BALADE ENVOYÉE PAR LES ANGLOIS AUX FRANÇOIS

A vous galans , qui de nouvel Avez mis le siège à Pontoise , Vous faites rage de revel , Et d'escrier bien à vostre aise :

Mais la fin en sera mauvaise , Ains que vostre œuvre soit usée.

Commencement n'est pas fusée.

Cuidez-vous bien si tost conquerre

Le droict payz appartenant

Au roy de France, d'Angleterre,

Dont chacun de vous est tenant?

Yuidez le tout incontinent ,

Car pour vous n'y a pas bon estre.

Péché rompt le col à son maître.

Bien contrefaites les vaillans , Et semble qu'ayez tout conquis, Disant qu'estes bons bataillans Dès l'heure que fustes nacquis; Qui auroit bien partout enquis, Entour vous plusieurs y sont faux.

Tousjours le mortier sent les aux.

ft.

Ceux qui ont été par deux fois

Des deux partis , leurs faicts sont beaux î

Avec vous en a plus de trois,

Qui bien contrefont les loyaux.

Pendues au vent soient leurs peaux ,

Pour monstrer au monde exemplaire!

Trahison à Dieu ne peut plaire.

Vous estes logez à quartier Pour doubte des premiers coureurs , En la closture du moustier :

Bien appert qu'estes fort paoureux.

Oncques ne fustes si heureux De nous venir aux champs combatre.

Grant orgueil est bon à rabatre.

De grand langage trop avez, Dont vous usez soir et matin :

Et semble tousjours que devez Combattre V Amoral- Baquin Mais c'est la mesgnie Hanequiu Que de vous à qui le cœur faut.

Tant plus en y a et pis vaut.

Si voulez oûyr bon conseil ,

Allez-vous-en de cette marche ,

Et prenez scur chemin à l'œil,

Pour doubte qu'on ne vous desmarche :

Car on mettra vos peaux en perche

Si Longuement cy demeurez :

Fuyez losl , et vous en rouiez.