H A ME LOT
Madame a-elle bien cherché Partout, auec son grand panier, Offrant vn double ou vn denier De ce qui en vaut plus de dix, Il luy semble, à ouïr ses dits, Qu'auiourd'huy maquereaux on donne
LA BOURGEOISE
Vrayment voicy bonne besongne, Da ! n'oseroit-on marchander?
N 'aussi bon marché demander r Si ne voulez n'en faites rien.
COLECHON.
Et la, la, madame, on scait bien Qui vous estes, destallez tost.
LA BOURGEOISE
Qui suis-ie, dy, truande?
COLECHON.
Mot le ne vous dy.
LA BOURGEOISE
En maie estraine Eusse-tu la fieure quartaine, Où est-ce que tu m'as trouuée?
Dy, he? Responds, grosse creuée, Et tu connois ta maie rage, De ma main dessus ton visage Auras pour t'apprendre à parler.
ILiMELOT.
SouftVirai-ie sans m'en mesler Que battiez ainsi ma voisine?
LA BOURGEOISE
Et par la mère de Dieu digne Comme elle aussi tu en auras, Et vne autre fois ne seras Si prompte à prendre sa querelle En me blasonnant en ce point, Et monstreray que ne suis ponit Telle comme il vous est aduis.
NOVVELLE.
Ces truandes tiennent deuis Sans respect de nous preudes femmes Comme si nous estions infâmes, Et à cela toutes sont faictes, Il leur semble que soyons bestes Quand a elles nous marchandons, Da ! si bon marché demandons Faut-il pour ce nous dire iniure?
Celle bien simple qui l'endure, Qui ne veut vendre si se taise.
HAMELOT.
He da ! madame la Bourgeoise Le poisson nest à si vil pris, En quoy vous vous ay-ie mespris Pour me donner de si lourds coups, De par le Diable allez tout doux.
Sans les gens battre ny frapper, S'vne fois vous peux attrapper, Croyez qu'il vous en desplaira.
Donc désormais on nous battra, Voire si le voulons souffrir.
COLECHON.
le choisirois plustost mourir De maie mort, ie vous promets
Que battre me laisser iamais Quelque chose qui en aduienne, Ha madame ! qu'il vous souuienne De cela que vous auez faict, En rien ne vous ayans mesfaict :
Voyla, mesdames les Bourgeoises Partout ou voudront feront noises, Et portent à la boucherie, A la halle et poissonnerie, Paniers grands et profonds assez Pour y estre tous biens mucez, Toutes choses marchanderont Et toutefois n'achèteront Rien que pour neuf ou dix deniers, De quoy seruent si grands paniers Que pour monstre et abusion.
LA BOURGEOISE
Tu parle sans sens ny raison Ainsi qu'vn perroquet en cage, Tay toi. et tu feras que sage.
HAMEL07\ Et quoy, ne vous vendrons-nous rien?
LA BOURGEOISE
Quant est de moy ie scav fort bien
NOVVF.LLE. 87
Que rien de vous n'achepterav.
