I. Imp. : bellee

202 Epistre d'ung Amant

Pour seullement les tiens désirs parfaire,

Et, sans faillir à tes mandemens plaire,

Pour te donner esbas, joye et lyesse;

D'ont maintenant j'en sue de destresse,

Veu que je y ay exposé maint salut <,

Et, qui pis est, j'ay laissé le salut

De ma pouvre ame comme ung homme follastre,

Non crestien, mais ung vray idolastre;

Car plus prisée je t'ay que nompas Dieu,

D'ont je souppire et pleure en chascun lieu,

Recongnoissant ma trop grande hérésie,

Mon dur vouloir et faulse fantasie.

Pour ceste cause, tout banny de soûlas,

A haulte voix pleurant, je crye : « Hélas!

« Mon benoist Dieu, quant de toy me recorde,

« Vueillez de moy prendre miséricorde. »

Vien ça, dur cueur, remply d'ingratitude, Tant seullement ayant folle habitude, Toute farcye de pure lascheté, Avecq l'infaiste^ déesse Faulceté, En quel pays, ou en quelle province, Quel gentilhomme, quel grand seigneur ou prince, Quel advocat, paige, clerc, procureur Quel mécanicque, ou rustault laboureur Eusse jamais^ peu trouver en ce monde Qui de vouloir et pensée immonde Eust renoncé la court célestielle Pour se servir'* à femme si cruelle?