DE CONSTANT DU HAMEI

Qu'ele a gent cors et avenant, Le vis traitis et biau samblant, Les ieus vairs, la bouche petite; Ne porroit pas estre descrite Par le provost sa grant biauté :

« Je sui, » fet il, « musart prové; Amerai la je dont à force, Quant je n'en puis percier rescorce ?

Malement avroie son cuer.

Or me vueil je trop geter puer.

Amerai la puisqu'el ne m'aime. »

Ainsi a soi son cuer reclaime Li provos, quant il mieus ne puet; Grant chose à en fere l'estuet.

La dame à l'ostel est venue, A l'endemain s'est esmeiie, Si est alée à sainte yglise.

Quant ele ot oï le servise.

Vers son ostel est retornée.

Li forestiers l'a encontrée.

Qui gardoit le bois au seignor; Moût fu biaus et de bel ator.

Et bien armez d'arc et d'espée.

Il a la dame saluée, Ele li rent salu moût bel ; Il trait esraument .i. anel De son doit, bien valoit .i. marc :

« Dame, ne vous doins pas mon arc, »

Fet il, « mes l'anel vous doins gié, Por seulement avoir congié

Fabl. IV. aa

De besier celé bele bouche, Dont la douçor au cuer me touche. »

Ele respont comme cortoise:

« Certes, sire, pas ne me poise Se l'arc et l'anel vous remaint, Quar nul besoing ne me soufraint Par qoi vous m'aiez si sorprise; Je ne vous ferai ja servise Par vilonie que je sache.

Ja por paor de vostre hache, Ne por le don de vostre anel, Ne ferai rien dont vous soit bel, Por tant qu'à mon seignor desplaise.

Râlez vous en tout à vostre aise, Et je m'en irai à l'ostel ; Je ne pris pas .i. don de sel Homme qui est si garçonier.

Vostre famé se plaint l'autrier Qu'el n'avoit o vous se mal non; Vous en avrez mal guerredon, Quant que ce soit, ou tost ou tart. » A cest mot de li se départ, Et il remest plus chaut que brese.

Qui li eûst la teste rese Sanz eve à .i. coutel d'acier, Ou les cheveus fet esrachier.

Si l'en fust il assez plus bel.

Mesire Constant du Hamel Ne savoit mot de tout cest plet.

Or oiez que la dame a fet.