PERMIS. AUX SERV. DE COUCHER

réparation d'honneur, mariage à leur maistre, encor que l'enfant appartienne à quelque clerc, cocher ou vallet d'estable; et, après s'estre gaillardement resjoûies et donné du bon temps, elles se retireront avec cent escus ou quatre cens livres, mettront leur enfant en nourrice, et tiendront par après boutique ouverte à tout le monde. Telle est nostre volonté en dernier ressort, contre laquelle il n'y a point d'appel. Faict le jour et an que dessus, aussi matin que vous voudrez.

Vramy voire! dit une grosse servante de la rue Sainct-Honoré qui a desjà joué deux fois du mannequin à basse marche, vous nous la baillez belle avec vostrc ordonnance! Croyezvous que nous ayons attendu jusqu'icy? De ma part, je veux bien qu'on sçache que je suis en un logisoù véritablement je ne gaigne pas grand gaige; mais en recompense je vais au marché. Depuis deux ans je me suis fait enfler le ventre deux fois par nos laquais, qui jouent assez bien de la flutte, et si ay bien eu l'industrie de donner les enfansà nostre maistre. Il est vray que la maistre se n'en sçait

rien, et que pour accoucher J'ay faict semblant d'aller en mon pays ; mais il n'est que d'enfourner quand la paste est levée.

Une brunette d'auprès de la porte de Sainct-Victor, qui le faisoit autrefois à ceux qu'elle rencontroit, et maintenant le faict à tous venans, allonge le col et commence à dire : Pour moy, je suis d'une humeur que j'ayme mieux le futur que le passé, et la besongne à faire que celle qui est faicte, et ne suis pas si folle comme une esventée de nostre quartier, laquelle, ayant donné l'heure et le mot du guet à un honorable et authentique savetier qui lu poursuivoit d'amour, après l'avoir faict despouiller et mettre entre deux draps, elle enferma ses habits et sa chemise dans un coffre, et fit entrer deux soldats, ou pour mieux dire deux tiUouset macquereaux, et fallut que le pauvre savetier prist la fuitte nud comme un ver, n'ayant rien que le tirepied en escharpe.

De ma part, je trouvay ceste action mauvaise; et toutes les fois que nostre maistre est venu en ma garderobe, si j'eusse crié au se-