FOLCO^'DUIT
Auez-vous vostre panier prest ?
PROMPTITUDE
Ouy, ouy, mais ne le pille pas, Car nous y aurions interest.
FOLCONDUIT.
Sans faire en ce lieu plus d'arrest, Venez, suiuez-moy pas à pas, Sans tenir règle ny compas, Comme est des femmes la manière.
PROMPTITUDE
Sçais-tu qu'il y a: parle bas, Et me faits rendre la première.
TARDIUE.
Et moy demeureray-ie arrière.
FOLCONDUIT parlant au Maistre.
Mes deux femmes le vous ameinc.
Maistre. a tin que preniez la peine De leur recordçr leur leçon.
NOVVELLE. 69
LE MAISTRE
Long temps a que sçay la façon De monstrer et apprendre aux femmes, Leurs manières, gestes et games, Et à parler de sens rassis.
Les deux femmes ensemble.
Maistre, mille et mille mercis.
Cela nous ne voulons apprendre.
LE MAISTRE
A quoy donc voulez- vous tendre ?
Si voulez, ie feray lecture Conuenable à vostre nature, Tous les iours des fois cinq ou six.
TARDIUE.
Maistre, mille et mille mercis.
FOLCONDUIT.
Dictes ce qu'elles apprendront, Et quelle méthode tiendront.
Afin que quand auront rendu le puisse entendre au résidu, Les faisant souuent repeter.
LE MAISTRE
Leur faut :ce croy-ie interpréter Au commencement, les régimes.
PROMPTITUDE
De régir sommes assez dignes, Sans que personne nous commande.
TARDIVE
La subiection seroit grande S'il nous conuenoit obeïr, Ton liure ne voulons ouïr, Ains commander en tous endroits Absolument, suyuant nos droits Que debuons surtout maintenir.
LE MAISTRE
Si ay-ie aux sages veu tenir, Que par raison et bien séance Femmes doibuent obéissance A leurs marys.
PROMPTITUDE
Leur maie rage, Quoy.'' Qu'ils nous tinssent en seruage Estans nées pour commander?
LE MAISTRE
Si ne voulez vous amander En ce, le liure de silence Vous liray, remply de science.
Moult fructueuse et salutaire.
NOVVELLE. 71
PROMPTITUDE
M'est-dieux! ie ne me sçaurois taire, Ce liure la ne nous duit point.
TARDIUE.
Non, non, ce n'est pas la le point.
Auquel voulons nous amuser.
FOLCONDUIT.
Encore faut-il aduiser Enfin quel liure on vous lira, Voulez-vous celuy de Lyra?
LE MAISTRE
Le blason des folles amours ?
PROMPTITUDE
Nous le pratiquons tous les iours, Ce liure nous est tout commun.
FOLCONDUIT.
Lisez Maistre lean de Meun Qui tant bien d'elles a escrit.
TARDIUE.
Non, c'estoit un homme maudit, Ayant blasmé nos meurs et faits.
LE MAISTRE
Voulez-vous ouyr les secrets D'Albert le grand ?
FOLCONDUIT.
C'esttres-hien dit.
PROMPTITUDE
Nennv, nenny, il a mesdit Par trop du sexe féminin.
TARDIUE.
Estre ne debuoit si sublin Ny parler si ouuertement.
LE MAISTRE
Nous serons icy longuement Si vous ne desclarez le liure Que vous voulez que ie vous liure, Pour vous apprendre ma science.
FOLCONDUIT.
Lisez leur cil d'obédience.
PROMPTITUDE
Souflez i'en suis en grand esmoy, De luv n'av cure sur ma foy.
LE MAISTRE
Si est-il excellent en ce, Qu'apprend à prendre patience
NOVVELLE. 73
Qui surmonte et vainc toute chose.
Voulez- vous que ie vous l'expose ?
PROMPTITUDE
Nenny, nenny, mais ie vous prie, Quelle simplesse et niaiserie De patiemment endurer Sans tancer (au moins murmurer) Chose qui me puisse desplaire, Plustost mourir que de m'en taire.
TARDIUE.
Cuideriez-vous que sois contente, Lorsque mon mary me tourmente Ou ne fait tout à mon désir.
LE MAISTRE
Dictes si vous voulez choisir L'vn des liures de ce mémoire.
Et premièrement, la manière Comment maistresse et chambrière be doibt par raison gouuerner, En laissant, pour vous le donner A entendre, habits dissolus, Deuis et propos superflus, Sans aussi faire tant les bestes
Ni monstrer leurs mauuaises testes Principalement à l'hostel.
TARDIVE
Cure nauons de liure tel, Gardez pour autre sa lecture.
FOLCONDUIT.
Ouy, car c'est toute vostre cure De brauer et de caqueter, De contredire et contester Tant que le dernier vous demeure.
LE MAISTRE
Ne sçay donc que leur lire à l'heure, Si ne veulent (propos final), Que leur lise le doctiinal D'humaine et diuine science.
PROMPTITUDE
Chose à laquelle moins ie pense.
TARDIVE
Et moy aussi, allons, allons.
LE MAISTRE
Allez, mieux vallent les talons Que le deuant.
PROMPTITUDE
Sus, Folconduit.
NOVVELLE. 75
le te prie prens ton déduit
Nous rendre en ton sçauoir instruites.
FOLCONDUIT.
Par plaisir vous feustes produites.
Du plaisir il vous faut donner, Suiuez-moy sans vous destourner Çà ny là, et vous verrez rage.
Et quoy ? seroit-ce pas dommage Vos beaux iours sans plaisir finer.
LE MAISTRE
Ainsi se veulent gouuerner Toutes femmes par Folconduit. Nulle science ne leur duit, Vérité leur est aduersaire, Science ne les peut attraire A se taire ou a peu parler, D'ailleurs veulent tousiours aller Par ville ou en pèlerinage, Adieu vous dy pour ce voiage.
FIN
A if\. /^^f
DE LANTECHRIST,
& de trois femmes, vne
Bourgeoise, & deux
Poissomiieres.
.1 quatre personnages, c'est à scauoir : Hamelot, /"' Poissonnière.
CoLECHON, :^- Poissonnière.
La Bourgeoise.
L'Antecrist.
HAMELOT commence.
Colechon à ce que j'entens Ce Caresme auons eu bon temps, Aussi nous en estoit mestier.
COLECHON.
Vinssent pauures ou riches gens
A payer n'estoient diligens, Ailleurs leur en falloit chercher.
HAMELOT.
Nostre plaisir faisions entier, Tu vendois bien harancs pourris.
COLECHON.
Et toy, quoy? morruë puante.
HAMELOT.
T'en oyant parler ie m'en ris, Tu vendois bien harancs pourris.
COLECHON.
Pourris? Si en ay-ie eu bon pris.
HAMELOT.
Aussi ay-ie moy, ie m'en vante, Mais au fort ou fut ma belle ante Qui m'enseigna de faire ainsi.
COLECHON.
Et à tromper les gens aussi, Pour vendre tu es fine femme*
HAMELOT.
Et toy. tu sçais par cœur ta game Pour débiter merlans passez,
NOVVELLE. 79
Harancs et maquereaux assez, Comme venans droict de la mer.
COLECHON.
Sur toy y a plus à blasmer, Car tu vens mouUes de Roquay Pareillement celles du quay, Disant que de Dieppes ils sont
HAMELOT. Ce que ie faits les autres font, Mais toy, tu vends puant poisson Gardé long temps en la maison, Que n'en est iustice informée, La chose seroit reformée On t'empescheroit de ce faire.
COLECHON.
S'elle cognoissoit ton affaire, Tu es cent fois pire que moy.
HAMELOT.
De quoy sommes-nous en esmoy, Que chacun proffite s'il peut.
COLECHON.
Da ! il ne le fait pas qui veut Auiourd'huy comme au temps passé,
8o FARCE
Or et argent est trespassé,
Et n'est commun à plusieurs gens.
HAMELOT.
Vendu auons force harancs, Saulmon, morue, et poisson frais, Et si nous nauons fait grands prêts, Au moins moy i'ay eu du comptant.
COLECHON.
Et la, la, on ne gaigne tant Comme il est aduis Dieu mercy, Ne despend-on rien? Si faict, si.
Cil gaigne assez qui a sa vie.
Apres le beau temps vient la pluie, Apres Pasques viennent les veaux, Et au mois d'Auril maquereaux, Or faut-il vendre qui pourra, Qui en aura, qui en aura.
De mes beaux maquereaux tout frais.
HAMELOT. Qui est-ce qui m'estrennera ?
Qui en aura, qui en aura?
COLECHON.
Da ! qui des miens acheptera.
Pour cuire les vendray tout prcsts.
NOVVELLE. 8i
HAMELOT.
Colechon, c'est, ie te promets, Bonne denrée et nourriture, Dieu nous donne bonne aduanture Et bonne gaigne à ce poisson.
LA BOURGEOISE
Il faut voir son vend à raison Les maquereaux, car de la chair On ne peut ce iour approcher, Et si n'y a nul bon morceau, Qu'est-ce à dire que c'est tout veau Et qu'il n'y a mouton ni bœuf, l'aymerois de ma part vn œuf Beaucoup mieux que telle viande, Et puis mon mary me demande Que ie n'achepte de la bonne.
Il semble, à louyr, qu'on la donne.
Mais il aura beau s'en fâcher.
COLECHON.
Tenons nostre denrée cher.
Tout est vendu, tout est vendu.
HAMELOT.
C'est à toy très bien entendu, "Vois-tu la Bourgeoise approcher?
Elle n'a pu auoir de chair.
Faisons haut.
COLECHON.
C'est bien entendu.
LA BOURGEOISE
l'ai bien longuement attendu A venir, n'y a-il plus rien ?
Ça, Hamelot, cela combien?
Tout en vn mot dites le moy.
HA MELOT.
Madame, en vn mot, sur ma foy, Deux Karolus vous en payrez.
LA BOURGEOISE
Meilleur marché vous en ferez, le vous en donnerai deux liards.
HAMELOT.
Voire, madame, ou deux chiards Il est vendu, allez, allez.
LA BOURGEOISE
V^ous, Colechon, à moy parlez, Que les vendez-vous en vn mot?
COLECHON.
Par l'ame de mon fils lanot, le les vends deux douzains chacun.
NOVVELLE. 83
LA BOURGEOISE
M'en donnerez-vous deux pour vn r Barguiner ne veux nullement.
COLECHON.
Deux pour vn sol ? Par mon serment A peine en auriez vn pour deux.
LA BOURGEOISE
Nous mangerons doncques des œufs Si ne treuue meilleur marché.
