DES DIFFICULTÉS ELEVEES ENTRE LUI ET LA VILLE DE G-\ND
Nous Guys cuens de Flandres et marchis de Namur, et nous eschevin, conseilleur et vaghede le vile de Gand, faisons savoir a tous ke comme descors fuissent meu entre nous conte devant dit dune part, et nous eschevin, conseilleur et vaghe de le vile de Gand dautre part sour aukuns articles ki appartenoient au droit et al usage de le dicte vile, comme nous eschevins, conseilleur et vaghe disiemes ; nous pour bien de pays et dacort, et pour hoster le plait et pour eschuier le damage de nous et de le dicte vile de Gand , avons accorde les dis descors, et cuens devant dit [avons) esclarchis les articles en la manière ki sensuit .
[1] Premièrement ke tous li cas et tous les fais apar^ tenants a loy ki eschient et escheront dedens leschevinage de Gant seront demene par le loy et par le juge-
ment des escbevins de Gand, et li exécutions en i ert a nous conte devant dit, et nous cuens devant dis metterons chou a exécution deue.
[2] Et se il avenoit ke li baillius arrcstast aucun borgois pour fait ki fust avenus dedens leschevinage de Gand ou dehors, et desist ke li cas fust tels quil ne dust mie apartenir a loy, et li eschevins de Gand ou chius ki seroit arrestes desissentke li cas apartenoit au jugement desdits eschevins , et li cas fust tels kil ni eust mort domme ou péril de mort, li baillius le doit recroire par raisnable plegcrie, se requis en est.
[3] Et se li cas fust tels ke il i eust mort ou péril de mort, retenir et mettre le doit en le maison lamman de Gant, dusques a dont ke nous cuens devant dis en arons dit le jugement , si li cas apartient a loy ou non ; de quoy nous eschevins devant dis recommissons en octrions bien audit conte et a ses hoirs contes de Flandres le jugement.
[4] Et se nous cuens devant dis jugiemes ke li cas ne fust mie ceul kil apertenist a loy, si ne poroit on punir larrestet ne en sen cors, ne en ses biens dessi adont que li fais seroit prouves et jugies par nous conte devant dit.
[5] Item, se nous cuens devant dis ou nos baillius et li plus grant partie des eschevins devant dis fesissent estatus con appelle voorbode a durer a terme certain , il doivent durer leur terme tout hors, sil nestoient rappiellet ou remuet par le consent de nous conte devant dit ou de notre bailliu et des eschevins ou de le plus grant partie des eschevins devant dis. Et tous les estatus ki seront mis et fais sans terme par lacort de nous conte
devant dit, ou de notre bailliu et par lacort de le plus
grant partie des eschevins devant dis, ils doivent durer
aussi longuement com il semblera bon et proufitable a
nous conte devant dit, ou a notre bailliu, et a le plus
grant partie des eschevins devant dis.
[6] Et se il semblast a nous conte devant dit ou a
nostre bailliu proufitable de rapieler aukun estatut fait
sans terme, faire le poons nous cuens devant dit ou nos
bailHus sans les eschevins devant dis, etc.
Douâeghcrst, annales de Flandres annotées par Lesbroussart, t. II, p. 205.
.\" 247. — 1297 (mai).
Le comte Guy requiert les bourgeois de Lille de se réunir en armes le lendemain de la pentecote.
Guis cuens de Flandres et marchis de Namur au rewart as eskevins au conseil et a le communitei de le ville de Lille salus et amour. Nous vous mandons et sommonnons [requérons) ke vous sour le foi et le loiautei ke vous nous deveis , soiies a nous a Lille a armes le plus cfforchiement ke vous poeis lendemain dou jour de le pentecouste procliainenement venant^pour notre honneur et no tiere aidier a sauveir et deffendre ; par le tesmoing de ces lettres saieîees de notre saiel ki furent faites et données en lan de grasce mil deus cens quatre vins et dis et siet, lendemain dou premier jour du mois de may.
Archives du département du Nord à Lille.,
N° 248, — 1297 (août),
Robert de Flandre , avoué d'arras , seigneur de Béthune, reconnait devoir au chapitre de saint-plerre de Lille, cent livres parisis. Guillaume de Mortagne et Gérard de Vertbois cautionnent cette dette.
Nous Robers , ainsnes fius du conte de Flandres , avoues dArras, sires de Bethune et de Tenremonde, faisons savoir a tous que nous devons et sommes tenut a vennerables hommes nos chiers et bons amis le doien et le capîtle del église saint Pierre de Lille en chent livres de parisis de le monnoie de Flandres, les quex deniers il nous ont prestes et délivres en bone monoie et loial a nostre très grant besoing pour faire les despens de nous et des gens nostre cliier seigneur et père a Lille quant li rois de France gist devant le ville ; les quels deniers nous leur proumetons et avons en couvent a rendre et a paier loial ment en boue foi a leur volente quant nous en serons semons de eaus ou de leur chertain commant qui ches lettres aportera avoec tous cous , tous frais et tous damages kil i aroient ou porroient avoir pour defaute de no paiement ; et a chou nous obligons nous, nos hoirs, nos biens et les biens de nos hoirs, moebles et non moebles presens et avenir ou kil soient ne quil puissent être trouve.
Et pour plus grand seurte faire envers eaus, nous prirons et requerrons a nobles hommes nos chiers et foiables amis monsigneur Willaume de Morteigne, seigneur de Possemeis et monsegneur Gérard de Vèrtbos, chevaliers
au il soient deite et principal rendant pour nous envers le doien et capitle devant dis des cent livres devant dites. En tesmongnage de le quel chose , nous avons mis no seel a cheste présente lettre , faite et donnée le mardi après les octaves de le Magdelene en lan de grâce mil CC quatre vins et diz et sept.
Et ftousWliïaume de Mortaigne, sires de Dossemeis et Gérard du Yertbos, chevaliers, devant nommes, volons que tout sachent que nous a le prière et a le requeste de nostre chier seigneur monsegneur Robers deseure nomme prometons et avons en convent a rendre et a paier les C livres de parisis dessus dites comme no propre dette et chascun pour le tout, au doien et au capitle devant nommeis, quant nous en serons requis diaus ou de leur chertain message qui ches lettres aportera. Et a chou nous oblegons nous , nos hoirs , nos biens et les biens de nos hoirs moebîes et non moebles presens et avenir ou kil soient ne kii puissent estre trouve. Et sil estoit ainsi que ja naviengne que li doiens et li capiteles desus dit fesissent tous no despens ou encourussent aucuns damages pour le defaute de no paiement, rendre leur devons a leur piain dit sans autre proeve avoec le principal dette et sans chcii dette amenrir et tout che leur prometons -nous et avons en convent a tenir, a warder et a emplir loialment et en bone foi. En tesmongnage desquels choses nous avons mis nos seaus a cheste présente lettre avoec le seel de nostre chier seigneur deseure dit, et fu donnée en lan, et le jour deseure dis.
Bibliothèque de la vile de Lille, cartulaire de l'ancienne église de Sainl-Pierre, pce- 39.
COIITtJiTIES
