HA ME LOT
le vous en prie.
LA BOURGEOISE
Non f'eray Meshuy ne passeray-ie à tant.
Vous estes payées comptant (Me semble, de vostre cacquet.
Et n'auez eu grand acquest Ny proffit à parler ainsi.
Vous ayant monstre. Dieu mercv, A parler mieux vne autre fois^ Sans accepter rien ie m'en vois.
Adieu, Adieu. Adieu vous dis.
COLECHOX.
Et benoist Dieu de Paradis Quel marchande auons-nous trouuée, Sur nous a sa force esprouuée.
Mais si n'y eust eu qu'elle et moy Monstre luy eusse sans esmoy Qu'ainsi faire ne deuoit pas.
HAMELOT.
Son mary aura bon repas Ayant attendu iusqu'à Nonne,
Vray Dieu, comment elle blasonne.
Elle en sçait bien plus que nous toutes.
COLECHON.
Si n'eust esté aucunes doubtes, Par mon serment, elle en eust eu :
Mais viença n'as-tu point pris garde A sa façon tiere et hagarde Quand marchandoit nostre poisson !
HAMELOT.
Mais ie vous prie la façon Nous battre sans dire combien, Pour dire qu'on la cognoist bien, Toutes deux sans cause et à tort.
COLECHON.
Si mon mary ne fust point mort, len eusse eu la raison vrayment, Si ne feray-ie appointement, lusqu'à tant que ie sois vangée,
HA^'iELOT.
le me fusse bien reuanchée Si ie n'eusse craint autre qu'elle, Et fust-elle cent fois plus belle Senti cust que poisent mes poings.
NOVVELLE. 89
COLECHON.
Nous n'en aurons pour meshuy moins, Et n'aurons vendu ny donné, L'Antéchrist est né, l'Antéchrist est né, Le voicy venir le grand diable.
HAMELOT.
Ouy, ie le voy, ce n'est pas fable.
Fuyons, à luy n'y a nul ieu.
L'ANTECHRIST iettant leur poisson.
Morbieu, charbieu, etvertubieu, Et qu'est cecy, vieilles putains, Ostez, ostez tout de ce lieu, Qu'on porte tout à l'hostel-Dieu, Si en seront les panures plains, Morbieu, charbieu, etvertubieu.
Et qu'est cecy, vieilles putains.
HAMELOT battant V Antéchrist.
Si de mes griffes vous attains.
Et fussiez-vous sergent à masse, le vous arracheray la face, Apres allez où vous pourrez.
COLECHON le battant aussi.
Parbieu, vilain, vous en aurez, Nostre poisson auez gasté.
Voilà pour vostre lascheté, Tenez meschant. vilain, infâme, Oncques nauiez este de femme Mieux estrillé que vous serez.
L'ANTECHRIST
Qu'est cecy? Vous ne cesserez Ce croy-ie de frapper meshuy.
HAMELOT.
Perd-on ainsi le bien d'autruy.
Il ne vous a gueres cousté.
L'ANTECHRIST
Sanbieu, ie suis bien accoustré, Quels horions du premier sault.
COLECHON le battant encore.
Or tenez, apprendre il vous fault A nostre denrée ietter.
Cher vous le ferons acheter.
Tenez, tenez, meschant paillard.
V ANTECHRIST
Le diable denfer y ait part Aux macquereaux et macquerelles.
Maudit soit le iour. aussi l'heure Que ic vins en ceste demeure.
NOVVELLE. 91
Faut-il que sois ainsi battu, Au moins si Ton s'est esbattu A me battre, que ie m'en voise.
HAMELOT.
Par toy vient tout débat et noise, Nous deurions icy t'assommer, Destale tost et sans chommer Ny taire desplaisir à ame, Da ! et te semble-il qu'vne femme N'ait courage aussi bien qu'vn homme?
L'ANTECHRIST
Mieux vaudroit qu'eusse été à Rome A l'heure que ie vins icy, Colechon ie te prie, aussi Toy Hamelot, qu'on ne le sache.
COLECHON.
Vuidez, vuidez de ceste place Qu'on ne vous y voye iamais.
HAMELOT.
Par mon serment, ie te promets Qu'il a eu très-beau payement, Voise s'en plaindre en lugement Encore s'en mocquera-on.
COLECHON.
A propos où est mon poisson ?
C'est cestuy-cy,
HAMELOT.
Non est.
COLECHON.
Si est.
HAMELOT.
Le mien auray sans nul arrest.
COLECHON.
Il n'est à toy faulce paillarde.
HAMELOT.
Que le feu sainct Antoine t'arde, Tu as menty, vieille putain
COLECHON.
Plus qu'à toy i'ay le cœur hautain, Ce n'est pas le tien, non, regarde.
HAMELOT.
Reprens ton poisson et le garde Si tu veux, mais i'auray le mien.
COLECHON.
Ce coup de poing aussi, tien, tien, Te le rendrav tout maintenant.
NOVVELLE.
HAMELOT.
Ce coup auras auparauant, Pour sçauoir ce que ma main poise.
Tu commence tousiours la noise, A chacun as hayne et rancune.
COLECHON. Et va, va, tu es plus commune Que ne sont celles du bordeau.
HAMELOT.
Si me taisois en champs si beau On iugeroit que i'aurois tord, Tu resueille le chat qui dort.
Laide yurongnesse que tu es, Tu burois et auallerois Paris, Tours, Lyon et Bordeaux, S'ils estoient vin.
COLECHON.
Les maquereaux Tu entretiens, si les vends.
HAMELOT.
Toy, tu burois, point ie ne ments, Cela se iuge a tes yeux rouges, Rome, Rouen, Gand, aussi Bourges, Si muées estoient en vin.
COLECHON.
On sçait, sans aller au Deuin Que tes habits en sont en gage.
HAMELOT.
Mes habits? et ils sont ta rage, Tu as menty, ce sont les tiens, le sçay bien la où sont les miens, Va, va, desmesler tes fuzées.
COLECHON.
Mais sommes-nous pas abusées De dire l'vne à l'autre iniure, Et par mon serment ie te iure Qu'envers toy ma paix faire veux.
HAMELOT.
En estre contente ne peux Si ie n'ay ce qui m'appartient.
COLECHON.
Il est meslé, à moy ne tient, Il le nous faut prendre en commun.
HAMELOT.
le le veux bien, ce m'est tout vn, ¥a ne faisons plus tels débats.
NOVVELLF. 95
COLECHON.
Ce n'est rien, ce ne sont qu'esbats, Vn pot de vin quand tu voudras le payray.
HAMELOT.
Tu m'accoleras Tout maintenant en paix faisant.
COLECHON.
Rien n'est qui tant me soit plaisant, le le veux bien, par mon serment.
HAMELOT.
Nous vous prions très instamment Qu'il vous plaise tous en gré prendre Cestuy présent esbattement, Chacun soigne à l'hostel se rendre.
FIN
lOYEVSE
ET RECREATIVE
