STATUTS DES CORDIERS

Est l’ordonnance faicte sur le mestier des cordiers, faicte et ordonnée par la manière qui s’enssuict:

1. C’est assavoir qu’il est ordonné par monseigneur de Corbye et par son conseil, que nul dudict mestier ne poeult ouvrer de blanche canvre et de noir ensemble, mais chacune à part luy.

2. item, que nul dudict mestier ne puist faire ouvraige nouvel de canvre, ne vendre en ladicte ville ne ès appendances d’icelle, fors chacun à par luy.

3. Item, que nul ne puist ouvrer ne vendre, en ladicte ville ne ès appendances d’icelle, ouvraige à fauchel de tille à détail.

4. Item, que nuis cordiers en ladicte ville de Corbye ne ès deppendances d’icelle 11e puist ouvrer ne faire ouvrer de quelconque ouvraige que ce soit de pyon de canvre. Et quy fera le contraire dés choses cy-dessusdites , il escherra en amende envers monsieur de Corbye, telle qui sera trouvée en la discrétion du prévost, qui en pourra arbitrer par conseil comme il trouvera estre affaire par raison , le quart desquelles amendes appartiendront auxdits esgards.

Biblioth. imp., D. Grenier, 111e paq. , art. 8, p. 265.