DE CONSTANT DU HAMEI. I

A son ostel en vint errant ;

S'a fet mengier le païsant,

Puis Tenvoia en son labor,

Où il seut aler chascun jor.

Un jor avint, ce dist mon mestre,

Que le forestier et le prestre

Et le provost, si com moi samble,

Alerent boivre tuit ensamble.

Quant il orent beii assez,

Tant qu'il furent toz eschaufez :

« Sire, » dist le provost au prestre,

« Dont ne feroit il or bon estre

O la famé sire Constan.

On en devroit juner .i. an

En pain et en eve et en sel

Et en viande quaresmel,

Por avoir en au cuer grant joie.

— Ci n'a que nous .m. qui nous oie, »

Ce respondi le forestier,

« Qui porroit sa bouche besier,

Il en devroit souffrir la mort. »

Dist H prestres : « Vous avez tort

Tant jeûner et mort reçoivre ;

Por une tel famé deçoivre,

N'est mie bone chose à fere.

Pensser covendroit d'autre afere

Celui qui la voudroit amer,

Quar nului ne veut escouter.

Qui de li se veuille entremetre,

De son chastel l'estuet jus mètre,

Tant que besoing, poverte et fain La face venir à reclain.

Ainsi doit on servir vilaine; Fols est qui autrement s'en paine. »

Or oiez du conseil au prestre.

Por le vin qui le fist fol estre, A dit à ses .11. compaingnons :

« Or escoutez que nous ferons.

Ne sommes nous assez poissant Por amaigroier dant Constant ?

Pelez de là, et je de ça.

— Dehez ait qui ja i faudra, »

Ce respont chascuns endroit soi, « Or soions compaignon tuit troi ; Bien poons souffrir cest marchié. »

A cest mot se sont destachié, Si départirent de l'escot, Messire Constans pas ne sot Que l'en li ait tel plet basti.

.1. diemenche avint issi Que le provoire sermona.

Aval le moustier regarda; Si vit dant Constant devant soi.

Il ne li dist pas en reqoi, "Mes si haut que tuit l'entendirent :

« Tuit cil qui sainte yglise empirent, Sont de Damedieu dessevrez; Seignors et dames, escoutez.

Vez là dant Constant du Hamel, Qui est maris dame Ysabel ;

23o DE CONSTANT DU HAMEL 1^3

Il a espousé sa commère :

Si est bien droiz qu'il le compère,

Quar cil qui les forfez encerque

Si l'a conté à l'archevesque.

Si m'a mandé que je li main

Lui et sa famé hui ou demain;

Si les fera l'en départir,

Que la loi ne le puet souffrir.

Sire Constant, issiez vous ent

De cest moustier isnelement ;

Je vous congi de sainte yglise;

Il n'i avra chanté servise

Tant comme vous ceenz serez. »

Dont fu Constans forment irez,

Quant li prestres li dist tel conte;

Toz fu esbahiz de la honte,

Si qu'il ne set qu'il doie dire;

Pales, descolorez, plains d'ire.

S'en est fors du moustier issuz.

A l'ostel le prestre est venuz,

Et, quant la messe fu chantée

Et la gent en fu toute alée,

Li prestres vint à son ostel.

Et dans Constans n'atendoit el ;

Contre lui est corant venuz:

« Fui de ci, vilains malostruz, «

Fet li prestres, « ce ne vaut riens ;

Je serai por toi toz raiens,

Que j'ai souffert ton avoltire.

— Por amor Dieu, biaus très douz sire, »

Fet dans Constans, « donez du mien A l'archevesque et au doien Por moi fere cuite clamer.

— Et que vodroies tu doner ?

— Sire, .VII, livres vous otri.

— A quant paier? — A mercredi.

— Or te haste de l'aquiter :

Se tu pues por tant eschaper, Dieus t'avra donée sa chape. »

Atant sire Constans eschape, Si est à son ostel venu ;

Et, quant sa famé l'a veij.

Bien voit qu'il estoit corouciez;

Ses braz li a au col ploiez :

« Et qu'avez vous, » fet ele, « amis .?

— Dame, » fet il, « mal sui baillis ; A .VII. livres m'a mis le prestre

Se nous volons plus ensamble estre,

Moi et vous, où il nous envie.

Que demain ert la départie.

Quel conseil en porrons nous prendre ?

Ne sai qui li a fet entendre

Que vous estiiez ma commère.

— Or ne vous chaut, » fet ele, « frère. Toz près les ai, ses paierai;

Ja mar en serez en esmai.

Ne plus que por ,1. oef de quaille.

Plus avons nous deniers que paille ; S'en donrons .x. livres ou .xx.

Bien sai dont ceste chose vint :

>.()0 DE CONSTANT DU HAMEI. lyS

Ne VOUS en chaille à coroucier,

Mes alons liement niengier. f>

Atant s'assistrent esraument.

Mes n'orent pas mengié graument,

Estes vous le mes au provost :

« Levez sus, dant Constant, or tost, »

Fet il, « si venez à la cort.

— N'avra il loisir qu'il s'atort? »

Dist la danne. «Que ce puet estre?

— Par foi, dame, » fet il, «mon mestre L'a moût de tost venir hasté. »

A icest mot s'en est torné.

Si vint au provost qui là bée.

Onques n'i ot reson contée,

Fors que Constans le salua.

Et li provos le rooilla,

Sanz plus dire, el cep l'a assis :

« Dans vilains, encor avrez pis.

Que vous serez mis au gibet. »

Puis dist à Cluingnart son vallet :

« Va tost, si di à mon seignor .

Que je ai pris le trahitor

Qui li a son forment emblé.

Et plus d'un mui en a osté,

Et par nuit sa grange brisie. )>

Or ot dant Constant grant haschie,

Quant larrecin s'ot mètre seure :

« Ha, sire, se Dieus me sequeure, »

Fet dans Constans, « je n'i ai coupes. »

Dist li provos : « Ce sont estoupes

lyô FABLIAU CVI SaO

Dont vous me volez estouper; Ausi bien vous venist harper Et hurter vo chief au greïl, Que dusqu'au chief de vo cortil Fu du blé la trace sivie.

— Sire, » fet il, « c'est par envie Que l'en m'a mis seure tel oevre, Mes, ainçois que plus en descuevre, Prenez du mien por pais avoir;

Je n'ai ou mont si chier avoir Que ne vousisse avoir doné, Ainz c'on m'eûst ici trové En cest cep à tel deshonor.

— Que donras tu à mon seignor, Se je te faz estre délivres ?

— Sire, je li donrai .xx. livres.

— Or t'en rêva en ta meson :

Je serai por toi champion. -»

Atant Ta hors du cep osté

Et dant Constant s'en est torné Très par mi l'eur d'une couture.

Estes vous poingnant à droiture Contre lui son bouvier Robet:

« Qu'as tu? » fet il, « qu'as tu, vallet? -Qu'as tu? » fet il, « comment vas tu?

— Sire, mal vous est avenu :

Li forestiers voz bues en maine.

Il dist que en l'autre semaine Li emblastes par nuit .m, chesnes Qui vous cousteront .un. braines,

35o DE CONSTANT DU HAMEL I77

Et mercredi au soir .i. hestre.

— Dieus, » dist Constans, « ce que puet estre . Tant ai hui tret maie jornée. »

Lors a sa chape desfublée,

Si cort après le forestier ;

En haut li commence à huchier :

« Por Dieu, biaus sire, atendez moi.

— Ha, dans vilains de pute foi.

Tant avez or le cul pesant ;

Se vous venez .i. poi avant, Je vous ferai du cors domage.

Se m'aportiiez .i. frommage En vostre giron et .v. oes, Bien cuideriez ravoir voz bues; Mes voir tout autrement ira :

Vostre pechié vous encombra, Quant nostre bois nous essartastes, Et à mienuit l'en portastes. »

Or fu dans Constans moût iriez.

Moût fu dolenz et corouciez.

Et dist : « Sire, vous i mentez ; , Si je fusse ausi bien armez Comme vous estes parigal, Sor vous en revenist le mal ; Ou se j'eiisse mon hoel, Je vous ferisse el haterel.

Nel lessaisse por vous, viellart; Vous eiissiez chaucié trop tart Vos .11. brochetes en vos piez. »

Lors fu li forestiers iriez ;

Fabl. IV 2 3

'8 FABLIAU CVI 38o

Si le regarde fièrement :

« Vilains, dont te vient hardement Que tu te veus à moi combatre ?

Por le cuer bieu, veus me tu batre? Tu sambles mieus leu qu'autre beste De braz, de jambes et de teste.

Par les ieus bieu, mar le penssas, James franc homme n'assaudras :

Ta pance t'estuet descarchier, Par li vent l'en les pois si chier ; Ja ton hoel ne t'ert garant. »

Lors li torne li glaive avant, Dont fu Constans en grant effroi.

Quant il le vit venir vers soi :

« Sire, » dist il, « por Dieu merci, Acordons nous, je vous en pri.

Ne me devez tenir si cort; Se vous me menez à la cort, N'i avrez mie grant profit.

J'ai en ma chambre lez mon lit .C. sous de deniers à vostre oes, Mes que je raie en pès mes bues Et racordez soie par tant. »

Et cil qui n'aloit el querant, Mes qu'il eûst vers lui l'avoir, Li dist : « Quant les porrai avoir ? » Cil li respont : « Dedenz juesdi.

— Fai m'en seùr. — Jel vous afi.

— Et je la praing, comment qu'il aille; Or en pues remener t'aumaille. »