I. Salut, pièce d'or au type de la salutation angélique

— 2. Peut-être faut-il lire ; infakte. — 3. Imp. : jamnis.

— 4. Au sens de s'asservir.

HABANDONNÉ. 20^

Qui eust commis son infortunée ame Entre les mains de si mauvaise femme, En grand dangier, comme une ame perdue, Estre au gibet de Pluton, estandue ?

Je croy que nul n'eust voulu tant forfaire Envers son Dieu, pour à toy satisfaire Comme j'ay faict, dont feray pénitence, S'il plaist à Dieu, et pour ma recompense M'a[s] mis derrière; c'est ung merveilleux^ compte. Aulcunement de moy ne faisant compte, Tu m'as laissé, pour plaisir ailleurs prendre Où mieulx y a, par adventure, à prendre. Tu m'as laissé, quant m'as veu en dangier. Comme si j'eusse esté ung estrangier.

Plongé en larmes, venantes de ma teste. Ne plus ne moings que si j'eusse esté beste. Non congnoissant ta faulceté trop grande ; Cueur n'est si bon qui de douleur n'en fende. Tu m'as laissé, allors que je pensoye Avoir de toy sempiternelle joye. Fondant en pleurs et en gémissemens, Oultré de dueil et de encombrement, En une fosse qui est dicte Tristesse; Mais j'ay esté en cruelle destresse.

Par toy, ma dame, qui t'est grosse laidure. Sans regarder ta grande forfaicture, Lyé des chaînes du meschant desespoir.

Desquelles yssir je n'ay jamais espoir, Sans que Atropos ma pouvre vie termine. Ou mon corps mecte avecques la vermine

!. Imp. : mervikux.

204 Epistre d'ung Amant

De !a maison de Cérès terrificque, Par ung mortel accident horrificque.

Parquoy concluz, o Dame impitoyable, Tu as fait œuvre' qui est trop misérable De m'avoir mis en estât si villain.

Las ton vouloir fut par trop inhumain Me faire mal, sans l'avoir mérité; Mais, puisque ainsi ta grande iniquité Me parforce que tellement je meure.

Je te supply point ne - faire demeure. En récompense du ma! que j'ay pour toy, Affin que l'on se souvienne de moy.

Dessus ma tombe cette épitaphe mettre, Qui n'est pas faict de la main de bon maistre, Mais, quoy que soit, faict fut en son bon sens, Tendant ad ce qu'il fust veu des passans. Qui s'amuser vouldront à cestuy lyre; Tel te l'envoyé, assez perfumé d'ire: