SLR LA BALADE QUE DESSUS

Entre vous, Anglois etNormans,

Estons lcans, dedans Pontoise ,

Fuyez-vous-en, prenez les champs,

Oubliez la rivière d'Oise ,

Et retournez à la cervoise

De quoy vous estes tous nourris.

Sanglans, meseaux, puants, pourris.

Yous dites que commencement N'est pas fusée, ce n'est mon.

Icy serez premièrement Tuez, puis après à Vernon.

Vous n'avez flesches, ne canon, Qui vous puisse de mort défendre.

Martigny vous fera tous pendre.

Péché rompt à son maître le col :

Cela soavôns nous trestous bien.

Apprestez chacun un licol ,

Ne vous souciez plus de rien :

Car ma foy , comme je tien , Du pied ferez la bénisson Par la ville de Maubuisson.

Je cuide si vostre mortier Sent les aulx, que c'est bien petit ; Gueres ne vous y faut broyer Pour recouvrer vostre apétit.

Quant Talbot d'avec vous partit, Il vous promit chiens et oyseaux , Pour ce qu'estes vaillans vassaux.

Tous les natifs de Normandie , Qui ont vostre party tenu , • Sont traistres , je n'en doute mie , Autant le grand que le menu.

Le roy est cy devant venu Pour remettre tout à raison :

Car à Dieu ne plaist trahison.

Vostre grant orgueil abatrons , Soyez en seurs comme de mort.

Et bien les peaux vous fourbirons, A la venue du duc d'Yorck.

Or retournez au vent du nort, Et ne parlez plus de combatre :

Maie liebvre vous puisse abatre.

Je cuide bien que le cœur faut A vous tous ensemble à butin , Quant vous pensez que d'un assaut Serez pris ou soir ou matin :

Oncques ne vistes tel butin , Que ferez-vous quant vos voisins Ferreront sus ces pèlerins?

Le sûr est de partir sur l'heure, Grand bien vous est de le cognoistre : Or ne faictes plus de demeure Et vous signez de la main dextre.

Au gibet par la main du maistre Passerez comme je vous compte.

Il est temps que vous rendiez compte.

XIII a XV.

CHANSONS

( XVe SIÈCLE. )