Ü AMI ÉMOIS
l'examen de la personne malade par les échevins, c’est-à-dire par les officiers judiciaires de la cour abbatiale, par des clercs et des hommes expérimentés, et aussi, en cas de réclamation, par les officiers municipaux.
C’est le pais qui fu faite à Bapaumes par monsigneur Jehan de Ronkeroles et monsigneur Perron de Fontainnes et par monsigneur Estevenon de le Porte, chevaliers, entre l’abbé de Corbye et les bourgeois de Corbye, d’endroit une mezele; si en fu an tele manière ordené que cil, s’il estoient vif, qui l’avoient prise en son lit et fait prendre et fait porter à le malederie, le dévoient raporter de la maladrerie desques à sa maison, en tele forme comme on le avoit portée et en tel jour et'en tele heure, fust en feste ou hors feste, aussi sollempneument comme il l’enportèrent , et rapoestir le liu de li et de tous ses chateus que on en avoit saisis et portez ; et pour ce que ce seroit grief chose de li rapporter, pour ce que ele est morte , on doit faindre aucune chose en samblance de famé qu’il raporteront en liu dou cors de celi, pour le liu resaisir par le raison de le mesele et de le crois, et de ce il doivent jurer l’eswart de sainte église et offrir l’amende et baillier bonne plégerie, et des amendes et des cous li abbés en doit ouvrer par le conseil monsigneur Jehan de Ronqueroles, monsigneur Estene de le Porte et monsigneur Perron de Fontainnes, et après toutes ces choses faites , li abbés les doit tant comme à lui en monte absoure des escumeniemens dont il sont escumenié par l’ochoison de cele mesele devant dite. Et s’il avenoit d ore en avant qu’il eust en le vile de Corbye homme ou famé qui fussent reté de meselerie, de quoi renommée fust en le vile, et li marnes requéroit l’abbé qu’il en fesist ce qu’il deust, comme de soupesonneus de tele maladie, li abbez, dedens les vin jours après le requeste le maieur, doit mander le personne soupesonneuse de cele maladie et les eschevins, prestres et clers et autres bonnes gens 'qui de tele maladie sevent, et doit faire veoir celui, et au veir puet estre li maires et li juré s’ilvuelent, et quant il sera veus et examinés, li eschevin se doivent traire d’une part et aviser par aus et celonc ce qu’il aront entendu de le bonne gent qui i aront esté, et s’il dient qu’il soit mésiaus, par quoi il doie aler à le maladerie, li abbez li doit commander qu’il i voist, et s’il ne le veut faire, li abbés l’en doit contraindre, et li maires et li juré doivent oster la force, s’il en sunt requis. Et c’est encore à savoir que, s’il avoit homme ou famé en le vile de Corbye qui fust renommés de mésélerie , et li prestres en cui parroiche il manroit ou li voisin dou liu en venoient à l’abbé , et l’en requéroient qu’il i mesist conseil, li abbez en deveroit et porroit ouvrer en le
CORBIE. 447
forme devant dite, aussi bien comme se li maires et li jure li avoient monstre et requis, mais il le doit senefier et mander au maieur qu’il soit à l’examiner; et s’il avenoit chose que li abbés en fust en défaute, qu’il ne le fesist, si com il est dit par devant, li maires et li juré porroient mander ciaus qui seroient renommé de tele maladie et faire les examiner par les eschevins et ouvrer en le forme devant dite. Ce fu fait en l’an de l’incarnation Nostre Signeur mil et cc et t,v, le jour de la Saint-Martin en iver.
Biblioth. imp., Cartul. blanc de Corbie, n" 20 (partie non foliotée). — Mss. de D. Grenier, vnie paq., n° 4 , fol. i85 r°.
SENTENCE RENDUE PAR DES COMMISSAIRES ROYAUX SUR DIFFɬ RENTS LITIGES ENTRE L’ABRÉ DE CORBIE ET LES MAGISTRATS DE
