IO DE CONSTANT DU HAMEL I
Dans Constans à l'ostel repère; Moût est dolenz, ne set que fere :
Il n'a membre qui ne li faille.
Aus chans a lessie s'aumaille, En meson est venuz berçant, Onques ne dist ne tant ne quant.
Sor ,1. lit s'est lessiez verser; Sa famé li cort demander :
« Sire Constant, qu'avez trové ?
— Dame, puis l'eure que fui né, N'oi autrestant mal ne dolor, Com j'ai eu hui en cest jor. » Lors li conte le destorbier
Du provost et du forestier :
Comme il est issus de prison Por .XX. livres de raençon ; Après li conte le meschief Du forestier de chief en chief, A cui il doit .c. sous paier:.
« Dame, moût me doi esmaier, Que je n'en sai denier ou prendre; Or me covient m'avaine vendrej Et le blé que devons mengier.
— Sire, ne vous chaut d'esmaier, »
Fet la dame qui moût fu sage,
« Ja n'en métrai mantel en gage Por vous oster de ceste paine, Ja n'en vendrez blé ne avaine:
Bien vous métrai hors de la trape, Et cil remaindront en la frape,
[8o FABLIAU CVI ^jjo
Dont vous serez autrestant lié,
Comme avez esté coroucié. »
Tant se pena du conforter,
Que il sont assis au souper.
Quant Constans ot assez mengié,
Si l'a dame Ysabiaus couchié.
Au matin va à la charrue;
La dame ne fu esperdue,
Ainz apele sa chamberiere,
Une gorlée pautoniere.
La garce ot à non Galestrot,
Moût sot de fart et de tripot;
La dame l'apela à soi :
(( Galestrot, or entent à moi,
Que Damedieus nous doinst gaaing î
Va moi appareillier .i. baing. »
Celé se haste, ne puet plus,
Ainz mist la paiele desus,
Puis mist l'eve chaude en la cuve,
Et dras desus por fere estuve.
A sa dame revint errant :
« Dame, j'ai fet vostre commant.
— Galestrot, bele douce amie,
Je te commant deseur ta vie
Que tu soies preus et isnele,
Et si saches de la favele,
Tant que nostre preu en traion.
Va, si gaaigne .i. peliçon :
Di le prestre, qui tant me prise,
Que sui preste de son servise.
DE CONSTANT DU HAMEL l8l
Se il me tient ma couvenance :
Di qu'il m'aport sanz delaiance
Les .X. livres et les joiaus. »
Celé a escorcié ses trumiaus,
Qui sont gros devers les talons ;
Onques vache, que point tahons,
Ne vi si galoper par chaut
Comme Galestrot va le saut :
Moût se paine de tost aler.
Li prestre ert venuz de chanter,
Tantost le tret à une part :
« Sire, » dist ele, « Dieus vous gart!
Je cuit, j'ai ma paine perdue :
Tant me sui por vous combatue
Que j'ai ma dame convertie.
Sire, j'ai ma dame trahie :
Or soiez larges et cortois;
Vous n'i avenissiez des mois.
Se je ne m'en fusse entremise.
Ci n'afiert pas longue devise :
Aportez li tost sa promesse, .
Et je n'ai point de guimple espesse. »
Le prestre l'acole, si rist :
« Galestrot, ne te soit petit,
Tien or .xx. sous à .i. pliçon.
Est or li vilains en meson ?
— Nenil, li las, il n'i est mie.
Sire, j'ai ma dame trahie,
Por vostre cors le debonere. ^
Celé, qui bien sot son preu fere,
Bouta les .xx. sous en son sain, Puis se parti du chapelain.
Et il est coruz aus deniers; Tant en a pris cens et milliers, C'une grant borse en a emplie :
Et les joiaus n'oublia mie, Ainz a tout mis en .i. sachel, Puis a affublé ,i. mantel Vair d'escarlate taint en graine.
Si com fortune le demaine, De son ostel s'en ist atant :
Moût se vait sovent soufachant Que li saches li poise aval.
Or oiez com li avint mal :
En mi sa voie a encontrée Une geline pielée, Qui pasturoit en la charriere ; A poi ne s'en retorne arrière, Por ce qu'il i entendoit sort.
A ses piez trueve .i. baston tort, A la geline lest aler, Et ele s'en prist à voler; En son langage le maudist:
Honte li viegne, et il si fist. Qui donc veïst le prestre aler.
Le chief bessier et esgarder, Tant qu'il entra enz ou hamel, Contre lui vient dame Ysabel, Qui moût li fet blondete chiere.
Puis apela sa chamberiere :
53o DE CONSTANT DU HAMEL l83
« Va tost cel seignor deschaucier,
Que je le vueil fere baingnier,
Et je me baingnerai après;
Si nous solacerons huimès,
Si m'cmbelira plus son estre.
— Par foi, dame, » ce dist le prestre,
« Je ne vou osai pas mentir. »
Lors li commence à descouvrir
Le sachet qui n'ert pas petit,
Et el le gete sus son lit,
Onques au conter n'i mist paine.
La dame, qui n'ert pas vilaine,
Le sot tant de ses diz lober
Qu'el le fist enz el baing entrer.
Puis prist la robe et les deniers,
Ainz n'i lessa nis les chauciers,
En sa chambre a trestout geté ;
Or sont cil mis à sauveté.
A Galestrot va conseillier :
« Va toi bien tost apareillier;
Si me fai venir le provost.
Di li que il m'aport bien tost
Ce que il m'ot en couvenant. »
Et celé i ala esraumant,
Qu'ele en fet voler les esclas.
S'ele puet tenir en ses las
Le provost, il li rendra conte :
De parler à lui n'a pas honte,
Ainz le salue hautement :
(( J'ai en vous, » dist el, « mal parent,
84 FABLIAU CVI 56o
Dant provost, por vostre richoise ; Mes j'ai vers vous fet que cortoise, Que, ne me vueil desnaturer, Qui me deiist .c. sous doner, Ne me fusse plus entremise Nuit et jor de vostre servise.
Tant ai ma dame coru seure Que ele est maintenant en l'eure De fere tout vostre plesir ; Mes hastez vous de tost venir, Et si ne devez pas lessier Ce que vous deïstes l'autrier.
Ma dame a moût d'argent à fere :
Ele est si franclie et debonere Que moût bien le vous savra rendre.
Mes ele a or mestier de prendre. »
Quant li provos ot et entent Que la chose est à son talent :
« Galestrot, » dist il, « douce amie, Je ne te doi oublier mie, Que tu m'as servi bien et bel :
Tien or .xx. sols à .1. mantel. »
Il li mist ou giron devant.
Et ele s'en torna atant.
Vers sa meson s^en va tout droit.
Li provos après li aloit, A l'uis est venuz, si apele :
« Lasse ! ci a maie novele, »
Fet la dame, «c'est mon seignor, — Dame, por Dieu le creator, »
590 DECONSTANT DU HAMEL l85
Dist le prestre, « que porrai faire ?
Voz maris est de si put aire, Qu'il m'avra ja tout esmié:
Il est vers moi forment irié.
— Sire, » dit el, « n'aiez paor :
Je vous métrai en tel destor, Où il ne vous savroit ouan ; En cel tonnel desoz cel van, Il n'i a riens que plume mole. »
Li prestres crut bien sa parole :
El tonnel saut de plain eslès; Si le refist couvrir après.
Estes vous le provost errant, La dame li fist biau samblant.
Il la vout maintenant besier :
« Sire, » dist el, « ce n'a mestier, Que savez vous qui nous esgarde ?
Honte m'i fet vers vous couarde ; Mes amors m'i fera hardie, Quant je serai de vous sesie.
— Dame, » fet il, « c'est vérité ; Mes je vous ai ci aporté Ne sai quans deniers que j'avoie. »
Atant li baille la corroie .
Qui moût estoit plaine' et farsie.
La dame n'en refusa mie, Ainz l'a en sa chambre portée.
Je ne vueil fere demorée N'aconter chascune parole.
Mes la dame par sa parole
Fabl. IV 24
l86 FABLIAU CVI 620
Li dist tant qu'il entra ou baing.
Or li est doublés son gaaing, Que sa robe a en sauf portée.
Puis a Galestrot apelée, En bas li prist à conseillier :
« Va moi querre le forestier; Di li au mieus com tu savras.
Se nous poons mètre ses dras O les autres, ce m'ert moût bel.
Di li que il m'aport l'anel Qu'il me vout l'autre jor doner. »
Qui donc veïst celé troter Par mi la rue au plus que puet, Or sachiez que venir estuet Le forestier, s'ele l'ataint.
Quant el le vit, pas ne se faint De bien portretier sa parole :
« Je sui, » dist el « musarde foie; Qu'ai je de cest vassal à fere?
Se il ne fust si debonere, Je n'alaisse por lui plain pas. »
Puis lui dit souavet en bas :
« Venez à ma dame parler; El ne tîna puis de pensser Qu'ele vous geta l'autrier puer.
Mes je l'ai pointe jusqu'au cuer, Sovent et menu" l'ai tastée, Tant que por vous est eschaufée; Vostre anel d'or li aportez:
El vous donra du suen assez. »
65o DE CONSTANT DU HAMEL 187
Le forestier de joie saut:
« E ! Galestrot, se Dieus me saut,
Bon le feïs, se je puis vivre,
Que je la tenisse à délivre
Ma dame qui tant par est simple :
Tien or .x. sous à une guimple. »
Celé les a pris come sage;
Et celui i lera tel gage
Qu'il ne ravra mes de semaine.
Tant a corut à longue alaine,
Qu'ele vint en meson bâtant,
La dame trova deschauçant,
Que moût le hastoit le provost.
Es vous -le forestier tantost,
A la porte vient, si apele :
« Lasse ! ci a froide novele, »
Fet la dame, « mon seignor vient. »
Li provos moût forment le crient,
Por ce qu'il l'avoit coroucié :
« Dame, vous m'avez engingnié, »
Fet il, « s'or n'en prenez conroi.
— Sire, ne soiezen effroi,'»
Fet la dame, « muciez vous ça.
Que mon seignor s'en ira ja. »
Atant le tonnel descouvri,
Et il i est joinz piez sailli,
A poi qu'il ne creva le prestre :
« Hé, las! » dist il, « ce que puet estre.
Or sont deable descendu. »
Quant li provos l'a entendu,
A poi qu'il n'est du senz mariz:
« Ha, laz! » dist il, com sui trahiz!
— Trahiz, por les angoisses Dé ?
Qui es tu, qui m'as afronté ?
— Mes tu, qui es ? — Je sui le prestre. Li deable te font ci estre.
Cil d'enfer qui pas ne sommeillent, Qui por la gent engingnier veillent; Hui furent il trop esveillié Qu'il m'ont trahi et engignié.
Et lu qui es, di le moi tost?
— Ba ! je sui le chetif provost.
— Le provost ! donques n'ai je mal. » Ainsi s'acontent parigal
L'un à l'autre lor aventure.
Le forestier ne s'asseûre,
Ainz entre en l'ostel bel et cointe.
La dame s'est près de lui jointe;
Tant le blandi et tant le lie,
Qu'ele fu de l'anel sesie.
Puis si le fist el baing entrer.
Anuiz seroit à raconter
Chascun dit et chascun afere,
Mes bien en sot la dame trere
L'anel, et ce qu'en pot avoir.
A son seignor a fet savoir
Qu'il viegne tost, qu'ele a besoing.
La charrue n'ert gueres loing;
Es le vous entré en la porte :
« Lasse, » dist ele, « or sui je morte,
