A TOUT FAIRE

Je suis chambrière à tout faire, Qui cognois tous arts et mestiers; Si quelqu'un a de moy aft'aire, Je me loueray très voluntiers.

Je suis toute fresche venue De Normandie, et bien connue.

Tant à Rouen qu'es autres lieux, Dont, passant un jour par Lysieux, L'on me dit qu'on avoit à faire D'une chambrière à tout faire

A Paris. Parquoy fis départ Pour me retirer ceste part, Veoir si je trouverois service En quelque lieu qui fust propice Pour moy^ tendant à cette fin D'y demeurer, pour et afin De gaigner argent ou monnoye Pour me donner un peu de joie Quelquefois, le temps advenir.

Pendant me vint à souvenir Que chez les recommanderesses Est le lieu où sont les addresses Pour trouver servante à louer.

Donc, ne me pensant que jouer.

De l'une d'elles je m'accoste Pour trouver maistresse à ma poste, Ou maistre, ne me chaut lequel, Qui, sans faire plus long caquet, S'informa lors sur ceste affaire Quelle chose je sçavois faire :

C'est assavoir, coudre et filler.

Lors je responds, sans sourciller, Qu'il n'y avoit chose en la France Dont je n'eusse l'expérience,

Comme luy ferois apparoir.

Et tout premier luy fis sçavoir

Que je besongnois de cousture

En draps de soye, en garniture

D'habits pour les petits enfans,

Filles, garçons, moyens et grands,

De tous aages, en toutes modes ;

Chausses, pourpoints, cottes et robes,

Bonnets, jupes et chapperons^

Ne peut chaloir, carrez ou ronds.

Et fusse pour des damoiselles.

Et toutes sortes d'ativelles,

Comme ils me voudroyent demander.

Il ne me faut rien commander

De ce qui despend du ménage:

De bien fiUer je sçay l'usage.

Lin, chanvre ou soye, ce m'est tout un,

M'estant cela aussi commun

Comme d'avaller une fraize.

De ces coUetz à la grand laise,

En allemande ou renversez,

Ou bien de ceux qui sont plissez

Tant par devant que par derrière,

Il n'y a plus gentille ouvrière

Pour les accommoder que moy;

Il n'en faut point avoir d'esmoy;

J'en besongnc comme de cire.

Quant est de bien lire et escrire,

Maistresse en suis, chacun le sçait,

Et n'y a maistre si parfait

Qui m'en sceust monstrer quelque chose ;

De composer en rime, en prose,

Je n'en craindrois pas un Ronsard,

Estant si parfaicte en mon art

Que rien n'y a que je ne face :

Carder cotton, broyer filace,

Tailler, filer or et argent,

Tant qu'homme n'a si diligent

Qui mieux que moy sçache l'affaire,

Et chose n'a si nécessaire

Que je n'entende près ou loin.

Je sçay servir en un besoin

De matrosne et de sage-femme,

Traitter l'enfant, dresser la trame

Pour ourdir toilles et coustils,

Deffaire et reffaire les licts,

Les tourner, remuer la plume,

En un besoin servir d'enclume

Pour batre dessus chaud ou froit, Le mol faire devenir droict.

Et faire d'un gros deux petits.

Pour rechercher mes appétits Et les trouver en la cuisine, Je sçay comme cela chemine Et comme il en faut exploiter.

Je sçay marchander, achepter Toutes sortes de marchandises, Empeser collets et chemises Et les godronner bien et beau.

Rien n'y a, tant soit-il nouveau, Que je ne sache contrefaire.

Je sçay broder^ je sçay portraire Tant sur toilles que sur papier, Nettoyer, laver, essuyer, Escurer potz, platz et escuelles.

Et fourbir bancs, tables, scabelles, Mettre tout le mesnage à poinct.

J'entens par cœur le petit poincr, Le grand et celuy de Hongrie, En carreaux et tapisserie, Et cognois tout ce qui en est.

Pour tenir le petit cas prest

Lorsqu'il y aura compagnie, Cela ne me rend esbahie :

Car je sçay fort bien mon mestier, Et la cuisine approprier De ce qui sera nécessaire, Toutes sortes de sausses faire Pour aiguiser les appétits ; Cuisiniers, tant soyent-ils subtils, Au prix de moy rien n'y entendent.

Tous ceux qui montent et descendent Ne sçavent pas ce que je scay.

Je me bailleray à l'essay Deux ou trois jours, si on a doute Que je ne fasse, quoy qu'il couste, Tout ce que j'ay dit, encor mieux; Et ceux seront assez heureux Qui m'auront en leur compagnie.

Je sçay bouter dans la trémie, Sasser, bluter, paste tourner En pain, et le tout enfourner; Et si fais pastés et gallettes, Thalemouzes et tartelettes, Tourtes, flancs et casse-museaux, Formage à la cresme, tourteaux,

Et toutes sortes de potages ;

Faire ballets pour foeter pages

Et laquets, lorsqu'ils ont failly.

Avec du cresson de Cailly

Et puis quelques herbettes fades,

Feray cent sortes de salades

Pour rejouyr les compagnons.

Je sçay accoustrer champignons^

Truffes, panets, courges, concombre,

Mettre mon petit cas à l'ombre

Si la chaleur du feu m'espoint;

Puis le corps blanc, fait en pourpoint^

Je mets pour servir en la chambre,

Où, s'il advient que quelqu'un entre

Pour voir ma maistresse à couvert,

La révérence à cul ouvert

Je fais, comme je suis tenue.

Je la voy souvent toute nue,

Mais c'est tout ung d'elle et de moy ;

Vray est que je suis en esmoy

Quelquefois quand j'oy la couchette

Qui souvent crie et caquette,

Et que je n'en ose approcher.

Pour porter mon maistre coucher,

Je suis, Dieu mercy, assez forte,

Et garder au besoin la porte

Si quelqu'un vient madame voir.

Rien ne manque de mon devoir

En ce qui dépend de ma charge.

Si madame va en voyage

Et soit huit jours sans revenir,

En cela n'y a que tenir;

Q^ue si monsieur veut en sa place

Me retenir, que je ne face

Aussi bien qu'elle ce qu'il fault.

Soit pour coucher en bas, en haut,

Au grand lict, en la garde-robe^

Mettre bas cotillon et robe,

Cela vaut jà autant que faict.

Sil vient quelqu'un pour autre effect

Voir monsieur, pour jouer et rire

Après soupper, et se déduire,

J'ay cartes, tarots et des prests

De toutes sortes, propre et nets,

Pour jouer au gay, à la prime,

Au flux, au pair, à la centaine,

Au glic ou bien au passe-dix,

A la raflfle, où maints estourdis

Laissent bien souvent de leurs plumes ; Puis, suyvant les bonnes coutumes, Geluy qui gaigne conte tout; Or c'est là que je tiens mon bout, N'y espargnant point la chandelle Pour esclairer celuy ou celle Qui gaigne, afin d'y avoir part; Puis, sitost qu'ils ont fait départ^ Et que monsieur^ aussi Madame, Sont retirez, il faut la dragme Pour boire avant de me coucher.

Je n'ay que faire d'en cercher, Car, ayant la clef de la cave, Ne seroy-je pas bien esclave Si je n'en buvais du meilleur r Donc, m'ayant eschauffé le cœur •l'en dors un peu plus à mon aise.

Le matin, j'accoustre ma braise Et mon bois pour faire du feu.

Cependant je desjeune un peu Avant qu'accoustrer ma marmite, Où, la chair estant demy-cuitte, Soigneuse suis de l'escumer Et ia graisse très bien tirer,

Dont je fais de belles potées, Qui sont puis après transportées Et bien vendues à mon profit.

Quant est du beurre, cuit ou frit, Morceaux de lard, bouts de chandelles, Leveures, restants de bouteilles, Cela est confisqué pour moy.

Si quelqu'un se plaint, j'ay de quoy Le payer en belle monnoye.

Quelquefois j'ay peur qu'on me voye, Parquoy j'y vais plus doucement.

J'ay le plus bel entendement Que servante qui soit en France ; Car, si j'ay de linge souffrance, Soit coiffes, chemise ou collets, Couvrechefs, mouchouers douillets, Ne m'en donne guère de peine.

Ne voulant rien qu'une semaine Pour m'en fournir ce qu'il m'en faut, Et, pour sçavoir que l'aune en vaut, J'attens qu'on face la lessive, Où, avec une main hastive, Je grappe ce dont j'ay besoin; Soit salle ou blanc, de chanvre ou lin,

Ne m'en chaut, car tout m'est propice ;

Je n'y songe point en malice,

Car ce n'est que m'accommoder.

Puis, scachant qu'il me faut vuider

Le logis sans point de remises,

Pour vestir deux ou trois chemises

Et faire ma dernière main ,

Je n'attens point le lendemain :

Je fais mon pacquet de bonne heure.

Il ne m'en chaut où je demeure,

Car je me trouve bien partout;

Soit que sois couchée ou debout,

Je n'en fais mise ny recepte.

Au reste, d'estre sardinette,

Faire le musequin friant

Et monstrer visage riant

Pour avoir l'amour de mon maistre.

Je sçay quants points il y faut mettre, .

Car je ne m'en trouve que mieux.

S'il advient qu'il soit un peu vieux

Et j'apperçois qu'il me reguarde,

Tout soudain je jette une œillade

Affin de le mettre en humeur;

Puis, voyant qu'il y a le cœur

Et qu'il me monstre bon visage, Pour bien jouer mon personnage, C'est lors que je desploye mon art Pour tirer de luy, tost ou tard, Soubz ombre d'une amitié feinte, Quelque demy-ceint ou estreintc Pour me faire mieux valloir.

Ce fait, je me mets en devoir De faire plus la reserrée Qu'une mulle bien reparée Qui aura servi cinquante ans.

Ce pendant je passe le temps, Attrapant tousjours quelque chose, Et ne fais point cecy sans cause, Car il m'en vient un grand profit ; Et, si cela ne me suffit Et il advienne quelque foire, Lors je rafreschis la mémoire Au sire ou aux clercs : c'est tout un. Je tire une bourse de l'un, Des cousteaux et ciseaux des autres, Un tablier ou des patenostres, Ou quelque autre petit joyau.

Pour récompense, à leur oyseau

A LOUER. i3

Je preste mon auget pour hoire, Et puis, pour achever l'istoirej Nous buvons ensemble et du bon^ Avec un morceau de jambon.

Puis je retourne à ma besogne , Et, si madame alors me grongne, Je m'en vay de l'autre costé; Car, tant l'yver comme l'esté , Jamais on ne me trouve oysive.

Puis, s'il faut couUer la lessive Et mettre le pissot à point, Je n'y faudrois pas d'un seul poinct : Je sçais cela comme ma game.

Pour ployer le linge à madame, Tant so't-il délié et fin , De toile d'atour ou fin lin, Je passe en cela toutes dames Quand est du passetemps des dames, Du forçat plaisant et trictrac, Et autres jeux, j'en sçay le trac.

D'envoyer hommes à l'escolle Point ne me faut de protocolle , Car je sçay mon roole par cœur.

De fait, homme n'a, tant soit seur,

Qui mieux que moy cela entende.

Je couds, je descouds, je desbande ; Je taille robbes de grands prix.

Je sçay conjurer les esprits Qui courent de nuict par la rue; Et, quand mon esguille est rompue, Je m'ayde du cul proprement.

Quand est à danser lestement La volte, courante et gaillarde, La plus habille et fretillarde N'y entend rien au pris de moy, Et aux nopces, comme je croy, Servante n'a qui mieux l'avance; Ny qui entende la cadance Des instrumens comme je fais.

Je ne désire que la paix , Je ne demande point de guerre ; Vray est que, si quelqu'un m'enserre Entre deux huis en se jouant, Et me promette, auparavant, M'espouser sans aucune fainte, Passer sans flux pour uneattainte, Il n'y perra le lendemain.

Pour faire tissu à la main.

A LOUER. i5

Ruhen, parement, esguillettes , Lassets de couleur, cordelettes, Sur le boisseau, sur le mestier.

Le plus seur et habille ouvrier Au pris de moy n'est qu'un novice.

D'estre chambrière et nourrice , Pour moy, on n'en manquera point.

Advenant qu'on me trouve à point.

En quelque banquet, nopceou feste.

Et il faille faire la beste , Le petit bec, le con sucré, A quelque pigeon eschancré, Plus fine n'a, ny plus rusée; Et, pour coeffer en espousée Quelque fille et la mettre à point, Et luy vestir robe et pourpoint, Ou l'habiller en damoyselle, J'ay, grâceà Dieu, bonne cervelle Pour en venir à mon honneur.

Puis, s'il y a quelque seigneur Ou autre qui, brusquant fortune.

Ait gaigné quelque bonne prune Pour mal coucher, soit bas ou haut, Avecques un bon grez tout chaut

i6 CHAMBRIÈRE

Et autres drogues nécessaires, Fort propres pour telles affaires, Le rendre sain, gaillard et gay.

Vray est que, comme un papegay, Fauldra qu'il porte mes livrées , De verd et de gris divisées, Pour quelque temps sans se fascher; Et ne faut en France cercher En ce fait femme plus habille, Ne qui manie mieux l'esguille Pour tricoter chausses, bonnets , Bas d'estame propres et nets , CamisoUe de soye ou laine, Ny qui, avec plus longue haleine, Chalume mieux au pot que moy.

S'il faut babiller, j'ai de quoy Me revenger, fusse en la rue Vendre poisson, trippe, morue, Fruict, orenges, raves, citrons, Asperges, grenades, marrons, Cardes, artichaux et salades. Au besoin traicter les malades Et tout ce que besoin sera.

Et, si quelqu'un doute, il verra

Comme je sçais unguens dissoudre Et faire fards, pommades, poudre, Pour tenir visage et teinct frais ; Encores fais-je à peu de frais Toute sorte de médecine; Je sçay relever la poictrine , Chasser chancre et guarir des dents Et plusieurs autres accidents, Ce que beaucoup ne sçavent faire ; Je sçay bien bailler un clistère Et l'accommoder comme il faut, Faisant parler, sans nul défaut , Les sansonnets, merles et pyes ; Au besoin oster les pépies Aux pouUets et autres oyseaux , Faire tissus, faire reseaux, Faire gands et bourses de laine , Plotons, esteufs, prenant grand peine De besongner selon mon art.

Lever matin et coucher tard.

Estant mes choses esquippées , Je vois habiller des poupées Et coeffer bien mignonnement, Que je porte après gentiment

Au marché ou bien à la foire.

Après je fais de la cottoire, Canetille et du poinct coupé, Boutons pour yver et esté De toutes façons beaux et lestes; Puis je fays estuys à lunettes, Ceintures, et brode chapeaux; Je sçay faire brides à veaulx , Préparer baings dedans les cuves, Fort bonne barbière d'estuves Pour raser et tondre le cas.

Je n'ay que faire d'advocats :

Je sçay par cœur loix et coustumes.

Je sçay enjoliver les plumes, Cordons, pennaches etmirouers.

Je sçay cent mille sortes d'airs Et chansons, je joue de la harpe.

De faire tout je fais bravade.

Je faisandouilles et boudins , Voire plus mieux que mes voisins Chaircuitiers qui soient en France; Qui en voudra l'expérience, Pour moins que rien le feray voir, Et, qui plus est, je fais sçavoir

Que, pour garder des accouchées.

Les rendre traictées et chaufiées,

Leur petit cas raccommoder,

11 ne m'en faut rien commander.

Je sçay tout le pro et le contre ;

Je ne veux point faire de monstre,

Car tout ce que Je dis est vray

Et, cependant que je vivray,

Il ne se trouvera servante

Telle que moy^ qui bien me vante

De faire, sans quelque séjour,

Plus de besongne en un seul jour

Que six ne sçauroient faire en quinze.

Pourveu qu'on rehausse mon linge ,

Je m'y emploieray fermement.

Je fournirois un régiment,

Tant me sens en mon fait experte.

Soit bien, soit mal, soit gain, soit perte ,

Je ne me soucie que bien peu.

Moyennant que je voye au feu

Tousjours cheminer la marmitte,

La broche avec la lèchefrite,

Et du reste gaudeamus.

D'aller, en esté, les pieds nuds.

L,es bras troussez en mesnagère, Vendre la marchandise chère, Poisson, chair, fruict, sallades, noix.

Et en esté febves et poix , En tous endroits ferrer la mulle Je ne cognois servante nulle Qui mieux que moy y sçache ouvrer, Et n"ay peur qu'on puisse trouver Qui mieux que moy nettoyé ou frotte.

Ne qui les habits mieux descrotte Que je faisj ne qui les ployé mieux.

Je sçay frisonner les cheveux.

Tresser, accommoder perruques, Coiffer en Flamandes ou Turques , Ou autre mode qu'on voudra, Filles, femmes, comme apperra, Quand viendra au fait et au prendre.

De peu gaigner et bien despendre, C'est le plus beau de mon mestier, Et si n'y a dans le cartier Servante qui mieux se gouverne, Quand il faut faire à la taverne , Que moy, qui en sçay tous les traicts. Pour sortir le vin, faire apprects,

Mesler le blanc avec le rouge.

Laver drappeaulx, porter la courge, Degresser robes et bonnets, Tenir enfans propres et nets, Les mener jouer par les rues, Cloistres, moulins, ausquels sont veues Maintes servantes aux caquets.

Je sçay bien faire des bouquets, Chapeaux de fleurs, de laine et soye; Je cognois fort bien la monnoye, Soit or, soit argent, soit alloy.

Je n'y vois qu'à la bonne foy :

Je ne trompe jamais personne.

De fait, avenant qu'on me donne Quelque chose de petit pris , Je ne le mets point à mespris, Me contentant à peu de chose.

Quand est de ce que dire n'ose.

Je le preste assez voluntiers, Ne demandant jamais le tiers.

Quand je veux remuer mesnage, Je fais tout si bien que c'est rage Que d'ouyr parler démon fait; Je fais le fait et le desfait ;

Je housse, je cours, je tracasse, Tousjours soigneuse à la bezace, Q^uand il faut aller par pais.

D'une chose je m'esbahis, Qu'on ne trouve point ma pareille, Et croy que d'icy à Marseille N'y a une telle que moy.

Je ne me tiens pas à recoy, Tousjours je besongne et sans cesse, Tousjours à la première messe , Afin de desjeuner matin.

Quelquefois, quand mon avertin Me prend, je fais de la diablesse; Défie que maistre ni maistresse Ne m'empescheront de crier.

Cela passé, s'il faut crayer La vaisselle et fourbir le reste, Lors je remets ma bonne teste Et besongne comme devant.

Mais si madame, au demeurant, N'en veut endurer et me tance , Je n'en fais point plus grand instance; Je luy fends les pieds, et m'en vois, Quelquefois sans pile ny croix ,

Quelquefois aussi bien garnie De ce qu'il faut; puis, s'il m'ennuye, Je chante et dance quand je veux.

Autant me sont jeunes et vieux , Pourveu que sois à ma plaisance.

Or qui me voudra, qu'il s'avance De me louer bien vitement, Ou je déclare appertement Que je m'en vay d'icy à Nantes, Où l'on m'a dit que les servantes Sont bien recueillies en tout temps.

Et cependant, passant le temps , Je m'en vay faire un tour de ville , Gerchant quelque dame gentille Qui me donnera à disner.

Au fait, si je n'en puis trouver, Au logis me viendray retraire, Criant : « Chambrière à tout faire ! »

FIN

Par Cristojle de Bordeaux^ Parisien.