A MESSIEURS DE LA NOBLESSE DE FRANCE

^ Messieurs, Vous estes nés tels, que vous approchez as^ez les affaires de TEstat pour donner le tort ou la raison à qui elle ap-

' « Faite par M. du Hessis. » (Mémoires de Mornay.)

partient, sans qu'il soit besoing de longs propos pour vous ouvrir les yeuli. Vous avés veu naistre, en pleine paix, les remuëmens de la Ligue contre le repos de ce Royaume. Vous sçavés la patience que j'ay eue, quoy qu'ils m'eussent pris comme à partie, et pour subject et pour prétexte de leurs armes. Vous avés veu les Ligueurs déclarés rebelles par le Roy, et poursuivis comme teb par toutes ses courts de pariement. Vous vous estes veus vous-mesmes commandez, armez et combatans contre eux, par l'expresse volonté du Roy, sous Tauctorité des princes du sang, des pairs et principaulx officiers de sa couronne. Je ne doubte donc qu'il ne vous soit très estrange de voir, comme en un instant, ce changement; devons voir armés contre le sang de France , commandés par les estrangers que vous combatiés comme perturbateurs, et, qui pis est, contre ceulx-là qui trois jours auparavant, pour le service du Roy et du Royaume, se trouvoient mandez et conunandez comme vous, rangez sous mesmes enseignes et de mesme volonté que vous. Mais vous sçavés bien juger aussy que les premiers mandemens procedoient du propre mouvement du Roy; ceulx'qui ont suivi depuis, de la volonté des perturbateurs. Car qu'ont faict depuis, mesmes entre-deux, ceulx de la Ligue, pour leur faire perdre la qualité de rebelles, crimineulx de leze-majesté, perturbateurs du repos, qui leur sont attribués par tant d'arrests.»^ Ou qu'ont commis ceulx de la Religion , vivans sous le bénéfice des edicts, que Sa Majesté avoit mandez indifféremment pour son service, qui couroient aussi également à l'embrasement commun , pour estre aujourd'huy, à l'appétit des dicts perturbateurs, chassez du Royaume, pourchassez à mort de toutes parts? Si c'est pour le faict de la Religion , y avoit-il pas edict exprez ) estoit*il pas fraischement réitéré P Ce qui est permis par les loix du Royaume peut-il estre réputé à crime ? peut-il estre poursuivi de quelque peine? Si c'est (et ce l'est vrayement] pour avoir contrarié aux desseings de la Ligue , estes^vous donc pas complices de ce crime? estes-vous donc pas subjects à mesme peine? cerchés-vous donc pas vostre ruine propre? Car quel crime poursuit-on en eux, que d'estre et ne vouloir estre que François?

Je viensà moy-mesrae. Soit que vous jugiés de raoy par moy, ou par la comparaison de ceulx de ceste Ligue , je sçay bien que vous ne me pouvés donner le tort. Je sçay mesmes qu'en vos âmes vous le donnés à mes ennemis. Ils se meslent de parler de ma religion ! Vous qui cognoissés la dignité du sang de France, qui sçavés bien dire que vous ne devés respect qu'à cestuy-là, sera-il donc dict que j*en rende compte à Testranger? Me suffit-il poinct d'en donner contentement au Roy et à la France ? Quelqu'un s'est-il plainct que je l'aye violenté pour sa religion? Et qu'ay-je peu faire, au reste , ou plus raisonnable, ou plus chrestien, que de requérir un bon concile? Ils se sont formalisés aussi du gouvernement de cest Estât, ont voulu pourvoir à la succession, l'ont faict décider à Rome par le Pape. Vous donc qui tenés le premier lieu en ce Royaume, si le besoing d'iceluy l'avoit requis, auriés-vous esté si nonchalans de vous laisser prévenir par estrangers en cest office? n'auriés-vous poinct eu de soing de la postérité? vous sériés- vous endormis en ce debvoir? Car qu'a-on veu que Lorrain en tous ces remuëmens? Mais certes pour reformer ou trans-former l'Estat, comme ils désirent, il n'estoit besoing de vostre main. Pour faire passer l'Estat en estrangere main, il n'appartenoit qu'à estrangers à l'entreprendre. Pour chasser la France hors de France, le procez ne se pouvoit juger en France; elle estoit par trop suspecte en ceste cause; il falloit qu'il fust jugé en Italie. Ils se sont au reste pris directement à moy. Je me suis offert à un duel ; je suis descendu au dessous de moy-mesme ; je n'ay desdaigné de les combattre. Je l'ay faict, et Dieu m'en est tesmoing, pour sauver le peuple de ruine, pour espargner vostre sang, de vous, dis^e, de qui principalement il se respand en ces misères. S'ils avoient quelque chose à dire contre moy, leur estoit-il pas plus honorable? S'ils avoient à cœur le bien et salut de cest Estât, les mettois>je pas en beau chemin ? Il .s'en est trouvé qui mettoient leur vie pour le salut de leur patrie. Quels jugerés-vous esCre ceuh«cy, qui pour se soustraire du danger veulent voir périr tout un Estât? Vous faites profession de gens d'honneur : quel tort ont-ils faict à leur honneur

de n'accepter poinct une si belle voye ! Quel tort faites-vous au vostre de les accompagner contre moy, vous qui fériés conscience contre fun de vos voisins d'assister ime supercherie I Ne pensés, Messieurs, que je les craigne. Je sçay ce que peut la force contre moy : on sera plus test lassé de m'assaillir, que je ne seray de me défendre ; je les ay portez plusieurs années, plus forts quils ne sont, plus foible beaucoup que je ne suis. Vous avés eitperience et jugement : le passé vous résoudra de Tavenir.

Je plains certes vostre sang respandu et despendu en vain, qui devoit estre espargné pour conserver la France. Je le plains employé contre moy, qui Le me déviés garder, estant ce que Dieu m'a £siict estre en ce Royaume, pour, dessoubs Tauctorité et le bon-beur du Roy, joindre une France à la France, au lieu qu'il sert aujourd'buy à la chasser de France. Je le ]^ains aussi qui ne sera, ny payé, ny plainct presque d'aulcun. Car le Roy, forcé en son vouloir, ne se tient pas pour servi en ceulx qui luy font force. Ceulx d'ailleurs qui luy font force ne vous sçauront pas de gré de ce service, qui sçavent que c'est le nom du Roy et non pas le leur que vous serves. Messieurs, Dieu vous doint dy bien penser : les princes François sont les chefs de la Noblesse. Je vous aime tous ; je me sens périr et affoiblir en vostre sang ; l'estranger ne peut avoir ce sentiment; l'estranger ne sent point d'interest en ceste perte. J'aurois bien à me plaindre d'aulcuns; j'aime mieulx les plaindre. Je suis prest de les embrasser tous. Ce qui me deplaist, c'est que ceulx que je distingue en mon esprit, que je sçay avoir esté circonvenus, je ne les puis distinguer au sort des armes. Mais Dieu sçait mon cœur ; leur sang soit sur les aucteurs de ces misères. Quant à moy, Messieiu*s, je le prie, et le prieray incessamment qu'il luy plaise ouvrir la voye par laquelle son nom soit servi et honoré, le Roy obey, l'Estat en repos, tous les ordres et estats do ce Royaume en levtr ancienne dignité, prospérité et splendemr. Amen.

De Montauban, ce premier jour de janvier i586.

Vostre bien affectionné et asseuré amy,

HENRY

1586. l*' JANVIER. — III"°*.

Gop. — Bîblioth. de Toors, ancien manuscrit de» Carmes, coté M, n* 50, LHUti AittoH^o^j. p. sio.

Communiqué par M. le préfet.

Cop. — B. R. Suppl. fr. n* 1009-s.

Imprimé. — Mémovnet de meuire Philippes de Momajr, etc, édit. de i6a4, in-4*, 1. 1, p. 694.

Et Mémoires de la Ligue, t. I, p. 3o5.