VII

Royne d'Angleterre , mais que ce soit doucement et bien à propos, sans l'aigrir ny luy donner nouveau soubçon, tout ce que vous pourrés pour elle , espérant que la paix sera bientost establie en son royaulme parmi ses subjectz , et que Dieu luy faira la grâce que icelle Royne d'Angleterre, voyant sa constance , s'adoucira et faira pour elle mieux que nous n'avions pensé jusques icy. Je vous prie d'escrire souvent au Sr du Croc et à Yérac , et me mander, chasque fois que vous m'escrirés, en quel estât ils seront; priant Dieu, etc.

Ëscript à Paris, le xxejour de juillet 1572.

CHARLES. pinart.

LE ROY A Mr DE LA MOTHE FÉNÉLOiV.

— du ixe jour d'aoust 1572. —

Négociation du mariage. — Réponse d'Elisabeth sur la mission de M Mrs de Montmorenci et de Foix. — Explications données par Walsingham. — Désir du roi que la négociation soit continuée , alors même qu'il resterait peu d'espoir de la voir réussir. — Recommandation pour que le traité concernant le commerce s'achève. — Instances de Marie Stuart afin qu'il soit permis à quelqu'un de sa maison en France de se rendre auprès d'elle.— Nouvelles assurances de la protection du roi en sa faveur. — Affaires d'Ecosse. — Nouvelles de Flandre. — Intention du roi que l'ambassadeur pousse Elisabeth à déclarer la guerre au roi d'Espagne. — Prochain mariage du roi de Navarre avec Madame.

Monsieur de La Mothe Fénélon , j'ay eu fort agréable la façon de laquelle vous vous estes comporté despuis le partement du duc de Montmorency, mon beau frère, et du Sr de Foix, mon cousin, en la négociation du traicté du mariage de la Royne d'Angleterre , ma bonne sœur et cousine, avec mou frère, le Duc d'Alençon, ayant eu grand plaisir de voir par voz lettres les honnestes et véri-

tables persuasions que , sur celia , vous avés , comme je vous avois escript , faictes de ma part , et de la Royue, Madame et Mère, et aussy de mon dict frère d'AIençon, à la dicte Royne, ainsi que j'ay veu par vos dépesches des xxe, xxije et xxixe du moys passé l que j'ay receues, les deux premières par l'ordinaire, et l'autre par Vassal, présent porteur ; lequel , oultre ce que par voz dictes lettres nous escrivés bien particulièrement, a fait encore verballement entendre à la Royne, Madame jet Mère, ce que luy aviés donné charge nous dire , et qu'il a apris en cest affaire , négociant avec le milord de Burgley, toutes les foys que l'avés envoyé vers luy pour cest effaict; ayant trouvé le tout fort conforme à ce que le Sr de Walsingam déclara, hier au matin, au dict duc de Montmorency, mon beau frère, luy baillant unehonneste lettre de sa Maistresse, faisant mention de la responce que nous attendons d'elle sur le propos du dict mariage ; dont aussy le dict ambassadeur en manda aultant au dict Sr de Foix par son secrettaire, leur monstrant les lettres que icelle Royne, encore qu'elle n'ait acoustumé d'escrire à ses ambassadeurs, luy en avoit néantmoins voullu escrire elle mesme sa délibération, à cause de l'importance de l'affaire; ayant le dict ambassadeur présentement, en l'audience que nous lui avons donnée , faict entendre à la Royne , Madame et Mère , vers laquelle il est allé premièrement, pour ce que je disnois , faire entendre la responce que nous faisoit sa Maistresse au dict propos de mariage ; et nous l'a déclaré en mesmes termes qu'il avoit dict au dict duc de Montmorency et mandé au dict Sr de Foix , conformément à

1 Voyez cclxiv*, cclxv* et cclxvi" dép., tom. ▼, pag. 57, 62 et 65.

ce qui lui étoit prescript par la première lettre qu'il avoit receue de sa Maistresse ; qui est du xxije de juillet, laquelle contient, comme il nous a dict, que :

« Pour la grande inesgalité de l'âge d'entre elle et mon dict frère d'Alençon, il n'estoit possible que les choses se peussent faire et réheussir comme elle eût bien désiré pour son contentement et le nostre ; mais qu'elle nous prioit que, ne se pouvant faire , pour ceste légitime occasion , cella ne feust cause de diminuer aulcunement nostre amitié ni altérer nostre dernier traicté , et que , de sa part , elle y persévérerait et continuerait de tout son pouvoir sans y rien espargner. »

Et, poursuivant son propos, nous a dit que, par l'aultre lettre que luy a escripte la dicte Royne , sa Maistresse, despuis l'audience quelle vous avoit donnée, en laquelle luy présentastes et fistes voir les lettres que , de si bonne affection , je luy avois escriptes de ma main , et aussy la Royne , Madame et Mère , et pareillement mon dict frère d'Alençon, de l'extrême désir qu'il avoit de luy faire servisse et méritter ses bonnes grâces , elle luy mandoit qu'elle eût bien désiré de voir mon dict frère d'Alençon , et que luy l'eût veue aussy; car, en telles choses , cella servirait beaucoup.

Sur quoy, suivant la résolution que nous en avons à ce propos prise, à ce matin , avec aulcungs seigneurs de mon conseil , qui ont toujours eu communication de cest affaire, la Royne, Madame et Mère, qui luy a premièrement donné audience, a, sur ce, respondu au dict ambassadeur, comme aussy ay je despuis, que, si nous sçavions et que luy cogneût que la dicte entreveue servît à nous donner le contentement que nous avions espéré et que nous desirons

encore en cest affaire , que nous voudrions très vollontiers que mon dict frère allât plus tôt aujourdhui que demain en Angleterre; mais aussy que, si la dicte Royne avoit changé la vollonté qu'elle et ses ministres vous ont dicte, il y a assés longtemps , qu'elle avoitdese marier, ou qu'elle n'eût agréable mon dict frère, que véritablement, se faisant en vain la dicte entreveue, que cella seroit cause certainement que nous aurions lors beaucoup plus grande occasion de mécontentement que nous n'avons à présent de la responce qu'elle nous a faicte , et peut estre que cella seroit cause de diminuer bien fort et altérer, possible, entièrement nostre amitié, laquelle, au contraire, nous espérions, le dict mariage se faisant , estre à jamais parfaicte et indissoluble par le moyen d'icelluy, comme , de vray aussy, seroit elle, s'il se faisoit, et .en recevrions, elle et nous, noz royaulmes et communs subjectz, un extrême bien; et considéré Testât auquel elle se peut retrouver en ses affaires et entre ses subjectz, j'estime qu'elle en auroit encore plus de commodité et de bien que nous.

Le dict ambassadeur, après y avoir un peu pensé , a supplié la Royne, Madame et Mère, que, sur cella, il luy pleut qu'il luy parlât en serviteur et non pas comme ambassadeur, car il n'avoit, pour ce faict , aultre charge que ce qu'il avoit dict. Il la supplioit que nous voulussions encore faire conduire cest affaire doucement, sans le rompre si soudain, et que, tousjours bien à propos , l'on en parlât sellon les occasions qui se présenteront, mesmes qu'il estimoit qu'il ne seroit que bon que j'escrivisse ou fisse dire par vous à la dicte Royne, et que la Royne , Madame et Mère, luy escrivît aussy plus affectionnément comme il luy est permis , estant mère , le grand désir et espé-

ronce que nous avons tousjours eue , despuis qu'elle vous avoit faict déclarer qu elle estoit résollue de se marier en maison royalle , qu'elle espouseroit mon dict frère d'Alençon ; et que, considéré encore le grand bien que cella apporteroit à ces deux royaulmes et à elle principallement, ses subjectz et pais , nous ne pouvons, la voullant parfaitement aymer, comme nous y sommes du tout disposés, si cella se faisoit , que nous ne le desirions encore infiniment.

Le dict ambassadeur monstrant d'estre très marri que nous n'en avions eu ceste fois aussy bonne responce que nous attandions, a faict croire à la Royne, Madame et Mère, et à moy aussy, qu'il y a fort grande affection que le dict mariage se fasse comme nous avons tousjours pensé de luy, pour ce que c'est le bien de sa .Maistresse et particullièrement de ses païs et subjectz ; mais aussy avons nous soupçonné, à l'instant, une chose où il y a quelque apparence, considéré ce que l'on vous a conseillé de delà, comme vous m'avés escrit : qui est de ne rompre pas du tout ceste négociation ; et sommes entrés en quelque opinion , voyant la contenance du dict ambassadeur, et considérant l'humeur et cœur de sa Maistresse, qu'elle nous pouvoit bien avoir faict faire ceste responce pour se revancher de celle qui luy feust faicte pour mon frère le Duc d'Anjou, affin que cella luy servit de quelque réparation, et que nous n'eussions, en ceste négotiation, rien plus qu'elle, estimant que, si l'on revenoit, d'ici à quelques jours, à remettre en avant, doucement et de bonne façon, le propos du dict mariage d'elle et de mon dict frère d'Àleuçou, qu'avec l'ayde de Dieu, qui est le directeur de telles œuvres, elle y entendra , et qu'avec les grandes occasions qu'elle a de se marier et les

persuasions et les dextérités dont vous saurés bien user en cest affaire , nous y verrons bientost quelque bonne espérance.

11 fault que vous travaillés à cella tant que vous pourrés; car, encore que cella ne se fit, combien que nous en ayons bonne espérance , sellon nostre grand et extrême désir, si fault il nécessairement que cessi nous serve, pour quelque temps, à entretenir nostre amitié et establir mes affaires. Et pour ceste cause , vous aviserés, Monsieur de La Mothe Fénélon , à vous conduire en cella de façon qu'encore que vousvissiés qu'il n'y eût aulcune espérance au dict mariage, d'en mener tousjours le propos honnestement , et en parler à la dicte Royne , et à ses ministres , de bonne façon , monstrant que nous y avons tousjours espérance et toute affection d'entretenir, de nostre part, envers elle, sincèrement nostre bonne amitié , et la fortiffier du tout par le moyen du dict mariage.

Je ne luy en escris poinct pour ceste heure , ni aussy la Royne; Madame et Mère, comme estoitd'advisicelluy ambassadeur, et n'y a que mon dict frère, le Duc d' A lançon, duquel je vous envoyé la lettre ouverte , que vous fermerés après l'avoir leue, pour la présenter et faire voir à la dicte Royne; et aussy, si vous voyés qu'il soit à propos, luy monstrerés celle qu'il vousescript affin que ce vous soit une nouvelle occasion de commencer à renouer et entretenir ceste négociation, pour laquelle nous verrons ce que La Mosle nous rapportera. Mais, quoy que ce soit, et en quelr que estât que puisse estre , à son partement , cest affaire, il fault , et je vous prie ne faillir, quand bien il seroit du tout rompu , et que verriés qu'il n'y auroit nulle espérance, de trouver moyen d'en entrettenir toujours doucement le

propos, d'ici à quelque temps ; car cella ne peut que bien servir à establir mes affaires et aussy pour ma réputation.

Il est aussy bien besoin que vous acheviés le faict et establissement du commerce sellon l'intention de nostre traicté; duquel j'ay receu la ratification que m' avés envoyée, faicte par la dicte Royne d'Angleterre en bonne forme , mais il est besoing que la dicte Royne envoyé au Sr Walsingam un pouvoir pareil à celluy que je vous ay dernièrement envoyé pour le faict de la dicte ratification ; car icelluy Sr de Walsingam n'en a poinct qui soit exprès pour cest e (Faict, à ce qu'il dict.

Gepandant je vous diray que, pendant que nous avons faict cette dernière saillie pour aller à la chasse, j'ay faict bailler à l'ambassadeur de la Royne d'Escosse, ma sœur, les deux longues lettres qu'elle vous avoit escriptes, ensemble tout ce que Derdoy a raporté , et que luy avoit baillé la dicte Royne ; et si, luy a dict, de vive voix, le dict Derdoy, tout ce qu'elle m'a mandé, et que j'avois donné charge au dict duc de Montmorency luy dire de ma part, de sorte que le dict ambassadeur est bien capable de toutes les intentions de ma dicte sœur ; laquelle désire , à ce que nous a dict le dict ambassadeur, qu'il pleut à la Royne d'Angleterre luy permettre que son thrésorier ou un aultre de ses gens, tel que l'on voudra choisir, soit gentilhomme ou aultre , eût saufconduict pour aller d'ici à elle , instruict de toutz les affaires des biens qu'elle a de deçà à cause de son douaire, affin de les luy faire entendre et luy en rendre compte , et sçavoir aussy, sur plusieurs choses qui en dépendent, son intention et vollonté. Je vous prie, Monsieur de LaMothe Fénélon, luy en parler à la première audience

que vous aurés, si vous voyés qu'il soit à propos , et que cella ne puisse préjudicier au traictement de ma dicte sœur, la Royne d'Escosse, ny aussy nuire au propos de mon dict frère le Duc d'Àlençon; car, comme vous sçavés, j'ay tousjours faictet veux faire pour elle ce\jue honnestement il me sera possible et avec telle discrétion que mes assistances luy servent à son bon traictement et à sa conservation.

Et, quand aux affaires d'Escosse, j'ay veu par la pénultiesme dépesche quem'avés envoyée du Sr Du Croc comme ils se sont battus du costé du Nort, et que le frère du duc de Hontelly a surpris ceux que le parti du Petit Lict avoit laissés en garnison du costé de Hambletons, qui a esté cause, avec les dilligences et persuasions que le dict Du Croq m'escriptpar la dernière dépesche avoir tousjours faictes de ma part, et le Sr de Drury avecque luy de la part de la Royne d'Angleterre, qu'ilz sont en termes de faire une suspension d'armes pour deux moys , pendant laquelle ilz accordent tous d'assembler les Estatz au païs, et faire une bonne paix. A ce que j'ay entendu, et comme le dict Du Croc mesme m'escript, ceux de Lislebourgne sont pas en si grande nécessité que l'on disoit, et ont encores bien bon moyen de résister, si la paix ne se faict entre eulx; pour laquelle j'escris encore présentement au dict Du Croc et aussy à Vérac qu'il fault qu'ilz travaillent tant qu'ilz pourront ; car c'est la chose qui est la plus nécessaire au dict pays , et que je désire aultant que si c'estoit pour mes propres subjectz.

Vous aurés, à mon advis , bien entendu la défaicte du Sr de Genlis i et de quelques françois , mes subjectz de la

' Voyez la note tom. v, pag. 4a.

nouvelle religion, qui s'estoient mis avec lui, et passés , sans mon adveu, en Flandres, ces jours icy; mais la deffaicte n'estoit pas si grande que Ton l'aura publiée par delà. Je vous eu ay bien voullu dire ce petit mot.

L'on croit que la guerre se faira bien fort en Flandres , mais ce ne sera pas de mon costé , si ce n'est que les Espagnol assaillent les premiers mon royaulme. II seroit bien bon pour mes affaires que la Royne d'Angleterre, qui a tant de moyens, s'y mist depiedzet de mains, et qu'elle pratiquât en Zélande et ez villes qui sont, de ce costé là, tant ses voysines. Si cella estoit, le prince d'Orange, qui marche droit vers Monts avec son armée , quand il aura en passant pris quelque argent et artilleries des villes maritimes, seroit bien plus asseuré et fort qu'il ne sera ; car il n'aura de mes subjectz de la nouvelle religion que ceux qui pourront s'eschaper à cachette. 11 sera très bon que vous contînmes accortement à eschaufer, tant que vous pourrés, ceste Royne à se déclarer ouvertement, s'il est possible , contre le Roy d'Espagne : car cella faira qu'elle désirera davantage et tiendra plus chère la conservation de mon amitié, et que plus aisément elle consentira aussy au propos du mariage d'elle et de mon dict frère d' Alençon, qui n'oubliera jamais , ny moy aussy, la peyne que y avés prinse et prendrés encore.

Les fiançailles de ma sœur avec mon frère, le Roy de Navarre, se fairont, avec l'ayde de Dieu, mècredy prochain , et les nopces lundy. Le surplus des nouvelles vous l'entendrés par Vassal présent porteur; priant Dieu, etc.

Escript à Paris, le ixc jour d'aoust 1572.

CHARLES. 1MNART.

cxn

LA ROYNE MÈRE A Mr DE LA MOTHE FÉNÉLON.

— du x« jour d'aoust 1572. —

Négociation du mariage. — Espoir qu'elle pourra être conduite à bonne fin. —Assurance d'une vive reconnaissance pour les soins donnés par l'ambassadeur à cette affaire.

Monsieur de La Mothe F en é Ion, ainsi que Vassal, présent porteur, estoit prest à monter à cheval pour s'en retourner, la despesche que nous aviez faict, de Brichil, le nje de ce moys1, est arrivée, laquelle j'ay aussytost veue, ayant eu plaisir de voir le contenu en icelle, qui me donne encore quelque espérance. En quoy je suis bien asseurée que vous ne perdrés une seule occasion de tout ce qui se peult faire en cella, pour nous faire avoir, s'il est possible, du friiict et contantement que nous en desirons de si grande affection, que vous pouvez, estant assuré que, si ce mariage se faict, vous nous aurés donné le plus grand contantement que puissions, pour ceste heure , désirer et espérer ; et dont . vous aurés telle rémunération que jamais gentilhomme ne Ta receu meilleure ni de meilleur cœur que nous la vous fairons. Et quand ejicores les choses ne succéderont si bien que nous vouldrons , sachant bien que vous vous y estes employé de la plus grande affection que se peult, nous ne laisserons de recognoistre vos bons services d'aussi bon cœur que je prie Dieu, etc.

Escriptà Paris, le dimanche, xe jour d'aoust 1572. CATERINE. pinart.

1 Voyez GCLXvu' dép., tom. v,pag. 76.

CXIIÏ

LE ROY A Mr DE LA MOTHE FÉNÉLON.

— du xxie jour d'aoust 1 572. —

Négociation du mariage.— Espoir de l'heureux succès de la mission de M' de La Mole. — Désir du roi que Leicester soit chargé de passer en France. — Protestation de reconnaissance envers Leicester. — Affaires d'Ecosse. — Célébration du mariage du roi de Navarre avec Madame. — Nouvelles de Marie Stuart — Charge donnée à l'ambassadeur de continuer toujours à solliciter pour elle. — Assurance que le roi ne s'opposera point aux projets d'Elisabeth sur Ftessingue.

Monsieur de La Mothe Fénélon, je receus hier seulement, à l'arrivée du Sr de L'Espinasse, venant d'Escosse, vos deux despesches des vije et xje de ce moys1 , et /ayant très grand plaisir d'avoir veu si amplement et particulièrement par icelles, ce qui s'est passé aux deux audiences que la Royne d'Angleterre, ma bonne sœur et cousine, vous a donnée sur l'occasion du voyage du Sr de La Mole; ce que j'espère, comme vous, servira bien à induire tousjours ceste princesse à entendre plus volontiers au mariage d'elle et de mon frère, le Duc d'Alençon, voyant qu'elle est recherchée de si bonne affection par mon dict frère, et que nous tous y avons aussi si bonne volonté pour rendre nostre amitié parfaicte et indissoluble ; ainsi que vous aurez veu par la despesche que vous avons faite par Vassal, et que le Sr de Walsingam , son ambassadeur , aura , de sa part , escript à la dicte Royne, sur la responce qu'elle nous a, (au bout du moys qu'elle avoit prins de terme) faict faire par mon beau frère, le duc de Montmorency, et le dict ambassadeur.

1 Voyez ccLxviir et gclxix' dép., tom. v, pag. 79 et 83.

J'estime que le dict Vassal et le courrier , que icelluy ambassadeur despescha sur ceste mesme occasion , seront arrivés bientost après vostre dicte despesche de l'unziesme à Quilingourt, et qu'estans auprès dicelle Royne les comtes de Lestre, de Sussex et de Lincoln, et aussi milord trésorier , il se sera faict quelque bonne résolution sur ce que icelluy ambassadeur aura escript que la Royne , Madame et Mère, et moy luy respondisrties du peu d' apparence qu'il y a que mon dict frère d'Alençon doibve aller de dellà, que premièrement il n'y ayt asseurance du dict mariage. Ce a esté cependant très bien faict à vous d'avoyr si dextrement bien introduict le dict de La Molle envers la dicte Royne et ceulx de sa court; et n'eust esté possible de se pouvoir mieux , à mon gré , comporter envers elle , sur l'occasion du voyage d' icelluy La Molle, que vous avez faict, comme j'ay veu par vos lettres. J'en espère quelque bon fruict, atandant en bonne dévotion son retour.

Et cependant je prens fort bonne estime de ce que le dict comte de Lestre persévère tousjours de vouloir venir par deçà se conjoyr de la part de la dicte Royne, sa Mestresse, avec moy de la naissance de l'enflant que j'espère que Dieu me donnera bientost , et que icelle Royne vous ayt dict qu'elle le y envoira si c'est un fils, en quoy je désire, soit que ce soit fils ou fille , qu'il vienne ; car, par cella congnoistra on s'il désire sincèrement le dict mariage , et aussi si la dicte Royne y est résolue > pour ce que, si ainsi est, elle voudra, comme j'estime , pour l'honnorer, luy faire faire le dict voyage, et luy l'entreprendra plus volontiers , pour avoir cest honneur de nous déclarer la volonté et les condicions que la dicte Royne désirera au dict mariage , et pour , par mesme moyen , captiver la bonne grâce

et amitié de mon dict frère d' Alençon , lesquelles ne luy manqueront poinct, ny toutes les bonnes volontés qu'il pourrait désirer et attandre de luy. Dont vous le pouvez asseurer que je veux estre et me constitue la vraye caultion de mon dict frère, et que je désire infyniement de le voir de deçà affin de le marier aussy et luy faire cognoistre , par un bon et grand effect, que je ne veux demeurer ingrat envers luy des bons offices qu'il a faicts, et que je me suis tousjours promis et si certainement assuré qu'il faira en cest affaire envers icelle Royne.

La Royne, ma femme, est en son huictiesme moys, et espère que, dedans peu de jours, nous yrons à Fontainebleau où elle faira ses couches ; et seroit bien à propos , pendant que serons là, si le dict mariage a à réussir, comme nous le desirons tous, que la dicte Royne s'en déclarast apertement affin que nous en peussions bientost voir la conclusion et résolution au voyage du dict comte de Lestre, que je desirerois qui partist au plus tard , dedans six ou sept semaines, pour venir icy ; et bientost après, se fairoit non seulemeut l'entreveue dont son dict ambassadeur nous a parlé de sa part, et elle à vous, mais la consummation du dict mariage.

Je vous ay tant de foys , par ci devant , escript les vifves et apparantes raisons qui luy doibvent , et à ses ministres, estre représentées du bien et commodité qu'elle recevra , s'il se faict, et vous m'en avez aussi, de vostre part, si souvent escrit, que je me remetz à vous pour en sçavoir user selon les occasions et ainsi qu'il sera à propos.

Je suis bien fort aise de la suspension d'armes accordée en Escosse, ainsi que m'avez escript, et que j'ay aussi entendu par le Sr de L'Espinasse, lequel je fairay renvoyer

incontiaaat que j'auray prins résolution sur sa despesche avec ceulx de mon conseil , que j'assembleray dedans un jour ou deux , après que les tournoys des nopces de ma sœur et du Roy de Navarre seront parachevez.

Il ne sera que bien à propos, si voyez bientost ma dicte sœur , la Royue d'Angleterre , de luy dire comme le dict mariage se feist fort sollempnellement , lundy dernier, en ceste ville , en la grande église Nostre Dame , et les festins et cérémonies , comme il est de tout temps accoustumé, aft palais et au Louvre; et qu'encores solempnisons nous, tous ces jours icy , les dictes nopces en tournois et allégresses , dont touts mes subjectz indifféremment se resjouissent 9 ainsi que je pense bien que son dict ambassadeur luy aura escript.

Je suis bien aise du retour de vostre secrétaire qu'aviez envoyé vers ma sœur, la Royne d'Escosse , et d'avoir veu par vostre lettre qu'elle se porte bien. Il sera bon que tousjours, quand verrez qu'il sera à propos, vous contynuyez tous bons offices pour elle, de ma part, envers la dicte Royne d'Angleterre et ses ministres.

Et, quant à ce que m'escrivez que l'on dict par dellà, que le Sr de Strossi avoit escript à ceux de Flexingues, encores que chascun aura bien cogneu despuis le contrayre, si suis je bien d'advis que, s'il vient à propos, quant parlerez à la dicte Royne, que l'asseurerez , ou ses ministres, que je ne la veux ni voudrois aulcunement empescher en ses desseins , et que, si elle y en a quelcung de ce costé là , qu'elle n'y sera aulcunement traversée de moy ni de mes subjectz, et ne faillyr de luy en donner toute assurance de ma part ; priant Dieu , etc.

Escript à Paris, ce xxje jour d'aoust 1572.

Par postule à la lettre précédente.

Monsieur de La Mothe Fénélon, j'escriptz un mot de lettre au Sr Du Crocq , lequel je vous prie de luy envoyer par la première commodité. Ce xxjc d'aoust 1572. CHARLES. pinart.

LA ROYNE MERE A M* DE LA MOTHE FÉNÉLON

— du xxr3 jour d'aoust 1572. —

Négociation du mariage.— Proposition d'une entrevue sur mer. — Affaires d'Ecosse. — Recommandation pour Marie Stuart

Monsieur de La Mothe Fénélon , considérant voz deux despesches des vije et xje de ce moys , je suis encore en quelque bonne espérance du "propos du mariage de la Royne d'Angleterre et de mon fils d'Alençon; en quoy je suis très asseurée que vous n'obmettrez rien de tout ce qui se peult , pour en voir la bonne et heureuse fin que desirons; aussi ne vous en fairay je pas longue lettre, me remettant à ce que vous en escript le Roy, Monsieur mon filz. Et seullement vous diray que, s'il y avoit quelque chose de bien commancé et asseuré au dict mariage , il serait bien fort aizé à Taire que la dicte Royne d'Angleterre, mon filz d'Alençon et moy, nous verrions avec seuretté, pour elle et pour nous, en un beau jour, bien calme, entre Roullongne et Calais et Douvres, ainsi que Ton pourroit aizément disposer toutes choses, comme nous en avons devisé amplement, mon cousin le duc de Montmorency et moy, car je n'ay pas moindre vollonté de la voir qu'elle moy, et que si elle estoit ma propre fille , ainsi que vous ferez entendre à ses ministres doulcement, et à elle aussi,

si voyez que bon soit , et qu'il se puisse espérer quelque bon succès du dict propos de mariage.

Cependant nous regarderons , ces jours icy, au faict d'Escosse, pour renvoyer incontinent le Sr de L'Espinasse, afin qu'ilz n'ayent pas seulement la suspension d'armes mais aussi une bonne paix entre eux , vous recommandant tousjours ma fille , la Royne d'Escosse , et priant de continuer, de ma part , quand il sera à propos , envers la dicte Royne d'Angleterre et ses ministres, les bons offices qu'avez accoustumé faire pour elle ; priant Dieu, etc.

Escript à Paris, le xxje jour d'aoust 1572.

CATER1NE. pinart.

LE DUC D'ALENÇON A M1' DE LA MOTHE FÉNÉLON. — du xxie jour d'aoust 1572. —

Remerciemens des soins donnés par l'ambassadeur à la négociation, du mariage. — Attente du retour de M' de La Mole.

Monsieur de La Mothe Fénélon , je voy par voz dépesches comme vous estes sy affectionné , en l'affaire qui me concerne , que vous pouvés croire et estre asseuré que jamais je ne l'oublieray, vous priant continuer, affin que je puisse recevoir le bien et contantement que j'attandz de ceste négociation. Nous espérons que le Sr de la Molle sera bientost de retour, l'attandant en grande dévotion , pour l'extrême désir que j'ay qu'il nous raporte quelque bonne résolution sur l'occasion de son voyage, et que tant de peynes qu'en prennes succèdent bien pour me rendre fort contant; car il faut que je vous confesse, Monsieur de La Mothe Fénélon, qu'ayant ouy parler des vertus de la Royne d' Anw