de Dieu, roi de France , Marguerite , contesse de Flandres et de Haynau, sa cousine et sa feable , salus, et de tout son pooir appareillie service en bonne foi ; comme il soit ainsi, très chiers sires que je de piecha aie eue volontet de laissier la contet de Flandre, et les appartenances a mon très chier fils, Guy, conte de Flandres

et marchis de Namur, comme a mon droiturier hoir de la contet et des appartenances devant dites , je , (après) plaine délibération et conseil de bounes gens, toute la contet de Flandres, les seignories et les appartenances, comment que on les puist nommer et doive, ainsi comme je les tieng de vous, lais desorenavant et ai laissiet a mon très chier fils , Guy , conte de Flandres et marchis de Namur devant nomme, comme a mon droit hoir de la contet, seignories et des appartenances devant dites et weil que desorenavant tout cil de la contet de Flandres et des appartenances devant dites, obéissent a lui comme a leur droiturier seigneur , pour laquelle chose , très chier sire, je vous prie et requier que les choses devant dites vous weillent plaire, et que vous les weilliez gréer et loer et approuver, comme sire souverain; et en tesmoignage de ces choses devant dites, je ai fait ces lettres sceller de mon scel, qui furent données lan del incarnation nostre seigneur Jhesu Crist, mil deus cens soissante et dix et wit, le jeudi après le jour de la Nativité notre Seigneur (1).

Nos vero praemissa omnia, quantum in nobis est, salvo

jure nostro , rata et grata habemus et auctoritate regia

laudamus et approbamus. Quod ut ratum et stabile per-

maneat in futurum prsesentibus litteris nostrum fecimus

apponi sigillum ; actum Parisiis anno D. millesimo du-

centesimo septuagesimo octavo, mense Februarii.

Doudegherst, annales de Flandres annotées par Lesbroussart , t. Hj p. 155.

(1) La comtesse Marguerite mourut vers !a fin de 1279, un an après celte abdication. Le comte Gui de Dampierre, son fils, était depuis longtemps associé au gouvernement du comté de Flandre.

N° 217. — 1279 (avril).

Gui , comte de Flandre, défend aux Rewart et échevins de Lille de couper désormais des arbres sur les terres de l'église saint-plerre.

Guis cuens de Flandre et marchis de Namur , a ses chers et foiables rewart et eskievins de le ville de Lille , salus et amour. Comme vous aies cope et fait coper sor le terre de leglise saint Piere de Lille , arbres et autres choses pour locoison de le rivière de Lille , nous vous mandons et commandons que vous dore en avant ne copes ne entreprendes en aucun liu , ne la , ne alleurs seur le terre del église saint Piere devant dicte , et se est aucune chose a amender seur le terre de le dicte église pour lamendement de le dicte rivière , si le monstres au capitele de leglise devant nommée par coi il le puist faire amender. Et se vous en aucune amende estes encheu envers le dicte église pour locoison de chou que vous en aves cope seur se terre, li doiens et li capitles de le dicte église, a no prière et a no requeste vous en ont amiaulement quitte lamende. Ches lettres furent données a saint Amand en Peule lan del incarnation M CG LXXIX le second jour davril.

Bibliothèque de la ville de Lille, cartulaire de l'ancienne église de Saint-Pierre, pièce 124.

N° 218. — 1279 (novembre),

Robert de Wavrin approuve la cession de deux rentes faite par son neveu le chatelain de lllle au cha- PITRE de Saint-Pierre. —Le comte de Flandre confirme CETTE VENTE.

Jou Robiers de Wavrin , chevaliers , sires de Drauenoutre, fach a savoir a tous ceaus ki ces présentes lettres veront u oront, ke Jehans , castelains de Lille mes nies, a vendut bien et loiaument et par men assentemeni et par certain et droiturier pris , de deniers ke il a eus et recheus en monnoie boine bien contée et bien nombree , dont il sest tenus a paies, au doien et au capitle del église saint Piere de Lille , trente et six rasieres de fourment de rente a le mesure de Wavrin et trente et sis capons de rente kil tenoit de mi en fief , ki gisent en le parroche de Wategnies sour douze bonniers de terre pau plus, pau mains. Lesqueles rentes avoec le droiture et le justice ki appartiennent a celi rente, si avant ke Jehans devant dis les i avoit et kil les tenoit de mi, il raporta et werpi bien et par loy en me main a oes le doien et le capitle devant dis ; et en issi bien et par loy et par le jugement de mes homes ; et monstra et prouva par loy li devant dis castelains ke cest markie il faisoit par grant nécessite et pour eskuiver pieur (pire) et fiança et jura ke il jamais a nul jour contre cest vendesme nira ne venra par lui ne par autrui, par coi li capitle devant dis en soit a damage. Apres chou mi home disent par jugement a me semonse,

ke il estoit dcsiretes bien et par loy de toutes les rentes devant dites, et de tous le droit et le justice ki as rentes apertenoient selonc le coustume dou pais approuvée. Et quant ce fu fait , jou , par ensengnement de mes homes, rendi a maistre Huon de Senghin , conteur del église saint Piere de Lille devant dite el non dou capitle , les trente sis rasieres de fourment de rente , et les trente sis capons de rente devant dis , et tous les drois et le justice ki a celi rente apertenoient, a tenir hiretaulement , frankement et justicaulement a tous jours quites de tous droit et de tous service de fief , et de tout autre service et de toute autre exaction. Et connois et doins au capitle devant Dieu et en aumosne toutes les justices ki ces rentes devant dites poront eskeir , ne en le tenance des rentes en quel manière que ce soit , aures des quatre hautes justices.

Apries toutes ces coses mi home disent par jugement a me semonse ke li cantres de leglise devant dite , el non dou capitle estoit airetes bien et par loy des rentes et de toutes les coses devant dites , a tenir hiretaulement , frankement et justicaulement a tous jours en le manière ke devant est deviset ; et ai en convent au capitle devant dit a conduire et a warandir les rentes devant dites , et les justices si ke devant est expresset de tous empescemens et de toutes coses ki aucunes sont juskes au jour dui. Et prie et requier a men très haut et très chier seigneur Guion , comte de Flandre et marchis de Namur , ke il cest vendesme , et toutes les coses devant dites voelle loer et gréer et confermer comme sires de le tiere , et en doint ses lettres. Et pour chou que che soit

ferme cose et estable , et bien tenue de mi et de mes hoirs, ai, jou Robiers de Wavrin, chevaliers devant nommes , ces présentes lettres seelees de men seel , et délivrées seelees au doien et au capitle devant nommes. Et nous Guis coens de Flandres et marchis de Namur , volons ke tout saicent ke nous , a le priiere et a le requeste de nostre chier et foiable Robert de Wavrin , chevalier devant nomme , le vendesme et toutes les coses devant dites , loons , gréons et approuvons , et les tenrons et les feront tenir fermes et estables comme sires de le tiere, par le tesmoingnage de ces présentes lettres ke nous avons fait seeler de nostre seel. Ce fu fait en lan del incarnation nostre Seigneur Jhesu Crist mil deus cens soissante dis et noef , el mois de novembre.

Bibliothèque de la ville de Lille, cartulaire de l 'ancienne église de Saint-Pierre, pce- 133.

N° 219. — 1279 (novembre).

Jean , châtelain de Lille , déclare que dans le cas ou

BÉATRICE SA FEMME RECLAMERAIT SON DOUAIRE OU d' AUtres droits viagers sur une rente qu'll a vendue a l'église de Saint-Pierre , le chapitre pourrait se

DÉDOMMAGER SUR D'AUTRES RENTES PAYÉES A La BASSÉE.

Jou Jehans , castelains de Lille, faich a savoir a tous ceaus ki ces lettres veront et oront , ke sil avenoit ke de mi defausist de cest siècle ancois (avant) ke de demisiele Reatris me feme, et ele sour le rente de forment et de capons ke jou avoie a Watcgnies , et ke jou ai vendue au

cîoien et au capitlede leglise saint Picre de Lille, requisist douwaire, assenement, vivre, u aucun autre droit, ke jou bien et soufisaument en ai fait about au doyen et au capitle devant dis sour toutes mes rentes de fourment de le Bassee en tel manière que autant vaillant ke demisele Beatris me feme devant dite prenderoit de le rente de Wategnies devant dite, ke autant vaillant et ausi souffissant et aussi franc li doiens et li capitles devant dit prenderoieut et aroient paisiulement sour mes rentes de fourment de le Bassee , tant comme ele viveroit. Et a cesti cose fermement tenir , jou oblige mes hoirs , après mi castelains de Lille , et pour cou ke ce soit ferme cose et estable, ai jou ces présentes lettres seelees de men seel. Ce fu fait en lan del incarnation nostre Seigneur Jhesu Crist mil deus cens soissante dis et noef , el mois de novembre.

Bibliothèque de la ville de Lille, cartulaire de l'ancienne église de Saint-Pierre, pc*. 134.

jjo 220. — 1279 (novembre).

Robert de Wavrin et Jean , châtelain de Lille , son neveu , assurent au chapitre de saint-plerre de Lille la possession d'une rente et s'obligent a le garantir du retrait lignager.

Jou Robiers de "Wavrin , chevaliers , sires de Drawenoutre et jou Jehans , castelains de Lille ses nies , fai-

sons a savoir a tous ceaus ki ces lettres veront u oront ke nous devons et avons en convent au doyen et au capitle del église saint Piere de Lille , a conduire et a warandir de tous proismesle rente ke jou Jehans, castellains de Lille , leur ai vendue ki gist a Wategnies , et se nous en defaliemes par coi proismes represist le rente devant nommée , nous connaissons ke nous soumes ternit de rendre et cascuns pour le tout au doien et au capitle devant dis soissante livres dArtois de boine dette et loial a paier a leur volente et a leur semonse et de lun de ceaus. Et a cesti cose fermement tenir, nous obligons nous et nos biens, par le tiesmoingnage de ces présentes lettres ke nous avons fait seeler de nos seaus , ki furent données en lan del incarnation nostre Signeur Jhesu Crist mil CC soissante dis et noef , el mois de novembre.

Bibliothèque de la ville de Lille, cartulaire de l'ancienne église de Saint-Pierre de Lille, pce, 135.

N° 221. — 1279 (novembre).

Baudouin de Guines , fils aîné d'Ernoul , comte de guines, reconnait que les échevins de quatre paroisses du bredenarde doivent observer la loi de Bailleul en Flandre.

A tous ceulx qui ces présentes lettres verront, et orront, jou Baudewin de Ghisnes aisne fils le conte Ernoul de Ghisnes, sire dArde, dAndcrvuie-et de Bredenarde,

salus en nostre seigneur. Je fais assavoir a tous , que je me suis assentis, que mi eschevins de Bredenarde, cest assavoir de Norkerke, de Surkerke,dePoinchons et dAu~ dervuic, qui sont a justitier hors de le loy de devens et avant cour le loy de Bailleoul en le parroche dAudervuio aient le loy de Bailloeul en Flandres, que on appelle le meinschewic ; que je ay donne et octroyé plainement et perfeictement a aus tous, et a tous cheus qui sont a aus a justitier. Cest assavoir a eschevins devant diz, et tout par le loy de Bailloeul, etc. Si ay jou ces présentes lettres enseellees de mon propre seel. Fais en lan de grâce nostre seigneur M CG soixante et dix noeuf, el mois de novembre.

Duchesne, hist. de la maison de Gand et de Guines , preuves, p. 299.

ErNOUS, COMTE DE GHISNES , ATTRIBUE POUR SA PART A BAUDUIN SON FRÈRE SEPT CENTS LIVREES DE TERRE, DONT CINQ CENTS IMMÉDIATEMENT ET DEUX CENTS APRÈS SON DÉCÈS.

Jou Ernous cuens de Ghisnes , faich assavoir a tous chiaus ki ches présentes lettres verront et orront, ke jou ai donne a Bauduin mon chier frère chevalier pour son assenement et pour se partie de terre, set cens livrées de terre par an au paresis , desquels set cens livrées de

terre devant dites , Bauduins mes frères devant dis doit tenir chacune cent livres de terre par an au paresis , et lever et despoiller des ores en avant il (lui) et si oir se de lui defaloit , iretaulement et a tousjours ; et les autres deus cens livrées de terre devant dites doit il , et ses hoirs, avoir iretaulement a toujours après men deches , et tenir et despoiliier et manoiier en la fourme et en le manière ke il tenra les autres chyunc cens livrées de terre desus dites. Si est assavoir ke les chyunc cens livrées de terre desus dites siéent ens es lieus ki chi après sont nomme. Gest assavoir en Sangate et a Aies , et en Pepelinghes, et en Bessinghes , et en Hesuedinghem , et en Escales, et en Ramarssaut, et ou molin de Camarssaut, et en Boncourut, et ou molin et es rues et es communitez et en le contée de Boucout ; et en le justice tele comme jou li avoie , et ens el bos de Cleroi , et ens el bost de Cout, et ens el bos de Mouthout, et ens el bos de Grussehout ; liquel bos contiennent deus cens et trente et trois mesures de terre et en le terre de Wautierbert set mesures , et el travers dElembom, et en le terre ki siet a Elembom quatre mesures , et en rente ke jou avoie a Campaignes , et es lieus devant dis , et en sis deniers sour lospital dEspelîeke , et en demie poise de bure sour labié de le capele , et el vuindas ki siet entre Montoise et Conchevuade. Et la entre deus ne puis jou ne mi hoir ne nus faire nul autre vuindas. Et en tous ces biens devant dis et les apartenances doit il et si hoir avoir et tenir iretaulement aussi frankement et aussi justichaulement ke jou Ernous cuens de Ghisnes devant dis les tenoie en toutes choses , etc. Et est encore assavoir ke les

deus cens livrées de terre devant dites, ke Bauduins mes frères doit avoir et tenir il et si hoir iretaulement après men deches,ensi comme il est par devant devise siéent, et len ai assené et assené sour tous les mares de Ghisnes , devant tous autres assenemens , sauf lassenement tel comme mesire Robers de Haveskerke i avoit a sen vivant ; et en tel manière ke quant de mi ert defali , ke mes hoirs est tenus et loblige a cou kil li paie et faice venir ens chascun an a chascun Noël les deus cens livres de parisis, "avant ke il, ne autres de par lui puist riens lever des mares devant dis , juskes adonc kil li aura assizes souffisamment les deus cens livrées par an dune part as devant dis mares, etc. Ou tesmoignage et en seurete de toutes les coses devant dites jou Ernous cuens de Ghisnes devant nommes ai donne a Bauduin men frère ches présentes letres de mon propre seel pendant, ki furent faites en lan de lincarnation de nostre Signeur mil deus cent et quatre vingts.

Duchesne, hi&t. de la maison de Gand et de Guînes, preuves, p. 295.

N° 223. — 1281 (mai).

A Lille, les rentes données a des établisseiments