DE CONSTANT DU HAMEL
Paris, Bibl. nat., Mss. fr. 837, fol. i4r"' à 19 r**,
i^SS, fol. 488 vOà493 r», 19152, fol. 77 r» à 8a 1°,
et Bibl. de Berne, Mss. 354, fol. 80 v" à 88 v».
Ja paine vueil mètre et ma cure [En raconter une aventure iDe sire Constant du Hamel; !Or, en escoutez le fablel,
Et de dame Ysabiau sa famé,
Qui moût estoit cortoise dame,
Et preus, et sage et avenant.
El païs n'avoit si vaillant
Por esgarder ne por veoir.
Li prestres i mist son pooir
A li requerre de s'amor;
Ensanble o li parla maint jor,
Si la requist de druerie.
Et dist, se devenoit s'amie,
Il li donroit assez joiaus,
Fermaus, çaintures et aniaus.
Et deniers assez à despendre.
Mes la dame n'en vout nus prendre,
Ainz dist que ja par covoitise
Ne fera au prestre servise,
5o DE CONSTANT DU HAMEL l6^
Por tant qu'ele en doie estre pire.
Puis dist : « Sire, j'ai oï dire
Que, se vostre soingnant estoie,
L'amor de Dieu en perderoie :
Je sui celé qui vous en faut. »
Li prestres sovent la rassaut;
Si la prie bel, et li offre
.Xx. livres qu'il a en son coffre;
Mes il la trueve si repointe,
Guetant, et escoutant, et cointe.
Et felonesse à entamer.
Que il n'i puet rien conquester.
Moût est dolenz quant il s'en part ;
Malement est blecié du dart
D'amors qui l'a ou cors navré.
Et l'a si durement hurté
Que d'angoisse tressue et gient ;
A quel que paine à l'ostel vient,
Poi li a value sa guile.
Oiez du provost de la vile, Qui les prisons a en baillie.
Icil a la dame essaie ; Se li fet .1. cembel novel, Por ce qu'ele se porte bel Et qu'il la vit gente et cortoise :
« Ha, dame, » fet il, « moût me poise Que cil vilains vous a en garde.
Maus feus et maie flambe m'arde, Se je estoie comme vous.
Se je ne le fesoie cous,
l68 FABLIAU CVI
Qu'il est plus aspres c'une ronsce.
Mieus vaut de mon solaz une once Que du sien ne fet une livre.
Mes fêtes ami à délivre, Quar il est gros et malostrus; Il n'est sovent rez ne tondus, Ainz est et ors et deslavez.
Mes, se vous croire me volez, Je serai voz amis délivres; Si vous donrai du mien .x. livres Por consentir ma volenté. »
Et la dame l'a regardé.
Se li dist : « Sire, ne puet estre : Je voudroie mieus estre à nestre Que je feïsse tel outrage.
Bien avez or el cors la rage.
Qui me volez issi honir; Certes mieus voudroie morir Que j'eusse fet itel saut.
Vostre sermon poi vous i vaut Et voz deniers bien les gardez.
Que dans Constans me trueve assez Qui moût doucement m'a norrie, Et je feroie grant folie -Se je por bien mal li rendoie. »
Atant le guerpist en la voie.
Et il remest toz trespenssez ; Moût fu dolenz et abosmez Quant il ne la puet convertir.
Ice l'en fet resouvenir
