DE BERENGIER AU LONC CUL

Et voit cele qui le manace ; Tel paor a, ne set qu'il face, Quar de combatre n'a il soing.

L'espée li cheï du poing De mauvestié et de perece.

Et la dame vers lui s'adrece, L'espée trete le requiert, Du plat sor le hiaume le fiert Tel cop que tout en retenti.

Quant li chevaliers Ta senti.

Si cuida bien estre afolez ; De la paor est jus versez, One ne fu tels qu'il se meûst; .1. petit enfant li peûst Trere les ieus hors de la teste Autressi comme à une beste, Ja ne li osast contredire.

La dame li comence à dire :

« Or tost, vasaus, joustez à mi. »

Li chevaliers crie merci :

« Sire, sor sainz vous jurerai James en cest bois n'enterrai, N'a mon escu ne ferai mal.

Si me lessiez sor mon cheval Monter, et m'en puisse râler. »

— Il vous couvendra d'el parler, »

Fet ele, « avant que m'eschapez :

Or esgardez que vous ferez, Que je vous vueil .i. geu partir.

Orendroit vous covient morir,

S'ert de vous fînée la guerre, Je descendrai jus à la terre, Devant vous m'irai abessier; Si vous covient mon cul besier; Ne poez garir autrement.

— Sire, vostre commandement Ferai : or en venez à moi.

— Certes, » fet ele, « je l'otroi. »

Ele descent, vers lui s'en va.

Sa robe contremont leva.

Si s'estupa devant sa face,

Et cil vit une grant crevace

Du cul et du con, ce li samble,

Qui trestout se tenoit ensamble ;

Onques mais, se Dieus li ait,

Ce dist, ausi lonc cul ne vit.

Lors l'a besié et acliné.

Moût l'a bien à son droit mené

Celé qui le tient à bricon,

Et cil li demande son non.

Dont il est, et de quele terre :

« Vassaus, qu'avez vous à enquerre, »

Fet ele, « ne à demander?

Vous ne porriiez pas trover

Tel non en trestout cest pais.

Bien le vous racont et devis :

De mes parenz n'i a il nul.

J'ai non Berengier au lonc cul;

A trestoz les coars faz honte. »

Atant sor son cheval remonte

>2 DE flERENGIER AU LONG CUL 65

La dame, et en meson s'en va;

Tantost por son ami manda

Que il venist à li parler.

Et il i vint sanz demorer,

Grant joie li fet, et el lui ;

Si se sont couchié ambedui

En un lit por lor talent fere.

Et li chevaliers s'en repère

Du bois, et entre en sa meson.

Sa gent le metent à reson.

Et demandent con li esta : .

« Certes, » dist il, « moût bien me va :

Délivrée ai toute la terre

De cels qui me fesoient guerre ;

Ses ai vaincuz et afolez.

Atant est en la chambre entrez.

Sa feme trueve toute aaise,

Où son ami l'acole et baise,

Ne se daingna por lui repondre :

Li chevaliers commence à grondre.

Quant il le vit, moût l'en pesa,

Moût durement la maneça :

« Dame, » dist il, « mar le penssastes

Quant estrange homme o vous couchastes •

"Vous en morrez, por voir !e di. >>

Et la dame li respondi:

« Tesiez vous en , » dist el, « mauves

Gardez que n'en parlez jamès ;

Se je vous en oi plus parler.

Le matinet sanz arester,

Fabl. IV Q

Ce sachiez vous, sanz atargier J'irai à seignor Berengier Au lonc cul, qui a grant puissance:

Bien me fera de vous venjance. »

Quant li chevaliers l'a oie, N'ot mes tel merveille en sa vie; Or set il bien qu'ele savoit Tout ce qu'avenu li estoit.

Onques puis riens ne li en dist, Et la dame tout son bon fist, Que por lui n'en lessast noient.

Por ce deffent à toute gent, Qui se vantent de maint afere Dont il ne sevent à chief trere.

Qu'il lassent ester lor vantance ^ Et je vous di bien sanz faillance.

Quant il s'en vantent, c'est folie.

Ici est ma reson fenie,

Explicit de Berengier au lonc cul.

Paris, Bibl. nat., Mss. fr. 191 5a, fol. 112 r" à ij3 V».

ADis avint c'uns chevaliers, Preuzetcortoiset beausparliers, Ert saiges et bien entechiez:

S'ert si en proesce affichiez

Conques de riens ne se volt faindre

En place où il pooist ateindre;

Et par tôt si bien le faisoit,

Et à toz sis erres plaisoit,

Tant qu'il fu de si grant renom,

Qu'en ne parloit se de lui non.

Et s'en li ot sen et proesce :

Il ert de si haute largece,

Quant il avoit le heaume osté,

Preuz ert au champ et à l'osté.

Il ot feme de grant paraige,

Qui avoit mis tôt son coraige

A .1. chevalier du païs ;

N'ert pas de la vile nais,

Ainz avoit ,i. autre recet

Près de .vi. Hues ou de set.

Il n'i osoit venir souvent

Qu'en ne s'alast apercevant.

68 FABLIAU xeiv 52

Bien ot parler de son affaire,

Ne il n'en ose noise faire

A nului qui soit de sa vile,

Et di que chevaliers s'aville

Et de ses annors ne li chaut,

Qui se fie et croit en Richaut :

Por ce n'en volt faire mesaige.

Mais une suer qu'il ot molt saige

Fait tant c'un vallet l'ot à feme;

Cousin estoit à celé dame

Qui en la vile ot son estaige,

Et cil baa à l'aventaige

De son couvent, se il puet estre,

Que ja nus ne saiche lor estre,

Qui puist tesmoigner ne savoir.

Que molt mielz valt sanz blasme avoir

Chiés sa seror venir, aler,

Et à s'amie iluec parler.

Un jor ot mandée s'amie Chies sa suer : ne demora mie Que il oïrent teus noveles Qui ne li furent gaires beles, Quar l'en dit que li sires vient.

La-dame voit qu'il l'en covient Aler, si le commande à Dé.

Tantost li a cil demandé .1. don, mais ne set quel i fu, Qu'ele ne l'en fist onc refu.

La dame, qui molt l'avoit chier, Lors dit qu'el se voloit couchier

O son seignor et ovuec lui :

« Ja ne remaindra por nului, »

Fist cil que fin amor mestroie,

Et la dame le H ostroie,

Quar tant ne se set entremetre,

Qu'el i puisse autre conseil mètre.

Lors s'en est à l'ostei venue,

Et fait senblant de la venue

Son seigneur et que bel l'en soit,

Mais à autre chose penssoit

Li cuers qui molt estoit plains d'ire.

Ne vueil des autres choses dire.

Mais assez mengerent et burent,

Et se couchierent quand il durent.

Mais d'une chose me remembre.

Que li sires ot lez sa chanbre

Fait faire une petite estable

Qui ert à son cheval metable,

Qui estoit à son chevauchier.

Il avoit son cheval molt chier,

Quar .XL. livres valoit,

Mais des autres ne li chaloit

S'il fussent bien ou malement,

Fors d'une mule seulement.

Et quant ce vint en droit prinsome,

Que tuit couchié erent si home.

Que reposer la gent covint,

Li amis à la dame vint

Par devers la chambre à senestre,

Et entre par une fenestre ;

yo FABLIAU XCJV

Et vint leanz, mais ne set mie De quel part se gisoit s'amie. Bêlement oreille et escoute, Lor taste et prent par mi le coûte Le seignor qui ne dormoit pas, Et li sires esnel le pas, Si le ra saisi par le poing.

En une autre maison bien loing Se gisoient li escuier :

Molt pooist li sires huschier Ainz que d'aus eiist nule aïe.

Lors i a fait une envaïe A celui que par le poing tient; Et cil qui bien se recontient, Se deffent de sa force tote :

Li uns tire, li autres boute.

Tant qu'il se sont bien esprouvé.

Lors se tint cil por fol prouvé Qui la folie ot commenciée; A l'uis de la mareschauciée Se sont ambedui aresté.

Près d'iluec ont lonc tens esté Une cuve trestote enverse, Et li sires dedenz enverse Celui qu'il tient por robeor.

Molt ot la dame grant poor De son ami plus que de lui, Que li sires tint bien celui, Et tant l'a batu comme toile.

Lors a dit : « Alumez chandoile, >>

,^2 DE5 TRESCES Jl

A la dame, et qu'ele tost queure.

— Beaus sire, se Dieus me sequeure, Onques ne soi aler de nuiz :

Trop me seroit ja granz enuiz A trouver l'uis de la cuisine ; Mais or me faites la saisine Du larron, gel tenrai molt bien.

— Ne vorroie por nule rien,

Se m'aïst Dieus, qu'il eschapast : Jamais ne prenra .i. repast Quant il eschapera de ci.

— Sire, » fait ele, « ja merci N'en aiez quant il est repris. »

Lors l'a la dame aus cheveus pris, Et fait semblant que bien le tiegne ; Mais li sires comment qu'el preigne, Por du feu se met à la voie.

Et maintenant la dame envoie

Son ami à grant aleûre,

Puis saut et deslie la mure :

Si l'a par les oreilles prise.

Et por estre mielz entreprise,

Li boute en li cuve la teste ;

Et li sires gaire n'arreste ;

Ainz prant du fu et prant s'espée,

Et dit que ja avra coupée

La teste cil que pris avoit.

Mais quant la mule tenir voit

A la dame, si s'esbahist,

Et dist : « Dame, se Dieus m'aïst,

Bien estoie musarz et fous Quant ge crui onques vostre lous. Assez ai plus que vos mespris, Quant ge vostre lecheor pris; Gel deûsse tenir de près :

Or vos covient aler après.

Bien sai qu'il vos en est à pou, Mais par la foi que doi saint Pou, Ne gerroiz mais lez mon costé. »

Lors l'a mise hors de l'osté.

Ainsi cil sa feme en envoie; Et celé trespasse la voie, Si s'en entre chiés son cousin, Que el avoit près à voisin, Le vallet qui ot pris à feme La suer son ami, et sa dame A leanz son ami trouvé.

.1. tel enging avoit trové, James n'orroiz parler de tel, Quar el s'en voit à .1. ostel Où une borgoise menoit.

Qui en beauté la resanbloit ; Fait la lever, tant la pria, Que la dame li ostroia A faire quanqu'ele vorroit :

« Alez donc, » fait ele, « orendroit En ma chambre sanz demorer, Et faites senblant de plorer Androit le chavez mon seignor :

Ne poez moi faire graignor

)2 DES TRESCES "Ji

Servise qui cestui vausist. »

Celé s'en vait et puis s'assist

Dedenz la chambre en droit la couche.

La dame o son ami se couche

Qui longuement i fist son vueil.

Et celé commence son duel,

Et se claime lasse chaitive,

Et dit que ja longues ne vive,

Ne ja ne past ceste semaine

« Qui à tel honte me demaine. »

Li sires s'i tome et retorne.

Et fait pesante chiere et morne.

Mais il ne set tant retorner

Que à dormir puisse assener.

Lors est levez par mal talent,

Onques mais n'ot si grant talent

De feme laidir et debatre

Con il avoit de celé batre.

Demanois ses espérons chauce.

Mais n'i chauça soler ne chauce.

Ne ne vest riens fors sa chemise.

Lors vient à celé, si l'a mise

Contre terre par les cheveus :

El chief li a ses doiz envous,

Lors tire et fiert et boute et saiche,

Qu'à paine ses mains en arrache.

Et fiert des espérons granz cous,

Qu'il en fait en plus de .c. leus

Le sanc saillir par mi la cengle.

Molt pot ore la dame atendre

Fabl. IV 10

n^ FABLIAU XCIV 23:

De son ami graignor soulaz

Que celé qui est prise as laz.

Ainsi la damoisele bat

Le chevalier et se débat,

Et de parole la laidist;

Et quant s'ire li refroidist,

Si s'en vait couchier en son lit.

Mais molt i ot poi de délit,

Qu'el commence grant duel à faire :

Molt se repent de cest affaire.

Et si fait chiere mate et morne;

Quar il l'avoit batue à orne.

Ce ne tome à geu ne à ris,

Por ce que el avoit empris;

Si crie plus haut que ne sielt,

Quar de ses plaies molt se dielt,

Mais li sires pas ne s'en rit,

Ainz est corrouciez et marriz

De celé qui ainsi l'assaut :

Maintenant de son lit s'en sait

Con celui qui estoit espris.

Maintenant a son coutel pris.

Si est saillis en mi la rue,

Son cors tôt d'angoisse tressue.

Si li a coupée les treces

Dont el a au cuer grant destrece.

Si que ses plors entroublia.

Tant a ploré qu'afebloia

Le cuer que par poi ne li part.

Li chevaliers d'iluec s'en part

a6a DES TREscEs 75

Qui les treces o soi enporte :

Et celé, qui se desconforte.

Vient à la dame, si li conte Si con oï avez el conte.

Mais la dame jure et afîche Qu'à toz jors mais la fera riche ; Ne ja douter ne li estuet Des tresces, se trouver les puet, Que si bien ne li mete el chief Que ja n'en savra le meschief N'orne ne feme qui la voie, La dame s'est mise à la voie, Q^onques nului n'i encontra :

Tant fîst que en la chambre entra.

Si trouva son seignor dormant Qui travailliez estoit forment Et du corroz et du veillier:

La dame nel volt esveillier.

Mais soëf lez le lit s'assist, Quar des treces bien li souvint Que la dame ot eu tranchiées,* Qui bien seront encor vengiées, Se la dame en vient au desus.

Lors les queroit et sus et jus :

Bien s'est du cerchier entremise.

Lors a sa mein au chavez mise, Les treces trueve, ses en trait.

Ne vos avroie droit retrait La grant joie que la dame ot :

D'iluec s'en vet sanz dire mot,

t6 fabliau xciv 292

Et s'en vient à la chanbre aval.

Si a coupé à .1. cheval

La queue, au meillor de l'estable.

Or oiez .1. proverbe estable

Qui en mainz leus, ce m'est vis, cort,

Que tel ne pesche qui encort.

Ainsi la dame a escorté,

Le cheval, si l'a aporté

La queue au chevez son seignor :

Onques mais n'ot joe graignor

Qui à ceste s'apareillast.

Soëf que cil ne s'esveillast,

Si coiement s'est contenue

Et couchiée trestoute nue.

Qu'à soi ne trest ne pié ne rnain.

Issi fu jusqu'au lendemain,

Et dormirent grant matinée.

Quant vit que prime fu sonée,

Li sires s'estoit resveilliez,

Mais de la dame est merveilliez

Qu'il vit gésir lez son costé :

« Et qui vos a ci amené, »

Fait cil, « et qui vos coucha ci ?

— -Sire, la vostre grant merci,

Où devroie donc couchier,

Se lez vos non, vostre moillier ?

— Comment, »faitil,« donc ne vosmembre,

Que ge hersoir en ceste chambre

Pris prouvé vostre lecheor ?

Par celui cui li pecheor

Prient de cuer parfondement, Trop avez fait grant hardement Quant vos estes çaienz entrée ; Deffendue vos en l'entrée A toz les jors que j'ai à vivre :

Ne me tenroiz pas si por ivre, Quant vos cuidiez, se Dieus me sait.

— Beaus sire, se Dieus me consalt, »

Fait ele, « mielz poissiez dire :

De ce me puis bien escondire Conques ne fis autrui servise, Par toz les sainz de seinte yglise, Ne qui vos tornast à hontaige :

Trop par avez dit grant outraige, Qui si solez estre ensaigniez, Reclamez Dieu, si vos seigniez.

Ge crieng que en vos se soit mis Ou fantosmes ou enemis Qui ainsi vos ait desvoié.

— Or m'avez vos bien avoié, »

Fait il; « se vos voloie croire, Volez me vos faire mescroire

Ce que ge tieng à mes .11. mains; A vostre char pert il al mains Qu'as espérons vos fis merveille :

De nule riens n'ai tel merveille Con de ce que vos estes vive.

— Ja Dieu ne place que ge vive, »

Fait celé qui par guile pleure,

« S'onques hersoir de nés une eure

Me donastes cop ne colée. »

Tantost a la robe levée, Si li mostre costez et hanches, Et les braz et les cuisses blanches, Et le vis qu'el n'ot pas fardé.

Par tôt a li sires gardé, Mais n'i voit nés une bubete :

Bien guile la dame et abete Son seignor qui J:ant s'en espert:

« Dame, » fait il, « itant se pert Qui feme bat s'il ne la tue; Ge vos avoie tant batue.

Que ge de fi savoir cuidoie Que jamais n'alissoiz par voie :

Certes se vos bone fussiez, Jamais par voie n'alissiez.

Or vos ont Malfé respassée, Mais n'iert pas si tost trespassée La grant honte que vos avroiz; Ja si garder ne vos savroiz De voz treces qu'avez perdues :

.II. ans les avroiz atendues, Ainz que soient en lor bon point.

— Sire, » fait el, « .i. tôt seul point N'i a de ce que vos me dites :

Grant tort avez qui me mesdites.

Onques hersoir por nul corroz Ne fu de mon chief cheveus roz.

Se Dieus me giet de ceste place. »

Maintenant le coissin deslace,

Si a les treces avant traites Qu'il i cuidoit avoir fors traites:

« Sire, » fait la dame, « veez; Ge cuit qu'il fu jor deveez Quant du destre braz vos seignastes, Ou mauvaisement vos seignastes Hersoir au couchier, ce m'est vis, Vos avez si trouble le vis Et les elz que ne veez goûte.

Espoir il vos avint par goûte, Ou par avertin, se Dé vient, Ou ce est fantosme qui vient As genz por aus faire muser, Et por aus folement user, Et por faire foler la gent :

Au chief du tôt devient nient.

Quant il a fait foler le siècle.

Tôt quanqu'il a fait si despiece ; Beaus sire, dites moi por Dieu Me dites vos tout ce par geu ? »

Son seignor de ce se merveille.

Et si s'esbahist et merveille, Lors lieve sa mein, si se saigne, Mais la dame pas ne s'en saigne De riens que la nuit fet eûst, Mais encor pas ne se teùst Qui li donast tote Prouvence ; Monstrer en cuide la provence, Quaril cuide qu'il ait apostes Les tresces qu'il avroit repostes.

Maintenant le coissin sozlieve,

Mais a poi li cuers ne li crieve

Quant il a trovée la quoue :

« Or voit il tôt à maie voe, »

Fait il, « se Dame Dieus n'en pense;

J'ai hui fait une tel despensse

Qui m'a cousté .l. livres :

Bien ai esté desvez et yvres

Quant j'ai escorté mon cheval. »

Lors li veïssiez contreval

Les lermes couler sor la face,

Mais il ne set mais que il face.

Tant est dolenz et abosmez

Que il cuide estre enfantosmez.

Et si est il, n'en doutez mie.

Lors apele la dame aïe

Sainte Marie mon seignor,

Si se demaine à deshenor.

Li sires li respont ainsi :

« Dame, » fait il, « dolenz en sui;

Si li a dit isnel le pas :

« Dame, » fait il, « ne prenez pas

A mon forfet ne à mes diz :

Ge-Tos en cri par Dieu merciz. »

Et la dame li respondi :

« Beau doz sire, devant Dieu ci,

Le vos pardoing molt bonement :

Dieus gart vostre cors de torment

Et d'ennemi et de fantosme !

Sire, voés vos à Vendosme,

Que li oeil vos sont ennubli ; Ne le metez mie en oubli, Ne requérez respit ne terme, Mais alez à la seinte Lerme :

Bien sai, quant vos l'avroiz veiie, Que Dieus vos rendra la veûe. »

— Dist il : « Dame, vos dites voir : Ge vorrai le matin movoir, Quar du veoir ai grant envie. »

Et au matin pas ne s'oublie ; Le chevaliers chose ne dist, Se la dame le contredist, Qu'il ne cuisdat ce fust mençoinge Ou qu'il l'eûst trouvé en songe.

Par cest fableau poez savoir Que cil ne fait mie savoir Qui de nuiz met sa feme hors :

S'el fait folie de son cors, Quant el est hors de sa maison, Lors a ele droite achoison Qu'ele face son mari honte.

Ici vueil definer mon conte.

Explicit des Tresces.

Fabl. IV.