Chapitre IV. — Du partage au trépas de l'un des conjoints

Ce sont ci li usage comment on doit faire les parcons (partages).

Sacent tout ke teles sont les coustumes et li usage de le vile de Henin et maintenues et aprouvees de lonc tans. Quant li home et li feme sont assanle [mis) par mariage loi al fait en sainte église, et il ont espouse li uns lautre , ke dou quel kil defalle u del home u de le feme sans faire devise (testament) ,ke li daerrains vivans a tout

avant ses veves (son droit de veuvage) si comme en tous les harnas et en tous les oeustuis de le maison, en toute le vaisselemente dargent et de masdre ; et de cascune de ces coses le milleur ; cest a savoir sen milleur lit pare (garni) et estofe, se milleur huge (armoire), le milleur caudiere, le milleur pot de keuvre (cuivre) , le milleur paiele, le milleur taule, se milleur roeube, cote, sourcout, plicon (pelisson) et mantiel ; le milleur keval, le milleur vake et de toutes autres bestes le milleur ; et de toutes autres manières de coses ki servent et ki apertienent a maison ki chi ne sont nommées, li daerrains vivans en a le milleur tout avant pour ses veves ; et a tout le remanant soit en oeustius soit en cateus soit en mueles u en hiretages en quoi que ce soit, li daerrains vivans soit li hom soit li feme partit contre les hoirs moitiet a moitiet, a droite parcon.