DE BERENGIER AU LONC CUL O

Atant lessierent la parole Et li sires la dame acole ; .V, foiz la baise, voire sis, Puis se sont au mengier assis Que l'en lor avoit apresté.

Après, quant ils orent soupe, Li lit sont fet, si vont gésir.

Quant lassé furent de dormir Et li solaus fu haut montez, Li chevaliers si s'est levez, Et se vesti et se chauça Et ses armes redemanda.

Quant il fut armez bel et gent, A la dame le congié prent: « Dame , « dist il, « je m'en revoiso Querre aventures en cest bois ; '' Sachiez, se je puis encontrer Homme qui ost à moi jouster, Ja eschaper ne me porra ; Je le prendrai, ou il morra.

— Sire , » fet ele, « or en pehssez. » Atant est el destrier montez, Si s'en rêva par le boschage.

Et la dame, qui moût fu sage, Dist par soi qu'après veut aler Por savoir et por esprover Son hardement et son barnage.

Si qu'il n'i ait point de domage.

La dame s'est moût tost armée Et con chevalier adoubée :

FABLIAU XCin

Le hauberc vest, l'espée a çainte, De tost armer ne s'est pas fainte, Et sus son chief l'iaume laça, El destrier monte, si s'en va, Onques n'i ot resne tenue.

Tant oirre qu'el bois est venue Et vit son seignor descendu.

Qui depieçoit tout son escu, Et une tel noise fesoit Que li bois en retentissoit ; De nului ne se donoit garde.

Et, quant la dame le regarde, Ainz mes ne fu si esbahie.

Au plus tôt qu'ele pot li crie :

« Sire vassaus, qu'avez vous quis En mon bois ne en mon porpris.

Qui mon bois si me dépeciez, Et de vostre escu vous vengiez Qui ne vous avoit rien meffet ?

Certes » , fet ele, « c'est trop let.

Quel guerre avez à l'escu prise ?

Dehez ait qui mieus vous en prise !

Cil escuz ne set riens entendre ; Je^le voudrai vers vous deffendre; Il vous covient à moi jouster.

Vous n'en poez par el passer :

Ja n'i avra longue atendue. »

Quant il a la dame entendue, Ainz mes ne fu si tormentez; Tout maintenant est arestez