I. Imp. : rececepvoir. — 2. Imp. : capas

ET Recouvrement de Messieurs. 24^

ledit Seigneur Grant Maistre luy avoit ordonné de compagnie, et guères ne fust qu'ilz eurent passé ladicte rivière, qui est, quand il y a marée, en celuy endroit d'ung bon demy quart de iieue de large, et, avoir fait ' la révérence "■ à mcsditz Seigneurs les Daulphin et Duc d'Orléans, desquelz, de grant joye et pour fin, ce croy, de leurs peines et malheurs, lesditz Conte de Tende et Cardinal deTornon reçeurent un recueil entremêlé de tendres larmes.

Hz entrèrent après dans ledit Fonterrebye, pour aller amener ladicte Dame et accompaigner jusques en leur bateau, mais ilz la rencontrèrent sur les degrez de son logis, qui s'en venoit joyeusement et délibérée, monstrant de plus en plus le très affectionné désir qu'elle avoit d'arriver et se trouver en France^. Lors, avoir' premièrement à ladicte Dame rendu l'honneur et obéissance telle qu'il appartient c, ledit Seigneur Conte de Tende, en bien peu de parolles, mais de telle éloquence et faconde proférés que mieulx n'eust sçeu l'eslégant escripvain Bocasse ou le grant Arpinate-Cicéron, bien honnorablement la reçeut d.

Puis la print d'ung costé et ledit Révérendissime Cardinal d'ung aultre et la conduysent jusques au lieu oiJ encores estoyent mesdictz Seigneurs les Daulphin et Duc d'Orléans, lesquelz , pour la briefveté et deffaillance du temps, firent seulement la révérence à la Royne, laquelle les baisa d'ung si fervent amour etdiliection^ qu'elle arrousoyt sapollye face de grosses larmes, en leur disant semblables

a. Font la révéïence à Messieurs.

b. Le désir de la Royne d'ai river en France.

c. Obeyssance rendue à la Royne par lesditz Conte de Tende et Cardinal de Tornon.

d. Réception de la Royne par le Conte de Tende.

e. Accueil de la Royne à Messieurs.

!. Au sens de après avoir. — 2. Iinp. : Corpinaie.

244 Venue de la Royne

motz : « Allons mes enfans, allons en la terre féconde du Roy vostre père. » Lors ledict Connestable fit entrer mesditz Seigneurs dans ung basteau « rien moins garny de très bons et bien expers mariniers que celluy dudict Seigneur Grant Maistre ; aussi ledit Connestable y entra avecques douze de ses Gentilzhommes. Ladicte Dame fut menée par les susditz Conte de Tende et Cardinal de Tornon dedans leur dit bateau'j, ouquel pareillement ilz entrèrent avec les Damoyselles de ladicte Dame, semblablement les susditz douze Gentilzhommes Françoys, et autant de Gentilzhommes Espaignolz, et de mariniers et de pillotes, et, avant que le tout fut prest, ledict Seigneur Grant Maistre, avecques sesditz Gentilzhommes eut demeuré tousjours attendant en son bateau sur ladicte rivière, ung traict de pierre du bort bien une demye heure.

Et, à l'heure que les bateaulx de la Royne et de Messieurs commencèrent à départir c, il n'eut point la pacience d'atendre qu'ilz fussent autant advancez que le sien, mais faisoit voguer le plus vite qu'il estoit possible. Après, voyant que sondit bateau estoit jà bien près du pontal sur lequel se devoit faire la délivrance de mesditz Seigneurs et que les autres n'en aprochoient encores à la moytié près, ains qu'ilz venoient si lentement qu'ilz sembloyent ne bouger d'une place, ledit Seigneur Grant Maistre, marry de ceste cautelle, fit arrester sondit bateau jusques que les autres furent presque autant advancez.

Et, pour ce que par ceste longue attente il luy tardoit, trop plus que ne te sçauroye dire ne escripre, et que lesditz basteaux de la Royne et Messieurs continuoyent aller tout bellement, pour

a. Messieurs entrent dans leur bateau.

b. La Royne dans son bateau.

c. Les bateaulx de la Royne et de Messieurs déparient.

ET Recouvrement de Messieurs. 245

monstrer qu'il vouloit tousjours estre le premier à mettre à exécution ceste bonne œuvre pour le désir qu'il avoit de la parfin, il fist tellement voguer ses mariniers et pillotes que son basteau fut plustost audit pontal que n'eust esté oiseau qui voile bien viste, et là attendit-il la venue des autres basteaulx, lesquelz aussi arrivez", et, aprèsqueceluydudit Seigneur Grant Maistre eut abordé ung costé dudit pontal, qui estoit à travers ladicte rivière, et celuy où estoient mesditz Seigneurs, et ledit Connestable eut aussi semblablement abordé l'autre costé d'iceluy pontal au droit de Fonterrebye, ledit Seigneur Grant Maistre, voulant tousjours monstrer audit Connestable la franchise et générosité de son cueur, fut bien content de commencer à sortir de son basteau et monta sus ledit pontal, ou meilleu duquel et à travers d'icelluy avoit une barrière qui venoit à la ceinture d'ung homme, et se met au droit de là où il avoit abordé, et autant en fist de son costé ledit Connestable, et, ayant chascun d'eulx ung roulle de leurs Gentilzhommes *. Ledit Seigneur Grant Maistre se contenta aussi de commencera faire sortir l'ung des siens, lequel monta et passa sur ledit pontal par la part où estoit ledit Seigneur Grant Maistre, et descendit ou bateau ouquel estoient mesdictz Seigneurs et ledit Connestable , lequel incontinent fit pareillement sortir ung des siens, passer sur ledit portai par la part où il estoit, et entrer dans ledit bateau ouquel estoyt venu ledit Seigneur Grant Maistre, et ouquel estoyt l'argent, et en ceste manière de leursditz Gentilzhommes, qui estoient, comme dit est, xii de chascun costé, fut fait l'eschangec. Et lors ledit SeigneurGrant Maistre

a. Tous les bateaulx arrivez au pontal.

b. Monsieur le Grant Maistre et le Connestable montez au pontal.

c. Le eschange des Gentilzhommes François et Espàignolz.