Venue de la Royne
entra aussi dedans le bateau où estoyent Messieurs, et ledit Connestable dans celuy ouquel estoit l'argent ".
Finablement, après que les Gentilzhommes Espoignolz*, qui estoient ou bateau de la Royne, furent aussi entrez oudit bateau de l'argent, tous lesditz bateaulx * en ung mesme instant se départirent, et chascun de son costé tiroit à bort; mais se n'estoit pas en si petite diligence que à l'aller, car oncques ne vis ne ouy parler de nef ayant vent en pope, de galées les mieux équipées qu'on sçauroit deviser, ne d'autres navires quelconques, soit à rames, à voile, ou autrement, qui allassent si viste que faisoient lesditz bateaux c, autrement ditz gabarres, et aussi tost furent à bcrt les ungz que les autres.
Alors de tous costez redondoit ung si grant et merveilleux bruit de la hacquebuserie qu'on n'eust pas ouy Dieu tonner d Vray est que, pour la proximité de la nostre qui depuis le matin n'avoit encores tiré ung seul coup [par] le commandement dudit Seigneur Grant Maistre jusques à l'heure qui sembloit que tout deust parfonder, aussi pour le bruyt des tabourins de Souysse, qui estoient en nos dictes compaignies et gens de pied, ensemble des fifres, trompettes, clérons et d'autres instrumens, qui lors commencèrent à faire un bruyt qui bruioit à merveilles, la pareille démonstration de joye que faisoient les Espaignolz, estans delà ladite rivière et sur le bort et dens ledit Fonterrebye, ne povoit bonnement estre ouye.
a. Monsieur le Grant Maistre entre ou bateau de Messieurs, et le Connestable en celuy ouquel estoit l'argent.
b. Le départ de tous les bateaulx.
c. Lesditz bateaux tirons chascun à son bort à grant vogue.
d. Bruit de la hacquebuserie.
I. Curieuse faute d'impression qui montre une fois de plus l'identité de prononciation entre Yoi et Vai.
ET Recouvrement de Messieurs. 247
Bien voyoit l'on ce que c'estoit, [par] à l'entréede la nuit, une multitude de lumières, que faisoient faire les morces de leurs hacquebuz, si très grande qu'il sembloit oudit Fonterrebye estre le feu semblable à celuy qui ardoit le grant cité de Troye, et aussi nos ditz hacquebusiers, qui avoient ledit Seigneur d'Esté ' ou droit de Andaye sus la montaigne, monstroient faire de sorte que ce me représentoit les haulx mons ardans de Cécille. Et ainsi que lesditz bateaux de la Royne et de Messieurs aprochoient du pont du bort pour descendre, Viscontin et Valfermère-, les plaisantins du Roy ", entrèrent dans ladicte rivière jusques à leurs chevaulx, tout couvers d'eaue, comme s'ils vouloient aller au devant desditz bateaulx, en criant « France, France », que fut une voix de tous les assistans redoublée jusques que ladicte Dameetmesdictz Seigneurs furent descendus à terre *, et, sans plus d'arrest, voyant l'heure desjà tarde, ladicte Dame monta en sa litière couverte de drap d'or frisé , riche et sumptueuse , et , combien que mesditz Seigneurs fussent déjà à cheval, chascun d'eulx sus une belle petite hacquenée^, néantmoins ladicte Dame, leur ayant amour maternelle, les voulut avoir dans sa dicte litière «.
Quoy fait, soubdain je vy ledit Seigneur Grant Maistre et les Seigneurs et autres Gentilzhommes de
a. Les plaisantins du Roy.
b. La Royne et Messieurs descenduz en France.
c. Amour maternelle de la Royne à Messieurs.
1. Alphonse V d'Esté, né en i486, mort en 15 54-1' prit part à toutes les guerres d'Italie et fut presque toujours l'allié des Français. Il avait épousé, en 1502, la fameuse Lucrèce Borgia.
