DES FEMMES

qui ayment mieux suiure & croire

Folconduit & uiure à leur plaisir, que

d'apprendre aucune bonne science.

A quatre personnages, c'est à sçauoir : Le Maistre.

Folconduit.

Promptitude.

Tardive à bien faire.

LE MAISTRE

le tiens icy le grand Collège D'humaine et diuine science, A celle fin que ie soulage.

Par mon sçauoir la conscience.

Tous amateurs de sapience,

Qui veulent à bien faire apprendre Viennent subit à moi se rendre.

PROMPTITUDE

Folconduit ?

TARDIVE à bien faire.

Est-il sourd?

FOLCONDUIT.

Hola.

PROMPTITUDE

Ha ! mon loanes est-tu la ?

FOLCONDUIT.

Hola, hola, Dame Nicole, Approchez que ie vous accole.

TARDIUE.

Es-tu sourd? Ne viendras-tu point?

FOLCONDUIT.

Sanbieu me voicy en pourpoint, Qui a-il? N'espargnez ma peine.

PROMPTITUDE

Beau sire, il faut que tu nous mené A l'escole de faire bien.

FOLCONDUIT.

A ce faire ne cognois rien, Cherchez conducteur autre part.

NOVVELLE. 67

TARDIUE.

Si sçais-tu la science et l'art Des femmes mener et conduire.

FOLCONDUIT.

Oui, mais non pour à bien les duire, Car sans cesse veulent parler.

PROMPTITUDE

Autant par terre que par l'air Femmes sans cesse parleront.

TARDIUE.

Voire, et quoy qu'on en dise iront Partout où bon leur semblera.

FOLCONDUIT.

Aucunes s'en repentiront, Leur caquet entin leur cuira.

PROMPTITUDE

Quoi? Folconduit nous desdira, Ma commère il le faut charger.

TARDIUE en le Jrappant.

La sanbieu il s'en sentira, Mais nous cuide-il icy prescher.

FOLCONDUIT.

le vous prie espargnez ma chair, le feray ce qu'il vous plaira.

PROMPTITUDE

Or sus doncques à peu de plaid Pense d'aller et de marcher, Tant de langage ne me plaist.