TONLIEU DE DOUAY
[1] Li karetee de tous grains doit I denier douissien et li kars de tous grains , II douissiens ; li cavelee de tous grains I obole douissien, li caretee de vin I douissien ; li caretee de tous fruis I douissien et li cars II douissiens et li cavelee I obole.
[2] Chou con porte sor sen kief de tous grains I obole, li caretee de pain con maine por revendre I douissien et li cars II douissiens et li cavelee une obole et cils ki le porte sor sen kief ne doit nient sil ne le porte por revendre. Li carete de sel doit I douissien et li cars II douissiens et li caveelee une obole et chou con porte sor sen kief une obole. Li navee de tous grains que hom deforain amaine aval, VI douissien; li navee de sel VI douissiens , et chou con maine a kokent , II douissiens. De tous grains et de tous fruis li bas I douissien de tous grains et de tous fruis li muis de tous grains que hom deforain amaine au gresnier.
[3] Li caretee de pisson I douissien et li cars II douissiens et li some une o,; li caretee de bure does et de
froumage I douissien et li cars II douissiens et li somme une o. Li poise de cire II douissiens, li poise de siu II douissiens, li cens de rasinne II douissiens et li cens de piaus en creste II douissiens et tous li avoirs de pois II douissiens dei cent , entant come damandcs et de fighes et de castaingnes et de poivre et de coumin ; li cens de métal II douissiens, li cens dacier II douissiens, li cens de fier a ouvrer une o. et li ouvres ne doit nient. Li moele II douissiens, li caudiere braserecce II douissiens et li menre caudiere I douissien. Et tout autre vaissiel entant come de keuvre et de métal et darain une o. del vaissiel, li dousaine de piaus de cordouan II douissiens.
[4] Cascuns moutons et cascune brebis une o. et li agniaus alaitans ne doit nienc. Cascuns porciaus une o. li kevaus II douissiens et li vacke I douissien et li veaus I o. et sil alaite il ne doit nient, li bacons une o.
[5] Li cens de viaures (toisons) VIII douissiens et li demi cens IIII douissiens et li quarterons II douissiens et se on les vent par viaures de V, I douissien et dou plus de chi a XII, II douissien, et se on ne vent que I, une o.; de cascune pièce de laine I o.,del sac de laine II douissiens, de le pièce de filet laingne une o., del drap de Douay I douissiens et de tiretaine I douissien et des pièces entamées une o. , de le pièce de toile I douissien et de lentamee I o.,le cent de filet IIII douissiens, le pièce de lin une o. et le pièce destoupes une o., le keute lï douissiens et le keutil I douissien, le toie de cousin I o. et le cousin I o. Et se on vent les keutis par dousaines et les toies de cousin de cascune dousaine II douissiens, le meulekin une o., et se on vent le dousaine ensanle II douissiens
et le warcolet I o. et le kouvrekief I o. Et se on les vent par dousaines II douissiens de le dousaine. Cascune nappe une o., cascune touaille une o. et se on les vent par dousaines, II douissiens de le dousaine ; cascune pièce de laingue oevre con vent par li (séparément) une o.et se on les vent par dousaines II douissiens de le dousaine ; li cens de piaus daigniaus IIII douissiens et li demis cens II douissiens et li quartrons I douissien. Et se on en vent une piel, une o. et dusques a XII une o. Cascune pièce daigniaus doevre (ouvré) I o , ne noeve ne vies. Li pièce de sauvegine de noeve oevre II douissiens et cascune vies I douissien. Et toutes pièces de îaingne oevre I o. li dousaine de manees II douissiens. Cascuns quirs a poil I o. de vaeke et de keval, cascuns quirs tanes une o. et li tacre de X quirs II douissiens. Li ho m et li feme ki siet a estai puet et vendre et acater a sen estai si lonc que il puet a venir de se main ; en sus de sen estai, por une o. destaîage. Et li files de XII meulekins II douissiens, et se on en vent I par lui une o., li muis de sel au gresnier î douissien ; le cendal noef I douissien et ientameune o. Toutes vies pièces de cendal une o. et li cens de touîc sauveguine de piaus, VIII douissiens et li demi cens lïli douissiens et li quartrons II douissien? ; et dune, I douissien et dusques a XII, I douissien.
[6] Li caree de warance I douissien , et li cars II douissiens ; li caretee de waude I douissien, et li cars II douissiens ; li kerke dalun et de bresil et de poivre II douissiens ; se on vent les huges (caisses) ne les met par tiere on en doit de cascune pièce une o.. îi carete I o., une reues I o.,se eles tornent en iaisil (l'essieu). Cascuns
bakes noes une o., li dousaine de piaus tanecs de basane lï douissiens, et par piaus une o. de le piel ; li muis de fraie au gresnier ï douissien.
[7] De tous les avoirs ki ci est escrit doit li homs et li feme qui tonliu doit puis que li marchandise passe XII douissiens, tonliu uneo. douissien. Et si est a savoir que tout cil et toutes celés ki sunt el cens s. Amet ne el cens sainte Roitrut ne doivent nient sil nacatentpor rewaignier. Et si est a savoir que li franc home ne doivent nient de cou quil croist sor se tiere ne sor sen fief, ne de chou que mestier li est a lui ne a se maisnie. Et se il avenoit cose que il acatast ne acensesist por rewaignier il deveroit tonliu ausi que feroit uns vilaine. Et si est asavoir que toute religions ne doit nient de tonliu se ele nacate u acensist por rewaignier. Et se ele acatoit u acensesist por rewaignier si deveroit tonliu, ne tout leur vallet ne doivent nient dacat que il facent de tonliu por leur viestir ne por leur caucier. Et se il acatoient a oes leur femes u leur enfans il deveroient tonliu.
[8] Et si est asavoir que se li tonliuiers vient a loume deforain ki venge ne acate dont il li doive tonliu et il li demande sen tonliu, se il i met refuis par coi il ne le voelle paier, li tonliuiers doit amener II borgois de le vile par devant celui home ki sen tonliu li deveroit et semonre par devant aus que il nen dalast de le vile sans tonliu paier sor le forfait de LX s. I d. de douissien. Et se il avenoit cose que il sendalast, sor chou il kieroit en cel meisme forfait de LX s. I d. ki devant est dis. Et sil avenoit cose que li hom deforain revenist en le vile et li tonluiiers clamast sor lui de cel meisme forfait ki devant
est dis et li doi borgois tiesmoignoient por devant eschevins que li tonluyers leust semons de cet forfait dont il auroit clamet sor lui, li home deforain deveroit rendre au tonluyers les LX s. I d. de douissien ki devant sunt dit par loy sans autre provance et li LX s. I d. deveroient estre au tonluyer ki le tonliu acensiroit.
[9] Et si est a savoir que le jor saint Piere ne le nuit, na nient saint Pieres de tonliu huers (hors) des atres.
[1 0] Se li touluyers del markiet ne demande sen droit del tonliu dedens lan que li cose sera avenue que li (lui), puis lan passe, ni porra nient demander des arrierages. Ordene en lan M CC et L le premier jor de marc.
Et si est a savoir que Hues Pietins et Mounars dou markiet fissent escrire et aviser cest tonliu por le miols ki seurent, et si loent ; on sen trovoit le vies escrit dAnchin con le tenist et laissast on cestui.
Cartulaire L, f° LXXV,
N° 2S9. — (XIIIe siècle).
Droits de forage et autres cédés a la ville de Douai par le chatelain.
En juillet 1268 , Gauthier (ou Watier) de Waskehal, châtelain de Douai, vendit aux échevins les forages des cervoises, goudales mies et braies des lonelles et autres droits qu'il percevait dans la ville de Douai. Dans le cours du même mois de juillet 1268 , les formalités de devestissement eurent lieu devant le bailli de la comtesse de Flandre ; dans l'acte passé à ce sujet, il fut constaté que Gauthier vendait , comme y étant forcé par ses besoins, ainsi
qu'il l'avait prouvé devant les hommes de la comtesse} ses pairs, lesquels intervinrent au nombre de six pour le conjurement.
Le document que nous publions ci-après , et qui date de la même époque, énumère les droits cédés à la ville de Douai par le châtelain.
Ce sunt li droitures le castelain au res des menus tonlius quil vendi a le ville de quoi li vile a les lettres le castelain et le c ont esse de ivarandir.
[\] Li castelains de Douay doit avoir a cascun vinier ki vin vent a muiage VIÏI sestiers de vin, IIII sestiers entre le saint Remy et le saint Martin et IIII entre pasches et pentecouste.
[2] Et me sire Pieres de Douay autant ; et on puet prendre cestui muiage au castelain u a mon signeur Pieron de Douay u a leur sergans dusques a le saint Remy de quel eure convalra et VIII jours après le saint Remi au plus tart et por tenir le muiage a lan a venir.
[3] Et se on ne trouvoit le castelain u mon signeur Pieron de Douay u leur sergans on le puet prendre as eskevins,et si valra autant que se on le prendoit au castelain u a mon signeur Pieron de Douay u a leur sergans, et cestui muiage ne puet on escondire as borgois de le vile.
[4] Et ki conques ne prent sen muiage dedens celui termine sil vent vin a broke il doit de cascunne caretee de vin V sestiers de vin a cascun signeur et de le caretee II sestiers de vin, et ho m deforain ne puet mie avoir cestui muiage.
[5] Et ki conques borgois viniers vent vin en ceste
vile soit a broke soit en gros en se maison u en sen celier il doit V deniers douissiende coustume au castclain et I denier douissien de coustume a le dame de Lille de le caretee de vin et II deniers de le caree se il lamainne et acate dehors le vile.
[6] Et se li viniers de ceste vile acate vin en lestaple il nen doit nule coustume , ains est quites parmi celui ki le vent en lestaple ki le paie.
[7] Et ki conques vent vin a muiage il puet avoir tant de celiers com il valra et vendre en I seul celier ensanle et clore tous les autres celiers parmi I seul muiage paiant.
[8] Et se borgois ki viniers ne soit a conpaingne au vinier,il et ses conpains kile vin maniera sunt quite parmi I seul muiage paiant.
[9] Et se vins vient en ceste vile par panie cascunne pièce doit as deus signeurs II sestiers de vin cest a cascun signeur I sestier se on le vent a broke peroec que cils qui li vins est ne tiengne muiage, et I denier douissien de coustume de cascunne pièce que on vendera a broke.
[\ 0] Ki conques hom de forain amainne hanas de fust escuieles teles platiaus aubes paluis corbes pelés forkiers en ceste vile por vendre, il doit au castelain et a lescueliers le signeur de le terre une pièce et a cascunne fie [fois) quil les amainne ne del pieur ne del milleur.
[]]] Et li borgois en donnent II pièces au nouel et II pièces a pasches et II a pentecouste peroec quil aient de II manières de coses u de plus se il sunt estalier et vengent tels coses.
[i 2] Et se il nont que une manière il ne doivent que ùhe pièce a cascun atal.
[1 3] Et li hom deforain doit au caste! ai n et a lescueliers le signeur de le terre toutes les fies quil aporte relianes a vendre en ceste vile une retinne et li borgois en doivent trois par an a cascun natal I retinne et des petites panerëns et corbisorisceaus ne doit on nient.
[1 4] Li casteîains a a cascun brasin de cervoise et de goudale XVIII lôs tele quon le vent a broke et me sires Pieres de Douay XXIIII los fors II carabes (brasseries) frankes le Jehan Petit Deu en le sannerie et le Wilîaume de Saint Amant ; et se on lé brasse a Deuioel et on le porte par decha por vendre on en doit autant ; li casteîains a a cascun brassin de mies que on brassera decha IIII los et me sire Pieres de Douay VI los.
[4 5] Ri conques hom deforain aporte hanas de masdre en cesté vile por veridre il doit I hariap au castelain et a îescuelier lé signeur de le terre.
[1 6] Cascuns merchiers qui tient sen estai en ceste vile il doit au castelain et a lêscueliers le signeur de le tiere trois deniers au douissien davoir par an, demie au nouel demie a pasches et demie a pentecouste.
[1 7] Cascunne touraille (tourelle de brasseur) decha leuwe doit au castelain I mencaud de brais davainne fors les deus cambes frankes devant noumees et a cascunne cambe dé Deuioel ki est en le kommune justice a li casteîains I mencaud de brais par an.
[1 8] Li casteîains a de cascun home et de cascunne feme que on met en prison én le vies tour par eskevins
au point et a leure que il est délivres XVI deniers douissien.
[19] Li castelains de Douay a a eascun home ki vent se nef I denier douissien et a lacateur I denier douissien et de le moitié de le nef une maille a eascun, et se on ne li paie il puet le nef arriester tant con li auera paie sans prendre autre amende.
[20] Cascunne navee delaingne doit trois faissiaus de laingne de tonliu, sauf cou que se borgois acatent aval laingne ensanle por leur usage sans faire waignage de mestier, il sunt quite de ces trois faissiaus.
[21] Et li navee de raimme doit trois honges (bottes) et li navee de tillues et de verghes III boeges et de rons peus (pieus) et de fendus sil ne sunt taillie dehors a late trois bonges.
[22] Et li navee dosieres qui ne sunt pelées soit grande u petite, peroec que li bakes ne soit dunne pièce , trois garbes ; des osieres pelées doit on trois deniers douissiens tant seulement.
[23] Et bakes dunne pièce sans bors ne doit nient.
[24] Et se orailles de vans viennent en une nef u en bakes eles ne doivent nient ; navee de mairien et de late de caisne et de toute autre late doit III deniers douissien de tonliu.
[25] Toutes les nés ki montent ne descendent le trau de marellon a mairien u a bos sunt en euwage (soumises au droit de navigation).
[26] Toutes les nés que on voira brisier eles doivent estre brisies dedens le jour saint Jehan et dedens le pooir de ceste vile>
[27] Toutes les îles ki ne seront brisies dedens celui jour eles kieront en euwage de lan apries,peroec que eles navient bos ; et les nés que on brisera dedens celui jour seront quite del euwage del an devant passe en tele manière que sor le fons ne pora on recarpenter se nest par le gret les signeurs ; et si doit on des plankes de nés brisies oster de le rivière et le fons puet demorer en le rivière.
[28] Et les nés ki deveront leur euwages li signeur u leur coumans en puent oster le hamestoc et ariester le nef.
[29] Et se cils qui li nés seroit u ses coumans menoit puisedi le nef aval sans paier et sans le gret des signeurs u de leur coumant il seroit a LX sous de douissiens de forfait ; et se on ne racate le nef del euwage kele doit dedens lan li signeur en puent faire leur esploit et dusques au kief de lan le doit on wardér.
[30] Li castelains doit faire voie as nés por aler et por venir.
[31] Li nés ki amainrie waisde, escorce, ros, cardon, tille, warance, doit III deniers douissien.
[32] Li nés a vans a corbillons a catoifes III deniers douissien.
[33] Li nés ki amainne sel doit au castelain et a lescuelier le signeur de le tiere trois coupes de sel.
[34] Li nés u li bakes bordes ki amainne fruits doit coupe et demie poroec que li fruits ne soit mis en sus.
[35] Li bakes a ongnons III ries et se li ongnons ne sunt en ries a lavenant et daus [d'aulx) atretel.
[36] Li nés ki amainne erbe doit une bonge derbe.
[37] Li fornee de pos de tiere doit I pot au castelain et a lescuelier le signeur de le tiere.
[38] Cascunne caretee de pos de tiere que on amainne dehors le vile doit I pot.
[39] Ki conques vent faucilles en ceste vile a estai il doit II faucilles de cascun estai et par an.
[40] Ki va en faus sentier il est a III sous de douissiens se il en est convencus par eskevins et borgois, ne lor sergans ne puet on arrester dedens le pooir de ceste vile el sentier ne ailleurs.
[41] Li castelains doit oster leviers dusques al kievron et faire voie dusques al kievron et en ceste vile.
[42 1 Et si doit li castelains warder les pires dehors le vile et warder les pastures.
[43] Et ki conques i mesprent et il en est convencus par eskevins il est a LX sous et I denier de douissien de forfait.
[44] Et a toutes autres coses ki chi ne sunt noumees en cest escrit dendroit le navie nont nient li signeur.
[45] Et se li eschevin savoient en alcun tans que li signeur i avoient autre droiture li eschevins leur sauveroient et warderoient miels volentiers,et sil veoient quel i eust a amender as choses ki chi sunt escrites del trop u del pau il le poront amender tout plainnement ensi coume il veront que drois ert.
[46] Et se alcuns hom u feme avau le vile envoient en le pasture u en mares por fouir wasons (gazons) a faire sen praiel a oes sen ostel , por chou ne kieroit il mie en forfait ne por chou ne le poroit on mie ariester.
[47] Et jacoise cose [en reconnaissant) que cis escris
soit fait el non des devant dis signeurs si est il fais sauf le droit a tous chiaus et a toutes cheles ki droit i ont ne autre cose nen puent prendre li signeur ne leur sergant que chou quen cest escrits est devisset et noumet se il ne le sont par eskevins.
[48] Et ki fouiroit ne feroit fouir en le pasture u el mares wasons pour vendre ne pour douner il kieroit el forfait de LXsous et I denier de doaissiens.
[49] Fains, waras, tourbes, porees, carbons, avainne, bleis, auwes, poules, fourmages, vans, piere, marbre, tiule ne doivent nient au castelain ne cendre aussi ; et bakes dunne pièce ne doit nient del avoir ke on amenra ens. Cis escrits fu rendus al castelain en le haie lan XLVIJisme en jung.
Archives de Douai, carlulaire L, f° XXX1H, cart. 00}
f° xxxir.
N° 260. — (XIII8 siècle).
Tonlieu de Cambrai.
Le carette de palis doit I palis ; le caree H palis et des pelles et de fourcques autretant.
Le carette de plancques, une plancque ; le caree, II plancques ; et se on amenoit mairien sur une carette si euist VI 1 plancques il en paieroit une plancque ; si seïoit li autre mairien quictc^
Et se on amainc une carette de mais se y ait Vif mais ou plus il en paye une mais ; se est quicte tout lan des mais ; et appres se on amaine autre mairien avec mais ou sans mais , ly mairiens paye son droit et les mais sont quictes lan. Se il y a sur une carette VI mais ou mains ne doivent neans mais se il y a autre mairien sur le carette il paie son droit.
Ly carette daisil sil en y a VII ou plus sur le carette il paye ung aisil ; sest quictes tout ly autre mairièn sur le carette pourtant que mais ny ait ; mais se il y a VI aisis ou mains ne doivent néant que I denier, mais se il y a autres mairiens il est quicte se ne sont mais ou baneques.
Ly carette de escuielles doit une escuielle ; ly caree, II eseuielies ; et se il y a tailles ne boingage ne grosse œuvre de tailles par li carette paie I denier ; li caree, II deniers.
Ly carette de menue baneques de HIJ pieds a coutel doit I denier ; le carette de baneques de VII pois ou de VIII ou de X piedz a coutel son le vent ne doit que une obole, et son le vent sans le carette si doit une ob. et se on vent le carette si doit le moictie de demi doint.
Ly carette de huges doit I den., le caree II den.
Le caree de plancques de H pieds et de a portail faire doit II den. le carette I den.
Se ly homs deforain acate une buclie et il lemporte a son col il nen doit néant, et se il lenmaine a voiture se doit une ob.
Le carette de gouliere doit une ob., li caree I den. Ly carette destanebons de VII pieds ou de VIII ou
jusques a XI pieds doit I den. et de XII pieds ou de plus doit I ob.
Ly carette de tous bois esquariz doit ung den, le carotte de entre tournée, de buffet de lerons de caieres doit
I den. ly caree II den. chilz tonnelieu est a St. Sépulcre. Ly carette de noix doit I den. ly caree II den.
Ly rous bois mairiens, ly carette doit I den. ly caree
II den.
Ly carette de mairien de molin sans larbre doit I den. ly arbre I ob.
Li carette de roilles doit une roi! le , sest quicte tout lan ; ly car de vans doit ung wan. Se ly bourgois de le ville menestieux fait roilles si en doit une, se est quictes tout lan.
Sil fait herces sy en doit une, sy est quicte lan.
Sil fait binoirs si en doit I, sy est quicte lan.
Et se il fait tous les III J mestiers sy en doit de chacun ung, sy est quicte lan.
Le tonnelieu doit on en my march.
Et ly solliers si fait sollers, il en doit une'paire a le saint Jehan.
Et se il fait cuvelles il en doit une ou puist saller le char de une vacque au noei et sy est quicte lan.
Et se il fait aux II les mestiers il paye des deux aussy.
Ly carette de pannieres doit une panière, ly caree II panières.
De tous ces tonnelieux doit li cars ly double par coustume, et I den.de tonnenaige au seigneur dOisy.
Le feste du jour saint Leurent ne doit on que ung
seul tonnelieu droit et ly parchonnier de le visdame y doivent mettre I tonlier qui le coeulle et au vespre le partissent entre eulx et ce est des menus tonnelieux.
Ne sil y a soient carette de bancques ne de tout plat mairien un g feudon doit ly carette de latte ou ly cazee doit une latte,
Ly carette de rais doit I rais.
Ly carette ou ly caree dasil doit I espranle ; ly carette de tous mairiens de chacune carette une espranle, daretes et de'binoires une queue telle comme ly cartons ly voulra donner.
Ly carette de huches ou de mais ou de bancques ou de nef ou de goutieres I espranle, et ly carette autretant et tous mairiens trousez est quicte par autretant.
Ly pesons de le laine de fillet doit I den. de tonnelieu de ceulx qui le doivent par droit ; ly poise de le laine trosnee doit I d.
Le carette de sel I den. si! le vent, et se il le amaine a voiture nen doit néant ; le carette de sel [doit) une houcque a dois clos et cely doit li cartons donner.
Ly cuvelle de waide doit I den. cambresis sil le doit cil qui le vent. Ly cens de waide doit III den. camb.
Ly cent de waranche [garance) doit I den. cambr.
Ly cent de cendre fieree I ob. cambr.
Ancien manuscrit de Cambr au
N° 261. — (XIIIe siècle).
TONLIEU DE MORTAGME.
Li eschievin ont enquis par tesmoignage de preudomes ke li navee de piere doit a Mortaigne XXIX deniers et une lame de marbre. Ounie doit la ausi VI deniers et li auteus et li fons i doit VI deniers et li navee de piere sauvage doit a cascun wienage entir pardeca Mortagne XII deniers et tote piere ke on amaine par aiguë on le tient a piere sauvage se elle nest taillie. Et li lame taillie et li auteus et li fons doivent a saint Amant III J deniers, a Hasnon VI deniers et a Warlaing IIIJ deniers et a Lalaing IIIJ deniers et a escarpiel II deniers et colombes (colonnes) et capitiel (chapiteaux) et basses et entauiement tient on par tout a piere sauvage. Ce fut enquis en lan XLVIime.
Archives de Douai, cartulaire QQ, fJ XXIX, v°*
