DE LE DEFFENSE DES BESTES

1. Item, des bestes, que cascuns et cascune les tiengne en droit luy, en telle manière que elles ne faicent dommage à aultruy ne ès fros ne ez fossés de le ville. Et que nulz ne avale ès fossés de le ville, pour nulle cose faire, sur dix solz parisis sans riens pardonner. Et les bestez qui prinses y seront seront perdues à chaux qui ce feront, et que chascun mette warde à ses bestes.

2. Item, que tous ceulx qui mainent leurs vaques et quevaux ès patiz les mettent de nuit en leurs maisons, et que nulz ne nulle prende bestes estranges à loier ne aultrement pour mettre és pastis de le ville, sur l’amende de le ville et les bestes perdre, et que nulz ne cache ès prés depuis le jour d’uy en avant.

3. Item, de chaux qui ont pourchaux, cjue chascun les mette à le porquerie, si qu’il ne voisent aval le ville en jour de marquié ne sur le sepmaine. Et se il sont .prins, ilz seront perdus, se n’est en alant et venant à le porc|uerie, et que nulz ne nulle voist gratant entre les sas en jour de marquié ne que nulz saque aux sacs de laine.

4. Item, que nulz ne maine quevaux ne aultres bestes par les ablais, ne que nulz saque as toursiaux de fain que on porte par le ville ne aux carettez as blés. Et que chascuns tiengne ses enfans que on ny saque, et qui atains en sei’a il l’amendera.

5. Item, que nulz porquiers maine ses pourchaux où on escorce les quevaux ne en aultre lieu là où on escorche bestes.

(Sans date, écriture de la fin du xiv® siècle).

Archives d’Abbeviile , Registre des statuts des corporations d’arts et métiers, p. 172.