DISCOURS DES SEIGNEURS DU CONSEIL D'ANGLETERRE

à M' de La Motbe Fénélon. — du ir jour de joing i 573. —

Il sera dict à l'Ambassadeur de France par quelques uns du conseil de Sa Majesté ce qui s'en suyt :

La Majesté de la Royne a couimunicqué avec tous les seigneurs de son conseil le contenu des lettres dernièrement envoyées , de la part de la Royne Mère , et aussy vostre dernière négociation avec Sa Majesté, au nom du Roy, de la Royne Mère et Monseigneur le Duc d'Alençon , touchant le voyage du dict Duc en ce royaulme , pour poursuivre son honnorable intention , et requérir Sa Majesté en mariage, après que la Rochelle aura esté recouvrée à l'obéissance du Roy.

Et d'aultant que le contenu des lettres susdictes et de la négociation vostre vous est le mieulx cogneu , n'en sera besoin en faire aulcune reditte, ains seullement vous faire entendre ce que les seigneurs du conseil de Sa Majesté ont advisé estre convenable d'estre considéré en cest affaire , premier que Sa Majesté faira délivrer telles asseurances pour la veneue du dict Duc , qu'il seroit requiz , au cas qu'il debvroit venir ; dont Sa Majesté estant informée par son dict conseil , a donné commandement à trois ou quattre de nous de vous en faire le rapport : ne se doubtant poinct que ne trouviez raisonnable que Sa Majesté en ceste matière , ait demandé l'advis de son conseil, comme il appert que le Roy a usé de la mesme considération de sa part.

Donques il vous plairra entendre que l'on loue bien et estime digne d'estre prins en fort bonne part que le Roy, la Royne Mère et le

Duc mesme sy affectueusement poursuivent ce propos de mariage avec la Royne; et n'y a chose, que traictons, plu* souhaittée, que Sa Majesté, par la direction de Dieu, se pût marier avec quelque prince tel qu'estimons Monseigneur le Duc estre quand à son sang , et encores pour aultant que, si les aultres choses y requises peussent convenir, sommes d'opinion que le mariage pourroit estre occasion d'acroissement de l'amitié entre les princes , leurs couronnes et peuple. Et comme y a des choses qui avancent beaucoup ce mariage et le facent apparoistre expédiant pour Sa Majesté, nommément la grandeur de la maison dont est issu le Duc, l'amitié du Roy et de la couronne de France, qui se debvroit acquérir par ceste alliance, et les bonnes parties du dict Duc , ses vertus renommées, sa courtoisie, son esprit , et singulièrement le fervent amour qu'il semble porter à Sa Majesté ; aussy a il beaucoup de choses , qui ont quelque apparence de raison , pour empescher le dict mariage, dont aulcunes sont de plus grande conséquence que les aultres , et les aultres sont plus proprement à considérer et y penser à Sa Majesté, pour l'esgard de son particullier même, qu'à nous qui sommes ses conseillers ; le debvoir desquels, néantmoiifi, est d'avoyr esgard aussy bien à Testât du royaulme comme à sa personne.

Et quand aux empeschementz qui concernent Sa Majesté particulièrement, pour l'esgard de sa personne et du contentement réciproque, nous n'y avons que faire, ni de la diversité de son âge, ni d'aultres choses appartenantes à sa personne ; et les laissons à Sa Majesté qui desjà a pesé l'inconvénient de son âge , et toutesfois, pour la nécessité qu'elle voit que le royaulme a qu'elle se mariât, s'est passé de ce point de difficulté. Au reste, touchant sa personne, il ne se pourra déterminer sinon par une entre veue.

Mais , quand aulx choses qui debvront estre considérées par nous comme conseillers d' estai, tant pour l'expédiant du drct mariage , lequel desirons estre vuide de toutes difficultés , que pour sa venue, le temps estant, comme il est , et comme l'on a proposé, c'est à dire, après que la Rochelle aura esté recouverte, ne pouvons que directement juger, les choses demeuransez termes qu'elles sont pour le présent, ce temps cy estre plus propre pour le Duc de venir sans qu'aulcunes choses en France feussent altérées en mieulx ; et ainsi cuidons que vous mesmes, Monsieur l'Ambassadeur, et tous aultres indifférons en jugerés, après qu'aurés considéré les choses comme nous les avons considérées .

Il est bien cogneu qu'estant le premier propos de mariage faict

pour Monseigneur le Duc d'Anjou, n'avoit empêchement si grand comme la différence de sa religion d'avec celle de la Roy ne. Yray est qu'il y avoit quelque scrupulle touchant son âge, mais que la difficulté, à cause de la religion, %avoit esté grande, il est bien prouvé ; car, pour avoyr refusé de se conformer à la religion, Sa Majesté continuant son zèle et voulloir qu'il s'y déclarât conforme, le traicté print fin, comme vous sçavés fort bien.

Despuis ce temps là, comment les choses ont esté altérées en France par les massacres perpétrés à Paris et aultres endroictz du royaulme, pour augmenter encores la difficulté à cause de la religion, il n'est que trop apparent, et à le raconter trop lamentable? car qu'ont ils faict, tout Tan passé, en France, sinon meurtrir et persécuter toutes sortes de peuple qui favorisent la religion approvée en Angleterre ? et bien que cecy ne nous appartient proprement à nous y mesler, n'ayant à révocquer les actes du Roy en dispute, si est ce que le Roy, offrant Monseigneur le Duc, son frère, pour devenir le mary de nostre Royne, et, quand et quand, nostre chef et gouverneur, auquel ne voyons aultre marque de son intention au faict de la religion, ains qu'il seconde son frère, le Duc d'Anjou, en armes, et persécute tous ceux qui favorisent la mesme religion qu'a la Royne ;

Et puisque le Roy mesme et tout son conseil y persévèrent si obstinément qu'ilz mettent en péril les vies de leurs meilleurs subjectz et serviteurs pour respandre le sang d'une grande partie du peuple de mesme royaulme, sans se souvenir qu'ilz affaiblissent et diminuent la force de ce royaulme, laquelle consiste en la multitude des subjectz,qu'est ce qu'on doibt espérer de la venue du Ducen ce royaulme, en ce temps cy principallement, venant de la victoire et l'effusion du sang à la Rochelle de ceux qui, pour le regard de leur religion, sont bons amis de la Majesté de la Royne et de ce royaulme ; et combien que l'on se peut, avec quelque probabilité, persuader que, quand à la personne du dict Duc, rien ne serôit ni attenté contre Sa Majesté, ni son estât, toutesfois il ne se peut faire, le Roy continuant la guerre contre ses naturelz subjectz, seullement pour s'avoir mis en deffence et n'avoir voulleu abandonner leur religion, dont les édiclzet ordonnances du royaulme leur ont permis et garanti la profession et exercisse, que les estatz et peuple de ce royaulme ne se mescontentent fort de la venue du Duc, considéré le temps, jusques à ce que le Roy fasse modérer ou bien cesser ceste persécution en France.

Par ainsy n'a rien plus à désirer pour l'avancement de ce mariage

et de la venue du dict Duc que si luy mesmes voulloit désister d'estre acteur en ceste guerre et déclarer une vollonté de se conformer à la religion de Sa Majesté, ou que Dieu en fasse la grâce au Roy qu'il puisse recouvrer l'obéissance de ses subjectz sans^guerre et effusion de sang, en leur laissant l'exercisse de leur religion suivant ses édictz précédents, ses sermens et promesses, affin qu'ilz luy rendent obéissance comme à leur souverain.

En quoy , s'il plaist au Roy, estimons qu'il n'y a prince en la Chrestienté qui puisse plus avancer ceste bonne œuvre que la Majesté de la Roy ne, à quoy aussy nous, qui sommes ses conseillers, y donnerons fort vollon tiers nostre advis et prendrons la peyne à le parfaire, à l'honneur du Roy et bien de son royaulme , ce qu'estant effectué alors, la difficulté que, de présent, nous trouvons empescher la venue du Duc, seroit vuidée, et si, par après, il arrivoit, ce seroit avec plus de grâce et faveur, là où, pour le présent, il ne le pourrait faire, sans attandre asseurément un général mescontentement du royaulme, et conséquemment un mauvais et final empeschement de l'intention du mariage.

Ce que laissons considérer à vous , Monsieur l'Ambassadeur, et remettons au meilleur advis du Roy et de la Royne Mère.

LE BOY A Mr DE LA MOTHE FÉNÉLOtf .

— da xxiiu* jour de juillet 1 573. —

Ferme volonté du roi de faire observer la paix qui vient d'être conclue avec les habitant de la Rochelle. — - Préparatifs pour le départ du roi de Pologne. — Satisfaction du roi de l'offre faite par Elisabeth de protéger le voyage par mer. — Plaintes contre des prises faites par les Anglais.

Monsieur de La Mothe Fénélon , j'ay receu vostre lettre du xije de ce moys f, par laquelle j'ay veu les honnestes propos que vous avés eus avec la Royne d'Angleterre, ma bonne sœur et cousine, et les responses de bonne espérance qu'elle vous a faites pour l'entreveue d'elle et de mon frère, le Duc d'Alençon , dont néantmoins elle veut avoir l'advis

» Voyez gccxxiV dép., tom. v, pag. 370.

de milord thrésorier, qu'elle a envoyé quérir pour ceste occasion; ce qui viendra fort à propos, puisque le Srd'Orsey estoit arrivé au mesme instant, etSabran aussy qui vous apporte, sur l'occasion de son voyage et de toutes les aultres particularités concernant mes affaires et servisse, une si ample et claire résollution de mon intention , que m'en remettant à ce que aurés entendu de luy, je n'estendray ceste cy que pour vous dire que vous avés bien faict d'avoir asseuré la dicte Royne et ses principaux ministres de la ferme délibération où je suis de faire observer et garder inviolablement les articles de la paix qui a esté faite devant la Rochelle; où l'intention d'iceulx est desjà bien commencée à exécuter : et se peut on asseurer que je les fairay de ma part entièrement entretenir, non seullement de ce costé là, mais aussy par tout le reste de mon royaulme. Et pour ceste occasion j'ay faict cesser en Guienne , Languedoc et Daufiné, toutes choses d'hostilité , ayant mandé que l'on rettire mes forces d'autour de Montauban et Nismes, et que l'on cesse le gast que j'avois escript que l'on fît autour des villes que mes subjectz de la nouvelle opinion occu- .poient, affin que, de leur part, ilz fissent selon qu'il est porté par les articles de la paix et édict qui a esté dressé sur iceulx. Je n'en ay poinct encores sceu de nouvelles, mais j'ay bonne espérance que mon dict édict s'exécuttera et observera partout.

Je fais acheminer mes six mille Suisses, prenant le chemin de la Guienne et par le bout du Languedoc , droict du costé du Lyonnois , pour les licentier, si toutes choses s'establissent comme j'espère , suyvant icelluy dernier édict de là paix ; estant ma droicte et sincère intention de la garder entièrement et de ne permettre qu'il soit contrevenu , en

quelle façon que ce soit, comme vous pourrés asseurer ceux de mes subjectz qui sont par delà, et qu'ilz reviennent hardiment, qu'ilz jouiront du bénéfice d'icelluy édict, sans aulçuo doubte ni difficulté.

J'espère que mes frères, le Roy de Pouloigne, le Duc d' Alençon et le Roy de Navarre , seront bientost de retour par deçà, estants, dès avant hier, arrivés à Blois. Et les ambassadeurs de Pouloigne et le Sr de Valence sont à mon advis, à présant, tous arrivés à Metz. Incontinent que mon dict frère, le Roy de Pouloigne, sera arrivé, nous les fairons venir; et cependant il ne se pert poinct de temps pour les préparatifs nécessaires pour son parlement , et je regarderay, après avoir communiqué avec mon dict frère, le Roy de Pouloigne, pour les affaires d'Escosse, ce qui se debvra faire de ce costé là , et me résoudray avecque luy et avec mon dict frère d' Alençon du personnage que je y devray envoyer. Cependant ayés tousjours l'œil de ce costé là, le mieux que vous pourrés , et y faictes ce qui vous sera possible pour le bien de mon servisse.

L'ambassadeur de la Royne d'Angleterre a parlé à la Royne, Madame et Mère, et à moy, nous ayant faict entendre que sa Maistresse luy avoit commandé s'aller conjouir avecque le Roy de Pouloigne, mon frère , de son heureuse élection , dont elle est infiniment aise ; et nous a proposé et offert toutes les honnestes assistances qui se peuvent désirer de la part de la Royne, sa Maistresse, pour le passage de mon dict frère , nous déclarant que , s'il s'y trouvoit difficulté par l'AUemaigne, qu'il estoit fort aisé par la mer et par les costes , en quoy elle ne voulloit rien espargner pour honnorer le passage de mon dict frère; et qu'estant la bonne intelligence entre les trois royaulmes,

comme, de sa part, elle la desiroit, ce seroit an grand bien pour noz subjectz, et à nous mesmesune fort grande commodité pour noz affaires. Car il estoit si aisé et commode d'aller d'un royaulme àl'aultre qu'il ne se pouvoit trouver jamais un plus court et meilleur chemin , et que le commerce de nos dictz trois royaulmes en sera beaucoup plus grand; dont j'ay monstre au dict ambassadeur d'estre fort aise, comme, à vous dire vray , serois je, si ses déportements se trouvent semblables.

Il s'est aussy fort resjoui avecque nous de la paix, nous asseurant que sa Maistresse et tous ses ministres en estoient fort aises. Je l'ay bien asseuré que nous la voulons in valablement observer, comme aussy est ce, et, je l'ay cy devant dict, ma droicte et vraye intention ; et luy ay, à ce propos , parlé des pyrateries qui se font sur mes subjectz par les Anglois , et ceux qui se rettirent en son royaulme , n'ayant la Royne , ma dicte mère , pas failly de luy dire ce qu'elle vit du cappitaine Poil en sa présance , arrivant à Dieppe , qui pilla un grand vaisseau chargé de marchandises d'un de mes subjectz, ainsi que vous verres par le mémoire que je vous en envoyé; et que, n'eût esté l'espérance, que nous avons , que la dicte Royne , sa Maistresse , nous en faira faire la justice et restitution , elle eût permis à six vaysseaux, qui estoient armés et les soldatz dessus, prests à faire voile , d'aller recouvrer ce que le dict Poil print et mena sur l'heure mesme en Angleterre ; où je vous prie ne faillir de faire toute instance de cella et des aultres déprédations, sellon le mémoire que je vous en envoyé. Cependant je prieray Dieu, etc.

Escript à S1 Germain en Laye, le xxive de juillet 1573. CHARLES. pinart.

LE ROY A Mr DE LA MOTHE FÉNÉLON.

— du xxxie jour de juillet 1573. —

Audience accordée à l'ambassadeur d'Angleterre. — Négociation relative à l'entrevue.

Monsieur de la Mothe Fénélon , j'ay receu voz dépesches du xije et xxe du présent ', et, avec la dernière, veu les lettres que la Royne d'Angleterre , ma bonne sœur, a escriptes à la Royne, Madame ma Mère , et à mon frère , le Duc d'Àlençon , auxquelles je me délibère de vous faire, dans deux ou trois jours, bien particulière responce; et, attandant, je vous diray comme l'ambassadeur de ma dicte bonne sœur parla avant hier à la Royne , Ma dicte Dame et Mère , ainsi qu'il a faict cejourdhuy à moy, nous ayant dict que la Royne, sa Mestresse, se debvoit rendre à Douvres , le premier jour de septembre proschain , où elle séjourneroit sept jours durant , pendant lesquelz , s'il plaizoit à mon dict frère de l'aller voir, il le pourroit faire. Toutesfois elle desiroit bien que l'on sceût que ce n'estoit poinct à sa réquisition que mon dict frère iroit, mais plustost à la nostre; que si, pour ceste veue, l'effaict du mariage ne s'ensuivoit, elle ne voudroit pas que cella feût cause d'apporter changement en l'amitié qui est entière entre elle et nous, et que, partant, la chose méritoit bien d'estre meurement considérée, avant que de l'entreprendre.

Là dessus, Ma dicte Dame et Mère lui a respondu que ce que nous desirions le plus, c'est de conserver et estreindre tousjours davantage l'amitié que nous avons avec elle ;

• Voyez cccxxix* et cccxxx* dép., tom. v, pag. 370 et 374.

mais que ma dicte sœur sçavoit bien si elle avoit vollonté de se marier ou non; si elle estoit du tout hors d'opinion d'espouser mon dict frère, qu'il luy sembloit que cette veue ne serviroit de rien, et n estoit pas grand besoin d'y venir ; si aussy elle avoit vollonté de se marier, qu'elle ne pouvoit pas prendre un prince en la Ghrestienté qui feût mieux appuyé que mon dict frère, qui est frère de deux puissants Roys.

Là dessus , il répliqua qu'elle avoit vollonté de se marier, mais que , pour beaucoup de considérations particullières, aulcuns la dissuadoient de ce mariage avec mon dict frère.

La conclusion du propos feut enfin que ma dicte Dame et Mère remit à me faire entendre ces choses ; lesquelles m' ayant dict de mesmes en l'audience que luy ay donnée aujourdhuy, après disner, je luy ay respondu que j'en aviserois avec les gens de mon conseil, et fairois sçavoir à vous, mon ambassadeur, ma résollution là dessus pour la luy dire.

Sur quoy nous nous sommes despartis , ayant voulleu vous donner advis incontinent de ce que dessus, affin que vous sçachiés ce qui est passé en l'audience du dict ambassadeur. Jugés s'il en aura escript conformément à sa Maistresse; priant Dieu, etc.

Escript au chasteau de Boulogne, le dernier jour de juillet 1573.

CHARLES. BRULART

CLUI \

IX ROY A M* DE LA MOTHE FÉNÉLON

— du xvhi« jour d'àoust 1573. —

Résolution du roi d'envoyer un député en Angleterre pour la négociation du mariage. — Maladie du duc d'Alençon. — Méfiance d'Elisabeth. — Prise de Harlem en Hollande, et du château d'Edimbourg en Ecosse. — Voyage des ambassadeurs de Pologne. — Désignation du maréchal de Reti pour passer en Angleterre.

Monsieur de La Mothe Féaéloti , outtre ce qui est contenu en mon aultre lettre, je vous diray que j'ay pensé , si la Royne d'Angleterre, ma bonne sœur, est résollue de venir à Douvres au premier jour de septembre 9 ainsi que vous me l'avés mandé et que son ambassadeur me Ta dict par deçà, je suis résollude dépeseber devers elle, au mesme temps qu'elle s'y pourra trouver, quelque gentilhomme pour la visitter, s'approschant ainsi près de ma frontière; lequel sera bien esclercy de la résollution que j'auray prinse sur le faict de l'entreveue, et aultres particularités qui seront requises, pour tousjours entretenir une bonne et sincère amitié avec ma dicte bonne sœur; qui est ce que je désire plus que toute aultre chose de ce monde : dont je vous prie de l'asseurer en toutes les occasions qu'il viendra à propos, estant infiniment marri que la maladie intervenue à mon frère , le Duc d'Alençon , de laquelle il ne peut estre en estât de sortir hors de son logis de quinze jours, encores qu'il soit en bon chemin de recouvrer sa santé, nous ait empesché de nous résoudre et de conduire si tost à bon effect ceste entreveue que nous le desirions, ce que vous pourrés témoigner à ma dicte bonne sœur.

Au surplus, Monsieur de La Mothe Fénélon, je vous

diray que j'ay receu voz dépesches des jlxvjc et dernier du passé, ve et ixe du présenta; sûr lesquelles je vous diray que , pour le regard des soubçons et deffiences , es quelles , sans aulcune occasion , Ton a voulleu mettre la dicte Royne d'Angleterre , tant sur le voyage que a faict en Normandie la Royne , Madame et Mère, que aussy sur les préparatifs de l'armement des vaisseaux que j'avais advisé de faire faire pour porter les quatre mille Gascons en Pouloigne , que l'on commençoit dire estre destinés à aultre effaict ; tout cella sera passé et assoupi, à ceste heure, qu'ilz verront les dictz préparatifs entièrement cessés.

J'ay veu ce que me mandés de-la réputation qu'a donné par delà aux affaires du Roy Catholique la prinse d'Harlen, et ce qui vous a esté rapporté de l'occasion pour laquelle est advenue si soudainement la prise du chasteau de Lislebourg, et comme il est bien requis que j'envoye quelque personnage d'authorité en Eseosse pour y résider; à quoy je regarderay à pourvoir cy après.

Gepandant je vous diray que je loue bien fort la responce que vous avés faicte à ma dicte bonne sœur, sur ce qu'elle vous a dict, à propos du saufconduict que luy avés demandé, que mon cousin le cardinal de Lorraine ayant eu la puissance de rompre le mariage de mon frère , le Roy de Poulogne, avec elle, (qu'elle sçavoit bien que la Royne, Madame et Mère, et luy desiroient), il pourroit bien , en chose de moindre conséquence, et pour la faveur de la Royne d' Eseosse, sa niepee, faire destourner les forces, qui estoient destinées pour aller en Poulogne, en quelque autre lieu.

1 Voyez cccxxxi', cccxxxii', cccxxxm* et cccxxxiv» dép., tom. v, pag. 380. 383, 385 et 387.

Tous les ambassadeur^ de Poulogne ont esté fort bien receus et recueillis partout, en Allemagne, despuis leur partement de Leppsic, mesmement à Francfort, et au païs de mon cousin le comte Palatin , et arriveront eu ceste ville mardyou mècredy proschain ; où je vous asseureque j'ay bonne vollonté de leur faire faire bonne chère : ne voulant obmettre de vous dire, en passant, que j'ay nouvelles de Poulogne, du xvje de juillet dernier, comme toutes choses y sont en bon estât et pacifique, n'y estant survenu aulcune nouveauté, tant du dedans du royaulme que des voysins , au contraire de ce qui s'en est dict par delà, que vous debvés tenir pour chose controuvée; priant Dieu, etc.

Escript à Paris , le xvuje jour d'aoust 1573.

Gomme je voullois signer ceste lettre, je me suis résollu d'envoyer en Angleterre mon cousin le maréchal de Retz, pour faire l'office dont est faict mention au commencement de ceste lettre , au moyen de quoy je vous prie que vous me fassiés incontinent sçavoir le lieu où il pourra trouver ma bonne sœur. Ceux de Rouen me viennent de faire encores plainte des pyratteries qui sont ordinairement faictes par les Anglois : qui est cause que je vous prie d'en faire , envers ma dicte bonne sœur, toute l'instance qui sera possible.

CHARLES. BRULART

LA ROYNE MÈRE A Mr DE LA MOTHE FÉNÉLOK.

— du xxiie jour d'aoust 1573. — Arrivée des ambassadeurs de Pologne à Paris.— Réception qui leur est faite.

Monsieur de La Mothe Fénélon , ceste cy sera pour vous advertir comme les ambassadeurs polonois, qui sont douze, suivis de deux cents gentilshommes , arrivèrent mècredi dernier en ceste ville, en assés bon équipage, au devant desquelz feust envoyé la maison du Roy de Poulogne , mon filz , et tous les princes et principaux seigneurs qui se trou* vèrent en ceste cour , pour les conduire jusques en leurs maisons. Le lendemain, qui feust le jeudy, ilz désirèrent que l'on les laissât reposer en leurs maisons, pour, le jour d'après, qui estoit vendredy, venir salluer le Roy, Monsieur mon filz , la Royne ma belle fille , et moy ; ainsi qu'il a esté faict en meilleur ordre et équipage qu'il a esté possible, ayant fait l'évesque de Posnanie , qui est le principal de la dicte ambassade , une fort belle harangue sur l'occasion de leur venue. Cejourdhuy ilz ont faict le semblable à l'endroict de mon filz , le Roy de Poulogne , et receu la plus grande joye du monde de le voir , comme il a faict , de sa part, de se voir salué d'une si belle compaignie, qui se peut dire , au jugement de ceux qui l'ont veue , la plus honnorable et mieux en ordre que aultre qui se soit jamais trouvée en ce royaulme ; ne se sentant rien que de toute courtoisie , et monstrant beaucoup la grandeur du royaulme dont ilz sont venus et qu'ilz apportent à mon dict filz ; vous laissant juger quelle joye j'en puis recevoir en mon cœur.

Il s'est trouvé à dire deux ambassadeurs en ceste dicte

compagnie , à sçavoir : l'un qui estoit beaucoup demeuré à partir après les aultres y qui, ayant esté arresté eu Slésie, auprès dç la frontière de Pologne , a mieux aymé s'en retourner au pals, après avoir esté mis en liberté, pour ce qu'il cognoissoit bien qu'il arriveroit fort tard de par deçà, que de poursuivre son chemin; l'aultre s'est mis par mer avec le Sr de Lanssac, qui n'est encores arrivé. Dans peu de jours, nous espérons accomplir toutes choses qui dépendront du faict de la dicte élection, et sera faict si bon et honnorable traictement aux susdictz ambassadeurs et à toute leur suttte , ainsi qu'il s'y est bien commencé despuis leur arrivée en ce royaulme , qu'ilz en raporteront tout contentement : n'ayant aultre chose à vous dire par ce petit mot que je finiray , priant Dieu , etc.

Escript à Paris, le xxije jour d'aoust 1573.

CATERINE. BRULART

M ROY »E POULOGNE A DP DE LA BfOTHE FÉNÉLON.

— du premier jour de septembre 1 573. —

Explications données] par le coi de Pologne sur une plainte de l'ambassadeur d'Angleterre. — Protestation de dévouement pour Elisabeth.

Monsieur de La Mothe Fénélon , j'ay sceu que l'ambassadeur de la Royne d'Angleterre , qui est icy résident, a esté visitter les ambassadeurs polonois , despuis quelques jours en çà , comme en ayant charge de la part de sa Maistresse; leur ayant faict entendre qu'elle ne desiroit rien plus que de conserver et entrettenir la bonne amitié et intelligence qui estoit entre le royaulme de Poulogne et l'Angleterre , encores que moy , qui estois esleu Roy de Poulogne, n'eusse pas faict grand compte d'une lettre qu'il

m7 a voit présentée , il y a quelque temps , de la part de la dicte Dame , par laquelle elle se conjouissoit avecque moy de mon heureuse élection. Lequel a eu grand tort de faire ainsi entendre ajix dictz ambassadeurs; car je vous puis dire que , quand je receus de luy la dicte lettre , ce feost avec tout l'honneur et honneste respect que je sçaurois jamais faire à lettre venant de la part d'une princesse, de laquelle je fais si grand compte et estime que je fais d'elle. Il est bien vray que je ne luy en baillay pas si tost la responce que j'en avois vollonté, à cause que, en mesmes temps , ou peu après, qu'il me l'eût présentée, je feus coutrain et, pour prévenir une maladie qui me menassoit, de prendre quelque purgation et apozèmes, qui me tindrent trois jours empeschés de pouvoir vacquer à aulcuns affaires ; qui feust cause que je ne signay si tost la dicte lettre , qui demeura un jour, après avoir esté signée, sans estre baillée au dict sieur ambassadeur , à cause que l'on ne le peut pas trouver chez luy à propos; estant toute l'occasion de sa plaiqcte , laquelle je vous laisse à juger si elle est bien fondée ou non. Et, si vous apercevés qu'il en ayt escript quelque chose à sa dicte Maistresse , je vous prie luy en faire entendre la vérité telle qu'elle est escripte cy dessus; priant Dieu , etc.

Escript à Paris, ce ier jour de septembre 1573.

Yostre bon ami.